أرشيف لأسئلة واستفسارات الطلاب في الجيولوجيا منذ افتتاح المنتدي

[احمدمحمود]

شكرا جداااااااااا وربنا يبارك فيك

[بنت العقيدة]

ممكن يا جماعة حد يفسرلى المقولة دى وقد عبر احد العلماء عن ذلك بقوله ان الاعتماد على الاسماك الكبيرة التى تقع على قمة السلاسل البحرية فى تغذية الانسان كمن يحاول اطعام البشر على الارض من لحم الاسود كتاب المدرسة علوم بيئة ص24 .

[بنت العقيدة]

ايه يا جماعة محدش عارف ولا ايه امال فين المدرسين

[MohammeD el_SadaT]

والله هو أنا كنت جيلوجيا لما كنت لسه فى ثانويه كنت أدبى يعنى
وعمرى ما شوفت الجمله دى

لأنى عمرى ما فتحت كتاب المدرسه المهم


أنا على ما أعتقد إنه هنه بيقول

إن الإنسان ميقدرش يعتمد على الأسماك اللى فى قمه الهرم الغذائىفى مأكله
لأن ده هيبقى زى ما تكونى عاوزه تعيشى فى أكلك على لحم الإسود

يعنى من الآخر الأسماك دى مش للأكل

[بنت العقيدة]

ميرسى على ردك يا سدات وانا شكه فى كده بس نتاكد كلنا من المدرس

[بنت العقيدة]

السلام عليكم ايه فين المدرسين وفين الطلبة محدش عارف ولا ايه

[صوت الحق]

المشاركة الأصلية كتبت بواسطة بنت العقيدة

السلام عليكم ايه فين المدرسين وفين الطلبة محدش عارف ولا ايه

أضم صوتى إلى صوتك ؟

[بنت العقيدة]

السلام عليكم انا زهقت هو مفيش مدرسين جيولوجيا بالموقع ولا ايه

[romio_elmasry]

صلى على رسول الله

[سبيدر مان]

السلام عليكم

هو الرد متهياقلى انة الاسماك الى فى قمه الهرم الغذائى هى دى الاسماك المفيدة
لكن الى فى اخر الهرم دى مش مفيدة خالص وملهاش لزمة
وشكرا

[زبادو]

معلش كل اجابتكم غلط لان لو زيدتى الاسماك اللى فى قمة السلاسل الغذائية اللى عبارة عن اسماك قرش والاسماك الكبيرة كانك بتاكلى الانسان لان الانسان بيتغذى عليها دى غير كده هتلاقى كمية الاسماك الصغيرة هتقل وباقى السلاسلة الغذائية التى تجى فى اوائل الهرم الغذائى سيحدث لها انقراض ففضل هذا العالم اكثار اول السلاسل الغذائية الا وهى الطحالب فلكى نزيد انتاجية البحار يجب الزيادة فى كنمية الطحالب لانها تعتمد عليها الحلقة الثانية والحلقة الثالثة تعتمد على الحلقة الثانية وهكذا

[بنت العقيدة]

جزاك الله كل خير على الاجابه ممكن اعرف مين الى قلك الاجابه دى

[زبادو]

انا سالت نفس السؤال ده لدكتور جيلوجيا فى كلية العلوم وجاوبهالى انا قلتلك على اللى فهمولى لكن انتى لو عاوزة الاجابة بالنص قولى وجزاك الله خيرا

[بنت العقيدة]

متشكرة اوى على الاهتمام ويا ريت تكون تجابه بالنص عشان لو جهه السؤال ده

[زبادو]

الاجابة بالنص لزيادة انتاجية البحار ينبفى الاعتماد على الحلقة الاولى وليست التالية ولا الاخيرة وقد عبر احد العلماء عن هذا بانه قال ان زيادة الحلقة الاخيرة من سلسلة الهرم الغذائى كمن يحاول اطعام البشر على الارض من لحم الاسود ولهذا تجرى البحوث العلمية حول تنمية الهائمات النباتية وجمعها كغذاء للانسان او علف للماشية وهكذا تكمل حلقات السلاسل البحرية التى تبدا بالكائنات المنتجة للغذاء تليها المستهلكة ثم المحللة