|
|
|
#1
07-01-2014, 03:19 PM
|
||||
|
||||
اقتباس:
 حاولي انتى تظبطي مواعيد نومك ودروسك ولما تخلصي منهجك ف الدروس تبقي تفكري بقا ف حكاية انك تقعدي من الدروس دي  علا فكرة حكاية الاجابة بالنص دي معدتش مهمة والله لأن الامتحانات عادت بتقيس الفهم اكتر ده حتى ف الاحياء السنة اللى فاتت بجد لو شفتى نموزج اجابة الامتحان بجد هتنبهري ! اجابة كل سؤال مكنتش بتزيد عن سطر ونص !!!!! فنتى حاولي تلتزمى بالنص بس مش اوى يعنى اهم حاجة تكونى فاهمة انتى بتقولي ايه العربي والله هيتظبط بس مش دلوقتى علا اخر السنة كده ان شاء الله هتلاقيه كلو اتلم هو انتو هتفضلو حاسين بمشكلة العربي دى طول السنة حتى لو بتزاكريه اول بأول بس اخر السنة بقا مع الحل وكده هتحسي ان كلو اتظبط وممكن تسيبي درس العربي كمان لما تخلصو المنهج وتوفري وقت للمزاكرة هو والجيولوجيا والمواد الأدبية دى لما تخلصيها ف الدرس راجعيها مع المدرس مرة وبعدين سيبي الدرس بقا وراجعي مع نفسك ف البيت لو هتقدري تعتمدى علا نفسك ف المادة انما لو حاسة انك لو قعدتى ف البيت هتضيعي وقت ومش هتزاكري اوى حاسة ان اجزاء كتير مش هتعرفي تلميها لوحدك يبقا خلاص خليكي ف الدرس افضل وهدى اعصابك كده وربنا يوفقك اقتباس:
2- لأن كلا التكاثرين ليسا فى نفس دورة الحياة ويشترط في تبادل الأجيال أن يكون التكاثرين ف نفس الدورة 1- يتكاثر نجم البحر لا***يا بالتجدد 2- يا إما هرمون البروجسترون أو ممكن تبقا طبقة الهيالويونيك تقريبا
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~ 
|
|
#2
10-01-2014, 02:56 PM
|
||||
|
||||
|
اقتباس:
وهو حضرتك كنت بتحلى على الفيزياء والكيمياء والاحياء من كتاب ايه
__________________
الحمدلله 
|
|
#3
10-01-2014, 09:35 PM
|
|||
|
|||
|
اقتباس:
بجد ربنا يكرمك .. انا والله فكرت أروح لدكتوره نفسيه أنا من أسبوع كنت بقول فاضل 5 شهور .. دلوقتي بقيت خلاص أقول فاضل 4 ورقم 4 ده قدام عيني علي طول  كان نفسي أعمل حاجات كتير اوي لكن للأسف انا ضيعت الوقت مني بالخوف انا معايا في كل ماده كتابين وللأسف مشتغلتش منهم .. وفي الفيزيا كمان المستر بتاعي مش مهتم بالمسائل خالص وبيقول النظري هو الأهم ! وعليه تلات اربع درجات الإمتحان .. بس بنحل كتاب الإمتحان وخلاص أحاول احل من الوسام ولما يجي وقت المراجعات بقي أبقي أجيب كتب تانيه ولا أعمل ايه! أنا متناقضه جدا زي ما انتي شايفه يا دكتور  عماله أقول مفيش وقت وعماله اجيب في كتب واركنهآ علي الرف شكل ده هو سبب المشكله ^^ والله انتي كلامك هداني شويه .. فعلا الكلمه الطيبه صدقه نفسي فعلا كل الناس تاخد بالها من كلامها! وكمان إحباطهم للناس التانيه واسطوانه مش بذاكر ومش بفتح كتاب دي .. نقطه صغيره معلش انا آسفه كنت عايزة أسألك فيها .. هو لازم أذاكر من كتاب المدرسه .. أو مثلا كتاب الإمتحان (ال2 زي بعض ) أصل كل مدرس بيسمع من مذكراته ومش ببقي عارفه أحفظ من بره علشان بيفضل يتلكك ويقف علي الواحده والله مش عارفه أعالج الموضوع ده إزاي مع إن الماده العلميه في ال2 متطابقه!
