|
أرشيف المنتدي هنا نقل الموضوعات المكررة والروابط التى لا تعمل |
مشاهدة نتائج الإستطلاع: ما هو الحل فى وجهة نظرك لكى تأتى الامتحانات موضوعية | |||
لا يوجد حل |
![]() ![]() ![]() ![]() |
0 | 0% |
تقديم شكوى من كل عضو الى الوزير |
![]() ![]() ![]() ![]() |
4 | 100.00% |
هذا الموضوع غير مهم |
![]() ![]() ![]() ![]() |
0 | 0% |
إستطلاع متعدد الإختيارات. المصوتون: 4. أنت لم تصوت في هذا الإستطلاع |
|
أدوات الموضوع | ابحث في الموضوع | انواع عرض الموضوع |
|
#1
|
|||
|
|||
![]()
الكلام جميل لكن مستحيل لان علشان ده يحصل لازم عدد الحصص يذيد يعنى عدد مدرسين اكثر يعنى .............
على فكرة ده كلام مستشار المادة معنا فى احد التدريبات فى الوزارة |
#2
|
||||
|
||||
![]() اقتباس:
كلام ايه بالظبط اللي اتكلم معاكم فيه يا انوش .. لو سمحتي
__________________
يارب ارفع عنَّا وعن مصر الفتن ما ظهر منها وما بطن واحفظ بلاد المسلمين من كل شر وسوء يا أرحم الراحمين
|
#3
|
|||
|
|||
![]()
أرجو من السادة الزملاء التعاون معى ونحاول نوصل صوتنا للوزير بخصوص زيادة درجات مادة الكمبيوتر الى 20 درجة وذلك عن طريق ارسال رسائل الكترونية عبر بريده الالكترونى اللى موجود على موقع الوزارة واللى يقدر يكلمه شخصياً يبقى كتر خيره وبجد الوزير ممكن يوافق بسهولة على زيادة الدرجات وذلك لأهمية الكمبيوتر فى وقتنا الحاضر .
الاسباب المقنعة واللازمة لزيادة درجات الكمبيوتر : 1- منهج الكمبيوتر للصفوف الثلاثة ( وخاصة الصف الثالث الاعدادى ) كبير وبه معلومات كثيرة ولا تكفى هذه الدرجة ( خصوصا اذا كان نصفها ضايع على ملف الانجاز ) لقياس مستوى الطالب . 2- قلة درجات المادة لا تتناسب مع المجهود المبذول من المدرسين لتبسيط المادة للطالب وخاصة منهج الصف الثالث . 3- زيادة درجات المادة ستزيد مستقبلاً من اهتمام الطالب بالمادة ومش هيستنى الفوضى والغش اللى بيحصل كل سنة فى الامتحانات . 4- اهتمام الوزير شخصياً بالكمبيوتر وتعميمه فى العملية التعليمية . أليس هذه بكافى للمطالبة بزيادة درجات المادة ......... يا جماعة اللى موافقنى على رأيه يحاول يتحرك فعلياً ويكلم المسئولين بسرعة .... وياري محدش يقولى رايك صحك وانا معاك واؤيدك والكلام اللى بيكتب .... لا احنا عايز نتحرك ونتعاون مع بعض ...... ومعلومة هامة انى الوزير بيستطلع بصفة شبه يومية الايميلات اللى بتتبعتله يعنى لو لقى اقبال على الموضوع ده ممكن يعمل حاجة . شكرا على تعاونكم وجزاكم الله خيراً
|
#4
|
|||
|
|||
![]()
على فكرة الصف الثالث الاعدادى درجة الكمبيوتر من عشرين مش من عشرة
|
#5
|
||||
|
||||
![]() اقتباس:
والقرار مش بيد الوزير كما وضحت لي سوزارن مرزوق
__________________
تحياتي لكم جميعاً: عاصم حمـزه مشرف علي قسم التصاميم والجرافيكس مــدرس حاسـب آلـي حاصل علي مصداقية البرمجيات في الحاسب الآلي(إعداد مدربين) دورة تصميم المواقع
