حياتى مع 3ث .. يمكن تستفيدوا ^.^

[Norhan Mostafa]

المشاركة الأصلية كتبت بواسطة ahmedtarea

موضوع جميل ربنا معانا في النتيجه ويسترها
ملاحظة ي اخوانا
العربي بيتذاكر كل يوم او ع الاقل خالص 5 ايام في الاسبوع
ربنا معاكم وادعولنا

تقريبا حضرتك العربي في السنين السابقه بذكره يوم ف الاسبوع
بمل بسرعة ف العربي بإلزات القصه بذاكرها بصعوبه😕

[ران نيتشان]

جزاك الله كل خير يا دكتور ...شكله حلو *_*

[ران نيتشان]

*الفزياء /
كما يطلق ع بعبع الثانوية العامه.،التعقيد ال بيوصل للطالب لما يسمع اسمها....الحمد لله ما اكتشفتش ده الا ف اخر السنة ولقيتهم بيقولوا كده ع كده كنت بعشقها بغض النظر ع الامتحان والاخطا ال لا تغتفر فيه..بس الحمد لله عدت ع خير.
*اولا:النظري /محدش يسيبه للآخر ارجوكم يتذاكر اول باول وكذا مره ،خصوصا الفزيا الحديثه نظرها كتير.
_للاسف ما استلمنا كتاب المدرسه لاهو ولا الجيو..بس نزلناه م النت ..فبردو يكون معكم.
ثانيا المسائل/اكيد الافكار ملهاش حد..بس دي متعه خاصه اصلا..ما تياسوش لما مش تعرفوا تحلوا وتقولوا اهي ضاعت وهسقط والكلام الهبل ده..محدش داخل بيعرف يحل فزيا او غيرها الموضوع بس:ان ف ناس عقلها محتاج يتمرن اكتر ويحل مسائل اكتر وهو يشتغل،وناس ربنا من عليها بدماغ رياضية.

[ران نيتشان]

_مش عارفه هيكون عندكم كيرشوف ولا اي؟والكهربية عموما ..هتسمعوا كلام عنها /وحشه مش بتتحل صعبه..وغيره م الكلام ال يرجع الواحد 100 سنة ورا.
بس والله هتلاقو الموضوع بسيط ..افهموا كل حاجه ماشية ازاي وما تعدوش حاجه الا وفاهمين جات منين.
والدروس ال تاخدوها تحلوا ع كتير،طبعا معكم اقلام التحديد او حتي تكتبوا جمب المساله/ممتازه/حلوة /مهمه...الخ. ع ترجعوا للمهم .
*الكتب/كان معايا كتاب الامتحان شرح وصورت الامتحانات بس..بالاضافه للمسائل ف مذكرات المستر ال مش بتنتهي.
*ف جروب اسمه فكره ف الفزيا جميل وبينزل افكار كويسه
*لما تخلصوا ال معكم دوروا ع افكار تانية وامتحانات ،مذكرات م النت.
*لو تقدروا تحلو المسائل ف كراسه خاصه يبقي كويس جدا.
*النظري تقدروا تحلون ف الكتاب ع ما يكون ابيض وتحسوا انكم بتخلصوا حاجه.
*التجارب برسوماتها /الرسومات المنفرده والبيانات ..تتحفظ كويس ومحدش يسيبها للأخر اول باول ربنا يكرمكم

[ران نيتشان]

الكيميا/
تقريبا دي اسهل ماده ف مذاكرتها .
لو بصينا ع اجزاء ال ممكن صعبه ع بعض فيها/
_المعادلات: كل ماعليكم انكم تراجعوها باستمرار/المعادله ال وزنها رخم،احفظوها بوزنها.
النظري بتاعها كنت بحفظه من مذكره وبردوا كان معي كتاب المدرسه.
_مسائلها /اسهل حاجه فيها وغالبا ف كتاب المدرسه.
_التجارب،الرسومات /تتحفظ اول باول.
*العضوية*دي احلي حاجه فيها لان كل معادلاتها مربوطه ببعضها ،اكيد بتتنسي..بس ورقه وقلم وكرروا معادلاتها مع فهمها هتلاقوها احلي حاجه ف 3.
لو هتتخصصوا حتي ساعه للمعادلات بس يوميا وخصوصا الصبح يبقي كويس.
*الكتب/كان معايا كتاب الامتحان والدليل القديم وجبت الوافي ف الاخر.

[ران نيتشان]

الفرنساوي /دي ال كانت علي.
_بصراحه الماده دي كنت بذاكرها ف اوقات المواصلات.
بما ان دروسي خارج بلدي.
*اصلا هي عباره عن اختر ومش بنحط التاتش الا ف اكمل والموضوع والجرامر.
*تعتبر زي الا نجلش ،حفظ كلمات اليسون كويس ب ان واين *خلو بالكم منها.*
الجرامر:تدونوا ورا المسيه/او مثلا جانيال او اي ملخص بيجمعها فسهله.
الوثائق /حلو منها كتير .
الكتب ال كانت معايا/جنيال و برافو .
دي ماده سهله جدا اصلا ...احفظو كلمات كويس ع المواضيع او احفظوا مواضيع وابقوا خدو منها جمل وقت الحاجه.

