|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
07-08-2012, 09:38 PM
|
||||
|
||||
اول يوووووووم جامعة.>>>........
بصراحة يا جماعة انا لقيت التوبيك دةى فى منتدى كدة بس بصراحة لما قريته فطست من الضحكو وقلت ربنا يستر علينا بصو مش حطول عليكو حسيبكو تقروه فيه
ول يوم في الجامعة..صاحي من قبل الفجر و اخذت الحتة اللي عالحبل و قاعد اكوي و اظبط اللبس و اجلجل شعري بقي و ايه .. بقيت حاجة انتيكه يعني .. المهم نزلت لقيت نفسي ناسي كشكول المحاضرات (مش علشان اكتب فيه ولا حاجة..لا انا باخده علشان اقعد عليه علشان البنطلون ميتوسخش) .. طلعت السلالم و قعدت ارن الجرس..ارن..ارن..محدش فتح...بابا...و اخبط الباب...ماما..و ارزع فيه....مافيش برده.... لقيت الحاجة ثنيه جارتنا طالعة من الباب بتقوللي "انت عايز حد هنا يابني؟؟" "صباح الخير يا حاجة ثنية عاملة ايه...ازي الصحة..." قالتلي "مافيش حد في البيت ده يابني...الناس اللي كانوا هنا عزلوا من 13 سنة.." "نعم ؟..عزلوا...عزلوا ايه بس يا حاجة...ده انا اصلا اللي ساكن هنا...!!..خشي نامي بس انت و استريحي " بصيت في الساعة..."يا نهار ابيض...ده انا كده حتأخر عالمحاضرات..باباااا...ماماااااا.."...لقيت بابا طالعلي بالجلابية و الشبشب و نازل في ضرب "هو يابن الايه ماينفعش تسيبنا مخمودين ساعتين علي بعض .. لازم تقرف اهلينا ياض " "معلشى يا بابا اصلي نسيت كشكول المحاضرات و المفاتيح و اكيد مش حاروح المحاضرات اقعد اتكلم و ماكتبش يعني ؟ (يا كذااااااب)...المهم دخلت جبت الكشكول و المفاتيح و الحاج دخل "اتخمد" من تاني... و نزلت جري بقي و فرحان...رايح اول يوم الجامعة بقي...و انا نازل عالسلم وقعت و اتشئلط و اتكسرت رجلي ..الجيران شالوني و ودوني المستشفي (و طبعا الحاج و الحاجة كل ده نايميين) و جبست رجلي .. "بقي يا عالم حد يروح الجامعة اول يوم رجله مكسوره .. ما علينا...قلت بقي علشان الواحد مايتبهدلش يركب تاكسي...مكانش معايا فلوس كتير...قلت يبقي اركب تاكسي قديم كده علشان السعر يكون خفيف...لقيت تاكسي "لادا" و السواق عنده من 80 او 90 و انت طالع..!! وحاسس انه هيموت قبل م يطلع اصلا قلتله جامعة ياسطي...قاللي ايه؟...قلتله جامعة؟...قاللي مين ؟...جامعة؟؟...بتقول ايه يابني مش سامعك...جاااااااامعة... "ااااه معلش يابني سامحني اصل سمعي علي قدي... قلت ياااااادى اليوم اللى مش فايت يا جدعان المهم ركبت و فضلت قاعد...ايه ياسطي انت ما بتمشيش ليه ؟...قاللي "مانا ماشي اهه يابني"...ببص بره لاقيتنا فعلا ماشيين...بس ايه السرعة ديه ... ده الراجل ماشي علي 6 كم / الساعة غالبا !!! "ياسطي سرع شوية خلينا نوصل .. قالي " ما انا سريع اهه .. انت عايزني اتهور ولا ايه " المهم سكت .. عارف المثل اللي بيقول "رضينا بالهم و الهم مارضيش بينا" هو ده اللي حصللي . فجأة سمعت " تودودودو بوم تاخ دوم تش تيننن " و العربية وقفت "معلش يابني العربية لازم تريح شوية" .. "تريح شوية ! ..يا عم انا نازل .. " رحت نازل...يا دوب نزلت من التاكسي و لقيت عربية بسرعة رهيبة و كان في بركة مياه "بيييب بيييييب...فوووو...