عجائب وطرائف امتحانات الترم

[اميمة طه]

تقريبا هاتكلم معاكم لحد ما الناس تيجى من الصلاة

[ام رهف]

الناس بس بتصلي الجمعة وبعدين هيجولك يدعو للحاجات اياها شجب وندب واستنكار واضراب واعتصام كده يعني

[اميمة طه]

من الحاجات اللى عمرها ما بتتغير فى جو الامتحانات :
1- تصحيح الابلوات دايما باليد والكلام كله علطول عن النهارده هاطبخ ايه او طبخت ايه امبارح وده طبعا استعددا ليوم التصحيح .....العيال عاملة ايه فى المدرسة والدروس........ الحفاضات وادوية البرد ........مصاريف الشهر وازاى المرتب خلص الشهر ده بسرعة........اللى اتجوزت واتطلقت واتخطبت........الدهب بكام ..........الطماطم والبطاطس بكام النهارده........ شوفتوا الاستاذ الفلانى عمل ايه............ الراجل عمل ايه وقال ايه لاخواته........" اساسيات تصحيح الابلوات"

2- اللبس الجديد اول يوم فى الامتحانات ..... الجزم المتلمعة........البرفانات

3- الابلوات المتجوزة تشترى وجبات كاملة.......... الابلوات اللى لسه مخطوبة او متجوزة قريب او لسه بنات تشترى شيبسيهات وكاراتيه وحاجة ساقعة.

[اميمة طه]

ام رهف كنت باكتب والله مخدتش بالى انك هنا........ انا فرحانة انك معايا النهارده

[اميمة طه]

اخيرا جيتى جارة الوادى سايبانى من الصبح كده

[اميمة طه]

ترحيب حار بضيوفنا محمد حسن ضبعون......lovespider0 ............. اهلا بيكم بينا

[ام رهف]

اسمعي باة ياستي اخر موقف حصل معايا انا باشتغل في الازهر المهم احنا عندنا امتحانات من يوم السبت اولى وتانية وتالتة المهم قاعدة في امان الله في المعهد لقيت الاداري جاي يقوللي امضي ياابلة بالعلم مضيت فاذا به منشور يفيد ان اروح المنطقة علشان سداد رسوم التاهيل التربوي يعني مش هزوغ ولا حاجة والحضور شخصيرحت لمين ؟للاستاذ...................شيخ المعهد يااستاذ لو سمحت هروح المنطقة بكرة الساعة تماني ونص واجي عل التصحيح هو باة بيخلط طول الوقت بين الادب والضعف المهم المعهد 3 فصول كل فصل 20 تلميذ يعني 3 لجان اللي عليه مصلحة العمل ياابلة يتعالي بكرة الصبح احضري اللجنة وهمشيكي الساعة 10 طيب هتفرق ايه هروح من بيتنا واجيلك 10 انا بيتي في النص والمعهد يمين والمنطقة شمال مافيش فايدة تاني يومكانت شبورة صعبة جدا في حوادث عندا شنيعة اتصلت بيه الصبح اجدد العرض وكان نفس الرد خلاني داخلة المعهد من هنا وجه ورايا امضي ياابلة على جواب مامورية وروحي المنطقة قدام المدرسين كلهم فاذا بي مش همضي ومش هروح النهاردة وهتعملي جواب بتاريخ بكرة ومش هاجي المعهد وهطلع من البيت على المنطقة فاذا به يقطع الجواب ويقوللي براحتك مافيش منطقة المهم انا طبعا كنت باغلي من الصبح وكرامتي نائحة على في مدرس كده عامل لنفسه بريستيج وبيخوف شيخ المعهد على طول سالني ايه حصل وانا ليه متنرفزة فقولت له واحنا بنصحح فاذا به يقول للبيه اسمع اللي حصل مع الاستاذه ده اول واخر مرة يحصل احنا هنا اخوات ونشيل بعض وقعد يقول كلام كبير كده ويقوله اسمع والتاني كان محرج جدا المهم وانا مروحة قالي بكرة باة ياابلة ماتجيش على هنا روحي المنطقة وخلصي مصلحتك وعلى مهللك وانتي ماشية

[اميمة طه]

اهلا وسهلا كفاية اجر........ وهو كفايه بصحيح

[ام رهف]

المشاركة الأصلية كتبت بواسطة اميمة طه

ام رهف كنت باكتب والله مخدتش بالى انك هنا........ انا فرحانة انك معايا النهارده

انا اسعد انا صحيت باة قولت لازم اخرج نفسي من الحالة المود الوحش اللي انا فيه من امبارح لقيت احلى حاجة ان اجي اقعد معاكو شوية

[اميمة طه]

عاوزانى اقول ايه يا ام رهف ....... ادعى على المسلمين اللى الاسلام بيجرى فى عروقنا زى عروقهم ........الموضوع ده احنا بنعانى منه زيك بالظبط.......
مش هاقول غير حاجة واحدة

اللهم اضرب المنافقين بالمنافقين والظالمين بالظالمين

[اميمة طه]

بارحب بالوجه الجديد ........ منالت 7.......... تصفيق حاد.......بجد على فكرة

[اميمة طه]

بابقى فرحانه باى عضو يدخل عيلتنا الصغيرة اللى اتكونت جوه منتدى المعلم المساعد ........ سواء اشترك او القى نظره وخرج

[اميمة طه]

اهلا وسهلا عصام 2010

[اميمة طه]

اهلا وسهلا وبس.....

[اميمة طه]

خلينا احنا هنا نكمل المواقف بتاعة الامتحانات