تحميل المناهج الدراسية على أجهزة المحمول

[الأستاذة هدى]

المشاركة الأصلية كتبت بواسطة Mr.Hani

من وجهة نظرى المتواضعة كلام هراء
اولاً : من سيتكلف ثمن المحمول الحديث الذي سيحمل عليه تلك المواد
ثانياً : من سيتكلف العلاج من الأمراض التى سيسببها ذلك المحمول
ثالثاً : كلى ثقة بأن ذلك سيشجع الطلبة على الاهتمام بتحميل اشياء اخرى غير المناهج الدراسية على اجهزتهم المحمولة ومش بعيد يشغلوها فى فصولهم وتبقى زيطة
ياريت يراجع نفسه فى الموضوع ده
لأننى ارى أن اضراره اكثر من فوائده

كلام سليم جدا خاصة استخدام المحمول فى أشياء أخرى غير المناهج الدراسية وفعلا هتبقى (((زيطة )))) وزمبليطة .. إيه المفردات المحاميلى دى؟؟؟؟ ماعلينا

كمان اخر كلام عن المحمول انه ممنوع نهائيا من المدارس وبيؤخذ من الطلبة وولى الأمر ييجى يستلمه طيب ساعتها ماذا سيكون الحل؟؟؟؟؟
وتصوير الفضايح ف المدارس لكل شاردة وواردة ويشرب المدرسين والطلبة والإعلام يلاقى قصص وحكايات يكبرها ويصغرها

[الأستاذة هدى]

المشاركة الأصلية كتبت بواسطة عادل الاسوانى

بدلا من هذه الفكرة الى لها سلبيات اكثر من ايجابياتيمكن ان تقوم الوزارة بتقسيم الكتاب المدرسى الى كتب صغيرة كل كتاب يمثل منهج شهر او باب مستقل وبذلك نخفف الحمل على الطالب دون ان تسبب له فى امراض .
ارجو ان تدرس هذه الفكرة من اجل ابنائنا الصغار

والله فكرة عملية جدا وتناسب واقعنا المرير وامكانيات وزارتنا وشعبنا الذى لا يستطيع شراء محمول عالى الامكانيات لأبنائه مش اما يمسكه هو الاول ؟؟؟؟

بعدين الوزارة شكلها عمرها ما هتسلم لاب توب للطلاب مش اما تكفى ميزانية مرتبات وكادر المدرسين الاول؟؟؟

يبقى فكرة حضرتك اقرب فكرة للتحقيق على ارض الواقع أحييك على هذه الفكرة

[hamada_fg2003]

لية محمول مش لاب توب؟؟؟؟؟؟؟؟؟؟؟

[اشرف المصرى]

المشاركة الأصلية كتبت بواسطة عادل الاسوانى

بدلا من هذه الفكرة الى لها سلبيات اكثر من ايجابياتيمكن ان تقوم الوزارة بتقسيم الكتاب المدرسى الى كتب صغيرة كل كتاب يمثل منهج شهر او باب مستقل وبذلك نخفف الحمل على الطالب دون ان تسبب له فى امراض .
ارجو ان تدرس هذه الفكرة من اجل ابنائنا الصغار

فكرة اكتر من رائعه وفيها قابلية التنفيذ والسهوله المطلقه فى تحقيقها
ولن نحتاج الى مزيد من انفاق
مجرد تقسيم الكتاب على الشهور كما يحدث فى مذكرات الدروس الخصوصيه
يقلل الحجم ويوفر الجهد

مودتى وتقديرى

[أ/ محمد رسلان]

هوه فى إيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[h2714]

ياجماعة مهو المحمول هيمنع انفلونز الخنازير ربنا يخللنا الوزير محمول وكثافة ومديرينا الاكفاء ووفرة فى المدرسين المتخصصين كمان دكله لنا ومتنسوش الكادر بتاع شهر 29/5 ربنا يخلية ويحسن اليه دمعيشنا فى نعيم

[CAMELA]

اظن ان المقصود هو كمبيوتر محمول ( لاب توب ) وليس تليفون محمول
وإلا ازاى الطلبه هاتتصفح الكتب ؟؟؟
يعنى لو المقصود تليفون محمول يبقى يخلى الطلبه يشيلوا على ظهرهم كمبيوتر علشان يوصلوا الموبايل بالكمبيوتر ويظهر محتوى النص على الشاشه .
والا ايه ؟؟؟؟

[فتحى فارس محمد مرزوق]

وزير ناصح بيدور على الشى اللى يربح ويجيب فلوس للوزارة منين حتى ولو على حساب التلاميذ واولياء الامور بعد كدة هيسلم المحمول والكارت اللى علية المواد للطالب مع الكتب وكلها صفقات تجيب فلوس زى اجهزة الوزارة الل ملت المدارس بالمليارات وثمنها اضعاف اضعاف الخارج وكلة مكسب وليتها شغالة ولكن عليها اكوم من التراب ( اقصد عليها رحمة الله )
وعجبى

[hazemtolba1969]

ممكن تكون الفكرة هو تسليم الطلاب اسطوانات عليها المناهج والطالب الذى عنده امكانيات يشاهدها على الكمبيوتر مع تزويد الفصول بأجهزة كمبيوتر بشاشة كبيرة شوية بس تكون داخل أقفاص حديد

[zamica]

محدش عارف حاجة

[Mr.Hani]

ممكن تكون الوزارة استوردت طلبية محمول وعايزة توزعها فدبيتها فى الطلبة والسنة اللى بعدها يتلغى الموضوع من أساسه
لااعرف إلى أين ستأذنا حكومتنا (الرشيدة!!)

[moustafa4english]

سيدي الفاضل الكتاب خير صديق ده انا مدرس ومعرفش اقرا كويس وبتركيز الا من الكتاب ولا تقولي كمبيوتر ولا محمول
انا جربت الموضوع ده وقمت بتثبيت برنامج وورد علي الموبايل لكن للاسف الفكره غبيه لا تفيد الا في سرعه الحصول علي المعلومه وليس القراءه ..................بس والله فكره كويسه من الوزير اهو يوفر تكاليف طبع الكتب .......ودومتم

[Observer]

( قف بجانب أخيك المتعاقد )

فى الحملة الكبرى لإسترداد حقوق المدرسين المتعاقدين
خير الناس أنفعهم للناس

ساند بالقول أو بالفعل أو بالفكرة
على الرابط التالى

http://www.thanwya.com/vb/showthread.php?t=149154

[lilly12]

الدول الأوروبية تحتفظ بكتب التلاميذ في الفصل و يكتفون بأوراق العمل و استخدام الكمبيوتر. لماذا نقتدي بالغرب في كل ما هو رديء فقط.