استبيان هام عن مناهج الصف الرابع الابتدائى قول رايك

[أ/أحمدجاد]

المنهج ممتاز وفوق الممتاز وقدر يحقق الهدف من وجوده فى أقصر زمن

المهم يا جماعة اننا نعرف ايه هى أهداف المنهج

وياترى المنهج بيحقق الأهداف دى ولا لأ

مش مهم يكون صعب أو سهل

الأهم انه يحقق الهدف

والهذف الأساسي

تخريج دفعات من الطلبة عندهم تبلد فى التفكير ودهشة مستمرة مع عدم القدرة على التركيز وربط الأحداث

[tarek elhamy]

لاإله إلا أنتسُبحــانكأني كُنتمنالظالمين

سـبـّحـَانالـلـهّوبـِحـَمـّده*عـَدَدّخـَلـّقـِه
وَزِنـَةِعـَرّشـِه*وَرِضـاَنـَفـّسِه*وَمـِدَآدّكَـَلـِمـَآتـِه

[أسماء الله الحسنى]

المناهج الخاصة بالصف الرابع فى كل المواد مكدسة و التلميذ مطلوب منه أن يلم بكل شىء و ده أكيد صعب عليه -ممكن يكون فى تلاميذ متفوقة لكن الأغلبية مستويات مختلفة - ،كمان لما ينتقلوا للصف الخامس نفس النظام المناهج مستواها صعب فى المذاكرة محتاجة عقلية جامدة و خصوصاً فى الرياضيات ومسائلها ، و العلوم ، ربنا يكون فى عون المعلم و التلميذ و ولى الأمر

[مسترسمير إبراهيم]

أوافقك الرأى فمنهج العلوم للصف الرابع الإبتدائى مكتظ بالمعلومات التى تثقل على الطلاب
وتأخذ جهدا كبيرا فى التحصيل
ياريت يتم تخفيفها رحمة بهؤلاء الأبناء

[عادل مروان]

المناهج ممتازة ومناسبة بدليل تفوق مجموعة من التلاميذ فيها وكفانا تدريس مناهج متخلفة بسيطة لا تضيف شيء المنهج القديم في الدراسات محافظتي منهج فارغ كل المنهج اشارات المرور وعدد المحافظات يمكن تدريسه في حصة ومنهج العلوم الخاوي الكائنات الحية والاشياء غير الحية مثل لعبة بسيطة وكذلك الرياضيات الجمع والطرح والضرب اعتقد ان المناهج الجديدة هذا وقتها لتجلي العقول وتضيف الجدبد وتخرج لنا جيل صاعد واعد اعتقد ان استمرار هذه المناهج سيثمر عن زويل جديد ان شاء الله فمزيد من الجهد من المعلمين يحقق المرجو من هذه المناهج وكفانا فراغ في مناهج التعليم الابتدائي فهذا تعليم وليس محو امية وكفانا فراغ بين التعليم الابتدائي والاعدادي

[Ayman M.Ebrahim]

لا اله الا انت سبحانك انى كنت من الظالمين
منهج مدمر للطالب
منهج صعب على المدرس و الطالب وولى الامر
حسبى الله و نعم الوكيل
ماذا يريدون منا و من ابنائنا؟؟؟؟؟؟؟؟؟؟؟؟؟!!!!!!!!!!!!!!!!!

[moemenkhallaf]

بسم الله الرحمن الرحيم

المناهج الجديدة مناهج جيده و ترفع من أمكانيات الطالب.و هى افضل بكثير جدا مما كنت بدرسة فى مراحل تعليمى قبل الجامعى.و ليس المطلوب تفصيل مناهج مبسطه و سطحية.

بالقليل من المجهود يمكن تحصيل الكثير من هذه المناهج.

فى الحقيقة مناهج الصف الرابع و الثالث الابتدائى و هى مناهج تعاملت معها كولى أمر أجدها عادية و ليست بالصعوبة هذه.

اتمنى من الله عز و جل ان يوفق ابنائنا و بناتنا الى ما فيه صالح الوطن.

