تنسيق الطلبة المصريين العائدين من الخارج

[سمبل سمايل^_^]

ممكن حد يفهمن دلواتي انا واخده الثانويه من الامارات يعني لازم اروح المكتب عشان اخد الظرف يوم الثلاثاء 3-8 (مينفعش الاربعاء ؟؟)
طيب وادخل الرغبات على النت امتى؟؟؟
واروح تاني المكتب عشان اسلم الشهادات امتى؟؟؟

[varios]

تروحي تاخدي الملف الثلاثاء
هتقدمي ع النت الاحد اللي الجاي
هتروحي تودي الورق تاني الثلاثاء 10/8

[الأستاذة أم شاهندة]

الثلاثاء.. بدء صرف أوراق الشهادات المعادلة بمكتب التنسيق

7/31/2010 8:07:00 PM
أحمد شمس الدين: مصراوي - يبدأ مكتب تنسيق القبول بالجامعات والمعاهد يوم الثلاثاء صرف أوراق الطلاب الحاصلين على الشهادات المعادلة العربية والأجنبية بالمكتب الرئيسي بالقاهرة وفرعيه بالإسكندرية وأسيوط. وحتى يوم السبت 8 أغسطس، على أن يبدأ الطلاب في إدخال رغباتهم يوم الأحد 8 أغسطس وحتى 13 من نفس الشهر.
وصرح د. هاني هلال وزير التعليم العالي والدولة للبحث العلمي بأنه تم فتح فرع لصرف وقبول أوراق طلاب الشهادات المعادلة سواء العربية أو الأجنبية بجامعة الإسكندرية بمبنى كلية التجارة بمجمع الكليات النظرية بالشاطبي لخدمة أبناء الإسكندرية والوجه البحري.
وأضاف وزير التعليم العالي أنه تم فتح فرع أخر بجامعة أسيوط بمبنى إدارة الجامعة القديم بالوليدية، لخدمة أبناء الوجه القبلي، بالإضافة إلى المكتب الرئيس بالقاهرة بمقر المدينة الجامعية للطلاب بجامعة القاهرة.
من جانبه أوضح عبد الحميد سلامة وكيل أول وزارة التعليم العالي والمشرف العام على التنسيق الأوراق سيتم صرفها للطلاب الحاصلين على الشهادات المعادلة العربية هذا العام من الإمارات وليبيا وقطر وعمان للشعبتين العلمي والأدبي يوم الثلاثاء 3 أغسطس القادم.
وتابع المشرف العام على التنسيق أن الأوراق سيتم صرفها من الكويت والبحرين والأردن والسودان واليمن يوم الأربعاء 4 أغسطس ، ومن السعودية "بنين" يوم الخميس 5 أغسطس، والسعودية "بنات" في اليوم التالي.
وسوف يخصص يوم السبت 7 أغسطس للطلاب الذين تخلفوا عن صرف الأوراق خلال الأيام المحددة لهم من جميع الشهادات


http://www.masrawy.com/News/Egypt/Po.../stud_edu.aspx

[مصراوى22]

http://www.almasry-alyoum.com/articl...3&IssueID=1849

[el5oly93]

انا عندي سؤال للاستاذ مدحت هو التنسيق للعام الجامعي 2011/2012 واللي حاصلين على الثانوية من السعودية عام دراسي 2010/2011
هايبقى 60% مدرسة 40%قدرات ولا هايطبق عليهم التحصيلي ؟

[samsam_91]

طيب ازاي كتاااااااااااابة الرغبات يوم الاحد 8-8 و عايزينا نسلم الملف في يوم الاحد 8-8 للطلاب القادمين من السعودية بنين

[mr.7sn]

هو انا لازم اجي اقدم بنفسي ولا اختي ممكن تقدملي اصلي رجعت الكويت ومش لاقي حجز وسمعت ان لازم توكيل حد يرد عليا ضرووووووووووووووووووووووووووري

[محمد سعد بلبل]

