حكم لبس البنطلون

[* dr.sara*]

مظنش انى مع مختلفة معاك يا اخ مجاهد انا قولت انه حرام الا اذا لبسنا حاجة طويلة عليه يعنى مش تيجى واحدة تلبس بلوزة قصيرة وتحتها بنطلون حتى لو واسع وتقول حلال لا طبعا حرام واظن انا والاخ مجاهد وضحنالكوا امتى يكون حلال وكفاية جدال بالباطل بقى عشان متخدوش ذنب على كده
يلا احبتى فى الله اتمنى ان كل اللى فى المنتدى يبطلوا البناطيل خالص شوية تضحية منكم عشان الجنة مش بيدخلها اى حد يا جماعة يلا هنشوف كام واحدة بطلت وكام بعد اللى قولناه

[gumana]

احترم وجهه نظر ساره والمجاهد وكل واحد حر في رايه

واحب اقول للمجاهد ان انا في كليه طب واني عمري ما سمعت ان للبنطلون اضرار ع البنت ويا ريت تقولي اسم كتاب علمي قال كده علشان استفيد

وده اخر كلام حاكتبه في الموضوع ده لان يبدو ان كل واحد مقتنع بوجهه نظره

[* dr.sara*]

اقوال الاطباء :

يقول الاطباء ان اللباس الضيق :

_ تعذيب لحرية الجسد

_ وضرر صحي للنسج والخلايا والاجهزه الجسمية وخاصة الجهاز التناسلي وجهاز

الدوران والحركة

_ وقد ادى عند كثير من النساء الى العقم او الولادة الغير طبيعيه التي تستلزم اجراء

عملية قيصرية او تمزق عنق الرحم
ده من موقع طبى يا اخت جومانا ولو عايزة الموقع كمان اجيبهولك يا ريت بكرر كفاية جدال بالباطل يا اختى توبى لربنا وربنا غفور رحيم عشان صدقينى الجدال بالطريقة بتاعتك دى غلط وهتاخدى عليه ذنوب ربنا يهدينا جميعا الى الصراط المستقيم

[gumana]

يا ساره بكررها تاني انا مش بلبس بنطلون ضيق ابدا

وانا اتاخرت في الرد عليكي لان انا سالت عمي وهو دكتور نساء وتوليد

وقالي ان الكلام ده مش صح ابدا طول ما انتي لابسه بنطلون واسع وبكررها تاني (واسع)

ويا ريت برده تبعتيلي اسم الموقع علشان استفيد

[dr.saeed]

يبقي نهتم بالظواهر بعد كده

على فكرة يا اختى فى الله
دة مش موضوع وجهات نظر
اولا حضرتك بتقولى اية صريحة تحرم البنطلون
لو اتكلمنا على القران يبقى حضرتك ممكن تشوفى ايات الحجاب وطبعا اقل حاجة مذكورة هى (الخمار)
فهل حضرتك رأيتى من قبل من يلبس بنطلون مع خمار؟
ثانيا
مافيش حاجةاسمها نحسن الى جوه الاول وبعد كدة المظهر
اى حاجة بنعملها بنتحاسب عليها
سواء كانت داخلية فى مظهرية
ومصادر التشريع
القران
ثم السنة
ثم العلماء
ثم القياس
يعنى لو قلت لواحد هاتلى كلمة سجاير فى القران يبقى انا كدة مش بعمل غير انى اعجزه فقط لا غير
يعنى هل لما حضرتك تكونى لابسة بنطلون وبتقعدى مش بيكون ضيق وحضرتك قاعدة بيه؟
ثالثا
الكلام فى الدين يكون بدليل
يعنى مفروض مش لما نيجى نتكلم فى موضوع معين زى البنطالون نقوم نقول لو الجيبة ملفتة
الجيبة الملفتة بردة حكمها معروف
يعنى مش كلامنا على الجيبة ولا البنطلون
كلامنا على شروط الزى الاسلامى
اخر حاجة احب اقولها
لما نتكلم فى امر من امور الدين
مش نقول مرة واحدة خلاص دة اخر كلام ليا
لو كان انا او غيرى معاه دليل ورأى صحيح
اكيد هاعرف اثبته
مش هاقول خلاص يا جماعة كل واحد وجهة نظر
لان دى اصلا مش وجهة نظر
دة كلام علماء
واليكم بعض الفتاوى فى هذا الامر

[dr.saeed]

السؤال:
هل يجوز للنساء أن يلبسن البنطلون ؟ وإذا كان الجواب لا فلماذا ؟.

