الى من ينادى بترشيح البرادعى

[dr.abdullah]

الصراحة مينفعش يمسك مصر
الا راجل عسكري

يعني نشوف من ايام محمد نجيب الى حسني مبارك
الرؤساء كلهم كانوا عسكريين

والصراحة محمد البرادعي في رأيي انه مينفعش انه يمسك الحكم
لأنه معاه جنسية تانية

انا لو هرشح رئيس
هرشح عمر سليمان وزير المخابرات

[مستر/ عصام الجاويش]

من هم فى سنى عاشوا عصر الرئيس جمال عبد الناصر والرئيس السادات والر ئيس مبارك ونحن يحق لنا ان نفخر بزعمائنا كلهم واخص منهم بالذكر الرئيس مبارك الذى كلنا جميعا نفخر به لانه رمز مصر وهذا الكلام ليس نفاقا بل قناعه شخصيه لان انجازات الرئيس مبارك فى كل المجالات تشهد له
فى المجال العسكرى
مبارك بطل الحرب والسلام فهو قائد عسكرى من الطراز الأول صاحب الضربه الجويه التى كانت سبب رئيسى فى انتصارنا العظيم وهو ايضا بطل السلام الذى اعاد الينا طابا دون اراقه قطره دماء واحده وهو ايضا القائد الحكيم الذى يتحدث دائما بشكل متزن وواقعى يقنع الجميع

فى مجال التعليم
اعطى الرئيس مبارك الاولويه القصويه لتطوير التعليم لانه اعتبر تطوير التعليم مشروع مصر القومى الاول ففى عهد الرئيس مبارك نشهد كل عام بناء مدارس جديده مزوده بامكانات ممتازه فى جميع انحاء مصر وشهدنا ارسال المدرسين فى بعثات الى امريكا وانجلترا وغيرها وشهدنا رفع المستوى المادى للمدرس بتطبيق نظام الكادر

فى مجال الرياضه
تم بناء عدد كبير من الاستادات الرياضيه وتنظيم عده بطولات قاريه وعالميه بنجاح منقطع النظر فى كافه الالعاب وحصل المنتخب القومى لكره القدم على كأس افريقيا 4 مرات والوصول لكاس العالم سنه 1990
وفوز المنتخب العسكرى بكاس العالم اكثر من مره اضافه الى الفوز بدوره الالعاب العربيه والمشاركه فى كأس القارات مرتان وحصول انديه الاهلى والزمالك والمقاولين على البطولات الافريقيه عده مرات غير انجازات كره اليد والاسكواش والجودو وغيرها من الالعاب

فى مجال الاسكان والتعمير
انشاء عدد من المدن الجديده الرائعه مثل 6 اكتوبر والعاشر من رمضان وغيرها والتى ساهمت بشكل كبير فى تخفيف الضغط على المدن الكبرى

فى مجال المواصلات
من اعظم المشروعات على الاطلاق مشروع مترو الانفاق الذى خفف ضغط المواصلات فى القاهره الكبرى وانشاء الكبارى العلويه ايضا ساهم فى حل ازمه المواصلات

فى مجال الاعلام
اطلاق القمر الصناعى المصرى نايل سات الذى يساعد على وصول رساله مصر الاعلاميه الى جميع انحاء العالم
((وللموضوع بقيه ان شاء الله))

thechampion
البرادعى شخصية استيراد ماركةUSA للضغط على الحكومة المصرية
وهو جاي من ناحية امريكا ليس له أية حضور جماهيرى

[مستر .سعد الحجرى]

☼•♥♥•☼ ☼•♥♥•☼جزاك الله كل خير ☼•♥♥•☼ ☼•♥♥•☼

[modym2020]

