أوباما هو الحل !!!

[المجاهد فى سبيل الله]

السلام عليكم
مين الى سمع الخطاب
الى سمعه حد يقولى حاجه جديده هو جابها
على فكرة انا اتوقع اغتياله قريب
مثل كندى
هو اه شكله دبلوماسى جدا
بس مكار جدا جدا وده الى شوفته فى وشه
ربنا يستر

[Observer]

المشاركة الأصلية كتبت بواسطة المجاهد فى سبيل الله

السلام عليكم
مين الى سمع الخطاب
الى سمعه حد يقولى حاجه جديده هو جابها
على فكرة انا اتوقع اغتياله قريب
مثل كندى
هو اه شكله دبلوماسى جدا
بس مكار جدا جدا وده الى شوفته فى وشه
ربنا يستر

يا أخى تفائلوا بالخير تجدونه

على الأقل دة أحسن من بوز الإخص بوش الله يحرقه

وتحس كدة إنه بيفهم مش زى بوش غبى أصلى

بس أكيد العرب ميقفوش يتفرجوا لازم يعملوا حاجة

هو إيه يعنى " بوز الإخص " ؟!

[mashaer_112]

مستنييــــــــــــــــــــــــــــــــــن

[شهدالجنة]

ياجماعة حرام عليكم بجد والله

بلاش نظلمه لانه شكله ويس وبلاش موضوع القوة دة

عشان محدش يقول علينا عدوانيين وكلام كدة

والايام هتبين لينا ياجماعة مش ممكن يكون هييجى مصر كدة

ويلقى طاب وقدام ناس والار ينزل ع مفيش معتقدتش بلاش نسبق الاحداث

[:: [ K A B B O W ] ::]

المشاركة الأصلية كتبت بواسطة شهدالجنة

ياجماعة حرام عليكم بجد والله

بلاش نظلمه لانه شكله ويس وبلاش موضوع القوة دة

عشان محدش يقول علينا عدوانيين وكلام كدة

والايام هتبين لينا ياجماعة مش ممكن يكون هييجى مصر كدة

ويلقى طاب وقدام ناس والار ينزل ع مفيش معتقدتش بلاش نسبق الاحداث

يا افندم حتى لو كان كويس
لو حب يعمل حاجه للمسلمين هيحصل كينيدى
وكمان اليهود مش طلاب واوباما المدرس بتاعهم
هيقلهم ارجعوا لحدود 67 ونذوا الاتفاقيات بتاعت اوسلو وغيره وغيره
هيسمعوا كلامه ليه يعنى
وكمان الراجل قال بكل صراحه فى خطابه لو كنتم سمعتوه
" ان علاقة امريكا باسرائيل علاقه وئيقه ولن يفترقوا عن بعض ابدا "
احنا الوحيدين اللى ممكن ننفع نفسنا لما يكون حماس بتقتل فى فتح والعكس كده عمر ما حقوقنا هترجع
وكمان حضرتك بتقولى ان بلاش القوة ونتفاوض احسن
احنا والحمد لله بقالنا اكتر من نصف قرن منتفاوش وناقش ونعمل اتفاقيات
ومخدناش اى حاجه غير سيناء لاننا اخذناها بالقوة
لازم نكون واقعيين شويه ونعرف ان اسرائيل مش بشويه كلام ومباحثات هتعطينا ارضنا
ومكرر تانى
ما اخذ بالقوة لا يسترد الا بالقوة
قال تعالى " واعدوا لهم ما استطعتم من قوة "
كفايه تفاوض بقه وكفايه كلام مش هيفيد
وخلونا نشتغل ونجتهد ونبتكر ونقوى من نفسنا وده الطريق الوحيد علشان نسترد اراضينا وبالتالى نسترد كرامتنا
احترامى لحضرتك
سلام عليكم

[mashaer_112]

العبرة زي ما قلتم بالأفعال وليس بالأقوال ...لكن لو بصينا على الي عمله لينا من ساعة لما بقى رئيس ..هنلاقي ولا حاجة بل فيه تحيز لليهود واحنا ما نقدرش نحكم لان الأفعال هي الي بتتكلم واحنا مستنيين الأفعال..

[هانى الشرقاوى]

الظاهر ان أوباما فعلا وصفة سحرية

نقلا عن اليوم السابع


قبل ساعات قليلة من إلقاء الخطاب..
البهائيون يتلقون دعوة لحضور مؤتمر أوباما
الأربعاء، 3 يونيو 2009 - 23:11
كتبت أمنية حسين

تلقى الدكتور رءوف هندى حليم، ممثل الجماعة البهائية، دعوة لحضور مؤتمر الرئيس باراك أوباما بجامعة القاهرة من فضيلة الإمام الأكبر محمد سيد طنطاوى، والدكتور حسام كامل رئيس جامعة القاهرة.