[yomna_m]

ليس منهج رابعة ابتدائى فقط، بل كل المناهج الجديدة واعتقد ان الهدف الأساسى هو ان يكره الطالب العلم والتعلم، وأن يظل الأباء والأمهات مشغولين فقط بقضية التعليم ... حسبنا الله ونعم الوكيل

[جهينة*]

المشاركة الأصلية كتبت بواسطة yomna_m

ليس منهج رابعة ابتدائى فقط، بل كل المناهج الجديدة واعتقد ان الهدف الأساسى هو ان يكره الطالب العلم والتعلم، وأن يظل الأباء والأمهات مشغولين فقط بقضية التعليم ... حسبنا الله ونعم الوكيل

أشكركم على الموضوع الرااااااااائع....والله حسستونى ان مش أنا بس اللي بتعاني من الموضوع ده

حسبي الله ونعم الوكيل في الناس اللي حطوا المناهج المعقدة دي

ازاي يس طفل قعد اولي وثانية وثالثة ابتدائي من غير ما ياخد مادة اسمها علوم ودراسات

وفجأة ياخد المادتين دول بدروس صعبة جدا ومعقدة جدا........طيب ما كان من الأولى انهم ينزلوا المواد دي من اولى ابتدائي بدروس بسيطة جدا وخفيفة تتناسب مع عقل الطالب، وكل سنة يزود شوية وشوية
بدل ما ياخد من أول مرة : الكتلة والحجم---------الفلزات والافلزات--------الجهاز الهضمي والتنفسي و.......
دا غير الدراسات طبعا بالتضاري والطقس والحضارة الفرعونية و ..........


والمصيبة الكبرى اللى احنا فيها هنا " علشان احنا خارج مصر " نظام أبناؤنا في الخارج

واللي فيه مش عندنا نظام الترم......يعنى الطالب يمتحن في كل الكتب بتاعت الترمين آخر السنة


والله العظيم حرام عليهم

سامحوني على التطويل وتحياتي لشعب وشباب مصر العظيم على ثورته ضد الظلم والقهر

[جابر الجوهرى]

منهج معقد وغامض ولا يستثير التلاميد ولا يجدب انتباههمولاينمى ميولهم الابداعية لابد من ربط المنهج بواقع التلاميد حتى يشجعهم علي المداكرة وتقليل الكم والاهتمام بالكيف

[محمد حسين الشربينى]

صعب على معظم اطفالنا
ومش بيزيد الروح الوطنية
ولا ينمى الانتماء
مثل المناهج القديمة

[droos]

المنهج شديد ..لكن لو عايزين ولادنا فعلا يكونوا حاجة لازم هنتعب شويتين..انا عن نفسى مرهقة جدا هذا بالطبع لو فيه معلمين بلا درووووووس مع متابعة منزلية يومية

النقش على الحجر صح؟؟ لكن هنستسهل و نطلب تبسيط المنهج يبقى عقولهم مش هاتبقى زى ما نامل

[droos]

المناهج جيدة انا اتعلم من جديد مع اولادى..لازم نبذل مجهوووووود شوية

نعم المنهج مليان لكنه مفييييييييييييد

[محمد السيد مرسى عجمى]

يجب اعادة النظر فى مناهج المرحلة الابتدائية كلها لأنها لا تناسب اطفال هذه لفمرحلة فالمناهج صعبة وطويلة ولا تتماشى مع العلوم الحديثة

[فداء خالد]

مناهج التعليم عقدت ابنائنا وياريت عاوزه اعرف رايكم في منهاج سادس ابتدائي القصه المعقده في العربي والنحو والرياضيات الى الاولاد مش فاهمينوا ومعقد والدراسات الى ربنا الواحد الى عالم فيها قدايه مليان معلومات وتواريخ وقصة السيده خديجه الى مكتوبه باللغه العربيه الفصحى واولادنا اصلا مش عارفينها حرام والله المناهج ده مش راي انا راى زويل راى الباز كلهم اتكلموا على المناهج المتخلفه الى بتدرس لاطفالنا احفظ وبس فين التفكير العلمى فين معامل العلوم فين التجارب الى تجذب الاطفال لمادة العلوم الى هى مفروض تكون من افضل الحصص عند الطلاب حسبنا الله ونعم الوكيل
نطالب بتغير المناهج من اجل استخراج نبغات في العلوم
من اجل تقدم مصر ونهضتها وتحضرها واسفه على الاطاله