يا ناس اانا نازل بكره انشاء الله ولسه قدامي توثيق شهاده وانا التنسيق بتاعي الخميس الشهاده هطول فتوثيق ولا لا طمنوني عشان انا اعد خايف اوي وشهاده الميلاد بتطلع من مجمع التحرير ولا ايه لان مفيش اي وقت اني اروح مجمع التحرير وملقهاش من هناك ارجوكم ردو عليا قبل مسافر عشان ابى ناز عارف انا هعمل ايه وايه استماره 555 توثيق ديه واجبها منين ردو بالله عليكم الي عمل الخطوه ديه بسرعه عشان اعرف انا هروح فين بظبط

[mohamedsalem372]

يا ناس اانا نازل بكره انشاء الله ولسه قدامي توثيق شهاده وانا التنسيق بتاعي الخميس الشهاده هطول فتوثيق ولا لا طمنوني عشان انا اعد خايف اوي وشهاده الميلاد بتطلع من مجمع التحرير ولا ايه لان مفيش اي وقت اني اروح مجمع التحرير وملقهاش من هناك ارجوكم ردو عليا قبل مسافر عشان ابى ناز عارف انا هعمل ايه وايه استماره 555 توثيق ديه واجبها منين ردو بالله عليكم الي عمل الخطوه ديه بسرعه عشان اعرف انا هروح فين بظبط



بالنسبة لشهادة الميلاد بتجيبها من السجل المدني اللي انت تابع ليه
اعتقد شهادة الميلاد مطلوبه عشان الرقم القومي

واستمارة 555 دي اول ورقه في كتاب الدليل اللي هتلاقيه في الملف اللي هتشتريه


أنا عندي سؤال
هو لازم كل طالب يروح يشتري الملف بنفسه ولا ممكن اي حد طالما الاوراق المطلوبه معاه؟؟؟

[مصراوى22]

واشترط المكتب إحضار أصل شهادة النجاح وصورة منها، وأصل شهادة الميلاد وصورة منها لكل الشهادات ماعدا الثانوية السعودية والتى اشترط المكتب لها إحضار أصل شهادة النجاح معتمدة للصفين الثانى والثالث الثانوى، واليمنية شهادة النجاح للصفين الثانى والثالث الثانوى، وأيضا الشهادة الإعدادية.

ارجو من الاخوه الحاصلين على الشهاده الثانويه من السعوديه احضار اصل شهاده الثانويه + اصل شهاده النجاح كمان للصف الثانى

[night-knight]

شباب بالنسبة ل ان حد يقدملك
انا كنت سألت وقالولي عادي اوك ممكن اخوك مثلا يقدملك
بس الكلام ده كان قبل 20 -7

[مصراوى22]

انا عندي سؤال للاستاذ مدحت هو التنسيق للعام الجامعي 2011/2012 واللي حاصلين على الثانوية من السعودية عام دراسي 2010/2011
هايبقى 60% مدرسة 40%قدرات ولا هايطبق عليهم التحصيلي

اخى العزيز / التنسيق العام القادم ان شاء الله تعالى هيكون ايه العلم عند الله لان السنه ده هتشهد متغيرات كثيره جدا

من خلال ترشيح الرئيس ومجلس الشعب وهل الوزير هيقعد ولا يمشى

نصيحتى اجتهد واطلع من الاوائل ولاتترك حاجه للصدفه بيدى لابيد عمرو

[مصراوى22]

أكد مكتب تنسيق القبول بالجامعات أنه سيفتح باب تنسيق طلاب الشهادات المعادلة العربية والأجنبية الثلاثاء المقبل بالمقر الرئيسى بالقاهرة وفرعيه بالإسكندرية وأسيوط، فيما سيسجل الطلاب رغباتهم بدءاً من الأحد 8 أغسطس. وأوضح المكتب أنه سيبدأ صرف الأوراق يوميا من الساعة التاسعة صباحا وحتى السادسة مساءً، للطلاب الحاصلين على الشهادة الإماراتية والقطرية والعمانية والليبية والألمانية والبكالوريا الفرنسية الثلاثاء 3أغسطس، وللحاصلين على الشهادة الكويتية والبحرينية والأردنية والسودانية واليمنية والثانوية الكندية والبكالوريا الدولية يوم الأربعاء 4 أغسطس، وللحاصلين على الشهادة السعودية "بنين" والثانوية الأمريكية الخميس 5أغسطس، وللحاصلين على الشهادة السعودية "بنات" والثانوية الإنجليزية "طبقا للشروط" الجمعة 6 أغسطس، بينما يصرف مكتب التنسيق الأوراق للطلاب الذين تخلفوا عن صرف الأوراق فى الأيام المحددة لكل شهادة يوم السبت الموافق 7 أغسطس.

