ههههههههه النهارة قبضت شهر مايو والزيادة بالكوم

[tareksmssms]

الزياده هنحس بيها زى الناس فى مرتب 7
اما شهر 5 , 6 هتكون الزيادة فقط فى حوافز عادية 25% وحافز الاداء حسب ماكل واحد بياخده
لكن فى شهر 7 كل انواع الحوافز هتزيد

والسبب طبعا ان حوافز الكادر ( بدل معلم ـ بدل اعتماد ومن ضمنها ال50% )بتعطى على اساسى 30/6 من العام السابق
كمان مننساش ان العلاوة الخاصة 2013 مكانها فاضى لن توضع الا فى شهر 7

[احمدالصبراوى]

37 حته واحده انا بحسدك انا زدت 14 جنيه بس يا بختك هههههههههههههههههههههههههه

[هدير تركى]

احمد ربنا انا معلم اول ا تعيين 1994 وزدت 19 جنية فقط

[moshira saleh]

السلام عليكم (هام و عاجل)
لو سمحتم يا جماعة انا عندي استفسار من فضلكم انا من القاهرة ادارة الوايلي النهاردة رجعتلنا كشوفات المرتبات لشهر 6 بعد ما تم عملها لان فيه نشرة من الادارة وصلت بتقول انه سوف يتم الغاء بدل الاعتماد اللي هو ال50 % من المرتبات هل فيه حد وصل عنده النشرة ديه برجاء الافادة مع العلم ال50 % ديه غير ال50% اللي خدناها من شهر 10 و علي فكرة احنا بردو صرفنا منها 4 شهور بس و بعد كده قالوا مفيش فلوس فهل فيه حد سمع بالكلام ده برجاء الرد للاهمية

[Mr M.Saber]

وسع من السكة ياجدع احنا بأه في اداري يوسف الصديق بالفيوم حصلنا علي حقنا كامل بفضل تعليمات السيد وزير التعليم وتعليمات السيد وكيل الوزارة واهتمام ورعاية السيد مدير الادارة فقد ارتفع مرتب شهر مايو بمعدل يفوق الخيال ، انها الزيادة ياسادة 11 جنية الله يخرب بيوتكم!!!!!!!

[محمودحميرة]

انا عن نفسى زدت 32 ج بحالهم ناوى افتح بيهم مشروع

[aboalzahraa]

حسبى الله ونعم الوكيل
حسبى الله ونعم الوكيل فى كل من يظلم مدرسا

[ابوالعينين]

الاخوة الافاضل كتبت هذا الموضوع من قبل لن يستفيد اى معلم من ال30فى المية سوى الربع اما الادارى فى التربية والتعليم بيضرب ال30فى المية فى 165 باقى العاملين فى مصر يضرب ال30فى المية فى 200
لو ال30فى المية مثلا100جنية لمجموعة من الموظفين المدرس=100فى الربع=25جنية
الادارى100=165جنية
باقى العاملين100=200جنية لان الجميع بيصرف على الاساسى الجديد غير المظلومين قصدى المعلمين بيصرفم على الاساسى القديم وسلم لى على النهضة وعلى الحرية والعدالة والعدالة الاجتماعية وعلى الثوره ياعالم لا ولن يكون هناك عدل فى دولة لاهم فيها للمسئولين سوى جمع الاموال وتوظيف ابنائهم وتركنا فى مهب الريح طبعا سوف نرى المغرضين يدخلونا فى كلام لاطائل من ورائه فهم لايشعرون بالناس واين حق الشباب فى الحياة وخيرات مصر حسبى الله ونعم الوكيل فى الظالمين الذين ينهبون خيرات البلد

[seeen]

هناك زيادة بالفعل لكنها ستكون فى قبض شهر سبعة اى على اول تمانية والزيادة دى حتكون كما يلى
فرق الاجور المتغيرة على ال200% ودى تقريبا بتكون حوالى 100 الى 150 تزيد او تقل شوية على حسب سنوات الخبرة للمعلم أول فما فوق + علاوة 10% من اساسى العام الحالى ودى تقريبا بتكوون فى حدود 40 الى 50 جنيه حسب سنوات الخبرة للمعلم اول فما فوق + علاوة دورية 5 جنيه يعنى متوسط الزيادة حيكون فى حدود 150 جنيه

طب منين بقى كانت الزيادة بعد اضافة ال30% حوالى 35 جنيه فقط ؟ دا فرق الاجور المتغيرة لحافز المحليات القديم ابو 25% + حافز الاثابة لاننا بناخد حوافزهم على اساسى العام الحالى اما بقية حوافز ال200% بناخدهم على اساسى العام الماضى

بخلاف الاداريين اللى بياخدوا كامل حوافزهم على اساسى العام الحالى وبالتالى انت ترى زيادة الاداريين اكتر منك لهذا السبب

[ابوالعينين]

حتى بعد الزيادة فى شهر 7 هيكون بردة الادارين وجميع العاملين بالدولة اكبر من مرتب المدرس والسبب ايها الافاضل الجميع بياخذ جميع البدلات على اساسى هذا العام اما نحن فعلى اساسى العام الماضى حتى لايتعشم احد فى الوهم ويحسبها غلط

[كريم حسن]

اليوم استلمت المرتب والزيادة 24 جنيه بعد خدمة 26 سنة وقبل الخصم كانت ال 30% 97 جنيه شفت المسخرة في الخصم والسرقة

[احمد القللى]

افهم ديه مش سياسة الاخوان وحكمهم حرام عليكم الحزب الوطنى منتشر فى كل مكان والكل يعلم ذلك جيدا

[shdod]

المشاركة الأصلية كتبت بواسطة احمد القللى

افهم ديه مش سياسة الاخوان وحكمهم حرام عليكم الحزب الوطنى منتشر فى كل مكان والكل يعلم ذلك جيدا

هل الحزب الوطنى هو الى بيحكم الان وهو سيد قرارة اعتقد لو مرسى اراد تصحيح الخطأ كان اصلحة ولا الحزب الوطنى ماسك ايدية بقرار من جملة القوانين والقرارات المشبوهة على سبيل المثال كان احتسب الكادر على اساسى نفس العام او على الاقل كان اوفى بوعدة بال 50% التانية ولا اية برضة الحزب الوطنى حسبى اللة ونعم الوكيل فى كل من يرى هذا الظلم بعينة ويرمى التبعية على الاخرين تعبنا كفاية حرام عليكم ارحمونا شوية من الكذب والافتراء

[ابوالعينين]

هذا هو السم الذى سوف يتجرعه كل المصريين فى هذا العهد والحجج الواهية هى هى الاخوان هيعملم اية صدعتم دمغنا قبل الانتخابات وبعد كدة يقولم ذنبهم اية هم لايحبون سوى من هم تبع الجماعة فقط اى الاخ فقط فهو اهم عنده من اخوه الذى ولدته امه

[ابوعمادمصطفى]

الاخ اللى مش عاجبه المرتب فى عهد الاخوان:
هل كلامك ده على اساس انك كنت بتقبض 10 الاف جنيه ايام مبارك؟
ولا انت عايز تشتم و خلاص؟