مباراة مصر والبرازيل صور + أهداف

[عاشقـــ الانمى ـــة]

المشاركة الأصلية كتبت بواسطة حسين المغربى

المنتخب أدى مباراه جيده جدا
لكن..........
لابد من إستبعاد هانى سعيد و حسنى عبد ربه من التشكيله
حتى نكمل المشوار بشكل جيد
وجهة نظر

وسيد معوض و المحمدى مكنش ليه لازمة
ناس كتير اوى مكنش مستواهم قد كده فى رايى

[pureheart]

بتيقلى يا محمد صعب ان مصر توصل للدور التانى
بس المهم انهم يكملوا بنفس المستوى
الروح و اللياقة كانت فى اعلى حالتها عند المنتخب
و ان كان الدفاع عايز يتعدل
بس ابوتريكة و زيدان اتفوقوا على نفسهم النهاردة
و الحقيقة اكتر حاجة نرفزتنى كاكا كان مجرد محد يجى جنبه الحكم يصفر

[prof.ahmed4d]

يا عم محمد البرازيل قالت من مصر دى واستهنت بالامر وخصوصا لما انتهى الشوط الاول 3 / 1

بدوا يناموا

بس الحمد لله المباراة كانت رائعة انا كان عليا مذاكرة سمعت اخر نصف ساعة

والف مبروك للمنتخب المصرى على ادائه الرائع

ولو لعب كدة امام باقى المباريات ممكن يتاهل بكل سهولة

وللعلم ايطاليا وامريكا انتهت 3 / 1 لصالح ايطاليا طبعا نتيجة مش في صالحنا خالص

[Not Allowed]

أحنا مش هنتأهل للدور الثانى يا أحمد ودة شىء معروف
بس كفاية أن موقع الفيفا نفسة قال أن البرازيل أنتزعت الفوز من المنتخب المصرى
والمنتخب المصرى كان الأحق فى الفوز

بس هو دة الى أحنا عوزينة

[Rahalah]

بعد مباراة الجزائر كانت معنوياتى صفر . كنت متوقع نفس نتيجة السعودية بس بشكل مهين لنا كأبطال لأفريقيا , و لكن فى مباراة الليلة زأر الأسد و ثار و هو شبه محطم ليقول للعالم كله " نحن الفراعنة ملوك الكرة الإفريقية " إحذروا الأسد الجريح . مبروك الأداء الرائع و الصورة الحكاية إللى شوفناها اليلة .

[توته_ غنا]

انا قولت فى الاول اننا هنتهزق وهناخد 6 /1 بس الحمد لله عملوها الرجاله المصريين

[Rahalah]

Five-time world champions Brazil open their Confederations Cup defence against Egypt on Monday, aware that any slip-up could cost them dear

موقع الكاف .

http://www.cafonline.com/football/ne...nst-egypt.html

[حسين المغربى]

المشاركة الأصلية كتبت بواسطة عاشقـــ الانمى ـــة

وسيد معوض و المحمدى مكنش ليه لازمة


ناس كتير اوى مكنش مستواهم قد كده فى رايى

سيد معوض مكنش وحش
و المحمدى غير محظوظ و الوقت ما أسعفوش

[حسين المغربى]

المشاركة الأصلية كتبت بواسطة mohamed madkour

أحنا مش هنتأهل للدور الثانى يا أحمد ودة شىء معروف
بس كفاية أن موقع الفيفا نفسة قال أن البرازيل أنتزعت الفوز من المنتخب المصرى
والمنتخب المصرى كان الأحق فى الفوز

بس هو دة الى أحنا عوزينة

مش مهم نتأهل
المهم نأدى بشكل كويس
وناخد ثقه تساعدنا للوصول لكأس العالم وده الأهم

[Not Allowed]

وكمان يا جماعة أنا شايف أن حكم المباراة كان سىء جدآ جدآ

انا نفسى أعرف أزاى هو حسبها رمية جانبية وبعد كدة حسبها ضربة جزاء للبرازيل وفى الأخر يقولك الحكم الرابع هو الى قالى أنها ضربة جزاء

أنا عايز أعرف هو فية قانون بيقول كدة

يعنى مثلآ ينفع الحكم يعطى كارد أحمر وبعد كدة يرجع فى قرارة علشان الحكم الرابع قالة كدة

وما بالك دى ضربة جزاء وما بالك أن ضربة الجزاء فى الدقيقة 91 يعنى من الأخر الماتش دة لو مكنش منتخب زى البرازيل طرف فية مكنش الحكم حسب ضربة الجزاء

والحكم الرابع بعد المباراة قال أنى مقولتلهوش أنها ضربة جزاء خاللللللللص ومحصلش الكلام دة

بس فى الأول وفى الأخر ضربة الجزاء صحيحة ولكن طريقة القرار غير صحيح وغير لائق بحكم يحكم فى الدورى الأنجليزى والدوريات الاوروبية

[صوت الامة]

مبرووووووووووووووووووووووووووووك لمصر عودة الروح والادااء
بالنسبة لموضوع هانى وحسنى
لالالالالالالالالالالا مهما كان يا جماعة
بجد ادائهم كان كويس انتو نسين هما عملو اية فى غانا
وبعدين المعلم عمرة ما يعرف يعوضهم بجد
لانهم لاعيبة موثرة وكبيرة
وخاصة لما يكونو فى الياقة البنية بتعتهم
بس بجد حاجة تشرف بجد والله انا بحسب اننا حنشيل ع الاقل
7.8 كدا دا الجزائر خسرنا تلاتة
ما بالك بقا البراااااااااااااازيل
الحمد لله على كل شيئ والله منا زعلان ع الخسارة
انا فرحااان على الاداء المشرف د ا كدا اثبتنا للعالم مين هما الفراعنة
طولت عليكم معلش
تقبلو تحياتى