أيه اخبار الميد تيرم؟؟؟

[***star***]

المشاركة الأصلية كتبت بواسطة محمد.فوكس

انا لسه مخلص امبارح.
و الحقيقة معظمها محليتش كويس..الاسبوعين اللي فاتو كل يومين كان فيه امتحان مرة نظري في العملي و مرة (كويز لو تسمعوا عنه) و مرة ميد تيرم.
البحتة محلتش فيه كويس بس يعتبر كويس بالنسبة لاني مذاكرتها الا قبلها بيوم و كنت مستصعبها اوي.
الفيزيا المفروض اني كنت بحبها و شايفها احسن مادة خصوصا خواص المادة و الحرارة خنقة شوية .. انا مذاكرتش الا قبل الامتحان بيومين..الحرارة كان كله اختيارات بس المشكلة اني اخترت من غير ما اكتب الحل كده مش هاخد ولا درجة مع اني في حاجات كنت فعلا حليتها بخطوات لكن في دماغي..خواص المادة مش بطال اشتغلت فيه بس في حاجات مكملتش فيها للاخر ,يعني الفيزيا برضه مش كويس.
التطبيقية تقريبا مفتحتهاش خالص بس بصيت في الكتاب شوية و انا رايح الامتحان عشان كان معاها كيمياء.. فدخلت الامتحان باللي بصيت عليه و باللي افتكتره من المحاضرات و بمعلومات رياضة2 بتاعت ثانوي.. و انا اصلا كنت مستسهل المادة شوية.. بس حليت فيها نص نص يعني اشتغلت برضه.
الكيمياء بقى .. العضوية كان الامتحان كله اختيارات من ساتر ربنا .. لان دي المادة اللي مقرأتش فيها ولا حاجة ولا اعرف بناخد ايه بالضبط ولا جبت الكتاب ولا ورق.. فحليته شوية بالفكاكة .. و شوية بمعلومات ثانوي اللي افتكرتها طشاش..و الباقي بطريقة حادي بادي.
الكيمياء الغير عضوية(اختيارات برضه بس اكتر من العضوية) بقى تعتبر احسن مادة لاني اصلا كنت مذاكرها شوية عشان امتحنت فيها (كويز) قبلها باسبوعين و كمان قعدت اذاكرها على حساب التطبيقية..يعني حليت كويس بس مش كويس اوي .. يعني على قدي.
امتحانات النظري في العملي بقى .. الكيميا لما خلصنا الاسيديك راديكالز امتحان امتحان صغير و بعد البيزيك برضه الاسبوع اللي فات) الاتنين ماكانوش كويسين.
الفيزيا امتحنا نظري في العملي لما خلصت جزء خواص المادة و حليته مية مية.
و على فكرة عندنا امتحان عملي فاينال في الكيمياء الاسبوع ده عشان خلصنا الاسيديك و البيزيك.بس قالوا برضة في امتحان تحريري قبل ما نشتغل عملي.ربنا يستر خصوصا في التحريري.
كنت عايز اسألك يا اسلام .. احنا كده خصلنا الاسيديك و البيزيك الكتاب العملي فيه بعد كده اورجانيك هل هندخل فيها التيرم ده ولا ايه؟
و انت ايه اخبارك .. مقولتلناش عملت ايه؟

حكايه الquiz دي في امتحان نظري غريبه جداااا.....اما المواد اللي محلتش فيها كويس..ان شاء الله تبتدي تذاكر العملي بتاعها جااامد علشان تجيب فيها تقدير......

اما انا بقي فعندي غلطه في ماده genetics في مسأله.....بسبب اني مااخدتش بالي من كلمه single