اكتر حاجة بتضايقك ففى نفسك

[طارق ممدوح ذكي محمد]

المشاركة الأصلية كتبت بواسطة حياتنا لله

أكن حاجة تعبانا اليأس والإكتئاب والحزن بسرعة جداً
{التـوأم المـزعج}

هوة برده اللي حياته لله ممكن يشعر باكتئاب او حزن ...

[its about satisfaction]

انى طيبة بغباء ورومانسية اوى بتعامل مع ل حاجة بقلبى بستحمل كتير يعنى بخاف اجرح حد مش متخيلة ان ممكن حد يتوجع منى بس كل اللى حوليا بداوا يتعملو مع ده بانه هبل منى ودايما يقولو انى ذكية جدا بس ليه اجى على نفسى؟؟؟؟؟؟؟

حد كان غالى عليا اوى قالتلى اتعلمى تكونى انانية عشان تعيشى

[طارق ممدوح ذكي محمد]

المشاركة الأصلية كتبت بواسطة its about satisfaction

انى طيبة بغباء ورومانسية اوى بتعامل مع ل حاجة بقلبى بستحمل كتير يعنى بخاف اجرح حد مش متخيلة ان ممكن حد يتوجع منى بس كل اللى حوليا بداوا يتعملو مع ده بانه هبل منى ودايما يقولو انى ذكية جدا بس ليه اجى على نفسى؟؟؟؟؟؟؟

حد كان غالى عليا اوى قالتلى اتعلمى تكونى انانية عشان تعيشى

السلام عليكم ورحمة الله

ليه بتيجي على نفسك ؟؟ اقولك ومن غير ما تزعلي

لانك ضعيفة .. مطلوب انك تكونية قوية . ازاي ؟؟؟

اولا : تحطي لنفسك حدود في التعامل مع الاخرين ( يعني تقبلي ايه وترفضي ايه ) وعند تخطي اح لهذه الحدود لازم تكوني ايجابية يعني تقولي ( لا ) ولو ما تعرفيش تقوليها او مش قادرة يبقى لازم تتعودي وتتمرني عليها .

ثانيا : لا تخافي على زعل اي حد منك طالما انك لم تخطأي في حقه وعلشان اطمنك ( لما يكون هناك شخصين بينهما علاقة احترام وحب متبادل يكون هناك مساحة من التسامح ) يعني اختلفي وقولي لا وما يهمكيش لو صاحبتك مثلا بتحبك هتتقبل منك ولو انها ما تقبلتش وغضبت منك وتركتك تبقي انت الكسبانة لانها لا تبادلك نفس المشاعر.

3- من سمات الاقوياء القدرة على المواجهة .. قومي بتدريب نفسك تدريجيا على مواجهة الجميع بوجهات نظرك ورأيك بكل صراحة ( ممكن تبدأي باختك او صاحبتك ثم والدتك ثم معلمتك يعني بحسب المقربين اليكي ).. وايضا لابد ان تستغلي الفصل الدراسي وتحاولي بالتفاق مع اساتذتك التحدث امام زملائك في اي موضوع دراسي .. ده مهم جدا .

[Dr. Toka]

انا بقى اكتر حاجة بتضايقنى فى نفسى هى انى خجولة جدا بطريقة غبية بكسف من اقل حاجة لما يجى ضيوف عندنا بتكسف خرج اسلم عليهم او اقعد ووشى فى الارض ساكتة خالص وايدى ساقعة جد ولو قابلت حد وقالى ازيك مش بعرف ارد معنديش لباقة فى الكلام حتى مع زميلاتى فى المدرسة معرفش افتح مواضيع واتكلم معاهم

[ENG:3assoma]

