لا لليوجينيا

[أميرة الأحلام]

كويس والله انك كتبت الموضوع ده فكرتنى لما اخدت الدرس ده وخرجنا انا واصحابى نتناقش فيه (وللاسف الشديد جدا جدا ان الاستاذ شرح الدرس بطريقه تانيه خالص رغم ان الهدف الاساسى من الدرس كان واضح جدا يله ربنا يسامحه).
يومها انا واصحابى فكرنا لو فعلا الكلام ده صح تبقى مصيبه لان الغرب بيفكر ازاى يبيدنا واحنا نايمين فى العسل .
وبجد النقطتين الى انت اشرت ليهم مهمين جدا فعلا الى بيحصل دلوقتى ان الغرب بيعمل على انه يخلينا زيهم فى كل حاجه واحنا مشاء الله مستسلمين جدا اكيد مش كلنا بس نسبه كبيره مننا .،بجد بعد ما اخدت الدرس ده قررنا انا واصحابى اننا نواجه الامر ومفيش حاجه اسمها الاغبياء ميتعلموش لان كل واحد عنده حاجه متميز فيها لازم نستغلها ، ومش احنا الى اغبيا هما الى عيزينا نكون اغبيا.

[eng_emy]

يااااااااااه
فكرتنى بالعربى
انا كنت بعشق دروس العربى
بس كنت بحبها فى تانية اكترمن تالتة
وفعلا كنت بحب درس اليوجينيا اوى وكنت برضه مذكراه جامد
بس مجاش
وطبعا زى ما قولت لالليوجينيا

بس حقيقى ذكريااااااااااااات مش حتتنسى ابدا

[دينا وهبه]

بغض النظر عن الواحد اصلا ماكنش بيطيق حاجة اسمها عربى
وقضية السكان ده انا داخلة الامتحان من غيره
الا ان اليوجينيا ده فعلا اكتر درس اتذاكر, مش حبا فيه ولا غباء م الاخرين, انما بسبب الاعجاب بالمعلومات اللى فيه
ده غير ان شكله يبدو مختلف عن دروس القراءة اللى متعودين نذاكرها طول عمرنا
بس اللى فادنى فعلا فى الثانوية العامية دى, اكتر م اليوجينيا, دروس علم النفس
رغم ان كان حفظها رخم جدا وبيتبخر الا ان الفهم موجود والمعلومة محفورة ف الدماغ وطبعا باذن الله قابلة للتطبيق فى المستقبل
وربنا وفقنا جميعا

[يالا بينا]

انا ملاحظة ان الموضوع اتقلب لذكرى عن العربي....
على كل حال احب اقول:
ان اليوجنين اللي احنا خايفين منهم واللي هم اجانب
خطرهم
اقل بمراحل من خطر اليوجينين العرب
تحديدا
المصريين
بتوع الجامعات الخاصة وما شابه ذلك.....

[د/بسمة الاسلام]

اه فعلا
يا
يلا بينا
عندك حق
ربنا يسترها علينا من اليوجينين المصريين

[**تسابيح**]

المشاركة الأصلية كتبت بواسطة mostafa kernawy

ونمشي صح لغاية منوصل ان شاء الله بإذن الله

لازم نصرخ بأعلى صوت في وجه الى عايز يدمرنا ويدمر اخلاقنا _احنا احفاد الفراعنة خير جند الارض الى دمرنا العدو في حرب اكتوبر مش هنقدر نقاطع شوية مواقع وافلام واغاني اباحية –

لا لليوجينيا

انا بكره حاجة اسمها اليوجينا
أكيد بضرر
وانا فاكرة كويس الدرس دا لاني كنت مذاكرة اوووووووي
كان نفسي يجي في الامتحان بس مجاش يالا بقي
بس احنا مفروض نفتخر اننا مسلمين مش احفاد الفراعنة
العرب كلهم بيتعجموا في حياتهم وتفكرهم
ربنا يستر علينا
شكرا ع التفكير بالماضي الاليم(الثانوية العامة طبعا)

المشاركة الأصلية كتبت بواسطة mostafa kernawy

هل تعتقدوا أن اليوجينيا توجد في المنتديات ؟؟؟؟؟؟؟

ازاي يعني

[mostafa kernawy]

لا والله
انا اقصد يوجينيا في المنتديات
لما تلاقي كده كل الموضوعات ليها هدف خفي كلها كده بتحوم حولين نقطة معينة انا لقيت ده في كذا منتدي بس يمكن مش هنا ويمكن انا ظالمهم عشان كده باخد رأيكم
لماتلاقي انسياق غبى وراء الغرب في طريقة الكلام واللبس والثقافة وحاجات تانية كتييييير كدة
لدرجة ان الواحد بيحس ان العضو المميز في المنتدي هو الى بيقول كلام اجنبي كتيير وافكاره متحررة على حد التعبير
عولمة بقي
هل دي يوجينيا ؟؟