الجواب:
الحمد لله
الواجب على المسلمة أن تلبس من الثياب ما يستر بدنها ، ويستر عورتها وذلك بلبس ما لا يصف البشرة كالشفاف ولا يصف حجم العورة كالضيق . والبنطلون هو مما يصف جسم وعورة المرأة فلهذا لا يجوز للمرأة أن تلبس البنطلون إلا وعليه قميص فضفاض أي واسع لأن من أهداف الإسلام الحفاظ على العورات والبعد عن كشفها لأن التهاون في ذلك من وسائل الوقوع فيما حرم الله من الزنا أو دواعيه . فالواجب على المسلمة أن تلتزم بآداب الإسلام في لباسها وفي حركاتها ، وفي كلامها ، قال تعالى : ( يا أيها النبي قل لأزواجك وبناتك ونساء المؤمنين يدنين عليهن من جلابيبهن ) ، وقال تعالى : ( وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها ... الآية إلى قوله تعالى .. ولا يضربن بأرجلهن ليعلم ما يخفين من زينتهن وتوبوا إلى الله جميعا أيها المؤمنون لعلكم تفلحون ) . والله أعلم

كتبه
فضيلة الشيخ
عبدالرحمن بن ناصر البراك

وايضا فتوى صوتية

http://3llamteen.com/index.php?optio...=231&Itemid=47

السؤال:
إذا كان البنطلون فوقه قميص طويل يصل إلى تحت الركبة فهل يجوز لبسه؟ فعلى سبيل المثال إذا ذهبنا للمسيلة المائية "المسيلة مثل أحواض السباحة ولكن بها ألعاب" فهناك يبيعون ملابس مثل الفستان الطويل، ولكن يجب لبس بنطلون تحته حتى لا تظهر الرجل فهل يجوز ذلك ؟ علماً أني لا أذهب إليها إلا إذا كانت المسيلة محجوزة من قبل جمعية الإصلاح أو الأوقاف.


المفتي: حامد بن عبد الله العلي
الإجابة:

الواجب على المرأة أن تتمثل في حجابها، قوله تعالى: {يأَيُّهَا النَّبِيُّ قُل لأَزْوَاجِكَ وَبَنَاتِكَ وَنِسَآءِ الْمُؤْمِنِينَ يُدْنِينَ عَلَيْهِنَّ مِن جَلاَبِيبِهِنَّ ذلِكَ أَدْنَى أَن يُعْرَفْنَ فَلاَ يُؤْذَيْنَ وَكَانَ اللَّهُ غَفُوراً رَّحِيماً} [الأحزاب:59] ومعنى الآية أمر الله تعالى المؤمنات أن يجعلن على ثيابهن الملاءة، أو الملحفة التي تغطي كل الجسد من فوق الثياب.
قال الإمام القرطبي المفسر رحمه الله: الْجَلابِيب جَمْع جِلْبَاب، وَالصَّحِيح أَنَّهُ الثَّوْب الَّذِي يَسْتُر جَمِيع الْبَدَن. وَفِي صَحِيح مُسْلِم عَنْ أُمّ عَطِيَّة: قُلْت: يَا رَسُول اللَّه. إِحْدَانَا لا يَكُون لَهَا جِلْبَاب؟ قَالَ: "لِتُلْبِسْهَا أُخْتهَا مِنْ جِلْبَابهَا".
قال في القاموس: الجلباب ما تغطي به ثيابها من فوق كالملحفة .
وقد دل الحديث الذي رواه مسلم أن المرأة لا يحل لها أن تخرج من بيتها بلا جلباب. ‏وعن ‏ ‏عائشة ‏ ‏رضي الله عنها ‏ ‏أنها قالت: "إن كان رسول الله ‏ ‏صلى الله عليه وسلم ‏ ‏ليصلي بالنساء ‏متلفعات ‏بمروطهن ‏‏ما يعرفن من‏ ‏الغلس" رواه أبو داود وقال الخطابي: والمروط: أكسية. وبهذا يعلم أن المرأة يجب عليها أن تلبس الجلباب فوق الثياب عند الخروج من بيتها، ولا يجوز لها لبس البنطلون خارج بيتها، فهي تأثم بذلك، هذا إن كان واسعاً، أما إن كان ضيقاً فهو أشد إثماً، لأنه يصف جسدها، ويبدي مفاتنها، فيكون عليها إثم مضاعف، إثم مخالفة أمر الله تعالى بلبس الجلباب، وإثم ما يجلبه لباسها الضيق من افتتان الرجال بها، ونظرهم إليها، فهي شريكة في الإثم مع كل من ينظر إليها بشهوة، لأنها دعته إلى زنى النظر بلباسها الفاتن، ومن دعا إلى ضلالة فعليه وزرها، ووزر من عمل بها إلى يوم القيامة، كما صح في الحديث والله أعلم.

