الملاحظات الاخيرة على منهج الاحياء

[nooneasme1]

سبب أخر ما هو مفهوم الإخراج بمفهومه العلمى؟؟؟؟؟؟
هو عملية يتخلص بها جسم الكائن الحى من المواد الضارة التالفة الناتجة عن الأنشطة والعمليات المختلفة بالجسم والتى إذا تراكمت لسببت له كثير من المشاكل والأضرار.

طبعا الكليتان من أهم أعضاء الإخراج إذا ينطبق عليها المفهوم السابق فهل هناك تحولات للمادة المراد التخلص منها تخضع للإخراج فى هذا المفهوم (عبارة عن خروج ودخول مواد لا يحدث فى ذلك تحولات حتى نقول تنتجه الكليتين)

غير ذلك البول فى الأصل يكون بصفة غير مستمرة يقل صيفا لزيادة العرق ويزداد شتاءا لقله العرق ليس له نسبة ثابتة حتى كل يوم يختلف عما قبله فى عدد مرات التبول ولأ ما الراى والراى الأخر..........

[العمل سبب الامل]

التى لاتخص البول هى تنتجه الكليتين لانى سالت الاستاذ و قالى كده و ميرسى على دورة الطمث

[nooneasme1]

طب بالنسبة يكون البول بصفة غير مستمرة مش هو برضه بيكون كدة ولا إية

الكلام اللى أنا كتبتة فى المشاركة الللى قبلها وقلت غير ذلك البول فى الأصل يكون بصفة غير مستمرة يقل صيفا لزيادة العرق ويزداد شتاءا لقله العرق ليس له نسبة ثابتة حتى كل يوم يختلف عما قبله فى عدد مرات التبول أنا اسف كان قصدى هنا على أن البول يكون بصفة غير منتظمة
السؤال هنا هل البول يكون بصفة مستمرة أم بصفة غير مستمرة؟؟؟؟

[nooneasme1]

المشاركة الأصلية كتبت بواسطة ragya

انا شكيت الاول فى كده بس بعدين اقتنعت باجابة الاستاذ بجد شكرا جزيلا لك و لكن يا ريت ممكن حضرتك تلخصلى دورة الطمث لان الكتاب مش موضحها واذا كان الشهر 30 يوم و تلك الدورة تستغرق 28 يوم و باقى الايام ؟ و توضح لى ما هى فترة الامان لمنع الحمل

الدورة كلها تشمل مرحلة إنضاج البويضة ومرحلة التبويض ومرحلة الطمث وكل دة 28 فى المرأة السليمة فى الدورة

بس فى الكتاب المدرسى هو عامل مرحلة الطمث أخر واحدة وعلى الرسم هى أول واحدة

اللى على الرسم دة مرحلة الطمث بالنسبة للبويضة اللى كانت قبلها
بمجرد ماينتهى نزول دم الحيض بالنسبة لدورة المبيض (وليكن الأيمن) يكون يوم انتنهائه اليوم 29 وهذا اليوم يكون بالنسبة للمبيض الأيسر اليوم الأول فى دورته

وعلى فكرة هو ذكر برضة أن مرحلة الطمث تستغرق من 3-5 أيام والمرأة العادية السليمة 4 أيام دة المتوسط
بفرض أن الدورة تبدأ من 1 - 1 - 2010
إذا تحرر البويضة يكون فى اليوم 10-1 ومرحلة التبويض 14 يوم يكون نهاية هذه المرحلة 24-1 وهو بدايو نزول دم للحيض
وكانت مرحلة الطمث 3 أيام يكون نهايتها 27-1
4 أيام يكون نهايتها 28-1
5 أيام يكون نهايتها 29-1

الملخص: الدورة على بعضها كلها تشمل مرحلة إنضاج البويضة و التبويض و الطمث (نزول الدم)
ملحوظة مهمة جدا إذا بداية نزول الدم هذا لا يعنى ان المبيض الأخر قد بدأ فى دورته ولكنه لا يبدأ إلا بعد انتهاء نزول الدم

هتقولى إزاى تحرر البويضة فى اليوم 10 -1 والكتاب بيقول اليوم الرابع عشر من بدأ الطمث انظرى كلمة من بدأ الطمث ثم انظرى لرسمة الكتاب المدرسى هتلاقى أن واضعى المنهج مزودين فى الأول 5 أيام الطمث بس للبويضة السابقة طب أنا لو زودت 10 أيام الخاصة بمرحلة إنضاج البويضة على 5 للطمث يكون 15 هو المفروض تكون مرحلة الطمث لدى الأنثى العادية 4 دة المتوسط كما ذكرت من قبل وبالتالى 4 للطمث + 10 لمرحلة الإنضاج = 14 من بدأ الطمث

