ززجل ابكى المستمعين عن المعلم والكادر فى برنامج سحابة صيف

[طفلة مصرية]

اثناء استضافتى فى برنامج سحابة صيف بالراديو على الهواء مباشرتا
حدثت مداخلة من الاستاذ المعلم مجدى عبد الله عن المعلم يلخص فيها قضية الاستاذ ومايمر بة وما يحلم الية
وهذة كلمات الزجل او الموال باسم

أنا الاستاذ


الأوله: أناأستاذ حكايتى تطوف المدن والريف
أنا اللى طول عمرى عشان أحيا بعدى سحابة صيف
أنا اللى طال ظلمى وقصتى حداها الزيف
أنا اللى بقيت ذكرى بعدما كان علمى فى البحور مجاديف
************************
والثانيه: أناأستاذ وباكتب شكوتى بدمى وزمن العلم صابه نزيف
وبقيت رحال على رزقى وعلى رقبتى حد السيف
وطباشرتى تبكى فى صبعى وقلمى فى كفنه مخيف
وادى رسالتى لديق الحال تتوهنى فى جنيه ورغيف
**************************
والثالثه: أنا أستاذ والعلم عودى وخلانى عليه عزيف
أجيال بتكبر على كتفى وظهر العبد صلبه ضعيف
أنا باغزل من البشر بكره ودلوقتى خيطى ضعيف
عشان الجهل طال النجم ودفن العلم فى الأرشيف
****************************
والرابعه: أنا أستاذ وعايز للميزان عادل وواد شويف
يخلى الكفه قد الكفه والا يا ويله من التطفيف
أستاذ ووارث من الأنبيا الحكمة ازاى يعيش على التسليف
امته يا بكره يتولد من الهرم سلطان يتوجنى ويكون لى نصيف