|
|
|
#1
17-06-2009, 08:09 AM
|
||||
|
||||
اقتباس:
هتكلم سريعاً كده عن نقط لازم تعملوها
1.العبادة والصلاة وطاعة ربنا ثم الوالدين مهمة جداً يا جماعة علشان ربنا يكرمكم فى الامتحانات و النتيجة 2.حددوا مكان هادى وترتاحوا فيه للمذاكرة لإن تغيير المكان بيشتت العقل 3.لازم تنظموا أكلكم كويس مش تقولوا إحنا هنذاكر وبس .. لأ طبعاً لازم تتغذوا كويس علشان عقلكم يفضل صاحى و يقدر يستوعب المعلومات 4.لازم تنظموا نومكم كويس لإن النوم القليل بيتعب الإنسان جداً وبيكون مرهق طول اليوم 7 ساعات نوم حلوين ليكم 5.تنظيم وقت المذاكرة و جدول المذاكرة .. هيتكلم عليها دك.سعيد إن شاء الله 6.ماتقنعوش نفسك إن الثانوية العامة صعبة و مستحيلة والكلام الكبير ده لإنى لا صعبة ولا مستحيلة ولا فيها حاجة .. كل شىء مع المذاكرة والمراجعة و تقوى ربنا أولاً و أخيراً هتكون سهلة و بسيطة 7.وقت البريك بتاعكم حاولوا تقضوه فى شىء يفيدكم .. يعنى إسألوا على أقاربكم أو جيرانكم أو أصحابكم .. إقروا كتب مفيدة فى المجال اللى بيفضله كل واحد فيكم .. ساعدوا أهل بيتكم فى أى حاجة محتاجنها دى لفتة سريعة عن حاجات مهمة لازم تنفذوها و ربنا يكرمكم و يوفقكم إلى ما فيه الخير بإذن الله
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#2
13-06-2009, 11:57 AM
|
||||
|
||||
اه فى حاجة تانية
اثناء قرايتى لكلامكم لاقيت انكم بتتكلموا عن يوم راحة هل انتوا تقصدوا يوم راحة كاااااااااااااااااامل ؟؟  ولا تقصدوا يوم تكون فيه عدد ساعات المذاكرة اقل ولا ايه ؟؟؟؟  ونظام المذاكرة والتطبيق السهر لحد الصبح والفجر هل ده حلو ولا ايه ؟؟ مع انى مش بتفق مع كده لانه بيتعب الجسم وبالتالى المخ مش هيقدر يستوعب كتير او بالقدر المطلوب وكأن الانسان بيجبر المخ انه يحفظ غصب عنه :abdoog8::abdoog8::abdoog8: ولكن بلا جدوى  !!هل كلامى صح ولا لأ ؟؟؟؟؟؟؟؟
|
|
#4
16-06-2009, 07:04 PM
|
|||
|
|||
|
بسم الله الرحمن الرحيم انا اسمي زهره 16 سنه وداخله 2 ثانوي وعاوزه اجيب مجموع عالي جدا ومش عارفه اعمل ايه وانظم وقتي ازاي وانا كمان متنساش اني هدخل ان شاء الله صيدله او هندسه فانا مش عارفه اتصرف ازاي ابدا ازاي وانا كمان ضعيفه في الفرنساوي في اولي ثنوي مش عارفه اعمل ايه ممكن تسعندي انا من البحيره
|
|
#5
17-06-2009, 07:43 AM
|
||||
|
||||
|
اقتباس:
أهلاً بيكى يا زهرة
و ماتقلقيش ثانوية دى عسل  بالنسبة للفرنساوى فا هو مادة لذيذة جداً وسهلة جداً بس محتاجة حفظ و فهم مع بعض بتهيقلى لما يكون مدرس المادة بتحبى شرحه وبتفهمى منه أكيد هتحبى المادة وهتبقى سهلة بالنسبة ليكى لإنى فى أولى كنت فاشلة بمعنى الكلمة فى الفرنساوى وكنت كرهاه جداً لكن لما دخلت تانية وغيرت المدرس بتاع المادة حسيت بفرق كبير جداً فحاولى تشوفى مدرس فرنساوى كويس تاخدى معاه و شيلى من نفسك وهم إنك ضعيفة ومش هتقدرى عليها و الكلام ده .. خليكى واثقة إنك لو حبتيها وذاكرتيها هتجيبى ال50 درجة بالنسبة لتنظيم الوقت و المذاكرة واضح إن معظم الناس بتسأل السؤال ده دكتور سعيد شاطر فى السؤال ده هيرد عليكم أحسن منى و ربنا يوفقكم فى دراستكم وحياتكم يا رب و أفرح بمجامعكم الحلوة