لما بتعصب احيانا مبقدرش اتحكم في نفسي وممكن اخرج عن شعوري في لحظة غضب وازعل ناس مني لكن برجع تاني عادي خالص واكلم الشخص اللي زعلته بعد ما بيبقى زعل وانا رايحله وكأن مفيش حاجه حصلت امبارح ، مش عارف دي حاجه كويسه ولا لأ ...؟؟ ،،، حاجه تانيه انا كريم وسخي جدا واللي في جيبي مش ليا زي ما بيقولوا واحب لو حد طلب مني حاجه اعملها له على اجمل وجه حتى لو اضطررت لتكملة جمال هذا الشيء من جيبي ، ولو معايا 100 جنيه والمفروض تفضل معايا اسبوعين ممكن اصرفها في اربع خمس ايام واقدر استحمل واكمل الاسبوعين من غير فلوس .
ربنا يستر ، ومش عارف دي مميزات ولا عيوب .

[themoondream]

مش عارفة اقول ايه هو حاجات كتييييييييييييييييييييير اوي
1.انا طيبة اوي لدرجة انى (هبلة او ساذجة )
2. جبااااااااااانة وديه من اكتر الحاجات اللى مضايقاني (لأن عندي15 سنة وبخاف )وحش اوى الاحساس ده
3.بهرب من الواقع باحلامي واحلام خياليه تحقيقها شبه مستحيل ان لم يكن مستحيل (وديه كارثه لأنى بدور ازاى انمى احلامي واكبرها والواقع واقف ) بس ده مش وحش اوي لأنى بخفف وجع الايام
4.معنديش ثقه في نفسي لدرجة لا تتخيلوها وديه عملالى ازمة رهييييييييييييبة (مش حاسة بقيمة نفسي حتى ولو كانت صغيرة) ولما بدي لنفسي ثقة بحس انى مغرورة وده حرام فبتراجع وارجع ضعيفة تاني
5.اما بتضايق بكون حد تاني وبكون مغرورة وده وحش اوووي
6.بحس انى عندي انفصام ودايما في صراع جوايا بين (آه-لأ)
يا جماعة انا حاسة انى مليانة حاجات غلط ومتضايقة من نفسي لدرجة انى مش عارفة اعمل ايه في نفسي

[طارق ممدوح ذكي محمد]

المشاركة الأصلية كتبت بواسطة tota*

انا بقى اكتر حاجة بتضايقنى فى نفسى هى انى خجولة جدا بطريقة غبية بكسف من اقل حاجة لما يجى ضيوف عندنا بتكسف خرج اسلم عليهم او اقعد ووشى فى الارض ساكتة خالص وايدى ساقعة جد ولو قابلت حد وقالى ازيك مش بعرف ارد معنديش لباقة فى الكلام حتى مع زميلاتى فى المدرسة معرفش افتح مواضيع واتكلم معاهم

انا اقولك تتخلصي ازاي من الخجل الزيادة ده

اولا اقعدي مع نفسك واعملي حصر لكل المواقف اللي بتخجلي فيها

وبعدها حددي الصح فيها والغلط يعني صح انك تتكسفي من الكلام مع ولد غريب عنك

لكن غلط جداً انك تتكسفي من الكلام مع زميلاتك .. مثلاً .

بعد ما تحددي المواقف اللي ما ينفعش فيها الخجل لازم تاخدي قرار بانك ما تخجليش فيها

طيب ينفع ان الواحد ياخد قرار بتوجيه نفسه بان لا يشعر بالخجل ؟؟؟؟

اه طبعا .. اي مشاعر يمكن التحكم فيها وتوجيهها بالعقل ... ممكن اغضب او ما اغضبش اعيط او ما اعيطش .. اضحك او ما اضحكش يعني ممكن ح يقول نكتة حلوة قدامنا واحنا ما نضحكش علشان نغيظه .. صح ؟؟

وكمان النبي عليه الصلاة والسلام قال ( القوي من يملك نفسه عند الغضب ) والغضب زي الخجل زي الحزن... الخ كلهم انفعالات.. اذن كلهم يمكن التحكم فيهم بالعقل والارادة القوية ..