والله أعلم
فى امان الله

[* dr.sara*]

جزاك الله خيرا يا دكتور سعيد على ما قدمته ويا رب كل اللى بتلبس بنطلون تبطل فور قراءتها للموضوع ربنا يهدينا جميعا الى الصراطالمستقيم
ربنا توفنا مسلمين والحقنا بالصالحين

[* dr.sara*]

جزاكى الله خيرا يا دكتورة نبض على مشاركتك و يا رب يا سارة ويا جومانا وكل اللى جادلوا محدش يجادل تانى لان الجدال بالطريقة دى وزر كبير انتوا بتجادلوا بلا علم
اظن انى نقلتلكوا فتوى فى اول الموضوع ودكتور سعيد جاب 3 فتاوى ده غير الاحاديث والايات يبقى ما عليكم ان تقولوا الا سمعنا واطعنا

[gumana]

احب اوضح حاجه انا لما سالت ساره عن ايه في القراءن مكنتش قصدي اعجزها ولا حاجه بس انا بجد كنت عايزه اعرف

[gumana]

واعتقد انه مش عيب اني اسال واستفاد

وطالما انتوا عايزين تقنعوا حد بوجهه معينه يبقي لازم تتقبلوا اسئلته بسعه صدر وتردوا عليها مش تهاجموه

[فراق]

المشاركة الأصلية كتبت بواسطة gumana

واعتقد انه مش عيب اني اسال واستفاد

وطالما انتوا عايزين تقنعوا حد بوجهه معينه يبقي لازم تتقبلوا اسئلته بسعه صدر وتردوا عليها مش تهاجموه

اختى جومانا والله ما قصدنا ابدا نهاجم لكن اقصد اقولك ان فيه حاجات غير القرآن بناخد التشريع منها يعنى احنا خدنا حكم البنطلون م السنة او القياس زى ما خدنا عدد ركعات صلاة الظهر
بعتذر لو كنتى زعلتى

[* dr.sara*]

احنا مش بنهاجمك يا اخت جومانا احنا بنفوقك ونفوق كل اللى زيك من غفلتهم نحن نخاف عليكم من لقاء الله يا حبيبتى فى الله انا اخشى عليكى لقاء رب العباد وانتى مذنبة توبى اليه يغفر لكى وكلنا خطائين وخير الخطائين التوابون ولو الشىء ده عليه اختلاف كنا سمحنا بالجدال لكن لا جدال فيه شىء محكوم ومعروف واسال الله العظيم ان تتوب كل فتاة عاصية لله كل فتاة متبرجة تتوب الى الله والله غفور رحيم

[gumana]

[ جزاك الله خيرا

[* dr.sara*]

جزانا واياكى يا جومانا وهدانا جميعا الى الصراط المستقيم

[المجاهد فى سبيل الله]

السلام عليكم ورحمة الله وبركاته
اختى جومانه
اخوتنا بينولنا اننا مش بناهجمك
ولا حاجه
بس صدقينى شوفى كده المناظر فى الشوارع ومناظر البنات الى بترتدى البنطلون
اهو البنطلون الى انتى بتلبسيه واسع جدا جدا وهيه بتلبس بنطلون ضيق جدا جدا
بس فى الاخر دى بتلبس ايه وانتى بتلبسى ايه اسمهم ايه الاتنين بنطلون
لما حد يجى يتكلم يقولك دا كل الى بيلبسوا بناطيل مش كويسين مثلا
اذا شملك فى وسطهم علما انك غير كده بس
تعملى ايه باه ما الى انتى لبساه برضه اسمه بنطلون