ألـــــــو الخط الساخن

[msh-tlba]

السوالين ، متجاوبين في التوبيك اللي انت عملته ،
بس احب اقولك ان اجابة تامر لك عليهم اصح بكتير من اجابة النموذج ... انا معايا النموذج ، الاجابات مش تمام اوي .
لأنه في السوال الاول ، اتكلم عن الاستقطاب و اللا استقطاب بس ، و مجبش سيرة المناطق المضيئة و شبة المضيئة و الداكنة ،
‏
و في السوال التاني ، اتكلم عن الحركة الدودية بس ! و مجبش حاجة عن المخاط ،

[msaid93]

يعني ايه الصح ولا لو جه نكتب ال 2 الاستقطاب والمناطق ؟

[msh-tlba]

الاصح ، المناطق لأن دي اللي سأل عليها ... بس برضة ميخسرش لو كتبت له عن الاستقطاب ،
‏
اديك شفت ذكاء واضعي الامتحانات اللي فاتت في نماذج الاجابة من عربي لانجلش لفيزيا ، عالم دماغها هربانة ، فخلينا احنا نلعب ع المضمون برضة و نربط الحمار مطرح ما يحب صاحبه عشان نقفش درجتنا و السلام .. ،
‏
‏
بيني و بينك ، النموذج اللي معايا دا بتاع جريدة اخبار التعليم ، يعني ممكن يكون مدرسين هم اللي مجاوبينه كدا ، حاول تشوف النموذج الرسمي ع النت ، و ابئا فيدنا باللي وصلت له ، الله يكرمك .

[msaid93]

ملاحظات
قطر الشعيرة الدموية 7 :10 مكرون
قطر الخشب 2. : 5. ملم
طول الشعيرة الجذرية 4 ملم
طول دي ان أ حقيقيات نواة الاصلي 2 متر بعد الضغط 2 الي 3 ميكرون
طول دي ان أ أوليات نواة 1.4 ملم بعد التكثيف خمس مكرون
الطفرة المستحدثة تحدث عند رش القمةالنامية ب الكولشسين و الخردل و النتروز
النقر ليست ثقوب بل هي أماكن غير ملجننة
الكرات البيضاأ أميبية الشكل لذلك لها القدرة ع التغلغل ف الشعيرات الدموية
البراز به عنصر اخراجي هو العصارة الصفراوية للكبد
بي اتش للتيالين سبعة و 4من عشرة
الكبد غدة مختلطة لافرازها الصفراء و الهيبارين

[msaid93]

ما لقتش النموذج ف أي حتة و لوجت نكتب ال 2 أضمن
سلام بكرة نراجع حاجات تانية انشاأ الله

[msh-tlba]

ص 289
س3
‏
جين X يتكون من 150 زوج من النيوكليوتيدات ، كم عدد الاحماض الامينيه التي تدخل في تكوين البروتين الناتج ؟
‏
ج :- يتم نسخ الm.RNA ، من شريط واحد من الDNA
و ع ذلك يكون عدد النيوكليوتيدة بجزي MRNA هو 150 نيوكليوتيدة
عدد الاحماض الامينية = 150 / 3 = 50 حمض اميني ،
‏
عارف ان في ناس ممكن تفكر و تقول ما كودون الوقف لا يترجم ، يبئا 49 حمض اميني ، بس خدوا بالكوا انه مجبش سيرة كودون وقف او تتابع نيوكليوتيدات كودون الوقف او اي حاجة كدا خالص ، فاحنا بنتعامل ع ان كل كودوناته تترجم .

[msh-tlba]

ص 200
س 5 - ه
ماذا يحدث عن إستئصال المبيضين من امرأة اثناء فترة الحمل ؟ لماذا ؟

اذا كانت الازالة قبل الشهر الرابع ( قبل تكون المشيمة ) ، يحدث اجهاض ، لعدم افراز البروجسترون من الجسم الاصفر و بالتالي يقل الامداد الدموي لبطانة الرحم و يقل تماسك الجنين و يحدث الاجهاض .

اما اذا كانت هذة الازالة بعد الشهر الرابع ، لا يتأثر الجنين ، و لكنها ستصاب بالعقم بسبب ازالة المناسل لها . ( يعني الواد هيكون سليم ، بس مش هيجيله اخوات اصغر منه يطلع عينهم ! )

[Basma52]

حاجه مبدئيه ::

منشأ العصب السمبثاوي : المنطقه الصدريه من الحيل الشوكي ( وليس العقده الجيب اذينيه )

منشأ العصب الحائر : جذع الدماغ ( وليس العقده الجيب اذينيه )

[Basma52]

علل ، بالرغم من أنه يمكن من الناحية النظرية لشريطي جزئ ال dna ان ينسخا إلي شريط rna متكامل معه ، إلا انه يوجد شريط واحد فقط هو الذي ينسخ ؟!

