سؤال هام وعاجل

[استاذ احمد الكيميائى]

يجب ان نقف جميعا معا لمواجهة الوزير الذى تسربت امتحانات الثانوية على يديه

[زياد نبيل]

ماهى اخر اخبار الرابطه ومتى يتم اشهارها ؟

[الفرعون الضائع]

انا ارفض الامتحان لان هذا اهانة لنا كمعلمين واهانة ايضا الى النقابة التى ننتمى اليها
ارجو افاقة كل المعلمين الى ذلك وافاقة اعضاء النقابة

[محمد عبد العاطى عطيه]

ياريت كلمتنا تكون واحدة
ونطالب بحقوقنا
الرجاء التبليغ عن هذا الاضراب والمطالبة بالغاء الامتحانات( والله ده خيبة من الحكومة والوزارة)
قال ايه .. بعد م شاب ودوه الكتاب

[محمد عبد العاطى عطيه]

ياأساتذة لازم نهم شوية بالموضوع ده
أصل فية ناس محترمين !!!!!! تبع الحزب هيدخلوا الامتحانات

[bark hayen]

ياترى من الزى سيضع امتحان كادر المعلمين هل هم الساده المستشارين واضعى امتحانات التانوية العامة لهذا العام وتسببوا فى انتحار الطلبة وبذلك يرودون انتحار المدرسين والتخلص منهم وبذلك ضربوا عضفورين بحجر واحد التخلص من المعلمين والتخلص من فلوس الكادر لله الامر من قبل ومن بعد

[SAM SON]

يا بارك هاييين هما شافوا الزيادة السكانية كبيرة قالوا نحد منها

[egyption]

كرامة المعلم فوق كل اعتبار

[مستر ايمن]

لازم وقفه كبيره ومدرسين الازهر مش احسن مننا لما وقفوا واخدوا حقهم من الكادر
انا عن نفسي مش داخل الامتحانات

[ابومتولى]

والله مهزلة بكل المقاييس ان يتم اختبار ناس لها باع طويل فى العملية التعليمية اللى هى اساسا خربانة لوحديها ومازالت فى النازل طول مافى ايدى بتعبث وتخرب لتنال من هذا الوطن ورجاله
نتمنى ان يتراجع جهابذة التعليم ويحترموا معلمى الاجيال ويضعوهم فى المكان المناسب حتى نستطيع ان نعطى ونعمل بنفس وبدون ضغوط نفسية

لالدخول الامتحان

[samybassam]

أنا مستعد أمضي قدام شهود إن المدرسين هايدخلوا الامتحان لأننا بنفكر بغريزة القطيع ومش هايعملوا مقاطعة أبداً والأيام هاتثبت لكم ذلك وماتنسوش - إن العصيان المدني شيء خطير في الظروف دي ولا أنصح به أبداً وبعدين الاستاذ اللي هايسقط مايصحش يبقى استاذ طالما أخر نظيره نجح في نفس الامتحان وفي نفس الظروف - ومعنى رسوب المعلم هو أن هذا المعلم جاهل ولا يجب أن يعمل في مجال التعليم لأنه ببساطة جاهل فكيف ينقل العلم وهو لا يعلمه.وعلى فكرة عندنا ميزة كبيرة جداً وهي أننا نتحث كثيراً جداً ولا نفعل شيئاً على الإطلاق - صح ؟ الأن خذ خطوة أيجابية ، ابدأ في دراسة النحو العربي وهناك مرجع جميل يوزع لجميع طلاب المرحلة الثانوية اسمه ( القواعد الأساسية في النحو والصرف ) - هات هذا الكتاب وادرسه جيداً واسأل مدرس اللغة العربية في مدرستك إذا وجدت شيئاً استعصى على تفكيرك . ثم اخل على مادة التخصص وادرس مادتك جيداً واقرأ عنها وتعمق في مفاهيمها.وبالنسبة للتربوي فهناك الكثير من الموضوعات على هذه البوابة ، كن أيجابيا وابدأ مجتمع التعلم .
ثم تعال نتناقش ، لماذا تقبل الدخول الى الامتحانات عند التقدم للعمل في الدول العربية ؟ السعودية عندها نفس النظام وجميع النماذج الموجودة في هذا الموقع مستقاة من امتحانات السعودية للمدرسين والقيادات التربوية هناك.
خد الموضوع جد وربنا يستر .
سامي - الفيوم

[مدرس؟؟]

خلينا صرحا شويا مع نفسنا مدرسيين مين دول الى هيعملوا اضراب ومش هيروحوا يمتحنوا ياجماعه المدرسيين فى مصر اقصد بالمدرسيين الشرفاء الغلابه لو شفتوهم فى امتحانات الثانويه العامه وهما بيجروا ورا بعض عشان يلحقوا القطار الى مروح بلدهم تقولوا الناس دول غلابه لو شفتم المدرسيين وهما بينطوا من رصيف لرصيف تانى قبل ما القطر يفوت منهم عشان عاملين اشتراك قطر لمده شهر هى فتره امتحانات الثانويه العامه ولو القطر فات هيقعد على الرصيف ساعتين ينتظر الى بعده عشان مفيش فى جيبه تمن التذكره هتقولوا الناس دى هتروح تمتحن بكره لانهم فى عرض جنيه واحد لاولادهم صدقونى عناصر كتيره جدا من المدرسيين عندهم امل حتى فى عشره فى المائه ومش هيفتحوا فاه نفسى اعمل حاجه نفسى صوتى يوصل للوزير واقوله انت عاوز مننا ايه انت عايش فى تكييف واحنا بنجرى على الارصفه عشان اليوم ب 7 % والله بتوع الوحدات المحليه حضروا انتخابت مجلس الشعب الاخيره وكل واحد قبض فورا 350 جنيه فى يوم واحد واحنا بنراقب شهر كامل مع الضغط النفسى والقلق من كل غلطه داخل اللجان وخارجها عارفين واقف اليوم بكام 9 جنيه يبلاش انا معاكم ابدوا نوصل صوتنا للكل

[medoouoon2008]

مش كادر أقول غير منهم لله ولاد ...... و سلملي ع الكادر ......... و يجعله عامر

[medoouoon2008]

يا جماعة الحل الوحيد للخروج من هذا الوهم مقاطعة كل ما يتعلق باجراءات الكادر و الغلطة الوحيدة الى وقعنا فيها كلنا إننا جرينا نملى استمارات الكادر على موقع الوزارة كان لازم ناخد موقف و منعبرش كل هذا الهراء ساعتها الحكومة تعرف إنها ضيعت وقت على الفاضى
دا رأى المتواضع

[amina_elmassery]

انا معاكم فى المقاطعه والمظاهره لكن اتمنى ان تكون قبل العلام الدراسى حتى لا تتعطل الدراسه ويكون الضحيه هى الطلبه