استشارة قانونيه

[elmester3]

[quote=الامير الصعيدي;1756502]في دبلومات تلاميذها تتعامل مع الحاسب الالي بمهاره عنها يا استاذ والتخلف موجود في كل وظيفه ياافندي الاساتذه المحترمين علي العين والراس المتمدنين اما المدافعين عن التخلف امثالك فمعروف مصيرهم[


الرد بتاعى عليك لو قولتهولك مش ها تستحملة
واعتبرة وصلك وافهمة بطريقتك
واولا انا مش بدبلوم عشان ما تقولش انا بدافع عنهم
أنا اعمل مدرس فى مدرسة صناعية والمدارس دى هى اللى بتخدم المجتمع وبتخرج ناس فى جميع الحرف
لكن انا مش فاهم لية الحقد على الناس دى وزى ما قولت قبل كدة لولا الدبلومات دى انت شهادتك العالية دى فى الاسم بس ما كانش ليها لزمة يعنى ما كانش بقى فية مقارنة كنت ها تقارن نفسك بمين
وبعدين يا اخى متهيالى ان اللى معاة شهادة عالية مش ها يدخل الجنة واللى معاة دبلوم ها يدخل النار اية فية اية مالكم احنا رجعنا لزمن الاقطاع ولا اية احنا كلنا بشر وكل واحد بيخدم فى المكان اللى هو فية والموضوع فى الاول وفى الاخر ضمير

[ibrahimsalhin]

المشاركة الأصلية كتبت بواسطة توفيق رفعت عجيز

السلام عليكم ورحمة الله بصراحة انا قاعد شوية قبل ما اذهب للمدرسة قلت اتصفح قسم الكادر
لقيت موضوع للاستاذة صفاء وكالعاده بتسب الموتي وبتسب حملة الدبلومات وحضرتها كل شوية بتغيب تغيب وتيجي تروح جايبة موضوع مثير للفتنة واهي كمان نجحت توقعنا في بعض يا جماعة ايه ايلي احنا فيه ده ماتش كورة وقع بلدين في بعض
واحنا هنا عمالين نتكلم عن مؤهلات وكل واحد بيفتخر بمؤهله تمام
انا عاوز اقول حاجة التعليم رزق من عند الله ومش شطارة احد يعني باختصار لا المتعلم علم نفسه ولا الجاهل جعل نفسه جاهلا
وكما قلت سابقا يا ريت كلنا نقاطع موضوعات الاستاذة صفاء ايلي بتدعي علي الاموات
الا تعلمين انكي اذا دعوتي لاحد بخير رد عليكي ملك من ملائكة الله وقال لكي مثلها
اللهم ارحم اموتنا وجميع اموات المسلمين .

انا بأضم صوتى لصوت الاستاذ رفعت فى كل ما قاله ولى تعقيب بسيط
انا مش هاقول ان مدرسينا اصحاب الدبلومات كانوا ناس عندهم ضمير وعلمونا بإخلاص لأن ده كلام مكرر لكن اللى عايز اقوله كلنا لمسناه فى سنه الفراغ فى الصف الاول الاعدادى لما طلبوا مننا واحنا مدرسين اعدادى ندرس منهج ساتة ابتدائى كنت انا وزملائى مدرسين الرياضيات نتعب جدا على ما نوصل المعلومة للطالب بالعافية واتفاجىء فى الحصة التانية ان الولد عرف يحل المسألة بشكل بسيط جدا عن طريق مدرس الدرس اللى معاه دبلوم لكن بخبرته عرف ازاى يوصل المعلومة بشكل مبسط عجزنا عنه احنا يابتوع البكالوريوس وبالفعل اتعلمنا منهم
وفى نقطة مهمة انا عاوز اشوف واحد من السادة الاعضاء يقولى طبق ايه من الحاجات اللى خدناها فى الكليه سواءا فى علم النفس او طرق التدريس وغيرهم؟
اما بانسبة للى بيتكلموا عن التطور يشوفوا المدرسين عاملين ايه فى دورة انتل

[رأفت وليم]

المشاركة الأصلية كتبت بواسطة ibrahimsalhin

انا بأضم صوتى لصوت الاستاذ رفعت فى كل ما قاله ولى تعقيب بسيط
انا مش هاقول ان مدرسينا اصحاب الدبلومات كانوا ناس عندهم ضمير وعلمونا بإخلاص لأن ده كلام مكرر لكن اللى عايز اقوله كلنا لمسناه فى سنه الفراغ فى الصف الاول الاعدادى لما طلبوا مننا واحنا مدرسين اعدادى ندرس منهج ساتة ابتدائى كنت انا وزملائى مدرسين الرياضيات نتعب جدا على ما نوصل المعلومة للطالب بالعافية واتفاجىء فى الحصة التانية ان الولد عرف يحل المسألة بشكل بسيط جدا عن طريق مدرس الدرس اللى معاه دبلوم لكن بخبرته عرف ازاى يوصل المعلومة بشكل مبسط عجزنا عنه احنا يابتوع البكالوريوس وبالفعل اتعلمنا منهم
وفى نقطة مهمة انا عاوز اشوف واحد من السادة الاعضاء يقولى طبق ايه من الحاجات اللى خدناها فى الكليه سواءا فى علم النفس او طرق التدريس وغيرهم؟
اما بانسبة للى بيتكلموا عن التطور يشوفوا المدرسين عاملين ايه فى دورة انتل

بارك الله فيك يا اخى وانا ايضا اضم صوتى لصوتكما وندعوا جميعا للأخت الفاضله بالهداية