تششش" يابن ال*** !! المياه ديه كلها طرطشت عليا و هدومي كلها اتبلت و انا رايح الجامعة .. طب انا دماغي جزمة و حاروح كده .. هه ... المهم فضلت واقف علي بال ما "انشف" شوية .. لقيت ميكروباص بينده "ووويش جامعة وووويش ع" ... جامعة ياسطي ؟ ..ااه تعالي يا برنس ... دخلت و ركبت في الكنبة اللي ورا و كالعادة نفس الخناقة بتاعة كل يوم "رايح فين يا كابتن .. ياسطي الكنية اللي ورا بتشييل تلاتة بس و انت عايز تركب واحد رابع ازاي يعني يعني اخده علي حجري ده ولا اية و بعدين في حريم هنا و ماينفعش نلزق فيهم كده و الدنيا حر و الشباك معصلج و ..." "يا باشموهاندز معلش بقي نساع بعضينا كده علشان كله عايز يوصل و السكة زحمة يعني لامؤ اخذة .. ( وصوته عامل زى اللى بالع ضفدعه اه وربنا .... ايه دكر بط بيتكلم ) " المهم ركبت و الناس سكتت ..و انا قاعد في امان الله لقيت الراجل اللي كان محموق اوي اني حاركب رابع ورا ده نام علي كتفي و الناحية التانية ست قاعدة تاكل لب و تتف علي بنطلوني "ايه يا جدعان .. بقي ينفع كده " "بووووووووووم " اايه ده...يووه خبطنا في العربية اللي قدامنا .. و السواق نزل خناق مع الراجل "ايه يا عم انت ما بتشوفش ولا ايييييه .. لا يابا ده انت الي وقفت فجاه .. يا عم انت عبيط اقف فجأه ليه طيب .. طب تعال بقي ....!! و بدأوا في الخناق ...و عينك ما تشووف الا النور ... نزلت من الميكروباص و حلفت ل اروحها مشي ... و فجاه خير اللهم جعله خير لقيت بامبراية (مفرد بامبرز) بتترمي من عربية و تلبس في وشي .. اموت و افهم بيرموا الحاجات ديه في الشارع ليه .. المهم ما علينا .. خلاص .. اهيه .. وصلت .. هي ديه الجامعة ..ايوه .. ياهوووو .. اخيرا بقي .. ياااااااه " ( ايه يا جدعاااان المزز دى هما جم هنا ازاى .... امال بره مفيييش ليه ) اهاا.... شوف الواد حاطط ايده ازاى ف ايد البنت ازاااااى .... مش عارف هيا ماشية معاك على ايه ... امشى كده وانت قصير ازعه . بسسسسسسسسسسسسسسسسسس نيووو نيوووو....... انت يا جميل انت يا قمر ... انتى بتشربى ايه ... طبعا هتقول انت مالك .... ايه ده ايه ده ... انتى بتكلمينى طب روحى كده وانتى شبه الحاجة ثنية ... المهم لقيتها بتشرب لبن جهينه .... قلتلها اموووت واعرف هيا البقرة بتجيب لبن اكتر ولا الجاموسة ....قالت اشمعنا ... قلتلها اكيد انتى جاااااموسة عشان تجيبى اللبن ده كله .... المهم لقيت العلبة ف ووووشى على طوووول ... ( هيا الجامعة مالها كده ... هما شالوا البنى ادمين وربوا جمااايس ولا ايه ) المهم وانا ماشى وصلت كده لمدرج كبيييير لقيت مكتوب عليه المهدى قلت هاااا بقى هوا ده المهدى اللى بيحكوا عنه .... ده انت طلعت مدرج ابن ناس صحيح دخلت المدرج .. ايه ده .. دول سنه رابعة و انا لسه اولي .. رحت افهم من شؤون الطلبة .."لو سمحتي انا محاضراتي انهارده اول يوم بس دخلت لقيت اللي جوه سنة رابعة مش اولي " ... "ااه.. ما هو الجدول اتغير" .. "اتغير ؟ ازاي ؟ ده الجدول لسة نازل اول امبارح" .. "ااه ما هو اتغير امبارح " يالهوووووووووووووووووووووووووووى ...."....." ..." رحت ضارب الراجل بالكشكول في وشة و نمت اليوم ده في القسم !
