بلااااااااااااش نكون الوردة البيضاء!!!!!! - الصفحة 5

dr.saeed · #1 17-09-2008, 11:02 PM

اقتباس:

عندك حق فعلا ربنا عند حسن ظننا بيه دايما

والحمد لله

اقتباس:

بس كده انت بتنفى ان صديقك مثلا هايكون لك عون انك تخرج من مشكلة او محنة تمر بيك بعد ربنا طبعا ولا ايه

لما بيكون صديق فعلى او اخ بجد فعلا بيساعد المرأ انه يخرج من محنته اذا شاء الله ذلك

اقتباس:

بينفع حد فى الاخر بس طول مانت عايش كده هاتعيش فى صراع داخلى ممكن لاقدر الله يسببلك عواقب وخيمة ونتائج غير مرغوب فيها
بس مش اكتر عشان كده لازم تحاول تبعد عن نفسك الافكار دى شوية عشان ماتقعش فى مشاكل وتبقى علطول نفسيتك مدمرة
مش هاقولك تشيلها من تفكيرك خالص لانك فعلا عندك حق فيها بس تحاول تنساها شوية عشان الحياة تمشى

الحمد لله الحياة ماشية
والحمد لله على اعتاب نسيان تلك الذكريات المؤلمة
جزاكى الله خيرا

dr.saeed · #2 17-09-2008, 11:17 PM

اقتباس:

مش قليلين و لا حاجه

اقتباس:

لسه كتير بيضحى

بس ممكن حضرتك اللى معرفتش توصل

مثال بسيط

كم من جيش المسلمين وقف حول النبى يتصدر سهام المشركين ليحمى نبى الله صلى الله عليه وسلم

لا يمكن أبدا ان نقول عنهم انهم كثير
لانهم لا يشكلوا الا نسبة ضئيلة جدا
ودة مش كلامى لواحدى
ولا مواقفى لواحدى
لا
دى مواقف كتير جدا
وأكيد مش أى حد بيوصل لتلك الغاية الكبيرة
لانهم فعلا نادرين
و

اقتباس:

لما الواحد يحس انه ضحى عشان سراب

اقتباس:

مش بيوقف و يقول خلاص الكل كده

لا

الحمد لله عمرى ما قلت كدة

وبفضل اكمل وهاكمل

اقتباس:

بيحافظ على المبدا

اقتباس:

اكيد حيلاقى حد زيه حد ممكن يضحى

و حتى لو ملقاش

هو عمل اللى عمله عشان اولا و اخيرا
مستنى الجزاء من الله
و بيحتسب اجره عند الله
سواء كان اللى ضحى عشانه سراب او حقيقه
.............................

ودة الى والحد فقط بيفكر فيه

الجزاء من الله
لان غاية الخلق هى العبادة
والصداقة والاخوة وسيلة لغاية ارضاء رب السموات
فمثلا ولد وزوجة نوح
أمره الله ان يبعد عنهم وتركهم
لان الغاية المثلى لكل شىء هى ارضاء العلى القدير

اقتباس:

اولا بدام قضى الامر بالنسبه لانسان يبقى اكيد فيه سبب لكده

اقتباس:

ماهو بردة الشيطان له سبب لكدة

لانه خلاص عمل حاجة وزى ما قال

(ووعدتكم فأخلفتكم)
ولكل شىء سبب
وليست القلوب متشابه كما قلت

اقتباس:

ثانيا الانسان نفسه طبيعى بيفكر فى نفسه و محدش يقدر يلومه عشان كده

اقتباس:

مانا عارف كدة منذ أول صفحات القران

اقتباس:

مش للدرجه اللى حضرتك حاسس بيها

اقتباس:

انا بقول عن نفسى لسه موجودين

و لسه حاصلالى من فتره

ممكن متعتبرش تضحيه قوى
بس اشاره عن ان لسه فيه كده

عارف ان لسة موجود

ولكن فعلا نادرة

اقتباس:

و ليه يتجه انه يحرق قلب حد تانى

اقتباس:

هل لازم لان الانسان اتجرح يبقى يبدا هو يجرح

لا

انا بتكلم عن الى بيحصل فى كثير من الاحيان

ومش بتكلم عن نفسى او عن موقف معين

اقتباس:

و بقول تانى يحاول مره و تانيه

اقتباس:

و حتى لو فعلا بقاله 6 سنين بيدور

يبقى لسه مدورش صح

او بالطريقه الصح

متهيئلك

اعتقاد خاطىء

اقتباس:

و حكايه التحول لانسان اخر اصعب من الكلام بس

اقتباس:

