|
#16
12-08-2011, 09:28 PM
|
|||
|
|||
 الصوت الحلقه الرابعه تقف اميرة وهى سنده امير وهو فى شبه غيبوبه من كتر الضرب اللى انضربه من عمها واولاده وتشاور لتاكسى وتقوله اميرة/ تاكسى السواق/ إركبى ياهانم واول ما يوصل التاكسى قدام مستشفى السلام تنزل اميرة بسرعه تنده للممرضين علشان يشيلوا امير وفعلا يهجم المرضين ويشيلوا امير ويدخلوة على اوضه الجراحه وتنزل اميرة الحسابات تدفع فلوس تحت الحساب للمستشفى ، ولما ترجع تلاقى امير خرج من اوضه الجراحه واتنقل لغرفه ، تسأل الممرضه وتقولها اميرة / لو سمحتى غرفه الاستاذ أمير إللى لسه جاى فى حادثه الضرب ، غرفه كام ؟؟ الممرضه / غرفه 213 وتدخل اميرة الغرفه واول ما تدخل تلاقى امير نايم على السرير ومفتح عنيه فتقوله اميرة / حمد الله على السلامه ياأمير امير/ أخيرا قولتيها أمير من غير أستاذ أنا لو أعرف إن الضرب هيخليكى تقوليلى ، أمير بس ، كنت إنضربت من زمان اميرة / كلك زوق ياأمير امير / فين الموز ولا البرتقال؟؟ إنتى داخله عليا من غير حتى ربع كيلو موز إيه البخل ده أنا بهزر على فكرة أنا كفايه عندى زيارتك ليا دى باالدنيا كلها، انا نفسى اقولك وساعتها يدخل شخص ضخم لابس بدله سوده ونضاره سوده يبص لامير ويقوله الشخص / إنت أمير نور الدين؟؟ امير / أيوة أنا زفت مش وقتك خالص ، انا كنت لسه هخرج مشاعيرى وأحاسيسى للمزة ، مين حضرتك؟؟ الشخص/ انا العميد حسام توفيق المخابرات العامه امير / نعم يانهار إسود أنا برئى والله ما أعرف الشبكه ولا الجواسيس ، حتى البنت دى معرفهاش العميد حسام / إهدى ياأستاذ أمير أنا هنا بخصوص المستندات إللى موجوده عندك امير / مستندات ايه ؟؟ العميد حسام / الاوراق الخاصه برجال الاعمال إللى بسببها شقتك ولعت وكنت هتموت امير / لا والله يعنى إنتم كنتم عرفين إن شقتى هتولع وبرغم كده مش عملتم أى حاجه إيه كنتم عوزنى مشوى العميد حسام / فين الاوراق ياأستاذ أمير ؟؟؟ امير / فى البيت عندى العميد حسام / إزى فى البيت والبيت ولع؟؟ امير / لا ء ياباشا ما أنا ......... الصوت / ( بلاش تقوله ) العميد حسام / فين باالظبط يااستاذ امير ؟؟ الصوت /( بلاش تقوله ) يبص امير حوليه ويقول فى سره امير / إنت تانى عاوز إيه المرة دى ياوش المصايب؟؟ وإزى مش أقوله ده مخابرات ياأهبل ، بس معاك حق فعلا لازم أتأكد !! امير / سياده العميد ممكن أشوف الكارنيه بتاعك العميد حسام / إيه إنت مش واثق فيا؟؟ إتفضل الكارنيه بتاعى ده حقك وياخد امير الكارنيه بتاعه يبص فيه وبعدها يدهوله وهو بيبص حوليه وبيقول فى سره بغضب ، الله يخرب بيتك صوت غبى هيودينى فى داهيه ، اهو طلع مخابرات ياغبى اميره / طيب ممكن أمشى انا ياسياده العميد ؟؟ امير / ايه البياعه دى يااميرة !! وانا اللى افتكرتك الحته الطريه اللى فى حياتى العميد حسام / ثوانى ياانسه اميرة وانا اللى هسيبكم وهمشى ، وبعد ما إطمنت على شخصيتى يااستاذ امير ، فين الاوراق بقه؟؟ ولا تحب أجيبك رسمى لمقر المخابرات العامه وهناك هعرف منك كل حاجه امير / لالالالالالالالالالالالالالالالالالا إيه ياباشا أنا بهزرمعاك الصوت /( بلاش تقوله ) العميد حسام / فين الاوراق؟؟ امير / الاوراق فى ...... إيه ده انا فقدت الذاكرة إنت مين ياعم إنتى مين ياأميرة ؟؟ اميرة / إنتى مين يااميرة !! إنت مجنون والله مجنون العميد حسام / إظاهر إنك مش هتيجى باالزوق عتريس .. حسين هتولى الاستاذ ده والبنت إللى معاه دى يعم وهى مالها بس سيبوها وساعتها يدخل ظابط ومعاه قوة من الشرطه ويخرج مسدسه ويوجه للعميد حسام والرجلين اللى معاه ويقولهم الظابط / إرمى سلاحك إنت وهو، كله على الارض ... كله على الارض امير / مين إنت كمان؟؟ الظابط / أنا الرائد أيمن أمن دوله يبص امير حوليه بإستغراب ويشاور على العميد حسام ويقول امير / امال ده مين ؟؟ الرائد أيمن / ده من رجاله رجل الاعمال توفيق حسين وكان جاى ياخد منك المستندات ويخلص عليك بس إحنا كنا مرقبينه كويس ولحقناك فى الوقت المناسب ويشاور الرائد ايمن للقوة بتاعته فيخرجوا العصابه بره الاوضه فيبص امير حوليه بإستغراب ويقول امير / ايه ده فين اميرة ؟؟ دى كانت لسه هنا جمبى ، إنت فين يامزة الرائد أيمن / متخفش الانسه أميرة كويسه بس أنا خرجتها بره علشان عايز أقولك كلام مهم رجل الاعمال توفيق حسين مش هيسيبك فى حالك أبدا خلى بالك من نفسك امير / هو إيه ده !! هو انا إللى هخلى بالى من نفسى وإنتم مش هتخلوا بالكم منى الرائد ايمن / إحنا مرقبين كل تحركاتك ياأستاذ امير متخفش امير / أنا أخاف ، أمير عمرة مايخاف هو إنتم مش هتعينولى حراسه على بيتى ولا أعتمد على نفسى ولا إيه ظروفكم الرائد ايمن / إحنا مرقبينك من بعيد لبعيد متخفش ابدا وأنا جمبك امير / كل رجال الشرطه بيقولوا كده وفى الاخر إحنا إللى بنموت والبوليس بيجى ديما فى النهايه وهو مشغل واوى واوى واوى سرنتكم المعروفه وتنزل النهايه على الفيلم وأموت أنا بقه الرائد ايمن / إيه إللى بتقوله ده ياأستاذ أمير متخفش طول ما أنا جمبك أسيبك دلوقتى ترتاح وياريت الانسه أميرة متعرفش أى شئ عن كلامنا ده سلام ويمشى الرائد ايمن من الاوضه وساعتها تدخل اميرة جرى وتسأل أمير وتقوله اميرة / أمير فى إيه ياأمير ؟؟ ومين الناس دى؟؟ وعايزين منك إيه؟؟ امير / إيه ده إنتى خايفه عليا ولا إيه!! امير ة/ أه طبعا لازم أخاف عليك مش إنت مسكلى قضيتى امير / نعم ياختى بس كده امير ة/ أمال إنت فاكر إيه امير/ مش فاكر أى حاجه خالص إمشى يااميرة ، إمشى ،ماهو يوم مش باين من أوله وتمشى أميرة من الاوضه ويقعد امير لوحده يفكر فى كل اللى حصله وفاجاه يسمع صوت بيضحك وبيقوله الصوت / ( هههههههههههههههههه)أخدت بومبه يامعلم امير / مين بيتكلم؟؟ الصوت / مش عارفنى انا الصوت هههههههههههههههههههه ................................. والى لقاء قادم وجديد من الصوت بقلم تامر على الطويل أمير الجروح
