يوميات طالب فى جامعة ابو طاقية ( الزقازيق سابقا )

Shams El 7ob · #1 24-05-2008, 03:33 PM

اقتباس:

يا قسم ياللى الظروف
خلتنى فيك طالب
عايش فيك خروف
وبرده مش عاجب

رمانى عليك الهوى
ياقسم زى الهباب
مالك طبيب ولا دوا
ولا فسحة ولا العاب

واللى يقول ده الانجليزى
شغله ومجالاته كتير
لازم تعرف يا عزيزى
ان سيادته كداب كبير

يا بنى اجرى وابعد عن هنا
حتى لو مبتحبش هناك
ده اللى يجيبك عندنا
يبقى دلك ع الهلاك

ومشورته مشوره طين
لو تمشى بيها توكسك
دكاتره مش بنى آدمين
قربت منها ترفسك

قسم ماشى حلسه
ويلا كله ف الهجايس
لا فيه ريس ولا ريسه
حنطور وماشى مالهوش سايس

ده اللى ف الكافيتيريا مقيم
يجيب جيد ومرتفع
واللى يذاكر فيه بهيم
يطلع بمواد ما تترفع

دى اولى مشاركاتى معاكم
حبيت انقل لكم المعاناة اللى بيشوفوها طلبة قسم انجليزى اداب الزقازيق

دى اول حلقة من حلقات ملحمة قسم انجليزى
اللى ألفها بندق_2007 و حبيت انشرهالكم عشان تعرفوا التعليم الجامعى فى مصر

و مازالت الحلقات مستمرة ...............
وتحيا مصر شعبا و حكومة و رئيسا و عواطليا

بندق__2007 · #2 24-05-2008, 03:45 PM

اقتباس:

المشاركة الأصلية كتبت بواسطة Shams El 7ob

دى اولى مشاركاتى معاكم
حبيت انقل لكم المعاناة اللى بيشوفوها طلبة قسم انجليزى اداب الزقازيق

دى اول حلقة من حلقات ملحمة قسم انجليزى
اللى ألفها بندق_2007 و حبيت انشرهالكم عشان تعرفوا التعليم الجامعى فى مصر

و مازالت الحلقات مستمرة ...............
وتحيا مصر شعبا و حكومة و رئيسا و عواطليا

حلو اوى الموضوع يا شريكى

و كويس انك نزلت الملمحة
عشان انت عارف دى أمانة فى رقبتى

و مستنين بقى آراء الاعضاء

فيفا · #3 25-05-2008, 01:39 AM

هو انتو هتقولو لى على جامعة الزقازيق
دى اكتر جامعة بالكوسة انا اختى فى4حقوق الزقايق ومطلعين عنيها المادة اللى تكون مذكراها
كويس اوى تنزل فيها وسعات مش بتبقى مذاكرة كويس وتجيب تقدير
طب هقول لكو على حاجة مرة اختى سمعت مصصحة بتتكلم مع ولية امر طالب وبتقول لها
لو كان المشرف بتاع الكنترول لسه موجود كنت بدلت لك ورقه مع حد تانى لكن الجديد ده صعب اوى
ربنا معاكو ويطلعكو منها على خير
واستمروا فى الملحمة دى طلعو اللى جواكو عشان الاكتئاب

بندق__2007 · #4 25-05-2008, 06:26 AM

كنت ماشى يا ناس كويس
فى ترم اول فى سنة اولى
قولت انتظم و بلاش اهيس
و اطلع الاول دى الرجولة

هوب ذاكرت هوب امتحنت
و كنت فى الامتحان زى الاسود
قولت بس ... شغلى و عملت
و هلاقى جزاء من غير حدود

قالوا النتيجة قولت يا سلام
الليلة عيد وهنعيد
و خدت صدمة مش تمام
لما لاقيت تقديرى جيد

خدت break بالعربى استراحة
بس كانت طويلة حبتين
لعبت كورة و سمعت حاحا
لحد ما بقى امتحانى بعد يومين

فجأة لقيت امتحان رمضان
بس لا شهر ...... و لا كريم
ده دكتور تشوفه ....... غلباااان
و مادته مش فى الصميم

رزعنى امتحان أجارك الله
حاجة كدة بقى مالعالى
قولت لا يأس مع الحياة
و مفيش حد فينا مثالى

هوب امتحان ابويا عبد الحليم
أسئلة عايزة تتجاوب فى كشكول
منه لله الظالم البهيم
طلعنى من امتحانه مشلول

قالوا النتيجة ظهرت فى الكلية
حسيت انها مش فى السليم
و لما شوفتها اغمن عليا
لقيت عندى مادتين ضاض جيم

و إلى اللقاء فى الحلقة القادمة " سنة تانية عذاب "