|
|
#4
11-01-2014, 05:42 PM
|
||||
|
||||
|
اقتباس:
يعنى اى حاجة في ايدك زاكريها !! منتى متعرفيش الامتحان هيجي من ايه سيبك من المدرسين وزاكرى اللى انتى عايزاه من كل الكتب عشان مفيش معلومة تفوووتك ثانيا ابعدي عن كلام اصحابك انا عارفة الناس دى كنت بكره فيهم الخصلة دى مش فاهمة هيجري ايه لو كل واحد قال الحقيقة يعنى  والله انا لما كنت بزاكر حاجة معينة وزمايلي يسئلونى بقول اه زاكرت وكذا كذا وكمان كنت بدلهم ع الحاجات المهمة عارفة ولله لو حاولتى تساعدي زمايلك ربنا هيساعدك ف الامتحان  من كتم علما ينتفع به لجم بلجام من جهنم تقريبا او فيما معناه يعنى حكاية بقا بتشتري كتب كتير ومش بتحليها عادى طالما هتيجي علا اخر السنة وتحليهم كلهم مرة واحدة بتبقا حاجة حلوة عشان المعلومات بتبقا لسة جديدة ف الدماغ كده يادوب تحطيهم ف الامتحان  بس متركنيهمش يعنى اوى كده نشطي نفسك شوية ياستى بس اهم حاجة تكونى عاملة حسابك ان الكتب دى تتحل قبل ما تدخلي الامتحان فين بقا وامتا اتصرفي  يعنى تمشي عالحيط  تتشقلبي ف ازازة بيبسي  اهم حاجة تزاكريهم وتحليهم  وفرفشي كده واضحكي علا طوووووول خليكي باردة GOOD LUCK
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~
|
|
#5
11-01-2014, 11:15 PM
|
|||
|
|||
|
اقتباس:
انا متعقدة من النصوص لوحدى اقوم اعقدها اكتر بالملزمة دى ولا انتى شايفة ايه ؟؟ ثانيا القيمة الفنية والايحاءات ساعات بلاقى الاجابة غير اجابتى في اكلام بس مثلا اقول الحزن الذى ... الاقى حزن بس الذى تانى يارب تفهمى تانى حاجة انا هحل كتب مراجعة امتى لو محلتش دول دلوقتى  تالت حاجة ايه كتب المراجعة الممتازة في المواد وشككككرا
__________________
حديث الرسول -صلى الله عليه وسلم- : "المؤمن القوي خير وأحب إلى الله من المؤمن الضعيف وفي كلٍ خير، احرص على ما ينفعك، واستعن بالله، ولا تعجز، وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل، فإن لو تفتح عمل الشيطان"
|
|
#6
11-01-2014, 11:21 PM
|
||||
|
||||
|
السلام عليكم
ازيكم يا جماعه عاملين ايه وحشتوني جدا والمنتدى كمان والثانويه كلها والله هتبقى احلى ايام ف حياتكم بعد كدا  يارب تكونو كويسين كدا ولسه متفائلين واليأس موصلش لباب حد منكم على فكره مهما كانت المواد صعبه هتيجو قبل الامتحان كدا بتاع كل ماده هتحسوا انكم لميتو الماده من معظم جوانبها وزي ماقالت مياده العربي دا هتلاقو نفسكم ذاكرتوا كل الفروع فجأه كدا بدون سابق انذار والامتحانات بتيجي سهله والله بلاش الرعب دا المهم ان لسه الوقت بدري اوي كان ديما المدرس بتاعنا يقولنا اللي مش بيذاكر من اول السنه حاجه خالص وبيجي من شهر 3 يذاكر مذاكره نار بيجيب فوق ال 95 فما بالك بقى انتو ماشاء الله متفوقين وبتذاكروا من اول السنه فاللي فايته حاجه او اللي مش مركز ف حاجه او اللي مذاكر حاجه كروتيشن دونت وورى كله هيتظبط بس اهممممممم حاجه ف كل حاجه تمشوا مع المدرسين بتوعكم ف كل كلامهم يقولولكم فيه امتحان متنفضوش وروحو حتى لو مش مخلصين الجزء اللي هتمتحنوه لو قال هنراجع الجزء كذا تروحو وتحاولو تراجعوه حتى لو ربع مراجعه بس بجد المراجعات والامتحانات بتفرق كتير لانك لو سبت نفسك هتحس انك بتذاكر وبتنسى المعلومات !! وهتكتئب وهتدخل ف دوامه صعبه لا قدر الله خصوصا مع الناس اللي اعصابهم متوتره اوي بيبقو داخلين الامتحانات اخر السنه خلاص متظبطين وممتحنين كتيييييييير والموضوع بقى عادي فيه ناس بيقعدوا يفكروا ف الامتحانات 5 ساعات ويذاكروا ساعه !! وعلشان كدا كل ماتلاقي نفسك سرحت ودماغك راحت للامتحانات ارجع كدا وخلي الامتحانات لوقتها وخليك ف استعدادك ليها وفهم نفسك كدا انا هعمل ايه بالتفكير منا اذاكر احسن !! وخلي دايما جنبك ساعه وانت بتذاكر علشان كل شوية تبص ليها وتقلل من تضييع الوقت ومتسبش نفسك للتوهان ربنا يثبتكم ويوفقكم ويكرمكم بفضله لا بعملكم ..و كلكم حطو ف بالكم مجموع كبير وقولو يارب اجيب 100% لان كل ماتحط ف بالك اكتر كل ماهتجيب اكتر انما لو قلت يارب بس احصل 98 هتحس ان همتك قلت منورة يا Never Come Back  دخلت المنتدى اهو :D
__________________
Never Say Never
|
|
#7
14-01-2014, 04:42 PM
|
|||
|
|||
|
اقتباس:
أنا حبيتك في الله والله من غير ما أشوفك ♥ عايزة أقولك حاجه .. أنا قررت أدخل الإمتحانات السنه الجايه وبكره رايحه لدكتور نفسي علشان أتعالج إدعولي!!