بالمناسبه لدي ممكن نزود عليها حاجه ::
اننا نقول لان من الناحيه النظريه يمكن لكلا شريطي dna ان ينسخا الى rna يعني كل شريط يتم النسخ منه

اما من الناحيه العلميه فانه يكون النسخ من شريط واحد فقط وهي اللذي يكون في اتجاه ( 3----> 5 )
لان انزيم البلمره لا يهمل الا في اتجاه ( 5---->3) اذا انه ينسخ من شريط واحد فقط

ايه رأيك..؟؟

[msh-tlba]

المشاركة الأصلية كتبت بواسطة Basma52

بالمناسبه لدي ممكن نزود عليها حاجه ::
اننا نقول لان من الناحيه النظريه يمكن لكلا شريطي dna ان ينسخا الى rna يعني كل شريط يتم النسخ منه

اما من الناحيه العلميه فانه يكون النسخ من شريط واحد فقط وهي اللذي يكون في اتجاه ( 3----> 5 )
لان انزيم البلمره لا يهمل الا في اتجاه ( 5---->3) اذا انه ينسخ من شريط واحد فقط

ايه رأيك..؟؟

صح ، هو انزيم البلمرة بيعمل من 5' -> 3' ،
لكن دا في حالة تضاعف الDNA لانه بيعمل ع الشريطين في نفس الاتجاه ( راجعي رسمة تضاعف DNA )
لكن في نسخ الRNA ، فالشريطين مش بينفصلوا تماما و بالتالي ، هو ممكن يشتغل ع الشريط الاول من الاتجاه 5' بتاع الشريط الاول ، و ممكن يشتغل ع الشريط التاني من الاتجاه 5' بتاع الشريط التاني ... ،
‏
لذلك ، فالاجابة هنا زي ما موجودة في الكتاب ، هي بسبب وجود المحفز اللي بيوجه الانزيم للشريط اللي هينسخ منه ، و الجزء اللي هينسخه .
‏
- ع فكرة ، امبارح كان في توبيك واحد زميلنا اسمه هادي كان عامله و كان بيسأل فيه عن مصير الشريط التاني من الDNA اللي مش هيتنسخ لRNA ،
و احمد جاوبه اجابة مقنعة جدا ، و هي ان الشريطين مش بينفصلوا تماما عن بعض ، دا بس بيتفك الالتفاف في الجزء بتاع النسخ ،
و انا لاقيت صورة النسخ دا ع الويكيبديا و اتاكدت من اجابة احمد ، و رفعتها في المرفقات ،

[Basma52]

المشاركة الأصلية كتبت بواسطة msh-tlba

صح ، هو انزيم البلمرة بيعمل من 5' -> 3' ،
لكن دا في حالة تضاعف الdna لانه بيعمل ع الشريطين في نفس الاتجاه ( راجعي رسمة تضاعف dna )
لكن في نسخ الrna ، فالشريطين مش بينفصلوا تماما و بالتالي ، هو ممكن يشتغل ع الشريط الاول من الاتجاه 5' بتاع الشريط الاول ، و ممكن يشتغل ع الشريط التاني من الاتجاه 5' بتاع الشريط التاني ... ،
‏
لذلك ، فالاجابة هنا زي ما موجودة في الكتاب ، هي بسبب وجود المحفز اللي بيوجه الانزيم للشريط اللي هينسخ منه ، و الجزء اللي هينسخه .
‏
- ع فكرة ، امبارح كان في توبيك واحد زميلنا اسمه هادي كان عامله و كان بيسأل فيه عن مصير الشريط التاني من الdna اللي مش هيتنسخ لrna ،
و احمد جاوبه اجابة مقنعة جدا ، و هي ان الشريطين مش بينفصلوا تماما عن بعض ، دا بس بيتفك الالتفاف في الجزء بتاع النسخ ،
و انا لاقيت صورة النسخ دا ع الويكيبديا و اتاكدت من اجابة احمد ، و رفعتها في المرفقات ،

راجع الشرح اللي فوقها بالظبط

[msh-tlba]

المشاركة الأصلية كتبت بواسطة Basma52

راجع الشرح اللي فوقها بالظبط

هم بينفصلوا اينعم ، و لكن مش انفصال كلي زي اللي بيحصل في تضاعف و نسخ الDNA
‏
اقولك ، اكتبي في جوجل
RNA - Polymerase
شوفي صورة النسخ بتاع mrna من الويكيبديا ، هتفهم اللي قلناه ...
لو عندك كتاب الامتحان كمان ص272 ، السطر الثالث و الرابع ،
- تضاعف DNA يتم لكلا من شريطي .... ،
‏
‏
--- مشكورة جدا يا دكتورة ع الملاحظات في الاحساس و التكاثر ، جزاك الله خيرا ---

