حياتى مع 3ث .. يمكن تستفيدوا ^.^

[Norhan Mostafa]

المشاركة الأصلية كتبت بواسطة اية عبد اللطيف

متخافيش كلنا بندعيلك

يا رب تفرحينا قريب
بس متنسناش

ربنا يستر بقي تبقي دكتوره وتسينا
لا يا اميرتي الحلوه مش هيحصل صح

[ران نيتشان]

المشاركة الأصلية كتبت بواسطة norhan mostafa

ربنا يستر بقي تبقي دكتوره وتسينا
لا يا اميرتي الحلوه مش هيحصل صح

ههه انتي بتسايسي طفله يا نور :‏d
هو بعد كمية الاغراءات دي وانساكم دا انا هفتح مخصوص ع اخد كلمتين حلووين.......واسيبك@_@‏



اكيد بهزر... معاكي ان شاالله‎
‎

[ران نيتشان]

المشاركة الأصلية كتبت بواسطة اية عبد اللطيف

متخافيش كلنا بندعيلك

يا رب تفرحينا قريب
بس متنسناش

يارب
ربنا يكرمكم .‏
باذن الله هفضل معاكم واظبط وقتي ...ومش هتخلي عنكم ‏‎
‎

[amanyaly2]

شكراااااا موضوع راااااااائع جزاك الله خيرا

[ران نيتشان]

الE/
الماده تقريبا عن skillمش فيه غير الفايند وال تشوز والقصه ده م المنهج والباقي ترجمه وفهم.
*المهم/
اولا:السبيكر-ملزمه يتحفظ منها الاماكن والمتحدثون والفنكشن ويتحل ع كتير
*ثانيا/الجرامر/اكيد ده عاوز فهم مش حفظ وخلاص وان كان ف بعض الحاجات بتحفظ/ياريت لو تعرفوا تلخصوا الجرامر كله بنفسكم هيريحكم كتير.
***اوصيكم ثم اوصيكم ثم اوصيكم باليسننج والريدنج والريفيو يتقراو بعناية شديده جدا وتركيز عال ومزاج رايق وتقفوا مع كل جمله وحرف جر وتعلموا عليه ويتحفظ كويس..القراءه كذا مره وع فترات ..والملحوظات ال وراهم تاخدوا باكم منها...لانهم بيلعبو ف الf والCH ع كده
*المفاهيم/تعرفوها كويس يعن يجي التعريف تكون عارف كلمته والعكس
لان باختصار هو بيمتحنكوا من كلمات المنهج مش من قاموسكم فخليكم ف السليم ع ماف حد يتلكك تنفع وماتنفعش.
*القصه/احلي حاجه بغض النظر ع الكوتشن ال ساعات بيلخبط زي عمو فرتز الطائش وعمو سبت الرزين
هتلاقوا بعض المواقف بيتضح فيها كده فتقدروا تفرقوا بينهم
-احفظوها س و ج بس لازم الفصل يتقرا كويس جدا واقراوها بحب واستمتاع .
وتكونوا ف الاخر قادرين تحكوها بتفاصيلها الممله .لوحتي بالعربي .

[ران نيتشان]

*الترجمه/
لو تشوفوا امتحانات السنين السابقه هتلاقو الترجمه سهله
*كفاية اوي ملزمه واحده تحفظوا منها وتراجعو ع ال بتحفظوه
*الحفظ/لو مش المستر حاكمكم بحاجه محدده ابداو مع نفسكم لو كل يوم 5 كلمات او حسب المقدره وتراجعو ف اخر الاسبوع.
*قطعه الفهم /حلو منها كتير لانها هتعرفكم معان اكتر وهتثبتها .
*لو كنتم عاملين كشكول خاص بالترجمه من زمان او مش عاملين فحاولوا تعملوا واحد وكل كلمه تفابلكم جديده تكتبوها
،ممكن ف نفس الكشكول تكتبوا ملاحظات ع مش تنسوها زي كلمه مش بتاخد حرف جر او جمله لها تركيب محدد
*دوما وانتوا بتحلوا ترجمه مش لازم الكلمه هي ممكن تانية نفس المعني واهم شئ تعرفوا تكتبوها
بس مش هيضر تعرفوا ترجمه الكلمه الاصلية خصوصا لو مش ف امتحان.
[البرجراف]/
كل 2اسبوع يتكتب واحد ع الاقل .
احنا مثلا كان المستر بيعطنا كل 2 اسبوع امتحان ويحدد3 برجراف ع ندرب نفسنا يجي واحد ف الامتحان...،امتحانات ما كان بيحدد فيها ويشوف هنكتب ازاي.

[ران نيتشان]

<الكتب>/اهم شي اسئلهwbولونج مان وامتحانات السنوات السابقه لان ف جمل بتيجي نصا .
كان معي :توب وسكل بتاعه"هو بيجي منفصل يعن ممكن تشتروه لوحده"،سربرايز شرح ومراجعه،مذكرات المستر ال اد الملخص مرتين.
*كتاب ال سكل ده ف جمل ترجمه...منهم مترجم ومنهم ماليس مترجم....حلوا الاول ال مترجم .
*ياريت توروا المستر الترجمه والبرجراف والا هيكون بلا فائده.
*بردو ف الكتاب عبارات تساعد ف البرجراف هتفيدكم تكتبوا حاجه ضامنينها.

