بيقولولك ايه في البيت

[hazem_ayman]

انما مثلا لو بابا قالى مش كفاية كومبيوتر ونت
طبعا الرد بيكون < انا اساسا زهقت > طبعا الجهاز بيكون مقفول قبل ماالجملة تتكمل

[JusT DreaM]

بلاش دي

بااااااااااااااك
معلش الواحد بيحب يفضفض
لما اجي انام يقولولي هو انتي مش وراكي غير النوم اليوم كله
اقعد على الكمبيوتر يبقى مش وراكي غير الكمبيوتر اليوم كله
اي حاجة اعملها تبقى مش وراكي غيرها اليوم كله
واختي الكبيرة تبقى واقفة جنب الكوبس بتاع النور وتقولي قومي اطفي النور
كلامها كله طلبات بس انا مش بسمع كلامها
اما اخويا يجيلي كل شويه يقولي

"عارفة ياايمان"
اقوله طبعا

ايه"

يقوl قايلي
"انا معرفش"

ببقى عاوزة اضربة باللي في ايدي

[ToMoRrOw_NeVeR_DiEs]

ربنا يرزقك بعيل يوريك اللي ورتهوني .


* جتها نيلة الى عايزة خلف تيجى تتفرج .


* امشى جاتك مشش فى ركبك.


* رحلة ايه ان شاء الله, على أيامنا ماكوناش بنتطلع زفت رحلات .


*أوعا حد يضحك عليك ويقولك جرب السيجارة دي.


* ايه الا مبالاه و الاستهتار اللي انت عايش فيهم دول .


* قوم اقرا لك كلمتين ينفعوك .


* وطي المدعوق ده شويه .


* انت فاكرنا نايمين على ودانا ؟


* بلاش أكل بره .


*ياريتك تحفظ دروسك زى مانت حافظ الاغانى.


* عيـــب ... لازم تحترم اللي أكبر منك .


* لو شفت خناقه ما لكش دعوة بيها .


* كريم دا عيل بايظ وماتمشيش معاه تاني .


* مين منى دي انت كل يوم تصاحبي واحدة جديدة ؟.


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني .


* ما تعليش صوتك .


* وانت فاكر احنا مستنيين منك حاجه .


* المسلسل مش هينفعك ...قوم .


* متفتحش الباب لحد و انت لوحدك و متدلدلش راسك من شباك العربيه .


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر ولا و خش اوضتك .


* ربنا يهديك ربنا يهديك ... وأحيانا .. انك لا تهدي من أحببت .


* صليت العصر ؟!


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* افرد ظهرك .


* لم شراباتك.


* ماتكلش فى ضوفرك.


* كنت فين لحد دلوقتى يا صايع.


* ماتتأخرش علشان عندك كلية بكرة بدرى.


* انا مش عارف انته طالع لمين.


* انا : ياماما بقه ايه ده ؟؟؟
ماما:مووو لمـا يــــــخدك .


* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* البس فنله قطن تحت ودفي صدرك ودخل التيشرت في بنطلون البيجامه وانته نايم .


* يأبنى المذاكره مابتخلص .... نفسى اشوفك مره ماسك كتاب.


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .


* احمد ربنا الاكل الى مش عجبك ده فى ناس مش لقينه .


* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


* قومي سخني الأكل لأخوكي.


* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.


* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركز والناس ماشيه حوليه فى الشارع)


و قشطه

[nanes]

موضوع جمييييييل اووي .. والله هموت من الضحك


* طبعا المقرر اليومي لازم كلمة قووومي زاكري ياللي مش هتفلحي اكتر من 100 مرة في اليوم
* طفي المخروب ده اللهي يتخرب .. يخربيت النت وسنيينه
* صليتي الظهر ، العصر ، وهكذا مع كل فررض
*ربنا يديكي بنت تعمل فيكي نص اللي بتعمليه فيا :abdoog8:
* آدي دقني لو جبتي أكتر من 80 في الميه يا فاشله ياللي مش هتنفعي
* وطي صوت دقدقت العفاريت اللي انتي مشغلاها دي


والله انا على طول بحس ان مفييش اي حاجه صح ..

