ألـــــــو الخط الساخن

[asmaa ahmedr]

انا عملاها 2

[عااصي]

بجد no comment انا مستغربة من اللي بيقول الامتحان سهل اكيد كانوا في امتحان تاني خالص غير بتاعنا انا اعتقد الامتحان للطالب المتميز فقط مش للطالب العادي واللي حل كويس ربنا يكرمه بس نتقابل يوم النتيجة ويقول انا جبت 50 الامتحان صعب جدا واعتقد التغذية والنقل دول مش تبع الامتحان خالص علي الرغم ان عليهم 12 درجات انا اعتقد ان الامتحان dna بس واعتقد ان اختر كان سهل جدا هههههههههههههههههههههه مش كده ده حتي اختر بتاع السنين اللي فاتت بيبقا ساهل جدا مش زي ده انا بجد مصدومة ومش بنطق ولا عارفه ارد

[Hazem-Hamdy]

ماقدرش اقول الامتحان كان سهل اوي او صعغب قوي هيا احسن كلمة توصف الامتحان
خارج عن المألوف يعني اسئلته جاية غير مباشرة بس فييه منها سهل بس عامة هو الي حاطط الامتحان بيتفزلك و الفزلكة بتاعته دي هيا الي خلت الامتحان شكله غريب !

[Ezel]

مصدومة بجد ومش بنطق


ربنا يستر من التنسيق

......................

[josephmorris]

ههههههه انا بجد ضحكت من العنوان .. فكرتينى بإليسا
لا انشاء الله ربنا يوفقك هو امتحان كان عالى شويه بس مش تعجيزى

[bent elhob]

ههههههههههههه طب كمل الاغنيه يااجوزيف ^^
يااحبيبتى الامتحان مش سهل بجد
يلا الحمد لله
قل لن يصيبنا الا مااكتب الله لنا
واعرفى انه خير لك سوا جبتى 50 او نقصتى كله مكتوب
وربنا يستر

[braveheart2010]

اذا كنتىانتى مصدومة انا خلاص بدور على كلية ترضى بيا

[josephmorris]

ماقدرش اقول الامتحان كان سهل اوي او صعغب قوي هيا احسن كلمة توصف الامتحان

مقدرش اقول احساسى كان لعبة فى ايديه

هههههههههههه ايه حكاية الاغانى دى كل حاجه بتقلب معايا بأغانى

[Dr. Toka]

انا والله مصدومة اكتر منك انا واحدة كنت مذاكرة والله العظيم كويس جدا انا مادة الاحياء دى اكتر مادة بذاكرها من اول السنة والله كنت بقصر فى حاجات تانى عشانها وفى الاخر كل حاجة ضاعت الاختيارات ماشاء الله بطيخ نصها بتتحل حادى بادى رسمة الكبد غريبة جدا وعليها اختلاف واموت واعرف هى بنكرياس ولا اثنى عشر انا عملبتها بنكرياس عشان كنت باصة امبارح على رسمة كتاب المدرسة بس مع الاسف قالولى غلط مالنتائج سؤالين اجابتهم اجابة واحدة ازاااااااااااااى مش عارفة بجد انا لو شفت اللى حاطط الامتحان دة هقتله بايدى حسبى الله ونعم الوكيل مش كفاية العربى والانجليزى اللى ضيعت فيهم درجات بالعبيط وعلى فكرة انا شاطرة والله وبذاكر من اول السنة عشان محدش يفتكر انى لعبية ربنا بس اللى عالم الواحد تعب قد ايه السنة دى وفى الاخر تعبه راح فى الهوا بس انا املى فى ربنا كبيييييييييير

[aya gamal 12345]

ليه يا جماعه بتقولو الامتحان صعب دا كان سهل جدااااااااااا اللجنه عندنا خلصت في اول ساعه وبعدين بدأو يعيطو من سهوله الامتحان ويقولو حرااااام ايه الامتحان دا احنا عايزين حاجه تفرقنا عن الطلبه المتخلفين . ههههههه والله حراااام يعني تعبنا يروح واحلامنا تضيع عشان واحد متخلف حاطت الامتحان وبيتسلي بينا حسبي الله ونعم الوكيل في الي حاطت الامتحان يا رب الي احنا حاسيين بيه احنا واهلينا دلوقتي يحث بيه في عياله والله بيعذبونا بالبطئ وايه كمان الظلم دا ازاي الرياضه جت سهله اوووي كدا واحنا الاحياء جت زفت ونيله وهباب

[mahameho94]

لا اله الا الله انتو بتبشرونا خير ان الكيميا هتيجي دماااااااااااااااااااااااااااااااااااااااار

[لوجين 3]

استر في الكيمياء يااااااااااااااااااااااارب

[Heartbeat]

باذن الله الكيميا هتيجى لذيذة
انا متفائلة(مش اوى يعنى)
والحمد لله انكوا خلصتوا الاحياء
وباذن الله التصحيح يكون كويس
ادعولنا فى الكيميا الله يخليكوا

[omar_lg2003]

باذن الله الكيمياء هتيجى لذيذة
انا متفائل(مش اوى يعنى)
والحمد لله انكوا خلصتوا الاحياء
وباذن الله التصحيح يكون كويس
ادعولنا فى الكيمياء الله يخليكوا

[Arkenine]

السلام عليكم ، بعيدا عن الفرحان والزعلان ، بعيدا عن الآراء المتضاربة عن مستوى الأمتحان ، والآراء المتباينة على جزئيات معينة ، الأمتحان خلص !!!!!!!!....... يعنى ياريت كله يركز فى الأمتحانات الجاية وما يشيلش فى نفسه ..


أنا كنت عاوز أكتب الموضوع ده بعد ما هوجة الأمتحان دى تخلص ، بس هكتبه دلوقت وأمرى لله ...... فى القسم المرحوم ده ( سابقا ) ، وطول فترة المراجعات ( ال 8 أيام ) ما صادفتش أى أستاذ ( بالنسبة لى طبعا ) إدى لنا معلومة أو جاوب على سؤال لطالب ، لكن مع كده كان فيه شوية زملاء هنا ، بجد استفدت منهم وكانوا بيجاوبوا على كل الأسئلة حتى ولو مش متتأكدين ، محدش منهم كان بيبخل بمعلومة أو ملاحظة ولو صغيرة ، وعلشان كده حبيت أشكرهم كده لأنى بجد بجد بجد استفدت منهم .
msh-tlba الدكتور الكبير ودينامو الأحياء ، ربنا يكون فى عونك وعون موبايلك !!!
تامر باسل
josephmorris
Basma52
ahmed_06000
ArabianPDA
amany elfeqi
عـابر سبيل ( الشاعر الحلمنتيشى الكبير ).
bebo 2011
x_alaa
twilight_twilight
بلابل
أزهار الخريف ( ولا تزعلى ) .
واعذرونى لو نسيت حد لأنى نساى أصلا ( بتشديد السين ) ، ربنا يوفقوا كلكم وتبقوا دكاترة وصيادلة وكل اللى إنتم عاوزينه .
أخوكم مصطفى .