سؤال لو تسمحولي

[xxqxpxx]

تمام اشطه لأ كده الواحد يتكل على الله ويخش
طيب معلش بقى حاجه اخيره احسن الكليات او المعاهد ايه ؟ احسن و اعلى حاجه خالص ايه ؟؟
الشروق ولا 6 اكتوبر ولا العاشر ولا ايه بالضبط ياريت لو ترتبهملي معلش

[Eng.Mo'men]

الشروق بعدين العاشر بعدين 6 اكتوبر ,, الفروق بسيطة كلها .

[xxqxpxx]

طيب ايه رايك ف الجامعه الكنديه او الروسيه واسعارهم كام ؟

[Eng.Mo'men]

لا لا سيبك , واسعارهم عالية اوي , اسمع كلامي وروح الشروق

[xxqxpxx]

اشطه تمام ندوس ف الشروق
طيب بالنسبه للكورسات ف حاجه اخشها دلوقتي قبل ما الدراسه تبتدي ولا بعدين احسن ؟؟
و ع فكره انا بعتلك اد واسمي ahmed abdul fatah

[xxqxpxx]

وهو تنسيق الشروق حاسبات بيكون نفس تنسيق الهندسه ف الشروق بردوا ولا اقل ؟

[xxqxpxx]

وايه رايك كمان ف الجامعه المصريه للعلوم والتكنولوجيا

[Eng.Mo'men]

على حسب الاقبال عالاتنين , بس ما تخافش علوم الحاسب هتكون اقل من هندسة ف المجموع وهتخشها ان شاء الله , كويسة .

[xxqxpxx]

يعني اخليني ف الشروق وخلاص ؟
لان النهرده انا كنت مع دكتور ف حاسبات شبين وقالي ان كل الخاص ف الحاسبات زباله ووحش وان احسن الوحشين مصر للعلوم والتكنولوجيا انا بأمانه قربت اتجنننننن

[xxqxpxx]

يعني اخليني ف الشروق وخلاص ؟
لان النهرده انا كنت مع دكتور ف حاسبات شبين وقالي ان كل الخاص ف الحاسبات زباله ووحش وان احسن الوحشين مصر للعلوم والتكنولوجيا انا بأمانه قربت اتجنننننن

[Eng.Mo'men]

مش تسمع كلام الدكاترة , انا مش عاوز اغلط فيهم عشان صايم بس , اتوكل على الله وادخل الشروق واجتهد فيها ومش تكتفى باللى هتاخده ف المعهد بس خد كورسات خارجية برده يعني عيييييييييش .

[xxqxpxx]

انا بعتلك اد ع الفيس لما تفتح هقولك ع كل حاجه ^^

[xxqxpxx]

طيب وايه رايك ف العبور ؟؟
+
هو ايه الفرق بين حاسبات وهندسه اتصالات ؟؟
ولو انا دخلت هندسه ايه اقرب حاجه للحاسبات cs من ناحيه البرمجه وكده ؟؟

[Eng.Mo'men]

العبور كويسة
حاسبات قريبة من هندسة اتصالات , الفرق ان حاسبات بتتعمق فى البرمجة والداتا بيس والشبكات والتصميمات انما هندسة اتصالات بتتعمق فى اتصالات الأقمار الصناعية والشبكات برده وشبكات المحمول وهكذا , بس الاتنين بيتخرجوا يشتغلوا نفس الشغل إما مهندس شبكات واتصالات إما مهندس حاسبات , لو دخلت هندسة ادخل قسم كهربا ومنه ادخل شعبة حاسبات بس ساعتها هتدبس فى الهاردوير وهتاخد برده بعض مواد حاسبات بس على خفيف من غير تعمق .