[JusT DreaM]

يااااااااااااااه بجد الموضوع ده جه في وقته
اول مايشوفوني قاعدة عالكمبيوتر
بابا:هو انتي موراكيش غير البتاع ده اليوم كله
ماما:انا مش عارفة متعلقة اوي بيه كده ليه بتعملي ايه يعني
قومي ذاكريلك كلمتين ينفعوكي
ماما بكلمتها المشهورة
انتو كبرتو خلاص انا مش هقول لحد تاني ذاكر(وتوصل الجمله دي بكلمة قومي ذاكري)
روحي شوفي نوسة بنت خالك(اتعقدت منها البت دي مع اني بحبها)

ودايما يقولولي لسانك طويل وهزارك تقيل معرفش ليه

واغلب الحوار اليومي اللي بيدور بيني وبين بابا
(قومي اعمليلي كوباية شاي)
حوالي عشر مرات في اليوم

وماما
مش بحب السهر باليل قدام الكمبيوتر الساعة واحدة نطفي كلنا وننام


تحت عنيكي سود من كتر السهر قدام البتاع ده قووووومي

مش عارفة مدايقهم في ايه

شكرا على الموضوع اللي بيريح الاعصاب ده

ولو افتكرت حاجة تاني هيبقى ليا عودة عشان انت جيت عالجرح

[الدويدار الصغير]

تحية ليك يا زوما أولا موضوعك دمه خفيف لانه فكرني بالحاجات اللي مش بحب أسمعها

أولا أيام الثانوية العامة والمذاكرة كل شويه ماما تقولي " روح شوف مصلحتك "

أنا عندي تقولي ذاكر أحسن من شوف مصلحتك علشان مصلحتي مفهوم شامل لحاجات

كتير وبحس ان ورايا ألف حاجة بس طبعا هي بتقول كده خوفيا عليا

دلوقتي أنا اللي بقول الكلمة دي لخواتي الاصغر مني الكلمات بتتنقل بالوارثة باين


ماما بقى لما تشوفني قاعد على الكمبيوتر

"يا ابنى ارحم عينك بقا " ومسمياني ادمان اسم على مسمى صحيح

وساعات تقولى انت قربت تتحول من كتر قعادك قدام الزفت دا
وبابا برده لما بسهر على الكمبيوتر يقولي مش هتنام هقوله هخلص أهوو

وطبعا مش بخلص غير لما يقف على ايدي ويقولي خلاص اقفل أقوله بقفل أهو

وهوووب ألاقيه راح ضاغط على Power اللي في الكيبورد ناس مش بتيجي بالزوق صحيح

ده اللي هو أنا

بس مش كتير والله ساعات لما بكون مليش مزاج انام

وده طبعا في المقام الاول والاخير من خوفهم علينا

[Golden Eagle]

أنا - الحمد لله - الكلام اللي بيتوجه لي بيكون قليل جدا ً جدا ً جدا ً ( علشان أنا مش بحب أتفرج ع التليفزيون و لما بشغل الكمبيوتر مش بيكون حد ف البيت )
الكلام بقي :
يا تنام يا تذاكر
أقطع دراعي لو ما كانتش أخرتك صبي ميكانيكي
أنت اللي هتموتنا بحسرتنا يوم النتيجه

و ساعات دماغي بتقفل بالليل أذاكر اللي فاضلي ف الفجر و عادة الكميات دي بتكون صفحه ولا إتنين بس مش باقدر أذاكرهم بالليل
و والدتي تقولي
يعني أنت صاحي ف الفجر علشان تذاكر ربع ساعه و تنام

هوا أنت النهارده هاتضيع الليله ( مش هاذاكر يعني )