[كاريمان]

معلش عايزة اتاكد من حاجه ..تعدد المواليد ملغى ولا لأ

[bebo 2011]

دا سؤال فى كتاب المدرسة بردو
1-تتبع المسار الذى يسلكه الاماء والاملاح وكذا ثانى اكسيد الكربون حتى مكان استغلالها فى النبات
2-كيف يستخدم البروتين كمصدر للطاقة فى الخلية (فصل التنفس)
3-الذى يتحكم فى خروج البول (المثانة) صح؟
4-عندما يكون الجو حار للغاية يزداد معدل العرق لان الشعيرات الدموية (تتسع - تضيق- تنقبض- تتفلطح) انا بقول تتسع
5- هيا انابيب ملبيجى دى اللى هيا انا بيب النفرون
6- تتوقف كمية البول التى تستخلصها الكليتين من الدم فى اليوم الواحد على عدة عوامل . اذكر اتنين منها
علل:- قدرة السيال العصبى على الانتقال خلال الشق التشابكى
ماذا يحدث اذا لقحت الزهرة ولو تخصب؟
اثبت ان A+C / T+g يساوى واحد

[msh-tlba]

المشاركة الأصلية كتبت بواسطة bebo 2011

دا سؤال فى كتاب المدرسة بردو
1-تتبع المسار الذى يسلكه الاماء والاملاح وكذا ثانى اكسيد الكربون حتى مكان استغلالها فى النبات

‏
* الماء و الاملاح : محلول تربة > شعيرة جذرية > قشرة الجذر > اندودرمس > اوعية الخشب في الجذر > اوعية الخشب في الساق > العرق الوسطي في الورقة > العروق و العريقات حتي خلايا النسيج العمادي و الاسفنجي حيث يتم البناء الضوئي .
‏
co2 : دا بئا بيدخل من الثغور بالانتشار ثم غرف هوائية ثم خلايا النسيج الميزوفيلي حيث يتم البناء الضوئي
2-كيف يستخدم البروتين كمصدر للطاقة فى الخلية (فصل التنفس)

‏
* البروتين --> احماض امينية --> استيل مساعد انزيم أ --> تفاعلات دورة كربس --> سلسلة نقل الالكترون ( و هتكون محصلة الطاقة النهائية المنطلقة 24 atp ، بس مش شور اوي )

3-الذى يتحكم فى خروج البول (المثانة) صح؟

* صح ، و تحديدا عضلات المثانة ، عشان انت عارف انها كيس عضلي اصلا

4-عندما يكون الجو حار للغاية يزداد معدل العرق لان الشعيرات الدموية (تتسع - تضيق- تنقبض- تتفلطح) انا بقول تتسع

* اتناقشنا فيها قبل كدا في المنتدي ، تتسع صح .

5- هيا انابيب ملبيجى دى اللى هيا انا بيب النفرون

* بس دي من المنهج القديم ، لاقيتها فين دي في كتاب المدرسة ؟!!

6- تتوقف كمية البول التى تستخلصها الكليتين من الدم فى اليوم الواحد على عدة عوامل . اذكر اتنين منها

‏
* كمية السوائل التي يتناولها الفرد في اليوم
* درجة الحرارة
* المجهود البدني الذي يقوم به مما ينتج عنه زيادة افراز العرق ع حساب البول

علل:- قدرة السيال العصبى على الانتقال خلال الشق التشابكى

* بسبب وجود النواقل الكيميائية في حويصلات التشابك التي تنفجر بمجرد وصول السيال الي الازرار فتندفع ايونات الكالسيوم لتفجر الحويصلات فتتحر النواقل لتسبح في الشق التشابكي حتي تصل الي المستقبلات الخاصة ع غشاء الخلية التالية

ماذا يحدث اذا لقحت الزهرة ولم تخصب؟

* يحدث اثمار عذري

اثبت ان a+c / t+g يساوى واحد
* ههههه ، دا اثبات رياضي يا مان .
A=t
c=g
اذن ،
a/t = 1
c/g = 1
من قوانين التناسب بتاعة الرياضة ،
a+c = t+g
اذن ،
a+c / t+g = 1
‏

‏
‏
اسئلة حلوة جدا ، استمر يا مان و احنا معاك ... و لو لاقيت حاجات في الشرح مستخبية كمان فيدنا بها ، جزاك الله خيرا