__________________
 ولما قلبى إداكى قلبى ياحته منىرجعتلى بسمه كانت رقيقه ضايعه منى  
|
|
#18
12-08-2011, 11:30 PM
|
|||
|
|||
|
قصة جميلة يا غالي ننتظر أبداعاتك
|
|
#19
13-08-2011, 12:05 AM
|
|||
|
|||
|
اقتباس:
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#20
13-08-2011, 12:07 AM
|
|||
|
|||
|
اقتباس:
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#21
13-08-2011, 12:25 AM
|
||||
|
||||
|
بومبة ههههههههههه .. حلوة والله
بسلم قلمك 
|
|
#22
13-08-2011, 02:16 PM
|
|||
|
|||
|
اقتباس:
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#23
13-08-2011, 02:28 PM
|
|||
|
|||
|
يوميات (الصوت) الحلقه الخامسه امير / إنت مين ياعم ؟؟ وعاوز منى إيه ؟؟ إنت جنى ولا إنسى ولاشبح ولا شيطان رد عليا ومتجننيش معقول أنا إتجننت !! وبكلم نفسى !! الصوت/ متخفش ياأمير أنا مش شيطان ولا جنى أنا إنسان زيك بس روح من غير جسد ، وإختارتك إنت بالذات علشان محتاج منك خدمه ، انت الوحيد اللى هتقدر تسمعنى من غير ماتشوفنى لانى دلوقتى بقيت مجرد وهم او سراب قدام عنيك ، وهم ليه صوت بيكلمك إهدى وأنا هحكيلك حكايتى امير/ إحكى ياعم وخلصنى ماهو يوم باين من أوله ، بس ياريت بإختصار قبل ما حد يدخل عليا ويلقينى بكلم نفسى ويقول عليا مجنون الصوت / أنا إسمى أحمد إبتدت حكايتى لما روحت لحسام صديق عمرى البيت وفتحتلى ولدته وقلتلها الحكايه احمد / السلام عليكم أم حسام / وعليكم السلام ورحمه الله وبركاته احمد /إذيك ياحجه؟؟ أم حسام / الحمد لله ياأحمد احمد / ياترى الباشا حسام موجود ولا زى عادته نايم ام حسام / إدخله جوة ، نايم ومش راضى يصحى ويدخل احمد على اوضه حسام ويقرب منه ويهزة وهو بيقوله احمد / إصحى بقه ياإبنى من الغيبوبه اللى انت فيها دى حسام / فى إيه بس يااحمد ؟؟ أنا مش هروح المعهد النهارده سبنى أنام بقه حرام عليك احمد / ياإبنى عنك ماروحت أنا مش جيلك علشان كده ، فوق بقه حسام / أدينى فوقت أهوة يعم احمد، أما أشوف أخرتها معاك ،عاوز إيه؟؟ يسكت احمد ومايردش على حسام فيقوله حسام بغضب حسام/ ماتتكلم ياإبنى إنت جاى بتسمعنى سكوتك احمد / منى جالها عريس وإنت عارف إنى بحبها يقوم حسام من على السرير ويقوله بغضب وعصبيه حسام/ إنت لسه بتحبها بعد إللى أبوها عمله فيك إنت مجنون ياإبنى مش كفايه طردك من بيته لما روحت تخطبها وقلك معنديش بنات للجواز ، وكل ده علشان إنت لسه طالب احمد /كان لازم اروحله ياحسام يعنى كنت عايزنى أعمل إيه ؟؟ وبلاش تفكرنى ، أنا لسه جاى من عنده دلوقتى حسام / إنت إتجننت ياأحمد ، روحتله تانى!! و روحتله ليه بقه تانى ، بعد ما رفضك وطردك من عنده!! احمد / منى كلمتنى إمبارح وقلتلى إن خالتها جيه النهارده تخطبها لإبنها ، مقدرتش استحمل اشوف منى بتضيع منى وانا واقف ساكت ، وعلشان كده روحتله حسام / طيب قولتله إيه ؟؟وقالك إيه ؟؟ والله إنت مجنون احمد /مجنون علشان بحب بجد !! انا إتصلت بيه وقولتله أنا عاوز أكلمك فى موضوع مهم ياعمى وفعلا إتفقنا إننا نتقابل فى كافيتريا الجيش إللى بيقعد فيها روحتله وحولت أقنعه بخطوبتى من بنته وإنى فتحت مشروع محل موبيلات صغير على قدى قلى بص ياإبنى أنا عاوز أضمن مستقبل بنتى وأنا مش هجوزها غير لموظف زى أختها،وطول ماأنا عايش عمرها ماهتتجوزك احمد / أعمل إيه ياحسام؟؟ خالتها هتخطبها لآبنها النهارده وأنا بحبها ومش ممكن أحب واحده غيرها قولى أعمل إيه؟؟ حسام / والله ياأحمد ، موضوعك ده عجيب ،إزى تروح لأبوها بعد ماطردك وقلك معنديش بنات للجواز فين كرمتك ياإبنى احمد/ لما يجى اليوم إللى تحب فيه بجدهتحس قدام حبيبتك إن الكرامه ملهاش أى قيمه من غيرها حسام / والله ما عارف اقولك ايه طيب ومنى عمله إيه دلوقتى ؟؟ احمد /أنا كلمتها وقولتلها إنى هقابل أبوها النهارده وهكلمه تانى بس مش عارف اقوله ايه تانى اكتر من اللى انا قولته يارتنى اقدر ابعد عنها واخليها تشوف مستقبلها وحياتها مع غيرى ساعات كتير ببقه عاوز أبعد عنها علشان تشوف مستقبلها، وتكون سعيده مع حد غيرى بس برجع من أول كلمه تقولهالى أضعف وأرجع ليها تانى بحبها قوى ياحسام حسام / طيب والحل إيه؟؟ احمد / أنا جيلك علشان تقولى أعمل إيه فتحت مشروع الموبيلات وبرضه أبوها رفض بقالى مده أى وظيفه حكوميه بيطلبو فيها تعين بروح أقدم أعمل إيه تانى بس!! حسام / مش عارف والله أقولك إيه يااحمد !! وساعتها يرن موبيل احمد فيبصله حسام بإستغراب ويقوله حسام / موبيلك بيرن ياأحمد ماترود عليه احمد / دى منى ، أكيد هتسألنى على اللى حصل النهارده فى مقابلتى مع والدها ، مش عارف اقولها ايه !! ولا قادر ارد عليها لازم أبعد عنها وأحاول على قد ما أقدر إنى أنساها، انا همشى ياحسام حاسس انى مخنوق وعايز اشم شويه هواء ويمشى احمد من عند حسام وهو فى حاله انهيار ومش فاهم ولا عارف هو على فين رايح ، توصله رجليه عند الكورنيش فيقعد قدام البحر بالساعات ويروح على بيته يحاول ينام بس مايعرفش فيفضل صاحى طول الليل وتانى يوم الصبح يرن جرس موبيله يبص على اسم المتصل يلقيه حسام فيفتح عليه ويقوله احمد/ الو وووووووو حسام / إذيك يااحمد أنا فى الكافيه ماتيجى طيب أنا مستنيك ، بس متتأخرش وبعد نصف ساعه يجى احمد على الكافيه ويقعد قدام حسام فيبصله حسام بإستغراب ويقوله حسام /فى إيه ياإبنى مالك ؟؟ وشك متغير وكإنك مانمتش احمد / أنا فعلا مانمتش طول الليل منى مكلمتنيش إمبارح وقافله موبيلها عمرها ماسبتنى أنام من غير ماتقول تصبح على خير أنا قلقان عليها قوى ياحسام حسام / أنا عندى حل هيخليك تكلم منى إستنا احمد / بتعمل إيه؟؟ حسام / هكلم نجوى أختى تتصل بيها فى البيت وتطمنا عليها الوووووووووو أيوة يانجوى عايزك تكلمى منى وتعرفى منها بتقولى ايه ، مالها منى ؟؟ احمد / فى إيه ياحسام منى مالها؟؟ ماترد عليا فى إيه حسام / منى فى المستشفى ياأحمد من إمبارح بليل كانو هيقرو فتحتها على إبن خالتها وبعدين تعبت وودوها المستشفى وهى هناك دلوقتى يقوم احمد من على الكرسى ويجرى زى المجنون ، يقوم حسام وراه ويقوله حسام / رايح فين يامجنون؟؟ إستنا انا جاى معاك وفى المستشفى يدخل احمد جرى زى المجنون ولما يشوف ولده منى و ولدها منهارين ، يبص لولدتها و يقولها احمد / مالها منى ياطنط ؟؟ تبصله والده منى ودموعها على خدها وهى منهاره وتقوله الام / منى تعبانه قوى يااحمد ، ادعلها ربنا يشفيها وساعتها يخرج الدكتور من اوضه الكشف واول ما يشوفه احمد يقوله احمد / دكتور مالها منى يادكتور؟؟ الدكتور / مش هخبى عليكم منى حالتها خطيرة جدا الكلى عندها تعبانه قوى ولازملها نقل كلى فورا والتاخير مش فى مصلحتها ساعتها تنهار الام على ادين زوجها ويغمى عليها ويدخل احمد فى حاله زهول وهو مش حاسس ب اى حاجه حوليه غير كلام الدكتور وهو بيقول (الكلى عندها تعبانه قوى ولازملها نقل كلى فورا والتاخير مش فى مصلحتها) وبعد مرور 4 ايام وفى بيت احمد ، يقعد احمد وهو حزين فالما يشوفه حسام بالشكل ده يقوله حسام / مالك ياأحمد حزين كده ليه؟؟ احمد / عمى بقاله فترة بيدور على متبرع ياخد منه كلى لمنى ، ويديله إللى هو عوزة ومش لاقى والدكتور بيقول إن التأخير اكتر من كده مش فى مصلحتها دى فى شبه غيبوبها بقالها 4 ايام دلوقتى انا، لازم اتصرف وتانى يوم يقعد احمد مع حسام فى كافيه على النيل ويبص حسام لأحمد ويقوله حسام / اخبار منى ايه ؟؟ وياترى والدها لقى المتبرع ولا لسه ؟؟ احمد / أنا هدى لمنى كليتى ياحسام حسام / إنت إتجننت هو علشان أبوك وأمك ماتو يبقا خلاص ملكش حد يعقلك إعقل يااحمد وبطل جنان وسيبك بقه من الافلام الرومانسيه اللى بتتفرج عليها دى احمد / ده مش نقاش أنا قررت فعلا وقولت للدكتور يعمل التجهزات ، بعد محلل دمى ولقانا فصيله وحده ولقى الكلى متطابقه معاها بس إتفقت أنا والدكتور و عمى أبو منى إنها ماتعرفش إنى أنا المتبرع علشان توافق تاخد الكلى والنهارده العمليه حسام / إزى تعمل وتقرر كمان من غير ماتسألنى إنت مجنون احمد / أنا أبقا مجنون فعلا لو سبتها تموت منى لو ماتت ياحسام أنا كمان هموت بعدها حسام / ده مش حب ده جنون يقوم احمد من على الكرسى وهو بيقول لحسام مع السلامه ياحسام ويسيبه ويمشى وبعد إسبوع وبعد ماتم نقل الكلى من احمد لمنى يخرج الدكتور من اوضه منى ويقول لولدها و ولدتها الدكتور / مبروك بنتك