وانصحك ابدائي بالتدريج ... اقل المواقف احساسا بالخجل لديكي ثم الاقوى فالاقوى ..

وفي النهاية لا بد ان تحافظي على خجلك وحيائك مما حرم الله عز وجل ولا تفقديه ابدا

[طارق ممدوح ذكي محمد]

المشاركة الأصلية كتبت بواسطة themoondream

مش عارفة اقول ايه هو حاجات كتييييييييييييييييييييير اوي
1.انا طيبة اوي لدرجة انى (هبلة او ساذجة )
2. جبااااااااااانة وديه من اكتر الحاجات اللى مضايقاني (لأن عندي15 سنة وبخاف )وحش اوى الاحساس ده
3.بهرب من الواقع باحلامي واحلام خياليه تحقيقها شبه مستحيل ان لم يكن مستحيل (وديه كارثه لأنى بدور ازاى انمى احلامي واكبرها والواقع واقف ) بس ده مش وحش اوي لأنى بخفف وجع الايام
4.معنديش ثقه في نفسي لدرجة لا تتخيلوها وديه عملالى ازمة رهييييييييييييبة (مش حاسة بقيمة نفسي حتى ولو كانت صغيرة) ولما بدي لنفسي ثقة بحس انى مغرورة وده حرام فبتراجع وارجع ضعيفة تاني
5.اما بتضايق بكون حد تاني وبكون مغرورة وده وحش اوووي
6.بحس انى عندي انفصام ودايما في صراع جوايا بين (آه-لأ)
يا جماعة انا حاسة انى مليانة حاجات غلط ومتضايقة من نفسي لدرجة انى مش عارفة اعمل ايه في نفسي

كـــــــــــــــــــــــــــــــــــــــــــــــــ ــــــــــــل ده

عموا الحل لكل مشاكلك اللي ذكرتيها انك تضعي لنفسك اهداف عملية صغيرة ولا تنتقلي من هدف لاخر الا بعد تحقيق الاول ... وتكون اهداف سهلة بسيطة في الاول .. وتزداد صعوبة تدريجيا .

ده ينمي عندك الثقة بالنفس ( طبيعي ان الانسان كل ما ينجح في تحقيق شيء ثقته بنفسه تزيد )

وبالتالي هتتخلصي من باقي مشاكلك باذن الله ... لان كل مشاكلك سببها عدم ثقتك بنفسك

[themoondream]

مش عارفة اقول ايه بس هو اصلي مش عندي هدف
وده نسيت اكتبه (انا فيا كل ما تتخيله)
انا الحمد لله بنجح والحمد لله كويسة بس برضه مفيش ثقة
انا حالة مستعصية شوية

[طارق ممدوح ذكي محمد]

المشاركة الأصلية كتبت بواسطة ورك النمله

لما بتعصب احيانا مبقدرش اتحكم في نفسي وممكن اخرج عن شعوري في لحظة غضب وازعل ناس مني لكن برجع تاني عادي خالص واكلم الشخص اللي زعلته بعد ما بيبقى زعل وانا رايحله وكأن مفيش حاجه حصلت امبارح ، مش عارف دي حاجه كويسه ولا لأ ...؟؟ ،،، حاجه تانيه انا كريم وسخي جدا واللي في جيبي مش ليا زي ما بيقولوا واحب لو حد طلب مني حاجه اعملها له على اجمل وجه حتى لو اضطررت لتكملة جمال هذا الشيء من جيبي ، ولو معايا 100 جنيه والمفروض تفضل معايا اسبوعين ممكن اصرفها في اربع خمس ايام واقدر استحمل واكمل الاسبوعين من غير فلوس .
ربنا يستر ، ومش عارف دي مميزات ولا عيوب .

