بشرى غير سارة الى معلمى الغربية حديثى التعيين خصم ال 200 جنيه سارى ولا قرار لضم المدة

[memmy]

الناس عندها لا مبالاة فظيعه ، كل واحد يقول احنا لسه ما اتخصمش مننا
والي اتخصم منهم سكتوا لما ضحكوا عليهم بقرار وقف الخصم
ولحد دلوقت انا مش شايقه محافظة تانيه بيحصل فيها المهازل دي ، يعني ايه 7 سنين يضيعوا
حددوا الخطوات واحنا معاكم ان شاء الله

[رهوفه]

المشاركة الأصلية كتبت بواسطة memmy

وبعدين يا جماعه ؟ طيب نتفق على يوم نروح للمحافظ تاني ، احنا كنا رايحين الاربعاء بس ظروف الجو طبعا منعت ذلك

لاء يا استاذ انا عن نفسى مش هخرج من بيتى تانى ولا هروح كفاية كدا ويلا نرفع شعار معلمى الغربية سلبية سلبية
bosyht9::bosyh t9::b osyht9::bosyht 9:

[miss_emy]

والله غعلا عندكوا حق سلبيه ولا مبالاه فعلا ومن زمان مش من دلوقتى

[OMAR10010077]

حسبنا الله ونعم الوكيل في الدفعة السوده الا ربنا كتب عليه الدوخه

[محمود 511]

بتخدوا كام علشان يتخصم منك 200 جنيه

[flower scent*]

يا جماعه انا شايفه ان الكل مل وتعب من المرواح للمحافظ ومش ناويين يروحوا تانى لاننا تعبنا من كتر انذار الناس بالخصم والتلاعب بيننا وانتم ولا سائلين ..فى المحافظه استهتروا بينا لقله عددنا وان مكنتوش هتيجوا يوم الاحد القادم احنا كمان هتكون اخر مرة لينا .. احنا كمان لينا بيوت ومصالح بقالنا اسبوعين مضيعينها .. معادنا الاحد القادم الساعه 12 واللى يجى قبل المعاد مصلحه علشان يثبت الناس االلى بتيجى وتروح قبل ما احنا نوصل واللى بيخرج متاخر من المدرسه بردو ييجى دى اخر فرصه لينا وبعدها اللى يحصل يحصل

[miss_emy]

يا رب اصلح لنا شاننا كله

[فارس القمه]

انا عن نفسى هزوغ حصتين من المدرسه واعوض ال 200 جنيه بدرس خاص بره تمنه 300 او 350 واشرب الشاى بالمره وابقه ارجع المدرسه على الحصه ال 11 ههههههههههههههههه وابقه انا كده وفرت على الحكومه ووفرت على نفسى البهدله والوقفه قدام المحافظه

[رهوفه]

المشاركة الأصلية كتبت بواسطة فارس القمه

انا عن نفسى هزوغ حصتين من المدرسه واعوض ال 200 جنيه بدرس خاص بره تمنه 300 او 350 واشرب الشاى بالمره وابقه ارجع المدرسه على الحصه ال 11 ههههههههههههههههه وابقه انا كده وفرت على الحكومه ووفرت على نفسى البهدله والوقفه قدام المحافظه

[flower scent*]

الاستاذ فارس وتفتكر كده ربنا هيباركلك انت حر فى الطريقه اللى تكسب بيها واحنا كمان احرار

[OMAR10010077]

الفرصة الاخير لضم المده يا جماعة التنظيم والادارة بيقول انتم ليس لكم الحق في ضم المده وعاوزين نجيب موافقة الوزير علي ضم المدة لازم من واقفة الكل يشارك فيه احنا مش اقل من الاداريين وقفوا كلهم لحد ما خدوا حقهم ويارب الكل يشارك قبل فوات الاوان ونقول يا ريت الا جري ما كان موعدنا يوم الاحد اما المحافظة الساعة 1 بعد الظهر والله في عون العبد ما دام العبد في عون اخيه

[رهوفه]

ياريت حضرتك ما تتعب نفسك اكتر من كدا شخصيات سلبية وتفكيرها محدود ولا حتى فى ثقة فى انفسهم انهم ممكن يحققوا هدفهم
احنا باذن الله هنستمر ,و حسبنا الله ونعم الوكيل فكل متخاذل ضعيف الارادة والشخصية

[miss_emy]

حسبنا الله ونعم الوكيل فى كل متخاذل

[ام طاطا وميزو]

و الله حاجه تقرف احنا نتعب نفسنا وندعى الناس وكل واحده تقولى عندى ظروف يعنى احنا ولادنا الى لاقينهم انا كنت معاكم السبت الى فات انا ومجموعه كبيرة انا مش عارفه اجمعهم تانى لانهم سلبين بس انا هاجى الاحد ان شاء الله
انا و 4 زمايلى احنا كنا هنيجى الاربع بس الجو ما كانش مساعدنا

[miss_emy]

دول لا حياه لمن تنادى ربنا معاكوا ويعيينكم