نموذج الإجابة الرسمى للوزارة لإمتحان الجيولوجيا والعلوم البيئيية دور أول 2013

[mool_hassan]

متشكرين جداااااااااا يا مستر على مجهودك

[مستر حسن متولى]

للأسف إجابتك خاطئة وهيضيع منك نصف درجة عليها لأن الأدلة الحديثة المطلوب ذكر دليل واحد منها هى :
1- وجود المعابد الرومانية غارقة تحت مياه البحر فى الإسكندرية .
2- وجود بعض القرى الساحلية غارقة .
3- وجود بعض مراكز المراقبة الحدودية غارقة أيضاً .
أما الدليل اللى حضرتك كتبتيه فهو من الأدلة القديمة وليست الحديثة . ربنا يوفقك

[مستر حسن متولى]

تحت أمرك ياموول ربنا يوفقكم

[7odaxd]

سؤال بس يا مستر لو سمحت دلوقتى انا لو كاتب اجابة و شاطب عليها بالقلم الرصاص و هي كانت صح ممكن المصحح يحسبها صح بدال الاجابة التانية؟

[elkammar mohamed]

نموذج الاجابة على السؤال السادس رسمت الانهار الاجابة خطأ تماما
والاجابة الصحيحة هى أ) مرحلة الشيخوخة (المظهر الجيولوجى السهل المنبسط)
ب) مرحلة النضوج ج) مرحلة الشباب
أجابة كايرو دار سليمة تماما والرجاء مراجعة كتاب المدرسة او اى مرجع جيولوجى او الاشكال الموجودة على الانترنت لمعرفة الاجابة

[مستر حسن متولى]

الإجابات المشطوبة يتم تصحيحها لمصلحة الطالب والمسودات تصحح حتى لو بالقلم الرصاص نحن فى صف الطالب فى جميع الحالات فأنتم مستقبل مصر .

[مستر حسن متولى]

(أ) تمثل مرحلة الشباب لأن البروفيل على شكل v ضيقة (ركز النظر على المنظر الأمامى للقطاع وليس العلوى) ولا توجد مشكلة فى هذا القطاع .
(ب) هى دى المشكلة ، لماذا ؟ البروفيل فعلاً على شكل قوس ( وأرجو كما سبق وقلت يتم تحديد شكل البروفيل او قطاع النهر من المنظر الأمامى وليس العلوى وليس الصخور على جانبى النهر) ومعنى أن البروفيل على شكل قوس فهى إذن مرحلة الشيخوخة ، ولكن المشكلة فى وجود المياندرز فى هذا القطاع لأنها مميزة للنهر فى مرحلة التضوج وقد اعترضنا بشراسة على هذا القطاع دون جدوى .
(ج) لاتوجد فيها مشكلة فالبروفيل فعلا على شكل سبعة واسعة ويميز مرحلة النضوج . شاهد هذا الرابط
مع كل الإحترام والتقدير للزملاء الأعزاء فى كايرو دار .

http://thebritishgeographer.weebly.c...landforms.html

[7odaxd]

ربنا يطمنك يامستر و شكراً على الرد السريع

[memo5757]

إجابة كايرو دار على سؤال الأنهار خاطئة يامحمود وراجع نموذج الوزارة كويس

[Nurhan Diab]

هو ليه لما احمل النموذج بيقولي ملكيش صلاحيات

[ahmed H capo]

مستر حسن متولى

يعني خلاص الدرجه راحت :'(
النهر اللي في النص في مياندرز حراام والله انا ذاكرت وتعبت ليه بيعملوا فينا كدة

[مستر حسن متولى]

يانورهان سجلى فى المنتدى واعملى حساب بالإيميل بتاعك وانتى تحملى النموذج بسهولة ولو مش عارفة طريقة التسجيل أنا وضعت رابط فى المشاركة اضغطى عليه هيفتح لك موقع مدرسة الحسينية الثانوية بنات وهو موقع مجانى غير ربحى وهتحملى النموذج هناك بسهولة ومن غير تسجيل .

[مستر حسن متولى]

معاك حق ياأحمد فعلاً المياندرز مميزة للنهر فى مرحلة النضوج لكن شكل القطاع (البروفيل) قوس وهو مميز لمرحلة الشيخوخة وعلى فكرة احنا اعترضنا بشدة على هذا القطاع وكان عندنا أمل نوزع درجته على الأجزاء الأخرى لكن للأسف لم نتمكن من ذلك ربنا يوفقك يابطل .

[mool_hassan]

اية اخبار التصحيح يا مستر ؟

[اسلام التملى]

شكرا لذالك المجهود الرائع