أنت اللي هاتفضحنا ف العيله ( أصل عيلتنا بسم الله ما شاء الله معظمها متخرج من صيدله و واحد من أولاد خالاتي معيد ف صيدله )

كل الكلام اللي فات ده والدتي هيا اللي بتقوله
بس خلاص مش قادر أفتكر حاجه تاني

[رب أفرغ علينا صبرا]

1 الكمبيوتر يتقفل الساعة 1 بالليل ومافيش سهر بالليل وإلى هيفتح الكمبيوتر أو التليفزيون أنا مش مسمحاه
دى جملة ماما المشهورة فى الاجازة
2 ( وجعلنا الليل لباسا ) جملة ماما برده
3 انتى خم نوم
4 ولما نيجى نأكل والكل يقوم من على الاكل و يغسل ايده ويقعد على التليفزيون تقول ( قوموا شيلوا الاكل هوة انا خدامة إلى جابوا أبوكوا )
5 أختك أيدها أحسن منك فى شغل البيت الجملة دى بتضايق أوى لانى الكبيرة واختى الصغيرة
6 انا عايز كوباية مية ده بقى بابا اروح اجيب كوباية واستنى وبعدين كوباية تانية
7 اقفلى الكومبيوتر وطبعا بقول ثوانى وبعدين تيجى أمى وتشيل الفيشة
هوة ده التفاهم
8 قومى اصحى من النوم انتى مش هتجيبى تقدير كويس السنة دى
9 يا بنتى كلى خضار لما تكبرى ههتحرمى عيالك من الخضار وتأكليهم مكرونة
الحقيقة فى كلام تانى بس انا مش فاكرة الان

وفــــكرة الموضوع جميـــــلة جدا

[فجر الإسلام]

الموضوع فكرته عاجباني أوي
هو اللي بيتقال كتير
زي مثلا انتي هتفضلي قاعده على النت ده طول النهار
نظرك هيروح
قومي زاكري كلمتين هو انتي لسه ما أخدتيش حاجه في الكليه أمال راحه جايه عالفاضي
وماما لما حد يعصبها تقول هو الواحد يسيب البيت ده علشان يستريح منكم
وكمان انتي جايبه البرود اللي فيكي ده منين
هو أنا مخلفه حيطه قومي اعملي حاجه بدل ماانتي قاعده مالكيش لزمه
ويا سلام لو ماما طابخه بسله وأنا مش بحبها: هو أنا هعمل عشر أكلات في البيت
اللي عايز ياكل ياكل اللي مش عايز يتفلق
وما خفي كان أعظم

وحاليا يعني ماما هتمسك كرسي وتضربه في دماغي علشان أقوم

[hazem_ayman]

احنا عاوزين رغى كتير ومستنيين باقى الاعضاء

[الرحمة حلوة]

بجد موضوع تححححححححححححححححفة ههههههههههههههههههههههههههههههههههههههههههه انا مش قادرة امسك نفسى وكل حاجة اتقالتلى ويوجد وجة تشابه شديد فى العبارات مع tomorrow ههههههههههه

[سـهيـلـة]

انا كل شوية ادخل الموضوع ده وكل مرة اقرا رد الاقيه تبكا الاصل للكلام اللى بتقالنا ,,
وماما بقى :كان يوم اسود يوم ما دخل النت البيت هههههههههههه
وبرضه هو انا الخدامة اللى ابوكوا اشتراهالكوا ,,
بابا بقى :اول ما يدخل من الباب ويلاقى حد قاعد على الكمبيوتر : انتى من ساعة الصبح وانتى قاعدة عليه انا مش بشوفك بتزاكرى خالص هههههههههههههههههههههههههههه
يلا بس الكلام بيدخل من الودن اليمين ويطلع من الودن الشمال ههههههه
احسن حل
كل لما يتقالى حاجة هقولواكوا عليها اوك
والموضوع ده تححححححححححففففففففففففففففففةةةةةةةةةةةةةةة