[ران نيتشان]

كده المواد خلصت /الاضافات التانية باذن الله هكملها من الجمعه .
*ملحوظه هامه/الموضوع متاح لاي شخص حابب يفيد غيره ف 3 ..يعن مش حكر ع حد معين.

[Norhan Mostafa]

ييوه بقي بردو الالماني محدش واخده يلا مش مهم

[رفيقة الامل]

ربنا معاكم يا شباب وربنا يوفقكم
ادعولنا بقى ربنا يستر ف النتيجة وانتوا ربنا يوفقكم ف سنتكم دى
والواحد مش مصدق انه خلاص خلصت السنة وهتعدى ومش هتحسوا بيها
طبيعى دلوقتى انكم داخلين خااايقين ومتوترين وخصوصا بعد اللى شوفتوه حصل فينا بس ربنا رحيم وانتوا اكيد مشتتين مش عارفين تبداوا السنة دى ازاى بس ابداوها بعبادة ربنا والصحبة الكويسة ثم الصحبة ثم الصحبة بصوا انا مش بعرف اقول انتى شوفوا عايزين نصيحة ف ايه واكتبوا سؤالكم وانا هنرد عليكم
ربنا يوفقنا جميعا والبنات اللى عايزة حاجة تبعتلى مسج او تقولى ع اسم الاكونت ع الفيس وتكلمنى ي بنات وابقوا عطلوا الفيس ع عيد الضحية شوية

[Norhan Mostafa]

المشاركة الأصلية كتبت بواسطة رفيقة الامل

ربنا معاكم يا شباب وربنا يوفقكم
ادعولنا بقى ربنا يستر ف النتيجة وانتوا ربنا يوفقكم ف سنتكم دى
والواحد مش مصدق انه خلاص خلصت السنة وهتعدى ومش هتحسوا بيها
طبيعى دلوقتى انكم داخلين خااايقين ومتوترين وخصوصا بعد اللى شوفتوه حصل فينا بس ربنا رحيم وانتوا اكيد مشتتين مش عارفين تبداوا السنة دى ازاى بس ابداوها بعبادة ربنا والصحبة الكويسة ثم الصحبة ثم الصحبة بصوا انا مش بعرف اقول انتى شوفوا عايزين نصيحة ف ايه واكتبوا سؤالكم وانا هنرد عليكم
ربنا يوفقنا جميعا والبنات اللى عايزة حاجة تبعتلى مسج او تقولى ع اسم الاكونت ع الفيس وتكلمنى ي بنات وابقوا عطلوا الفيس ع عيد الضحية شوية

وحشتيني ثم وحشتيني ثم وحشتيني يا صديقتي
احنا اه قلقانين من السنادي من الي حصلكم فيها وربنا المنتقم ان شاء الله
ببس الي مطنا ااننا واثقين فيكوا وانكوا فعلا تقدروا وسط الظروف الي حصلت دي
واحنا هنقلدكوا بقي عشان نبقي زيكوا بقي

[اية عبد اللطيف]

المشاركة الأصلية كتبت بواسطة رفيقة الامل

ربنا معاكم يا شباب وربنا يوفقكم
ادعولنا بقى ربنا يستر ف النتيجة وانتوا ربنا يوفقكم ف سنتكم دى
والواحد مش مصدق انه خلاص خلصت السنة وهتعدى ومش هتحسوا بيها
طبيعى دلوقتى انكم داخلين خااايقين ومتوترين وخصوصا بعد اللى شوفتوه حصل فينا بس ربنا رحيم وانتوا اكيد مشتتين مش عارفين تبداوا السنة دى ازاى بس ابداوها بعبادة ربنا والصحبة الكويسة ثم الصحبة ثم الصحبة بصوا انا مش بعرف اقول انتى شوفوا عايزين نصيحة ف ايه واكتبوا سؤالكم وانا هنرد عليكم
ربنا يوفقنا جميعا والبنات اللى عايزة حاجة تبعتلى مسج او تقولى ع اسم الاكونت ع الفيس وتكلمنى ي بنات وابقوا عطلوا الفيس ع عيد الضحية شوية

ربنا معاكم فى النتيجة
ويارب نتعلم منكم شويه ونبدا جد من اولها
ونكون مستعدين نفسيا لاى تاجيلات تقابلنا ربنا معنا

[محمد محمود بدر]

جزيل الشكر والتقدير لحضرتك

موضوع متميز كالعادة

تسجيل متابعة

جزاكم الله خيرا وبارك الله فيكم

[rama hassan]

يارب يوفقكم

[Abdelrahman M M]

# نصيحة

فيه بعض المواد تقدروا تتابعوها على النت وممكن تفيدكم أكثر من الدروس كمان الى هتروحوها مثل :

الفيزياء : الأستاز محمد عبد المعبود
الكيمياء : أستاز إيهاب سعيد ( عضوية ) آخر باب فى الكيمياء ويعتبر نصف المنهج كمان
أحياء : أستاز حسن محرم ( وخصوصا فصل المناعه )
عربى : طبعا الأستاز أسامه عز الدين

بجد المدرسين دوله هيساعدوكم جدا وممكن يغنوكم عن الدروس كمان

[Norhan Mostafa]

انا تابعت الأستاذ اسامه عربي
امااستاذ محمد عبد المعبود أعتقد انا كنت بأحد درس عنده ع النت