|
|
#8
02-01-2014, 12:11 AM
|
|||
|
|||
|
اقتباس:
وشكرا لنصايح حضرتك وربنا يوفقك
__________________
حديث الرسول -صلى الله عليه وسلم- : "المؤمن القوي خير وأحب إلى الله من المؤمن الضعيف وفي كلٍ خير، احرص على ما ينفعك، واستعن بالله، ولا تعجز، وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل، فإن لو تفتح عمل الشيطان"
|
|
#9
02-01-2014, 04:46 PM
|
||||
|
||||
|
ازيكم ياجماااااااااعة يارب تكونوا بخير واخباااار المذاكرة والثانوى شدوا حيلكم ويااااااااارب تفرحوا كلكم بإذن الله
|
|
#10
03-01-2014, 12:36 PM
|
|||
|
|||
|
يا جماعه انتوا بتذكروا الفيزياء الحديثه ازاى ومن كتاب ايه؟
|
|
#12
04-01-2014, 06:49 PM
|
|||
|
|||
|
السلام عليكم
ياجماعة انا عايزة اعرف ايه الطريقة الصحيحة اللي ممكن يتذاكر بيها النصوص وياريت كل شخص يقولي ازاي بيذاكرها لاني عند مشكلة فيها
|
|
#13
06-01-2014, 10:10 AM
|
|||
|
|||
|
اقتباس:
|
|
#14
06-01-2014, 08:12 AM
|
|||
|
|||
|
يا جماعه .. فاضل 5 شهور علي الإمتحانات!!
أنا حاسه إني في كابوس أنا لحد دلوقتي مش راضيه عن نفسي في المذاكره الدرووووووووووس خلاص ضيعت كل وقتي!! كل شغلي من المذكرات وانا عمري عمري ما عملت كده .. وعملت كده علشان كل مدرس عايزني أسمعله من المذكره بتاعته انا حاسه اني ضعت !!! أعمل إيه ياربي هو ال5 شهور اللي فاضلين دول كتير ولا قليل ولا ايه !!! والفيزيا من بعد ما كنت بذاكر من ورق المستر مش عارفه ارجع للكتاب مش عارفه الصيغ كلها مختلفه .. انا من كتر الإحبااااااااااااااااط بحس اني عايزة مدخلش الإمتحانات السنه دي والله .. معرفش ليه بيحصلي كده في 3 ثانوي بالذات حسبي الله ونعم الوكيل في اللي حط ماده الجيولوجيا دي علشان انا تعبت مش عارفه أحفظها خالص وببقي هموت من الزعل لما ألاقي واحده مش بتعرف تعمل حاجه في حياتها غير إنها تحفظ وداخله علمي علوم كده .. وبتجيب أعلي مني ممكن أنا اجيب 26 من 30 في إمتحان وهي تجيب الـ 30 وبالإجابات النموذجيه والعربي يا جماعه مش بفتحه! حد يقولي أذاكر إمتي الدروس ضيعتني أقعد منها يعني ولا أعمل إيه بس انا حاسه ان الوقت خلااااااااااااااااااااص ضاع
|
|
#15
06-01-2014, 10:04 AM
|
|||
|
|||
|
اقتباس:
حاولى على قد ما تقدرى تقللى ساعات نومك، وإضغطى على نفسك علشان المجموع، كده كده ناقص 5 شهور وديه مده مش كتيره ولا قليلة، فا هتعرفى تلحقى نفسك، الجيولوجيا سهله انا مش فاهم إيه المشكله، حفظ ولا مش حفظ غصب عننا لازم هنحفظها ونمتحن فيها علشان ندخل إلى عايزينو وبعدين إحنا لسه 17 سنه والثانوية العامة أول إختبار فى حياتنا علشان ندخل على التانى، ماينفعش ماننجحش فيه وزى ما قلتلك قللى نومك، أنا بنام الساعه 9 ليل وأصحى 5 الفجر وبانجز حاجات كتير فيهم الحمد لله مع الدروس طبعا
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 03:30 PM.