__________________
ودعاً وارجو ان ذكرتونى فاذكرونى بخير ,دعواتكم ........... افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/ 
|
|
#3
07-08-2012, 09:52 PM
|
||||
|
||||
|
اقتباس:
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#4
07-08-2012, 10:02 PM
|
||||
|
||||
|
هههههههههههه
تسلمي يا قمر بس ع حد علمي الطالب دا تجارة المنصورة ع مدرج المهدي دا
__________________
" كان بيختم القرآن في حر الشمس , شايل سلاحه بيحرس على الحدود .. مات وهو بيجهز فطاره بعد صيامه .. مات وكله عزيمة يسهر ليله يكمل حراسته " (( 
|
|
#5
07-08-2012, 10:02 PM
|
||||
|
||||
|
اقتباس:
و تركبى احدث تاكسى موجود و ياريت ينزلك جوه الجامعه عشان تتجنبى اى حوادث 
__________________
إذا لـم تقاتـل مـن اجـل مـا تريـده ، فـلا تبكـي اذا خسرتـه !! ! 
|
|
#6
07-08-2012, 10:22 PM
|
|||
|
|||
|
هههههههههههههه
وربنا ما بطلت ضحك حلوة اوى انا لو حصلى كدا اول يوم هموووووووووووت بس الحاجة ثنية دى سكرة خالص ههههههههههه
__________________
|
|
#7
07-08-2012, 10:50 PM
|
||||
|
||||
|
ههههههههههههه ربنا يستر علينا انا مش عاوزه اتريق علي حد دا انا غلبانه
نايس توبيك تسلم ايدك
__________________
 May be yeasterday wasn't good ..But I'm Optimistic "I Never lose hope"
|
|
#8
07-08-2012, 11:06 PM
|
||||
|
||||
|
اممممممممممممم
الواحد خايف ليحصل فيه زى الحصل هنا اصلى عارف نفسى  بس موضوع رائع يا مريم من عادتك مواضيعك رائعه
__________________
|
|
#10
08-08-2012, 01:59 AM
|
||||
|
||||
|
ربنا يخليكو الحلو ميتهادلوش غير الحلو ودى هديتى ليكو بنسبة اننا داخلين اولى جامعة
 اغلبنا يعنىوربنا يستر
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#11
08-08-2012, 02:11 AM
|
||||
|
||||
|
ههههههههههههههههههههههههه
فظييييييييييعه بجد
|
|
#12
08-08-2012, 02:11 AM
|
||||
|
||||
|
هههههههههههههههههههههههههههههههههههههههههههههه
جامده جدا جدا
__________________
<( If You Can Dream It ,, You Can Do It )>
|
|
#13
08-08-2012, 06:46 AM
|
||||
|
||||
|
معلش ياجماعة انا بتكلم فى حاجة غير اللى بتتكلموا فيه بس انا مش لاقية ناس موجوده وعايزة اعرف التحويل هيفتح امتى؟وبيقبلوا التحويلات على اساس ايه؟
|
|
#15
08-08-2012, 11:05 AM
|
||||
|
||||
|
ربنا يخلكيو على المرور الجميل دة وهى دى اجتماعيات طالب كلنا بنششارك بعض
فى دموعنا وضحكتنا بنسبة للبنت الى بتسال عن التويل الافضل تروحى الكلية نفسها او معاكى تلفيونها تسالى
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:19 PM.
