هل ترى أن هناك أمل فى إصلاح حال التعليم الأزهرى؟

[om gehad]

طبعا الامل موجود طالما مازلنا اصحاب عقول وقلوب تفهم وتعقل وغير مستسلمة للسلبية والواقع المرير الذي نعيشه في الازهر
والله المستعان علي ذلك

[hany mohmed]

اذ لم يكن هناك امل اذ لماذا اذا العمل اعمل بما يرضى ربك وضميرك تجد الله معك فى كل شى

[مسترh]

مفيش امل

حاليا

ولكن ؟

[Observer]

المشاركة الأصلية كتبت بواسطة مسترh

مفيش امل

حاليا

ولكن ؟

ولكن ايه؟
انا عايز اعرف ولكن ايه
يمكن دى اللى فيها الامل يا مستر اتش

[القعقاع22]

الطقم كله يتغير
ونبدا من الراس

[Observer]

المشاركة الأصلية كتبت بواسطة القعقاع22

الطقم كله يتغير
ونبدا من الراس

وايه لازمة تغيير الطقم والسيستم زى ما هو
تغير الطقم بس تبقى غيرت وش القفص واللى جوه لسه بايظ
عايز تغير انسف كله بديناميت وسطب نظام جديد ميكونش فيه فيروسات
نظام جديد بعقول جديدة ونظم ولوائح جديدة وادوات جديدة ومناهج وفكر جديد
عشان ميجوش الفلول بعد كدة يقلبوا الترابيزة
ويخلوك تكره اليوم اللى غيرت فيه الطقم من اساسه

ولنا فى ثورة يناير خير مثال

[Mr...Ahmed]

المشاركة الأصلية كتبت بواسطة mohamad fawzy

وايه لازمة تغيير الطقم والسيستم زى ما هو
تغير الطقم بس تبقى غيرت وش القفص واللى جوه لسه بايظ
عايز تغير انسف كله بديناميت وسطب نظام جديد ميكونش فيه فيروسات
نظام جديد بعقول جديدة ونظم ولوائح جديدة وادوات جديدة ومناهج وفكر جديد
عشان ميجوش الفلول بعد كدة يقلبوا الترابيزة
ويخلوك تكره اليوم اللى غيرت فيه الطقم من اساسه

ولنا فى ثورة يناير خير مثال

بالظبط كده واول اصبع ديناميت يتربط ف شيخ الازهر اللى ملوش اى تلاتين لازمة ولا بيفهم ف الادارة واخره يدير مفرخة وتحت منه السيد الشيخ الفاضل عبدالتواب قطب رئيس قطاع المعاهد الازهرية زى رئيسه بالظبط ولا له فيها وتحتهم بتوع المناطق اللى متعينين بالابتدائية تقريبا ومرتباتهم مبتقلش عن 1500 جنيه وهم ولا بيفهمو اى شىء ويتبعهم العمم الجميلة اللى اسمهم موجهين ويسيبوا الشغل بقى للمدرسين اللى بيفهمو زى ناس كتير موجودة ف المنتدى ده اهو ع الاقل انتو ناس فاهمة ازاى تشتغل صح

[أزهرى وأفتخر]

الامل موجود دايما
بس للاسف
الزمن مفقود
بمعنى مش عارفين امتى
وعلى ايد مين
بس للاسف كمان مره مش فى الوقت الحالى (( والله أعلى وأعلم ))

[Observer]

المشاركة الأصلية كتبت بواسطة hany mohmed

اذ لم يكن هناك امل اذ لماذا اذا العمل اعمل بما يرضى ربك وضميرك تجد الله معك فى كل شى

ونعم بالله

المشاركة الأصلية كتبت بواسطة أزهرى وأفتخر

الامل موجود دايما
بس للاسف
الزمن مفقود
بمعنى مش عارفين امتى
وعلى ايد مين
بس للاسف كمان مره مش فى الوقت الحالى (( والله أعلى وأعلم ))

يعنى فى الوقت الحالى مفيش امل

[mab4math]

عندما نتخلص من نطاعة شيوخ المعاهد
ومن روتين العاملين في المناطق الازهرية والادارات
إذن هناك بصيص أمل إن شاء الله.

[Observer]

المشاركة الأصلية كتبت بواسطة mab4math

عندما نتخلص من نطاعة شيوخ المعاهد
ومن روتين العاملين في المناطق الازهرية والادارات
إذن هناك بصيص أمل إن شاء الله.

انا على يقين تام ان لنا دورا (كمدرسين) فى اعادة تاهيل الازهر من جديد

[hala78]

طالما العقول التى تعمل على المنظومة عقيمة متحجرة مستكبرة ان تسمع وتقبل التطور
دول حتى اذا غلطوا لايعترفوا بالخطأ
اذا لم يفهموا يستكبروا ان يستوضحوا

[القيعي]

انا هقولك واقع مرير طول ما الازهر ادارته مركزية وطول ما هو تابع لنظام يبقى عمره ما هيتصلح وثانيا شيخ الازهر من ساعة ما وصل مش شايفه باصص للخريجين ولاده وسايب المدارس الخاصة يتامروا فينا ويقولولنا احمدوا ربنا دا انتوا خريجين ازهر ما صحيح عندهم حق اذ كان الازهر مش ناصفنا يبقوا هم اللي هينصفونا حسبي الله ونعم الوكيل في ادارة الازهر

[Observer]

المشاركة الأصلية كتبت بواسطة hala78

طالما العقول التى تعمل على المنظومة عقيمة متحجرة مستكبرة ان تسمع وتقبل التطور
دول حتى اذا غلطوا لايعترفوا بالخطأ
اذا لم يفهموا يستكبروا ان يستوضحوا

هل اضفى الدين قداسة على بعض المسئولين فى الازهر بحيث جعلهم لا يقبلون النقد او التعديل او المقترحات من منطلق العصمة او الافضلية؟ بمعنى اخر، هل اختلاط مفهوم الولاية والارشاد بمفاهيم الادارة عند كثير من قيادات الازهر هو السبب فيما آل اليه حال الازهر الان؟

المشاركة الأصلية كتبت بواسطة القيعي

انا هقولك واقع مرير طول ما الازهر ادارته مركزية وطول ما هو تابع لنظام يبقى عمره ما هيتصلح وثانيا شيخ الازهر من ساعة ما وصل مش شايفه باصص للخريجين ولاده وسايب المدارس الخاصة يتامروا فينا ويقولولنا احمدوا ربنا دا انتوا خريجين ازهر ما صحيح عندهم حق اذ كان الازهر مش ناصفنا يبقوا هم اللي هينصفونا حسبي الله ونعم الوكيل في ادارة الازهر

المركزية سبب من اهم اسباب تخلف الازهر ادرايا (هذا راى)
ولكن هل قيادات الدواوين فى المحافظات قادرة او مؤهلة او لديها الرؤية الكافية لاتخاذ قرار سليم؟