[biob]

الكلمه اللى اخويا محمد دايما يقولهالى
لا نوءت من قبلك يا شيخ مصطفى
لا نؤت من قبلك
فهمت بعدها ان الرسولكان بيلف على نواحى الجيش ويقول لقوواده لا نؤت من قبلك
يعنى مش عاوزين الجيش يتهزمن نحيتك
ال يعنى اخويا مش عاوزنى امرمط اسم العيله فى الوحل


وماما الله يرحمها كانت بتقولى قوم يا صاقط
بزمتك انت فتحت كتا النهارده
وكانت عمرها ما بتقولى قوم من على الكومبيوتر
كانت دايما بتيجى من سكات تشد الفيشه
غلبنا نفهمها انه كده هيبوظ انما لا حياه لمن تنادى

وبابا قليل جدا لما بيقولى ذاكرودايما يزعق فى وسط الزعيق مع اى حد
ويقول اصل ده عيل ابن... ما بيزاكرشى
روح ياخويا وابقى خلى الكومبيوتر ينفعك

واخويا احمد ما بيكلمنيش فى الموضوع ده اصلا

واختى منفضالى خالص برضه
ربنا يكون فى عونها





ده بالنسبه للمزاكره

انما بقى بالنسبه للاكل
دايما اخويا محمدلمايكون عاوز يبعزق فلوسه ربنا يخليهولى
يقولى مصطفى اناعاوزاكلاكله غير تقليديه هتجبلنا ايه
ودايما بترسى على كيس كغته او هامبورجر اوسوسيس ولتر بيبسى و2مورو وكيس شيبسى حجم عائلى

اما ماما دايما كنت بتامش على الاكل كانت تقولى الاكل بيعزم ع الجعان
او ان شالله ما تفحط
كانت حنينه قوى


بابا بقى دايما يطبخ حاجات طعمها وحش واول ما اقوله ايه القرف ده يقولى عيش عيشه اهلك
يا عم عيشه اهلى مين احنا بناكل عدس
داانت طابخ الفرخه وبوظتها
تقولى عيش عيشه اهلك
بصراحه ردوده غريبه جدااااااااااا

اختى بقى بتعمل اكل بصراحه شكله اهم من طعمه
يجبرك تاكله
وكلما اقولها اعمليلى معاكى تقولى اعمل لنفسك

واخويا احمد بصراحه مبحبش اكل معاه

وفى الختام احب اقول كلمه اخويا محمدبيقولهالى لما يحاول يشرحلى حاجه فى الدين لانه مابيصدق انى اساله عن حاجه
يقولى العلم يطلب لا يفرض





ايه اللى انا بقولهده
ايه قله الادبدى
المفروض البيوت اسرار على فكره
انا كده بصيح لنفسى
منك لله يا حازم
سلام

[mostafa1991]

فى الثانوية محدش كان بيقولى ذاكر كانوا بيقولولى كلمة واحدة بس
الحساب اخر السنة هههههههههه ولحد دلوقتى بيقولهالى فى الكلية

[Cray_Bird91]

موضوع دمه خفيف بصراحة

انا اوقات يسبولى الحرية واوقات لاءبس ضمن الكلام اليومى

والدى...اقعدى ذاكرى مش عندك ثانوية عامة ملكيش دعوة بحد وركزى..

ماما وتيتة كلى واتخنى عشان تبقى زى صحابك صحابك ماشاء الله عليهم مليانين عنك انتى الوحيدة اللى معدمةزى ما بتقولوا انى جاية من اقصى الصومالا
ا
اما اخويا الكبير لما اجى اكلمه على النت مش بتذاكرى ليه؟ حتضيعى ركزى عندك ثانوية عامة الله يحرق النت وسنينه

اما اخويا الاكبر منى اول ما يجى من برة عاوز ساندوتشات وعصير و..و وندب خناقات وانتوا عارفين الباقى

بس

دى نماذج يومية