|
#6
|
||||
|
||||
![]() اقتباس:
من يمتلك القرار ؟؟؟؟؟؟؟؟؟؟ |
#7
|
|||
|
|||
![]()
بسم الله الرحمن الرحيم
انا بجد محتاجه مساعدتكوا منهج الكمبيوتر بتاع تلته اعدادى بجد صعب انا حاولت اذاكر فيه مش عرفه افهم ولا كلمه بجد محتاسه ومش عرفه هعمل فيه ايه ياريت اى استاذ يقدر ينزل شرح لفصل فصل بجد يبقى جزاه الله خيراااا ياريت تساعدونى |
#8
|
|||
|
|||
![]()
بصي يا صفاء أول حاجه تعريف نظام المعلومات يعني أيه كلمة نظام يا ستي نظام يعني مجموعة أشياء تكمل بعضها فنظام المعلومات هو عباره عن تكنو لوجيا يعني أيه تكنولوجيا يعني عندي كمبيوتر والكمبيوتر يلزمه أفراد تشغله عشان نعمل أيه يا صفاء نجمع ونخزن البيانات ونطلع المعلومات أو نستخلصها
طاب يا مستر أيه هي البيانات أقولك يا ستي هي عباره عن حقيقة زي أسمك ده حقيقه مينفعش نشكك فيها رقم تليفونك بردو حقيقه مينفعش نشكك فيها فعشان كده قالوا عليها حقيقه مجرده " مجرده تعني خاليه من الشك " يتم تجميعها بواسطة الكمبيوتر والأفراد ودول بيسمو نظام المعلومات المعلومات أيه هي يا مستر أقولك يا ستي عباره عن نتيجة مقارنة بيانين ببعضهم " نتائج معالجة البيانات " مثال ركزي معايا لو عندي شخص مستوي السكر في الدم 300 وشخص أخر 90 نجد بالمقارنه بيسن 300 و90 أن الشخص 3009 مريض سكر ودي معلومه حصلت عليها عن طريق المقارنه بين 300 و 90 أما ال 90 شخص سليم دي أول حصه وإن شاء الله أشرح أشكال البيانات والمعلومات في حصة أخري أرجو أن أكون قد بسطت المنهج بدرجه تستوعيبيها |
#9
|
|||
|
|||
![]()
بجد شكرااااااا جدا يا مستر وجزاك الله خيرا بجد الجزء الى حضرتك شرحته شرح ممتاز
وانا هذاكر الجزء ده ومستنيه من حضرتك باقى الشرح |
#10
|
|||
|
|||
![]()
اتكلمنا يا صفاء عن البيانات لكن متكلمناش عن أشكالها لكن أنا وأنا بشرح البيانات قولت أشكالهها بم إن البيانات هي حقائق
" فالأسماء والأرقام ولقطات الفيديو والحروف ودرجات الحراره ودرجات الأختبار ولقطات الفيديو والأصوات " دي أشكال بيانات طاب نوضح الأسم بيعتبر حقيقه كمان رقم تليفونك هو حقيقه مينفعش ننكرها وكمان الحروف دي حقيقه يعني مينفعش نقول علي الألف باء طيب لو أنتي روحتي البنك بيطلب بياناتك يعني أيه هي البيانات اللي بيطلبها منك حقائق عنك " الاسم والعنوان وتاريخ الميلاد ورقم التليفون ده أشكال البيانات أما أشكال المعلومات فتخرج علي شكل بعد أن يتم مقارنة البيانات أو معالجتها تتطلع البيانات في شكل جداول أو تقارير أو رسومات بيانية أو قوائم مثال قائمة الأسماء في الفصل شكل من ؟أشكال ........................ الرسومات البيانية شكل من أشكال ...................................... الجداول شكل من أشكال ................. بينما الحروف والأرقام من أشكال نقط حلي دول الجزء اللي هشرحه بعد كده جزء مهم جزء عن الكمبيوتر والعمليات اللي بيقوم بها وعشان نعرف ده لازم نعرف أيه هي مكونات الكمبيوتر معلش لضيق الوقت سوف أقوم بشرحه في وقت لاحق اتمني أكون وصلتلك البيانات والمعلومات وأرجو لو مش فاهمه أي جزء تضعيه هنا وأنا هشرحهولك |