مهما حاول

حيرجع تانى

يبقى الحل مش فى كده
الحل انه يواجه نفسه
يشوف عمل هو ايه غلط
يحاول يصلح
و يبدا من جديد على الاسس دى

عادى

اقتباس:

و برده مش بيكون بلوم النفس الزايد

اقتباس:

عشان مش بيفيد

الانسان حيفضل انسان مهما عمل

اقتباس:

مافيش مشكلة بردة

عارف انا الكلام دة
طبيعى الواحد لازم بيمر باكتر من حاجه
مهما كانوا صعبين
فهما اللى بيشكلوا فى النهايه
ده
الانسان ده
المهم انه عمره ما يتخلى عن المبدا الاساسى

المبدأ الاساسى هو العبادة

وكل شىء يهون عشانها
مش هاحرق قلبى واخله اقسى من الحجارة وبعد كدة ]اثر على عبادتى بسبب هدف لا طائل له

اقتباس:

مهما قال

اقتباس:

لو معملش حاجه بجد عشان يغير جرحه

لو معرفش ينسى و يسامح

و يشوف عذر اللى قدامه
عمره عمره
ما حيقدر يبطل كلمه
انا اتجرحت
و فى الاخر
مين الوحيد اللى بيخسر
هو بس

مش اى حاجة بتتنسى

والتسامح موجود الى يوم القيامة
وعلى فكرة يمكن انتى ما شفتيش كتير من الى حصلى
وبتتكلمى عن أهون المواقف فيهم
عشان كدة متخيلة العملية بسيطة

اقتباس:

مش لازم المثاليه

اقتباس:

بس على الاقل

مقدار من الثقه فى العالم المحيط بيهم

و انا بقول انا لقيتها فى بنات
الاخوه و الصداقه الحقيقيه
و عند اكتر من واحده
و فى النت و الحقيقه

اقتباس:

هل كده اللى عرفتهم حاله شاذه

اقتباس:

هل احنا كده مثاليه

لا

احنا كده حاولنا و لقينا
بس

كويس انك لاقيتى

والله اعلم بما سيحدث
والله اعلم بالنوايا
لانى عمرى ما اتجرحت من اولها
بل بالعكس
غالبا بعد شهور بل وسنين
و

اقتباس:

ليه التانى قلبه يحترق على حاجه بايده

اقتباس:

انا بقول تانى

كل حاجه بايد الانسان

انه يشوف الناس مستمتعه بحاجه
ده ميحرقش قلبه
لا
ده يديله ثقه و يقين
انه برده حيلاقى

على فكرة مش لازم هايلاقى ولا حاجة

لان من اليسير ان يكون دة قضاء

فبلاش احلام فى الخيال

اقتباس:

معلش بس انا مفهمتش الحته دى كويس

اقتباس:

قصدك بيها ايه بالظبط

مش لازم

فى امان الله

dr.saeed · #3 17-09-2008, 11:30 PM

اقتباس:

وربنا لما بيرضى على حد بيوقفله اللى يساعده فى محنته
مش شرط بطريقة مباشرة ممكن يكون مجرد سبب فى انه يخليه يعيد التفكير فى حاجات كتير
بس يفكر وهو يعرف الصح من الغلط
فى رعاية الله

فعلا كلامك صح والحمد لله

dr.saeed · #4 17-09-2008, 11:40 PM

اقتباس:

ليه الوردة دى بتصدق الكره مش الحب
يارب اكون قدرت اوصل فكرتى

ممكن أقولك عشان التوقيع دة

اقتباس:

"عندما يقول لك انسان أنه يحبك مثل أخيه ..فلا تصدقه و فى نفس الوقت لا تكذبه و لكن أنتظر أن يعاملك معاملة الأخ لأخيه فان لم يعاملك هذه المعاملة فتيقن أنه لم و لن يكون أخ لك"

لازم الاول نعرف الادلة الى تريح القلب
لان الجرح مش شىء سهل
فى امان الله

شموخ مسلمة · #5 18-09-2008, 04:01 AM

اقتباس:

المشاركة الأصلية كتبت بواسطة dr.saeed

ممكن أقولك عشان التوقيع دة

لازم الاول نعرف الادلة الى تريح القلب
لان الجرح مش شىء سهل

فى امان الله

طيب هو لان التوقيع بتاعى فانا هقول قصدى منه
اولا فى اختلاف جامد جدا بين التوقيع و بين انى اقول مافيش حب او مافيش تضحية
ليه؟
لانى هنا محددة علاقة اخوية مش حب فى الله عادى
و فى فرق جامد يا دكتور بين انك تتجرح من حد كنت بتعتبره اخوك و بين حد بتحبه فى الله
ايوة بتتجرح لما حد بنحبه يجرحك بس غير لما اخوك يجرحك او اللى كنت بتعتبره اخوك
دى نقطة
النقطة التانية
انا فى توقيعى مش قابلة مش نصدق الحب او الاخوة
لا بس لا نصدق و لا نكذب
و دى حاجة انا وصلتلها عن تجاربى الشخصية
فى رعاية الله