أنا عارف إن اللى فى الشرح حاجة واللى على الرسم حاجة تانية خالص تجعل الواحد مش فاهم حاجة فعلا أنا كنت كدة ف الأول


أما بانسبة لفترة الامان هى الفترة التى يتم فيها إنضاج البويضة أى أن البويضة ليست فى قناة فالوب لمدة 10 أيام لذلك ممكن للزوج أن يجامع زرجته خلال هذه الفترة على الأقل لمده 5 أيام مضمونة بعد إنتهاء دم الحيض السابق ومهم جدا أن تضع فى الاعتبار أن الحيوانات المنوية تظل حية فى الرحم من 2-3 أيام

فترة الأمان من إحدى وسائل منع الحمل ولكنها ليست بالمضمونة

أرجو أن اكون قد وفقت فى تقديم المعلومة

[عبد العزيز محمد جاد]

مشششششششششششكور

[عبد العزيز محمد جاد]

ماششششششششششي يا مودي

[العمل سبب الامل]

ميرسى قوى ليك بس قوللى ذاكرت اخر درس بتاع التكنولوجيا الجزيئية ازاى لانى مش عارفة احفظ خالص اجزاء الحفظ فيه

[nooneasme1]

انتى عاوزة اى جزء فيه بالضبط

بس المهم هل البول بصفة مستمرة ام غير مستمرة؟؟؟ مع التوضيح

[nooneasme1]

صعوبة المتحان كان انه جاب كتير من التكاثر

[nooneasme1]

المشاركة الأصلية كتبت بواسطة ragya

ميرسى قوى ليك بس قوللى ذاكرت اخر درس بتاع التكنولوجيا الجزيئية ازاى لانى مش عارفة احفظ خالص اجزاء الحفظ فيه

هل ملف دورة الطمث أبسط و شامل ؟؟؟؟؟؟

هل البول يكون بصفة مستمرة أم غير مستمرة؟؟؟؟؟؟؟

انتى عاوزة أى جزء فى الباب 3 بالضبط؟؟؟؟؟

[العمل سبب الامل]

البول بيتكون بصفة غير مستمرة و اللى بيتحكم فى كده كمية الماء فممكن يوم متشربش خالص و ممكن يوم تشرب و بالتالى لايتجمع البول بصورة منتظمة اما بالنسبة ل dna انا فاهماه كله بس اجزاء الحفظ بنساها بسرعة زى مثلا الجينوم و فائته فلو عندك تلخيص ممكن

[nooneasme1]

أنا آسف معنديش تلخيص للجينوم البشرى

[nooneasme1]

الجينوم البشرى سهل نسبييا لو تم مقارنته مع جزء تانى من الباب زى النيوكليوسومات وتصغير dna أنا كنت مش فاهمهم خالص بس الحمد لله فهمتهم بس بعد عناء زى دورة الطمث كدة

[nooneasme1]

عندى سؤال فى الفصل الرابع بيقول
يخرج النبات الماء الزائد من خلال
(التنفس و الادماع - النتح و التنفس - النتح و البناء الضوئى - النتح و الادماع )
وسؤال تانى فى الدعامة
المخزون الفعلى للطاقة فى العضلة
(جزيئات atp- الجليكوجين - الجلوكوز - حمض اللاكتيك )
ارجو الرد

ردا على سؤالك :-
المخزون الفعلى للطاقة هو الجليكوجين والدليل أنه أخر ما تستخدمه العضلة لإنتاج مزيد من الطاقة بعد تم استنفاذ كل ATP هو الجليكو جين فعند ندرة الأكسجين تلجأ إلى تحويله إلى جلوكوز الذى لا يلبث أن يتحول إلى جلوكوز يختزل إلى حمض لاكتيك لإنتاج قدر ضئيل من الطاقة 2atp وعند توافر الأكسجين يتأكسد حمض اللاكتيك لإنتاج أكبر قدر من الطاقة

يخرج الماء الزائد من خلال النتح والإدماع (لاحظ لفظ الإخراج وليس التخلص) الإخراج هو مغادرة الماء من جسم النبات والتخلص يشمل الإخراج و الماء المستخدم فى عمليات النبات الحيوية وأهمها البناء الضوئى و الدعامة الفسيولوجية وكمية المياة اللازمة فى كل خلية لإتمام العمليات الحيوية.

[nooneasme1]

كان فى سؤال قابلته كويس:

1- هل من الممكن أن ينتج ثاني أكسيد الكربون فى السيتوسول أم الميتوكوندريا أم الإثنين؟؟؟؟؟ مع التفسير
2- هناك نبات فى وضع أفقى كيف تمنع انتحاؤه؟؟؟؟؟؟