يا شهادات معادله تعالو ....

[the punisher125]

المشاركة الأصلية كتبت بواسطة ahmed hawwas

السلام عليكم
يا جماعة محدش يقلق خالص انا روحت احول من هندسة شبرا لهندسة المنصوره وقالولي بعد 10 أيام هتظهر من أول يوم بدأت فيه التحويلات يعني ممكن انشاء الله 10/3 وربنا يسهل وبعدين اول اسبوع مش مشكله بتكون لسه الجداول مظهرتش ولا السكاشن وكده فا احنا نداوم في كليتنا عادي عقبال ما تظهر النتيجة

وبالتوفيق للجميع ...................
Ahmed

على فكرة موضوع انك تروح تحضر فى الكلية اللى انت محولها دة من رأيى مش مظبوط خالص اول حاجة لان اسمك مش موجود فى الكلية دى اصلا ولا ليك اى صفة فيها تانى حاجة ان التحويل مش بالسهولة دى يعنى يعنى احتمال قبوله مش بنسبة 100% لان معظم اللى محولين محولين لكليات واخدة اكبر من مجموعهم و ممكن كمان ميكونش فى اماكن فاضية فى الكلية زى ما مكتوب فى شروط التحويل علشان كدة من رأيى ان كل واحد يحضر فى الكلية اللى جاتلوا علشان الكليات العملية بتبدأ من اول يوم وخصوصا كمان لو النتيجة هتتأخر زى ما بتقولوا يبقى تتعبوا اول اسبوع دة وان شاء اللة ربنا يوفقنا كلنا

[$همسه حائره$]

يا جماعه خلاص نزلت أنها نهايه الاسبوع القادم
http://www.algomhuria.net.eg/algomhu...s/detail01.asp

[the punisher125]

المشاركة الأصلية كتبت بواسطة $همسه حائره$

يا جماعه خلاص نزلت أنها نهايه الاسبوع القادم

http://www.algomhuria.net.eg/algomhu...s/detail01.asp

بس بردوا نهاية الاسبوع القادم دى بعيدة اوى يعنى انا الكلية عندى بتبدأ من اول وكاتب رغبتين فى التحويل طب القاهرة والفيوم المفروض انى اخمن بقى هقبل فى القاهرة ولا الفيوم ولا مش هقبل خالص واعمل حادى بادى واروح الكلية اللى هتطلعلى بقى وانا وحظى يأما اكمل فيها يأما اروح تايه بقى من تانى اسبوع فى الكلية اللى هاتجيلى بعد ماتكون السكاشن خلاص بتبدأ......والله اللى بيعملوه ده تهريج

[$همسه حائره$]

المشاركة الأصلية كتبت بواسطة the punisher125

بس بردوا نهاية الاسبوع القادم دى بعيدة اوى يعنى انا الكلية عندى بتبدأ من اول وكاتب رغبتين فى التحويل طب القاهرة والفيوم المفروض انى اخمن بقى هقبل فى القاهرة ولا الفيوم ولا مش هقبل خالص واعمل حادى بادى واروح الكلية اللى هتطلعلى بقى وانا وحظى يأما اكمل فيها يأما اروح تايه بقى من تانى اسبوع فى الكلية اللى هاتجيلى بعد ماتكون السكاشن خلاص بتبدأ......والله اللى بيعملوه ده تهريج

والله ربنا يستر على الكل بس إن شاء الله هما مش هيبدؤوا للفرقه الاولى على طول يعني بيكون لسه في أول أسبوع تظبيطات وبتاع يعني إن شاء الله خير

[the punisher125]

المشاركة الأصلية كتبت بواسطة $همسه حائره$

والله ربنا يستر على الكل بس إن شاء الله هما مش هيبدؤوا للفرقه الاولى على طول يعني بيكون لسه في أول أسبوع تظبيطات وبتاع يعني إن شاء الله خير

ان شاء الله خير وكل واحد تيجيلوا الجامعة اللى نفسوا فيها بأذن الله

[عاشقة الجنة 1991]

هوا حضرتك جتلك إبيه يا همسة حائرة؟؟!!!!!!!

[وردة بلدنا]

ايه ده احنا لسة هنستنا لاخر الاسبوع
ده ايه الملل ده

[سيدة المنتدى]

السلام عليكم اخوتى
بخصوص موضوع الحضور قبل ظهور نتيجة المعادلة
اتصلت بى زميلتى وقالت انها حضرت من اول يوم فى الجامعه على الرغم من عدم ظهور نتيجة المعادلة بعد
وسمح لها ولغيرها بالحضور لحين ظهور النتيجة دون مشاكل
لان المعادلة ان شاء الله ستظهر نصف هذا الشهر ان شاء الله وبالتوفيق للجميع

[ميدو مارتن]

شوفي يا همسة ساهرة انا طالب في كلية العلوم كانت جاتلي الاول في الفيوم ودوقتي انا عامل طلب تحويل لجامعة عين شمس وانا من اول الاسبوع بحضر عادي وانا ان شاء الله حروح مكتب التنسيق اجيب النتيجة يوم الخميس الجاي ان شاء الله والكلام ده اكيد على اخر الاسبوع ان شاء الله نتيجتك حتظهر ده لو انتي شهادة معادلة وربنا يوفقك يا رب وتدخلي المكان اللي انتي عايزاه ياريت اتعرف عليكي ممكن يعني وانتي جالك كلية ايه ممكن يعني

[ميدو مارتن]

وعلى فكرة يا همسة ساهرة انا في كلية علوم قسم بيولوجي بدؤو محاضرات على فكرة اخدت محاضرة نبات ومحاضرتين رياضيات وكده يعني لو كليتك علمية يكون احسن انك تحضري هناك وربنا يوفقك يا رب

[dr.sab]

النتيجة طلعت خلاص بلاش فتاوي اكتر من كدة روحو يوم الاربع هتلائوها باذن الله

[redrose2010]

يعني النتيجة مش هتطلع عالنت ولو ماطلعتش عالنت ماينفعش نعرفها غير من مكتب التنسيق اللي فى القاهرة؟

[dr.sab]

الله اعلم لكن في زمايلي في المنتدي قالولى انهم راحوا ولاقوا النتايج طلعت بس الموظفين كانوا مروحين خلاص
مفيش غير اننا نروح بنفسنا عشان نشوفها و نتاكد او ننتظرها بالبريد

[وردة بلدنا]

يعني النتيجة طلعت ولا لسة مطلعتش

[noha abbass]

انا ياجماعة قدمت رغباتى من جديد مع المتخلفين علشان ورقى ضاع منهم وقالولى النتيجة بعد 15 يو ولغاية دلوقتى فات 20 يوم ولسة ماطلعتش انا قلقانة جدا لانهم قالولى حايبقى ليكى بواقى الكليات وانا خايفة يجيلى معهم مع انى جايبة 92 %ادبى