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#6
17-06-2009, 08:13 AM
|
||||
|
||||
مُعينات للتذكر
*مُعينات للتذكر .. أهمها :-
1.ضرورة بذل الجهد فى فهم المادة المراد حفظها . 2.ضرورة أن يترك الطالب فترة راحة بين تعلم أو حفظ أو إستذكار مادة و أخرى . 3.ضرورة مراجعة المادة المتعلمة بين الحين و الآخر و عدم تركها لفترات طويلة حتى لا تتحلل و تتلاشى من الذاكرة . 4.التركيز أثناء الاستذكار فى عملية التحصيل فقط . 5.تلخيص المادة المراد إستيعابها كتابةً . 6.تخصيص جزء من الوقت لتسميع ما حفظته أو تعلمته . 7.ينبغى أن تهتم بحضور المحاضرات و تعطى لها كل إنتباهك وتركيزك . 8.حاول أن تربط المعلومات التى تريد الإحتفاظ بها فى الذاكرة مع أخرى لتساندها أثناء التذكر .
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#7
17-06-2009, 08:36 PM
|
||||
|
||||
|
اقتباس:
شكرا جدا على ردك وربنا يباركلك ويبارك فيك كمان وان شاء الله ادخل هندسة وادخل وابشركم كمان وافرحكم معايا وكان نفسى الدكاترة او المهندسين يقولوا افضل اقسام كلية الهندسة للبنات ؟؟؟؟ وربنا يوفقكم يااااااااااااااااااااااااااااارب
|
|
#8
17-06-2009, 08:42 PM
|
||||
|
||||
|
اه اسفه فى حاجة كنت عايزه اعقب عليها
اقتباس:
ياترى ممكن يكون فى طالب متفوق فى اولى وممكن يكون فاشل فى تانية ؟؟؟ لان حضرتك ذكرت فى كلامك ان العكس صحيح بردو ؟؟ اقتباس:
معلش طولت عليك حبيبتى
|
|
#9
18-06-2009, 11:57 AM
|
||||
|
||||
|
لا يا جميل اللى كانوا متفوقين فى أولى و إتغيروا فى تانية وتالتة دا كان إستهتار منهم
ماتقلقيش طالما انتى هتذاكرى و هتتابعى دروسك بإستمرار أكيد ربنا هيوفقك و هتكونى راضية عن مجموعك بإذن الله 
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#10
18-06-2009, 10:00 PM
|
||||
|
||||
|
أنا بقى لسه داخلة تانية ثانوى ان شاء الله
واخترت كيمياء بس فى ناس كتييييير جدااااااا قالولى الاحياء صعبة مع الفيزياء فمحتارة اغير ولا ايه؟؟ ياترى ايه رأيكوا؟؟؟
__________________
|
|
#11
19-06-2009, 08:55 AM
|
||||
|
||||
اقتباس:
شوفى انتى قدراتك إيه .. هتقدرى على الاتنين مع بعض ولا لأ
و طالما هتذاكرى و تهتمى بالمادتين إن شاء الله مفيش صعوبة هتقابلك سمعت إن الأحياء كبيرة شوية بس مادرستهاش علشان كده مقدرش أجاوبك على رأى المثل : إسأل مجرب و ماتسألش أسيل ربنا يوفقك يا رب .. و إن شاء الله حد ذو خبرة هيرد عليكى
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#12
19-06-2009, 10:01 PM
|
||||
|
||||
|
اقتباس:
بصي يا دكتورة (إن شاء الله  )الكيمياء في التانية أفضل من الأحياء وده يعني من واقع خبرتي معايا وأصحابي عشان 3 اسباب: اول سبب: معنى انك اخدتي احياء في تانية يبقى حصرتي نفسك في اختيارين يا إما علمي علوم او لاقدر الله ادبي (لاقدر الله عشان انتي مش عاوزة كده مش عشان ادبي وحش  )وده معناه برضه انك مطالبة تجيبي في تانية فوق ال97 عشان تبقي في مرحلة الامان في تالته لو استمريت على نفس المستوى تحت ال97 دخلنا مرحلة قلق ومعظم اللي كانوا كده معرفوش يزيدوا في تالته انما لو اخدتي كيمياء وجبتي مثلا في حدود 94 او 95 قدامك هندسة وحاسبات وفنون جميلة وكده وفرص قدامك انما احياء خلاص حصرتي نفسك يا اما علمي علوم او احول ادبي لو حصل حاجة وحشة  تاني سبب: الكيميا اسهل نسبيا من الاحياء (رغم اني جايب 49 ونص احياء و49 كيميا )اسهل نسبيا يعني اسهل بالنسبة لطالب تانية اللي لسه داخل مرحلة جديدة بيتعامل مع وضع صعب يمكن ميعرفش يتأقلم معاه فالمدرسين بتوعاها بيراعوا ده وبيساعدوا الطلبة على كده انما مدرس الاحياء عارف انه مع طالب خبرة وشاطر وجايب قد كده في تانية  فبيبقى الاسهل كيميا طبعا حتعرفي تتأقلمي معاه ومش حتحسي بصعوبتها وساعات يعني الاحياء بتيجي على مواد تانية فتلاقي 50 احياء وباقي المواد درجات زفت تالت سبب: انك تمشي مع المعظم...يعني معظم الطلبة بتاخد احياء في تالته وكيمياء في تانية...كلهم نفس ظروف الامتحان والتصحيح والدرجات والتنسيق بعد كده انما قلبتي مثلا...مين عارف ييجي امتحان احياء صعب في تانية والكيمياء سهل والنسة اللي بعدها يقلبوا يبقى اخدتي الامتحانين الصعبين و زمايلك امتحانين سهلين ويمكن العكس من واقع خبرتي واللي شوفته خلال سنتين كان معايا 6 صحابي عملوا كده زيك 1 في صيدلة و2 في علوم و2 بيطري وواحد قطع ورقة الاحصاء وبيعيدها لوحدها السنادي يعني ال6 معملوش اللي كان نفسهم فيه في حين السنادي عندي زميل في تالته جاب في تانية 98 وشغال كيميا السنادي كويس وربنا معاه ملخص كلامي::: خليكي ماشية زي الناس ومتحاوليش تمشي في خط تاني عشان اللي يجرى عليهم يجرى عليكي ومش حتفرق كيميا مع فيزياء ولا احياء مع فيزيا كحجم وترتييب وكده لانم ممكن تستهتري بالكيمياء في تالته وتهتمي بالفيزياء فتضيع الكيمياء و مجرد تفكيرك في انك تاخدي احياء في تانية كده معناه انك شاطرة وبتذاكري و حتعرفي تنظمي نفسك كويس و تجيبي مجموع كبير في تانية وتدخلي تالتة تحافظي على مجموعك ده كان ببساطة رأي شخصي ليا و طبعا الرأي الاخير ليكي ولأسرتك و استخيري ربنا وربنا يوفقك ان شاء الله 
|
|
#13
20-06-2009, 12:00 AM
|
||||
|
||||
|
شكرا لاهتمامكوا.....
اقتباس:
اقتباس:
ميرسى جداااااااا على رأيك وهو مقنع جداااااااااا وشكرا لاهتمامك وربنا يوفقك وتجيب تقديرات عالية
__________________
|
|
#14
20-06-2009, 03:29 PM
|
||||
|
||||
|
اقتباس:
سنة اولى مش مقياس لاني فاكر كنت جايب 265 حوالي يعني 88 في المية والحمد لله في ثانوية جبت 98 بالظبط الحمد لله فكل سنوات التعليم اللي فاتت حاجة والسنتين دول حاجة تانية خالص ممكن حد يبقى طالع اول مدرسته من اولى حضانة لاولى ثانوي وييجي في السنتين دول مع الضغط والمجهود اللي هيا متطلباه ميجبش مجموع لا قدر الله والعكس بيحصل ان ناس توصل لقمة تركيزها وتفوقها في السنتين دول وربنا معاكي ويوفقك
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 05:50 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