أبدى رءوف سعادته بتلقى تلك الدعوة، واعتبرها خطوة فى ضوء التأكيد على حرية العقيدة فى مصر، وأكد أن لها دورا كبيرا فى تحسن وضع البهائيين وحل العديد من مشاكلهم .


منذ أيام قلائل كان إهدار الدم وحملات التكفيرللبهائيين من مسؤلين في مجلس الشعب وعلى يد ممثل اللجنة الدينية بالمجلس الموقر، أما اليوم فلابد من الظهور بمظهر التسامح وحرية المعتقد وخاصة في وجود أوباما في مصر .. فسبحان مغير الأحوال ولعل حالة الرضا والتسامح تدوم حتى وإن كانت تصنعا !!!

ههههههههه اشطة يا أوباما
عسل بجد والله عسل

[شهدالجنة]

طيب ممكن تقولى فين القوة؟
مصر عندها جيش بصراحة يقتل بلد

صح الواقع اننا نعرف القوة ومعناها ايه
ان فعلا نشوف هل الشعوب العربية قويه

هل جيشنا قوى؟ هل احنا ع استعداد اننا نحارب؟

[:: [ K A B B O W ] ::]

اولا يا افندم انا مقلتش اننا المفروض نحارب بكره
انا أقصد بلاش نعلق امال كتيره على حاجه مش هتفيدنا اصلا
وما دام حالنا كده يبقى المفروض نشتغل علشان تكون جيوشنا قويه واقتصاد قويه يدعم القوة دى
مش نستسلم للواقع ونقول خلاص نستنا غيرنا يحل لينا مشاكلنا زى دلوقتى

[_GUIDE_]

ههههههههههههههههه
والنبى انتوا شباب زى العسل
محسسنى ان بارك اوباما ده رئيس جميعة خيرية مش دولة استعمارية

[شهدالجنة]

اوك يااستازى كابو اختلاف الراى لايفسد للود قضية

وانا مؤيدة لاوباما وانى حاسة انه خطوة وخيط للسلام

مقصدتش نعلق احلامنا عليه حضرتك ارجع فوق كدة

دة اللى قلته وشكرا لرايك

[شهدالجنة]

لا رئيس دول استعمارية بس مش من يوم وليلة

هيسحب كل حاجة ونعمل سلام لا لسة فيه

خطوات هتبينه وهتنبين افعاله وبلاش نسبق الاحداث

[:: [ K A B B O W ] ::]

طبعا احترامى لرأى حضرتك ولاحساسك
وانا بجد اتمنى انه يكون صح
و اختلاف الراى لا يفسد للود قضيه
والوقت هيبين حاجات كتيره ان شاء الله
سلام عليكم

[أسيل رزق]

ههههههه ( حديث المدينة )
أولاً : الراجل ده لو عاش للسنة الجاية يحمد ربنا .. حاسة إنهم هيغتالوه
ثانياً : عجبنى جداً جداً خطابه إتكلم بصراحة ووضوح وكلامه كله كان مباشر
قال إنه مش هيشيل قواته من افغانستان لان القاعدة اعترفت بفعلهم لحادث 11 سبتمبر وشايف إن ده عقاب ليهم ( هو حر )
قال إن وجود النووى فى إيران مش غلط مادام إستعماله هيكون غرضه سلام مش حرب وعمم على كل البلاد
قال إنه هيبدأ فى سحب جيوشه من العراق و هيساعدهم فى بناء دولتهم من جديد
قال إنه هيبادر بمحاولة إقامة دولة إسرائيل واتكلم على المستعمرات ....
قال كلام كتير عجبنى خصوصاً إستشهاده بالآيات القرآنية والأحاديث النبوية و فضل الحضارة الاسلامية واعترف إن التطور اللى الغرب فيه يرجع فضله للمسلمين و اعترف إن الرسول عليه الصلاة والسلام دعى للتسامح و ماكنش بيستعمل العنف .. يمكن فى ناس هتقول الكلام ده قاله علشان يكسب شعبية لكن من رأيى إن الكلام ده سلاح ذو حدين أولاً يكسب شعبية وود العرب كلهم ثانياً إنه يغير فكرة إن المسلمين إرهاب عند شعبه الامريكان يعنى