دايما توقع خطأ الغير وهيأ نفسك لكده ده هيديك رد فعل اكثر هدوءا

مشلتكك انك معتقد ان الناس هتعاملك بنفس الكرم والود الزائد

اللي انت بتعاملهم بيه وده مش صح وكمان لازم تكون حكيم في تصرفاتك

ما ينفعش انك تبالغ في الصرف او تضحي بمصلحتك لحساب الاخرين

( وخاصة اذا كانوا غير محتاجين لذلك )

لانك متوقع انهم هيعاملوك بنفس الطريقة وده مش هيكون وده سبب انفعالك الزائد ... صح ؟؟

[طارق ممدوح ذكي محمد]

المشاركة الأصلية كتبت بواسطة themoondream

مش عارفة اقول ايه بس هو اصلي مش عندي هدف
وده نسيت اكتبه (انا فيا كل ما تتخيله)
انا الحمد لله بنجح والحمد لله كويسة بس برضه مفيش ثقة
انا حالة مستعصية شوية

نجاح بلا هدف

او بمعنى اخر النجاح لم يكن هدفك فلم تشعري بقيمته ولم يضف اليكي ثقة بالنفس

اجعلي النجاح الذي تحققينه دائما هدفك هتزيد ثقتك بنفسك ومستني ردك

[*ساسُّو*]

انا عاوزة اقول حاجه
انا خاف جدا من العيون
حتى لو مين بيتكلم عينى ضعيفه جدا ومش بقدر ابص فى عين اى حد بيكلمنى
طبعا بيجبلى احراج جامد اوى لانهم بيتتريقوا عليا جامد وبضايق جدا ومش بكون عاوزة اكلم اى حد تانى ابدا
حتى مدرسي فى المدرسه لما بسال سؤال يقعدوا يستفزونى علشان اتكلم وابصلهم ومش بقدر طبعا فبيحرجونى جدا وبضطر اسكت تماما
كل ده بسبب موقف حصلى ارعبنى جدا ومش قادرة انسى الموقف ده تلات ايام بعيط وخايفه من الشخص ده
كل عين قدامى بقيت بخاف منها اوى
معرفش ليه

[طارق ممدوح ذكي محمد]

المشاركة الأصلية كتبت بواسطة *ساسو*

انا عاوزة اقول حاجه
انا خاف جدا من العيون
حتى لو مين بيتكلم عينى ضعيفه جدا ومش بقدر ابص فى عين اى حد بيكلمنى
طبعا بيجبلى احراج جامد اوى لانهم بيتتريقوا عليا جامد وبضايق جدا ومش بكون عاوزة اكلم اى حد تانى ابدا
حتى مدرسي فى المدرسه لما بسال سؤال يقعدوا يستفزونى علشان اتكلم وابصلهم ومش بقدر طبعا فبيحرجونى جدا وبضطر اسكت تماما
كل ده بسبب موقف حصلى ارعبنى جدا ومش قادرة انسى الموقف ده كل عين قدامى بخاف منها
معرفش ليه

طيب ممكن الموقف علشان اقدر اساعدك

مادام عارفة السبب ده هيوفر علينا كتير

[themoondream]

هو زى ما حضرتك قولت كده
ان شاء الله هعمل بالنصيحة بتاعت حضرتك
وان شاء الله ارضى شوية عن نفسي
بس ادعيلي بس انا الثقة عندي تحت منعدمة

[طارق ممدوح ذكي محمد]

المشاركة الأصلية كتبت بواسطة themoondream

هو زى ما حضرتك قولت كده
ان شاء الله هعمل بالنصيحة بتاعت حضرتك
وان شاء الله ارضى شوية عن نفسي
بس ادعيلي بس انا الثقة عندي تحت منعدمة

شكرا ليكي وبالتوفيق ان شاء الله

ودايما تذكري النجاحات اللي حققتيها في حياتك الدراسية

من الحضانة حتى الثانوي ...

ما فيش انسان فاشل او ضعيف ممكن يوصل لكل النجاحات دي.. افتكري ده كويس