تقييمك لامتحان اللغه العربيه 2011

[nesma mohsen hamdy]

النحو كان رخم
والادب ارخم

[yazo300]

المشاركة الأصلية كتبت بواسطة nesma mohsen hamdy

النحو كان رخم
والادب ارخم

النحو كان كويس
بس الادب هوه اللى رخم

[Eng.Karamullah]

الإمتحان طويل جد ا

أنا حليت النحو فى آخر ربع ساعة ..

[moOon light]

الامتحان سهل ممتنع ....

[tahatata]

درجه الصعوبه بالنسبالى 6.5/10

[mohmoud al nagar 25]

هو الامتحان ماشى سهل بسبه الواحد ندم على انه تعب فى المذاكرة

بقولكم امتحان الكيمياء و الباقى يكون فيه اسئلة للطلاب المتميزين

[رب اغفر لى]

شكرااااااااااااااا

[اشراقه]

انا فى تالته ثانوى بس شوفت امتحانكم كله و اظن انه يتحل فى نص ساعة لانه قصير و سهل جدا

كان نفسى تشوفه اللى احنا شوفناه السنه اللى فاتت

بس قارنوا النحو بتاعكم و نحو السنه اللى فاتت او حتى الادب و انتو تحمدوا ربنا

و بالتوفيق للجميع

[omda noureldeen]

النحو رخم جداااااااااااااااااااااااااا

[محمد فتحي 1]

يا جماعة حد يقولي "مضاد "نشبت"

[doha94]

الامتحان كان طويل جدا ده انا مجرد محليت سؤال القصه لقيت المستر بيقول ناقص ساعه ونص ونلم الورق معرفش الوقت عدى بسرعه كده ازاى واتزنقت فى الاخر ولغبط فى حاجات كتير والمراقبين كانوا مستفزين كل شويه يقولوا ناقص كذا دقيقه لحد ما قرفونى ده انا كنت حاسه ان ايدى هتشل من كتر الكتابه
وكمان يعنى حرام انا اعرف بنت مكنتش بتذاكر طول السنه خالص وكانت مرعوبه والمراقب قالها الامتحان كلوا حتى الادب والنحو وهتعدى فى العربى ده بجد ظلم ونظام تعليمم فاشل

[الضوء الاسود]

مضاد نشبت خرجت وقيسها على على مضاد كلمة وسن اللى معناها النوم الخفيف هتقول مضادها اليقظه ولا النوم التقيل؟؟؟
دى بردوا زيها
نشبت معناها تعلقت او قيسها على اسمها مثلا الدخول الخفيف تقول مضادها الدخول التقيل اللى هيه النافذه يعنى ولا الخروج

طبعا التعليل دا مهرجل شوية بس دا كان تبريرى للى ييجى يكلمنى

وعلى فكره انا وانا قاعد فى اللجنه ما جاش فى بالى اصلا انها النافذه

الامتحان كان سهل بس الوقت سرق الواحد والتعبير كان فيه كلام كتيييييييييييييير وما لحقناش نراجع ومع سهولته ناس كتييييير غلطت


وعلى فكره سألنا مدرس عربى وقال خارجه


والرساله زى البرقيه لدرجه كبيره وجايه كده فى كتاب الرساله

[شمس الكون]

المشاركة الأصلية كتبت بواسطة الضوء الاسود

مضاد نشبت خرجت وقيسها على على مضاد كلمة وسن اللى معناها النوم الخفيف هتقول مضادها اليقظه ولا النوم التقيل؟؟؟
دى بردوا زيها
نشبت معناها تعلقت او قيسها على اسمها مثلا الدخول الخفيف تقول مضادها الدخول التقيل اللى هيه النافذه يعنى ولا الخروج

طبعا التعليل دا مهرجل شوية بس دا كان تبريرى للى ييجى يكلمنى

وعلى فكره انا وانا قاعد فى اللجنه ما جاش فى بالى اصلا انها النافذه

الامتحان كان سهل بس الوقت سرق الواحد والتعبير كان فيه كلام كتيييييييييييييير وما لحقناش نراجع ومع سهولته ناس كتييييير غلطت


وعلى فكره سألنا مدرس عربى وقال خارجه


والرساله زى البرقيه لدرجه كبيره وجايه كده فى كتاب الرساله

معاك وزنفس اللى حصل معايا والله ف كلمة خارجة وسؤال الادب بردو مش موضح هو عاوز ايه ف السمات ومجبش اى حاجة من الحاجات بتاع النحو اعمال اسم الفاعل والمفعول ومش ركز ع الفعل المجزوم وبردو الحمد لله

[Elgohary1a]

نصيحة منى بقى : تسقط المتوقعات من الان

[أحمد رمضان أحمد صر]

رأيي في الامتحان :-
1- التعبير مناسب والموضوعات في متناول الطالب العادي .
2- سؤالا القصة سهلان .
3- سؤالا القراءة سهلان .
4- سؤال الأدب أغفل المكتبة العربية تماما .
5- سؤالا النصوص ممتازان ويقيسان الفهم .
6- سؤال البلاغة أسهل الأسئلة .
7- أما سؤال النحو فعليه عدة مآخذ :-
*لم يستوعب معظم قواعد النحو المقررة مثل ( إعمال المشتقات وأسلوب التعجب وأسلوب التفضيل وأسلوب الإغراء وأسلوب المدح ونصب الفعل المضارع )
* جاء سؤالان عن اسم المكان أحدهما استخرج من القطعة والآخر هات اسم المكان من الفعل رمى .
مع تمنياتي للجميع بالتوفيق .