و الناس اللى معارضة اوباما نهائى و بتقول إنه هيمشى على خطى اللى قبله وهيبقى مع إسرائيل .. خلينا واقعيين يعنى دا رئيس أمريكى يعنى مصلحة بلده فوق أى شىء و بعدين كل اللى فاتوا بما فيهم كارتر كانوا مع إسرائيل .. و عارضوه فى إنشاء دولة لاسرائيل .. خلينا واقعيين هو مش هيقدر يقول إن اسرائيل تخرج من فلسطين المفروض إن الفلسطنيين يرضوا إنهم ياخدو نص الأرض ولما يستعيدوا قوتهم والعرب ترد فيهما الروح نبقى نفكر ناخد النص التانى بدراعنا .. بدل ما هما مش طايلين لا سما ولا أرض .. و بعدين المفروض إحنا مش هنعمل زى اللى قاعد يدعى ربنا علشان السما تمطرله دهب وهو قاعد مكانه .. مهو المفروض إننا نعمل حاجة مش نقول اه والله كلام جميل ونسقف ونهتف ونقوله نفذ و إحنا بنتفرج .. و بالرغم من كل ده انا مؤيدة ليه لو نفذ فعلاً كلامه (( نص العمى ولا العمى كله ))

بس كل ده مش مهم أوى .. إحنا عايزين الفعل

الخلاصة أنا شايفة إنه راجل محترم واتكلم من قلبه بجد و حقيقى خطابه جذب الأذهان بطريقة قوية .. و نتمنى يحول كلامه لأفعال

[nothing]

المشاركة الأصلية كتبت بواسطة أسيل رزق

ههههههه ( حديث المدينة )

أولاً : الراجل ده لو عاش للسنة الجاية يحمد ربنا .. حاسة إنهم هيغتالوه
ثانياً : عجبنى جداً جداً خطابه إتكلم بصراحة ووضوح وكلامه كله كان مباشر
قال إنه مش هيشيل قواته من افغانستان لان القاعدة اعترفت بفعلهم لحادث 11 سبتمبر وشايف إن ده عقاب ليهم ( هو حر )
قال إن وجود النووى فى إيران مش غلط مادام إستعماله هيكون غرضه سلام مش حرب وعمم على كل البلاد
قال إنه هيبدأ فى سحب جيوشه من العراق و هيساعدهم فى بناء دولتهم من جديد
قال إنه هيبادر بمحاولة إقامة دولة إسرائيل واتكلم على المستعمرات ....
قال كلام كتير عجبنى خصوصاً إستشهاده بالآيات القرآنية والأحاديث النبوية و فضل الحضارة الاسلامية واعترف إن التطور اللى الغرب فيه يرجع فضله للمسلمين و اعترف إن الرسول عليه الصلاة والسلام دعى للتسامح و ماكنش بيستعمل العنف .. يمكن فى ناس هتقول الكلام ده قاله علشان يكسب شعبية لكن من رأيى إن الكلام ده سلاح ذو حدين أولاً يكسب شعبية وود العرب كلهم ثانياً إنه يغير فكرة إن المسلمين إرهاب عند شعبه الامريكان يعنى

و الناس اللى معارضة اوباما نهائى و بتقول إنه هيمشى على خطى اللى قبله وهيبقى مع إسرائيل .. خلينا واقعيين يعنى دا رئيس أمريكى يعنى مصلحة بلده فوق أى شىء و بعدين كل اللى فاتوا بما فيهم كارتر كانوا مع إسرائيل .. و عارضوه فى إنشاء دولة لاسرائيل .. خلينا واقعيين هو مش هيقدر يقول إن اسرائيل تخرج من فلسطين المفروض إن الفلسطنيين يرضوا إنهم ياخدو نص الأرض ولما يستعيدوا قوتهم والعرب ترد فيهما الروح نبقى نفكر ناخد النص التانى بدراعنا .. بدل ما هما مش طايلين لا سما ولا أرض .. و بعدين المفروض إحنا مش هنعمل زى اللى قاعد يدعى ربنا علشان السما تمطرله دهب وهو قاعد مكانه .. مهو المفروض إننا نعمل حاجة مش نقول اه والله كلام جميل ونسقف ونهتف ونقوله نفذ و إحنا بنتفرج .. و بالرغم من كل ده انا مؤيدة ليه لو نفذ فعلاً كلامه (( نص العمى ولا العمى كله ))

بس كل ده مش مهم أوى .. إحنا عايزين الفعل

الخلاصة أنا شايفة إنه راجل محترم واتكلم من قلبه بجد و حقيقى خطابه جذب الأذهان بطريقة قوية .. و نتمنى يحول كلامه لأفعال

والله كنت داخله اقول نفس الرد بس هيا سبقتنى بقا
بس انا شايفه انه قال كلام جميل اوى بس لسه احنا عاوزين الفعل