بقت كويسه وتقدر تشوفها دلوقتى يدخل الاب والام بسرعه على الاوضه واول ما يشوفو بنتهم صاحيه وبتضحك يبصلها الاب بسعاده ويقولها الاب / بنتى حبيبتى إنتى كويسه منى / الحمد لله يابابا بلاش عياط ياماما أنا كويسه مين إللى إتبرعلى بكليته علشان أشكرة الاب / واحد مانعرفوش المهم إنك كويسه خضتينا عليكى منى / أنا كويسه متقلقوش عليا وتانى يوم يروح حسام يزور منى فى المستشفى واول ما تشوفه منى تقوله منى / حسام فين أحمد ياحسام بقاله مده مش بيجى يزورنى هو مبقاش يحبنى زى الاول بعد ماعرف إنى محتاجه كلى حسام / متقوليش على أحمد كده أحمد بيحبك يامنى ومستعد يموت علشان إنتى تعيشى منى / أه ماهو باين ، من ساعه ماعرف إنى هعمل العمليه وإننا لقينا متبرع مبقاش يجى يزورنى مكنتش أتخيل أبدا إنه يقدر يسبنى ولا يبعنى بالشكل ده حسام / كفايه يامنى أحمد ميستهلش منك كل ده أحمد إتبر وإفتكر حسام وعده لآحمد إنه مش يقول لمنى إنه هو إللى إتبرع لها بكليته فيبص لمنى ويقولها حسام / أحمد قريب جدا هيجى ويزورك قريب جدا، بس هو مسافر دلوقتى واول ما يجى من السفر هيجى يزورك ويمشى حسام من عند منى ويروح على بيت احمد واول ما يشوفه احمد يقوله احمد / حسام منى أخبارها ؟؟ إيه طمنى عليها حسام / طيب إرتاح بس ياأحمد وأنا هقولك كل حاجه منى بخير بس هى فاكرة إنك إتخليت عنها علشان بقالك مده مش بتزورها فى المستشفى وساعتها يرن جرس الباب فيقوم احمد يشوف مين على الباب ولما يفتح يلقيه ابو منى فيدخله اوضه احمد ويقوله احمد احمد / إتفضل ياعمى أقعد ابو منى / أحمد أنا ظلمتك كتير وظلمت بنتى معايه إن شاء الله بعد ماتخف إنت وهى هنجوزكم لبعض أنا أسف ياإبنى سمحنى وبعد شهر وفى بيت احمد فاجاه يصرخ احمد ويقول احمد / اه اه اه اه اه اه حسام / مالك ياأحمد فى إيه؟؟ احمد / جمبى ياحسام إلحقنى اه اه اه اه ، جمبى هي***نى ياحسام ويجرى حسام يجيب الدكتور وبعد ما يكشف الدكتور على احمد يخرج حسام والدكتور بره الاوضه ويسأل حسام الدكتور ويقوله حسام / ماله أحمد يادكتور؟؟ الدكتور / أنا أسف بس أحمد الكلى الوحيده إللى عنده مدمرة على الاخر وصعب جدا انه ممكن يعيش بيها ، انا مش عارف ازى الدكتور ياخد منه كليه من غير ما يكشف على سلامه وصحه الكلى التانيه أعمله كل شئ هو عوزة ياحسام احمد ايامه فى الدنيا بقه معدوده احمد مش هيعيش كتير حسام / لا يادكتور إعمل أى حاجه الدكتور / للأسف مفيش حل ويمشى الدكتور ويدخل حسام اوضه احمد واول ما يشوفه احمد يقوله احمد / الدكتور قال إيه ياحسام؟؟ حسام / مفيش ياأحمد كل خير بيقولى صحبك ده بيستعبط احمد / بلاش كدب ياحسام أنا عارف كل حاجه وحاسس انى بموت ، وأنا مش زعلان باالعكس أنا سعيد إنى هموت وفى حته منى جوة منى ، يعنى هعيش جواها طول العمر مش ده شئ يفرح بتعيط ليه ياحسام بقولك أنا سعيد يامجنون بطل عياط وإفرحلى وفى بيت منى تقف منى قدام والدها وهى منهاره وتقوله منى / خلاص يابابا أنا هتجوز أى إنسان إنت تختارة ليا مفيش أى حاجه إسمها حب خلاص الاب / حاضر ياحبيبتى بس إهدى وبعد ساعه يروح حسام يزور منى زى ما احمد طلب منه علشان يطمن عليها ، واول ما تشوفه منى تقوله منى / عاوز إيه ياحسام؟؟ مش كفايه صحبك وإللى عمله حسام / إسمعينى يامنى انا مش هقدر اخبى عليكى اكتر من كده انا هقولك كل حاجه وفعلا يحكى حسام كل حاجه لمنى ولما تسمع منى الحكايه تجرى من قدام حسام علشان تروح لأحمد وهى منهاره ودموعها على خدها يقابلها والدها ويقولها الاب / إنتى ريحه فين يابنتى إنتى لسه تعبانه منى / أنا ريحه للآحمد أنا عرفت كل حاجه إزى تخلى أحمد يتبرعلى بكليته ؟؟ إزى يابابا الاب / روحى يابنتى أنا خلاص موافق على جوازكم إنتى وأحمد روحى وتجرى منى مع حسام على بيت احمد ولما توصل قصاده تحضنه وتقوله منى / أحمد أحمد رد عليا يااحمد احمد مش بيرد عليا ليه ياحسام؟؟ أحمد ... أحمد، رود علياياأحمد ليه عملت فيا كده ، إدتنى حياتك ومشيت بعيد لدنيا تانيه وسيبنى أتعذب من غيرك إزى هقدر أعيش من غيرك إزىرود عليا ياأحمد فوق خلاص بابا وافق على جوازنا خلاص ياحبيبى هنبقه لبعض طول العمر خلاص ياأحمد حبنا إنتصر وخلاص والله بابا وافق على جوازنا حتى إسأل حسام ، قوله ياحسام انه وافق إصحى بقه وضمنى ليك ، متسبنيش لوحدى يااحمد ، انا من غيرك ولا حاجه ، ومعاك كل حاجه رود عليا ياأحمد مش بترود ليه أحمممممممممممممممممممممممممممممممممممممممممد والى لقاء قادم من يوميات الصوت بقلم تامر على الطويل أمير الجروح
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#25
13-08-2011, 05:42 PM
|
||||
|
||||
|
قصه جميله بجد
واسلوبك حلو بس فيه شويه تطويل الفكره حلو عن الصوت بس احيانا رد فعل البطل يكون مش مناسب تسجيل متابعه
__________________
|
|
#26
13-08-2011, 09:29 PM
|
|||
|
|||
|
اقتباس:
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#27
13-08-2011, 09:36 PM
|
||||
|
||||
|
اقتباس:
يعنى موّت احمد ليه؟
وازاى الدكتور الغبى مايتاكدش من سلامة الكلية التانيه؟ بجد وجعت قلبى ومش عايزة اكملها
__________________
ان صمتي لا يعني جهلي بما يدور حولي
|
|
#28
14-08-2011, 12:11 AM
|
|||
|
|||
|
رووووووووووعة
|
|
#29
14-08-2011, 12:11 AM
|
|||
|
|||
|
اقتباس:
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#30
14-08-2011, 12:29 AM
|
||||
|
||||
|
اقتباس:
افهم من كده انك وجعت قلبى بجد
انا صعب عليا موت احمد 
__________________
ان صمتي لا يعني جهلي بما يدور حولي
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:58 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