ملحوظة يا جماعة فى ردود مش رديت عليها لانها كانت مناقشة فى حاجة معينة و انتو خلصتوها

dr.saeed · #6 18-09-2008, 05:59 AM

اقتباس:

لا و الله يا دكتور

اقتباس:

مش الكل بيفكر فى نفسه

وانا ما قلتش الكل
فيه الى بيضحى بعمره عشان بلده وعشان تفضل ليها الشرف
انما الغريزة فى الانسان التفكير فى نفسه لا يمكن انكارها
المهم الى بيعرف يحكمها كويس

اقتباس:

يمكن احنا بنظلم غيرنا

يمكن احنا مش بنشوف الصورة صح

كلها احتمالات ممكن تحصل
بس عقل عن عقل بيفرق

اقتباس:

يمكن برده اللى ادامنا ضحى بس مش قال فاحنا منتظرين تضحية تانى لان من وجهة نظرنا هو مش ضحى

بردة احتمال ممكن يحصل
بس مش معنى الى ضحى مرة يجرح الى ادامه بجرح مش ينساه عشان يعلمه انه ضحى قبل كدة فعلا

اقتباس:

يمكن برده احنا من وجهة نظر اللى ادامنا مش نستاهل التضحية

اقتباس:

و اللى غالبا بيحصل اننا مش بنحط نفسنا مكان اللى ادامنا

كل دى احتمالات واردة وممكن تحصل

عارف ان فيه ناس مش بتحط نفسها مكان الى ادامها
وزى ما قلت عقل عن عقل بيفرق

اقتباس:

اما بالنسبة ان لما حد فينا بيلاقى صديق او حبيب بيحسب الكل كده و مش بيحس باللى ادامه

اقتباس:

برده مااظنش لان اللى لقى صديق او حبيب الاول مش كان لاقيه و بالتالى اكيد هيحس باللى مش لقى صديق او حبيب

الانسان بطبيعته بينسى
ولو مش بينسى كان زمانه فى عذاب دائم
وربنا قال بردة اكتر من اية عن نسيان الانسان لنمة الله
زى مثلا تنجية الانسان من وسط البحر
والانسان بعدها بينسى وكأن لا شىء بيحدث
ودة مش كلامى

اقتباس:

نورت الموضوع يا دكتور

بنورك

**تسابيح** · #7 20-09-2008, 08:01 PM

بصراحة عندك حقك مش من السهل ابدا ان الواحد يلاقي حب صادق
وبجد ومش بتقدري تعرفي الناس اللي بتحبك اللي بعد ما يسبوكي
تعرفي ليه ؟؟؟ لانك طول ما الحاجة ف ايدك بتبقي مطمنه عليه ملك
محدش هياخذها مني لكن لما مش تلاقيها تحسي ان خلاص بتحبها
هو دا بيحصل مع ناس كثير بس صدقيني اللي بيحب بجد بيوصل
للي بيحبه احساسه واكيد بيحس بيه
ميرسي ع الموضوع الرائع

شموخ مسلمة · #8 20-09-2008, 08:14 PM

اقتباس:

المشاركة الأصلية كتبت بواسطة تسابيح النجوم

بصراحة عندك حقك مش من السهل ابدا ان الواحد يلاقي حب صادق

وبجد ومش بتقدري تعرفي الناس اللي بتحبك اللي بعد ما يسبوكي
تعرفي ليه ؟؟؟ لانك طول ما الحاجة ف ايدك بتبقي مطمنه عليه ملك
محدش هياخذها مني لكن لما مش تلاقيها تحسي ان خلاص بتحبها
هو دا بيحصل مع ناس كثير بس صدقيني اللي بيحب بجد بيوصل
للي بيحبه احساسه واكيد بيحس بيه

ميرسي ع الموضوع الرائع

هو المشكلة بجد اننا اوقات كتير بنجرح اللى ادامنا
اولا
لاننا بنتجاهل حبه ده
ثانيا
لاننا بعد مابنعرف حبه لينا بنستهتر بمشاعره و بالتالى بنجرح اللى ادامنا جرح كبير اوى
نورتى يا قمر الموضوع