واشترط المكتب إحضار أصل شهادة النجاح وصورة منها، وأصل شهادة الميلاد وصورة منها لكل الشهادات، ما عدا الثانوية السعودية، والتى اشترط المكتب لها إحضار أصل شهادة النجاح معتمدة للصفين الثانى والثالث الثانوى، واليمنية حيث إحضار شهادة النجاح للصفين الثانى والثالث الثانوى، وأيضا الشهادة الإعدادية.

ويبدأ الطلاب تسجيل رغباتهم من على موقع التنسيق الإلكترونى بداية من يوم الأحد 8 أغسطس وحتى الجمعة 13 أغسطس من خلال معامل الكمبيوتر فى الجامعات من التاسعة صباحا وحتى الخامسة مساءً يوميا، ومن خلال أجهزة الحاسب الشخصى لمدة 24 ساعة يوميا.

ويتزامن ذلك مع استلام أوراق الطلاب بمكاتب تنسيق القاهرة والإسكندرية وأسيوط للحاصلين على الشهادات السعودية يوم الأحد8 أغسطس للبنين والاثنين للبنات، بينما يتم استلام أوراق طلاب شهادات الإمارات وليبيا وقطر وعمان يوم الثلاثاء 10أغسطس، والكويت والبحرين والأردن والسودان واليمن يوم الأربعاء 11أغسطس.

كما يتم استلام أوراق طلاب الشهادات الأجنبية، وفقا لنفس الجدول، حيث يتم استقبال أوراق الحاصلين على الثانوية الألمانية والبكالوريا الفرنسية يوم الأحد8 أغسطس، واستلام أوراق الثانوية الكندية والبكالوريا الدولية يوم الاثنين، والثانوية الأمريكية يومى الثلاثاء والأربعاء والثانوية الإنجليزية يوم الخميس ويخصص يوم الجمعة للمتخلفين عن التسليم من طلاب جميع الشهادات العربية والأجنبية.

وصرح عبد الحميد سلامة، رئيس قطاع التعليم المشرف العام على مكتب التنسيق، بأنه سيتاح للطالب قائمة بأسماء الكليات والمعاهد التى تقبل الطلاب وفقا للقواعد التى أقرها المجلس الأعلى للجامعات لكل شهادة من الشهادات سالفة الذكر.

[مصراوى22]

اتصل بهذا الرقم5525 ثم اضغط رقم 2 ثم الرقم الداخلى 610555

والرد فى ثوان من خلال مختصون

اتمنى لكم التوفيق

[ندى بالنعناع]

أنا عندي سؤال
هو لازم كل طالب يروح يشتري الملف بنفسه ولا ممكن اي حد طالما الاوراق المطلوبه معاه؟؟؟

لا مش لازم الطالب بنفسو هو اللي يقدم الورق ويسحب الملف .. ممكن أي حد بالنيابة عنك يسحب الملف طالما معاه كل الاوراق المطلوبة .. مش شرط انت يعني ..

وإلى صفاء مصر .. أنا واخدة الثانوية من الامارات ودلوقتي في مصر خلاص .. ولسة متصلة بيهم امبارح قالولي يوم التلات معاد سحب الملفات ... وربنا يفرجها كده عالكل ان شاء الله

بس هو انا عندي سؤال لولبي كدهون : دلوقتي تنسيق الطلبة الي اخدو الثانوية من مصر نزل وواضح انو تنسيق ايدك والارض يعني .. احنا بقى اللي جايين من الخليج تنسيقنا بيختلف بس يعني هيختلف كتير اوي ويعلى زي التنسيق بتاع السنة اللي فاتت مثلا ولا هيبقى في نفس الرينج ده ؟؟