[Mohamed_Hamza]

المشاركة الأصلية كتبت بواسطة ران نيتشان

<الكتب>/اهم شي اسئلهwbولونج مان وامتحانات السنوات السابقه لان ف جمل بتيجي نصا .
كان معي :توب وسكل بتاعه"هو بيجي منفصل يعن ممكن تشتروه لوحده"،سربرايز شرح ومراجعه،مذكرات المستر ال اد الملخص مرتين.
*كتاب ال سكل ده ف جمل ترجمه...منهم مترجم ومنهم ماليس مترجم....حلوا الاول ال مترجم .
*ياريت توروا المستر الترجمه والبرجراف والا هيكون بلا فائده.
*بردو ف الكتاب عبارات تساعد ف البرجراف هتفيدكم تكتبوا حاجه ضامنينها.

بركة لو حد لقى yasser's notes

[ران نيتشان]

المشاركة الأصلية كتبت بواسطة mohamed_hamza

بركة لو حد لقى yasser's notes

بصراحه نفسي اشوفه :‏d‎
‎

[Mohamed_Hamza]

المشاركة الأصلية كتبت بواسطة ران نيتشان

بصراحه نفسي اشوفه :‏d‎
‎

ههههههههههه

[ران نيتشان]

المشاركة الأصلية كتبت بواسطة mohamed_hamza

ههههههههههه

خلاص لو هو لس عند حضرتك ممكن نشوفه؟‎
‎

[ران نيتشان]

~~~روحاآآنياآآت ج2~~~
من المشاكل ال بتقابلنا وبتزيد ف3 الضغط وخصوصا من الاهل
اكيد بيتسلل لكثير منا ان الاهل بيحاربونا ..ناسين ان الاهل دول نعمه بس مش حاسين بها .
‏#رضا الوالدين ربنا يرضي عنا وعنكم مفتاح النجاح
*هم نفسهم ان احنا نكون اعلي منهم ف كل شئ وافضل ف كل حاجه ..بس الطريقه ال بينصحونا بها هي ال مش صح .
*لازم نكون عارفين انهم الوحيدين ال فعلا حبهم صادق.
*بما اننا عرفنا ان هدفهم خير يبقي نغض الطرف عن الطريقه خالص ...لازم نتعود نحط نفسنا ف صندوق زجاجي بس غير قابل للكسر شايفين العقبات ال بتترمي علينا بس حامين نفسنا .
*نتخيل دوما فرحتهم وان احنا سبب سعادتهم ،فنسرع باللجوء لله والتذلل له والالحاح ف الدعاء والتوكل عليه وحسن الظن به والثقه فيه فمحال ان تحسن الظن بالله ولا يحسن المن لك...باذن الله لن يخيب لكم رجاء.
*زي ماانتم عاوزين تفرحوهم ...من حقكم تفرحوا انفسكم..من حقكم ان ينظر لكم نظره اعجاب وليست احتقار..من حقكم تحلموا وتحققوا احلامكم.

[ران نيتشان]

الجيو/
___
دي كتاب المدرسه او كتاب الامتحان مع كتاب المدرسه برضوا ع لو سطر منسي.
*الرسومات/خلوا بالكم منها وال بيتكتب تحتها بيجي عليها سؤال والبيانات تتحفظ زي ماهي.
*لازم ترسموا بنفسكم وتحطوا البيانات ع مش تنسوا حاجه.
*ياريت لو تجيبوا كشكول صغير وتجمعوا ف الرسومات دي.
*الكتب/كان معايا :كتاب الامتحان شرح ومراجعه والدليل..بس ماحلتش الدليل كله لان المستر قال ف اخطا وزيادات.
كان بردو معي :الاول ده ف رسومات واسئله كويسه.
*ف الاغلب الامتحانات بتيجي من اسئله السنوات السابقه ..يعن بحل الامتحانات دي بتضمنوا جزء كبير م الامتحان

[ران نيتشان]

الاحياء/
___
*هي اكيد حفظ بس بفهم بردو بس مش تروحو لعالم اللا بعد وتجيبوا حاجات بعيده جدا خليكم ف المباشر.
*كتاب المدرسه/ربنا يكرمكم ملكوش غيره زي الجيو.
*الرسومات:يتعمل فيها زي الجيو كشكول رسم والبيانات وال تحت الرسم وهكذا.
*ياريت لو مثلا بتجيبوا اسئله م النت او المستر بيعطها لكم تجمعوها ف ملف.٠
*الكتب/كتاب الامتحان شرح ومراجعه والدليل وبس
اكيد طبعا ده قليل فكنت بجيب اسئله من : مذكرات ع النت /كتاب الشامل ده جميل جدا بس مش كاه كامل وله جروب اسمه كتاب التميز ف الاحيا/جروب الاحيا سر الحياه"موجود ع استاذ حسن محرم"
*الاستاذه ع البوابه بينزلوا امتحانات ما تفوتكوش بردوا
بس اولا خلصوا ال معاكم ع ما تحسوا ان الدنيا مكركبه فوق دماغكم

[ahmedtarea]

موضوع جميل ربنا معانا في النتيجه ويسترها
ملاحظة ي اخوانا
العربي بيتذاكر كل يوم او ع الاقل خالص 5 ايام في الاسبوع
ربنا معاكم وادعولنا