#11
|
|||
|
|||
![]()
بجد شكرااااا جدا يا استاذ شرح حضرتك ممتاز
الحل:1-المعلومات 2-المعلومات 3- المعلومات-البيانات ممكن حضرتك تشرحلى الفرق بين المفسر والمترجم وتديلى فكره عن خرائط التدفق؟؟ انا اسفه ان كنت بتعب حضرتك |
#12
|
|||
|
|||
![]()
لأ يا صفاء مفيش تعب ولا حاجه
بصي يا صفاء المترجم اسم بالأنجليزي compiler طيب أحنا بنستخدمه في أيه أو بنعمل بيه أيه الكمبيوتر عشان يحول لغة العالية المستوي إلي لغة الأله لازم يبقي في وسيط يحولي للغه اللي بيفهمها الكمبيوتر فالمترجم بيقوم بالدور ده يحول من لغة عالية المستوي يعني " لغة الإنسان إلي لغة الكمبيوتر " الألة " طيب يا مستر الكلام ده بيتم بسرعه ولا ببطي أقولك أنه بيتم بسرعه جدا فعشان كده بيبقي في أخطاء كتير مثال لو أنت قرأتي صفحة في دقيقه ولا تقريها في خمس دقايق طبعا تقري الصفحة بالراحه عشان متخطائيش فالمترجم مميزاته أن بيحول من اللغه عالية المستوي إلي لغة الأله لكن طيب مهو أنا كده عندي مشكله يا مستر أنا هنحول من اللغة عالية المستوي إلي لغة الأله لكن في أخطاء فالبرنامج ده بقي دور المفسر أنه لما بيحول من اللغة عالية المستوي إلي لغة الأله بيحولها "تاتا تاتا " أو سطر " سطر " لأنه بطيء فالبتالي بيكتشف الخطأ والمفسر اسمه بالإنجليزي " inter praetor " يبقي مميزاته أنه بيكتشف الأخطاء بسهوله وعيوبه أنه بطيء بكده لما نيجي نستخدم الأتنين في v.b نستفيد من مميزات الأتنين المترجم سريع والمفسر بيكتشف الأخطاء وبكده نكون بعدت عن عيوب كل واحد فيهم لو استخدمته لوحده عشان كده بنستخدم الاتنين ولكن يا تري مين اللي هنستخدمو الأول المترجم ولا المفسر لو أنتي زكيه جاوبيني وأنا هشرحلك مين فيهم بنستخدمه الأول غدا إن شاء الله بكده نكون إنتهينا من المترجم والمفسر |
#13
|
|||
|
|||
![]()
وسامحيني لو مشرحتش المترجم والمفسر بسهوله أكثر لأني كنت مريض
|
#14
|
|||
|
|||
![]()
جزاك الله كل خير بجد انا فهمت الفرق بين المترجم والمفسر كويس جدا
واعتقد ان احنا هنستخدم المفسر الاول (بيتهيألى كده) والف سلامه على حضرتك |
#15
|
|||
|
|||
![]()
اناقولت المفسر على اساس انه يصحح الاخطاء وبعدين المترجم يستخدم للترجمه لانه سريع
صح ولا ايه؟ |
العلامات المرجعية |
الكلمات الدلالية (Tags) |
مذكرة, مراجعة, منهج . كمبيوتر . 3 . ع, الكمبيوتر الثالث الاعدادى, اسئلة, اعدادى, حاسب الى, حصص:كمبيوتر:3:اعدادي, سيف سالم, كمبيوتر, كتب 2011 |
|
|