الجزء2:لعموم الفائدة اكتب موقف او تجربة مريت به؟

[أ/رضا عطيه]

المشاركة الأصلية كتبت بواسطة naglaa mahmoud

انا شايفه ان كل المواضيع كوميديا بس الحقيقه عندى موقف نكد شويه مش قادرة انساه
وانا فى ثانويه عامه كنت شاطرة اوى الحمد لله وكل مدرسينى كانو بيقولو طب او صيدله وانا فعلا كان نفسى ادخل صيدله او هندسه لانى بحب الرياضه جدا
المهم جه وقت الامتحان وعلشان كنت مذاكرة كويس اعصابى كانت هاديه جدا وعدت نص الامتحانات على خير وجه يوم الفيزياء وكنت ايه ممتازة فيها ودخلنا الامتحان وكان صعب جدا لكن الحمد لله كنت بشوف كله جانبى بيعيط وانا متماسكه
وطلعنا بره بنراجع وكان معايابنتين توائم منهارين من العياط ماماتهم بصتلى وقالت طبعا انتى خمسين من خمسين قولتلها لا يا طنط خمسه وجمسين يعنى بضحك والله مش اصدى اخمس فى وشها لانى كنت طيبة جدا
المهم الامتحان اللى بعده كان عندنا احصاء وديه طبعا كانت سهله جدا يعنىكله يجيب الدرجه النهائيه فيها لكن روحت المدرسه لقيت طنط واقفه مستنيانى وبتزعق فيا وتقولى انتى بتخمسى فى وشى انتى قليله الادب وعلشان انا كنت مؤدبه جدا مقدرتش ارد عليها واعدت اعيط لدرجة انىمكنتش شايفه الاسئلة ودموعى نزلت على ورقه الاجابه
ولما طلعت اكتشفت اخطاء هايفه جدا وده طبعا اثر عليا نفسيا جدا فى الامتحان اللى بعده خصوصا ان امتحاناتنا كانت ورا بعض يوم الجمعه والثلاثاء بس اللى اجازة
وجت النتيجه طبعا فى الفيزياء 48 لكن فى الاحصاء الهايفه 23 من 30 وبعدها الفرنساوى واللى كنت بحبه جدا مش فاكرة لكن نقصت فيه بردو اما فى المواد كلها اللى قبل الفيزياء كانت معظمها الدرجات النهائيه او اقل درجه او اتنين
وبدل ما اجيب 95% جبت 85% وطبعا لاحصلت صيدله ولا هندسه ودخلت تربيه وكل ده بسبب الست ديه ضيعت عليا مذاكرة السنه كلها
ودلوقتى بنسى الموقف ده لكن كلما احسست ان احلامى ضاعت وخصوصا انى كنت ذكيه جدا ومجتهدة افتكر اليوم ده ومش قادرة اسامحها مع اننى تخرجت وتزوجت وانجبت ثلاثة اطفال والحمد لله اعيش حياة سعيدة ولكنى لم اكن اخطط لها

لأنى أحب النكد شويه هعلق على كلام حضرتك

لاننكر الحسدوقد ذكر فى القرأن الكريم

ولكن نصف تحقيق الحسد لأكثر من هدفه

هو مايضعه الانسان فى نفسه من وهم يزيد من نتيجة الحسد

حمانا الله من كوارثه

وأدام الله عليكم السعادة والرضا والقناعة

وبارك الله فيكم جيعا