كل شكرى وتقديرى لمروركم جميعا
وبالطبع لكل شخص الحرية فى الاختيار
==============
انا لم اقل أن مبارك ملاك ولكن كما ذكرت لا يكون العذر اقبح من الذنب
نعترف بوجود قصور - وذلك فى أى دولة واى رئيس - ولا يوجد بشر معصوم الا الرسل
ولكن لا يدفعنى ذلك الا لاختيار من أفضل منه
==============
البرادعى لم يكن يوما ملاك ولكن كان حصوله على نوبل لنفسه ويحسب لمصر لكن بعيدا عن مصلحة دولة وشعب فلم يكن يشغل بال احد ما يقول وما يصرح لانه شخص واحد لكن رئيس يعنى بيتكلم بصوت شعب وجيش ودولة
ونعلم ان نوبل اعطيت لكثير منهم مارتن لوثر فى 64 و78 بين السادات ومناحم ييغن"اسرائيل " وفى عام94 ( عرفات واسحق رابين و شيمون بيريز "اسرائيل"
واوباما فى 2009و...... يعنى العلمية لا خلاف عليها لكن السلام و..... مجرد مصالح
===========================
البرادعى ظل 12 عاما مدير الوكالة الدولية !!
هل لو كان يستطيع أن يأخذ قرارا بنفسه كان سيستمر فى منصبه ؟؟؟
لو لم يكن ينفذ هل كان سيستمر 12 عاما ؟؟؟
هل كل ذلك يتغير عندما يكون رئيس ؟؟؟؟؟ بالطبع لا

اذن حتى الآن لم أجد بين المرشحين من يستحق (( من وجهة نظرى ))

[أ/رضا عطيه]

من أين جاءت لكم كل هذه الجرأة وتتناقشون فى موضوع غاية فى الأهميه--- (الله عليكم تسلم إيديكم)--وكلامى على الناس قصيرة النظر(المنتفعين) بتحاول توهم الناس بأنهم أيضا مصابين بقصر النظر (الغلابه والمعدمين)فى مخطط مفضوح لضياع أعظم نعمه وهى نعمة الأمن والأمان ا للى بلاد كتيرة أغنى وأحسن حالا منا ويتمنون هذه النعمه --- واستكمالا لسياسة الفضائيات إياها أصبح الحر والجرىء والديمقراطى بل والمؤمن فى نظرهم من يسىء لتراب هذا الوطن ورموزه صغيرا أوكبيرا قدتكون أنت أو أنت أحدهم فى يوم ما--- 80مليون وأكتر هل لايوجد بهم من يكمل المسيرة ؟-- أم البالطو الأمريكى هو الحل - - شفنا المر مرار من انتخاب أعضاء مجلس الشعب والشورىاللى ساكنين العاصمه ولا نراهم إلا أيام الإنتخابات فى قرانا -- رايحين تجيبوا لنا رئيس كان ساكن بلد أوربى لايستحق ذكر إسمه لأفعالهم الأخيره مع المسلمين -----يا خلق قعدونى أنا الراجل الغلبان مع عمرو أديب أومنى الشاذلى ربع ساعه وأنا هحل لكم مشاكل مصر كلها(البطاله--الفساد-- الزياده السكانية وغيرها)وياويلكم م اللى هيجرى لكم بعد كدا --- كرهنا الحكومة لانها بتحل مشاكلنا بالكلام وحبينا البرادعى لما نهج نفس النهج -- بالله عليكم دا كلام ياعقول وفكر المستقبل؟ --- كان نفسى حد جرىء يعمل إحصاء لكل اللى راحوا واستقبلوا البرادعى فى المطار ويحلل المحتوى ---- وأتحدى لو كان فيهم واحد ترك أنبوبة الغاز بتاعته أمام المستودع أوترك دوره فى طابور العيش أو الجمعيه وراح يقابل الأمل الجديد ----- لكنهم أعضاء الأحزاب العائليه اللى بيوزعوا على بطاقة العضوية للحزب سيارات وشقق وفى المستقبل لو وصلوا لهدفهم عرائس ووظائف لايقل مرتبها شهريا عن مرتبى 20سنه-- كفانا سطحية -- فالبرادعىإبن بلدنا كان قيمه فى منصبه العالمى ولكنه أصبح ثروة لأحزاب الأسرة فى مصر الكل يتصارع على امتلاكه وكفانا نكون السلم لمن يريد الصعود للقمه ---- وصدقونى مجتمع نصفه فقراء ومعدمين لايتحمل التجربه -- ونحن بكل بساطه نبخل فى التدقيق والتأمل والتفكير بل إنجرفنا معصبين الأعين نحو فرد وقلنا هذا--- ولن نقبل سواه-- وكأن مصر جف نيلها ونضبت أرضها وبلد نبتها من انتاج من يحمل همها ويرفع اسمها----
ولو اتبعت العصبية والتشدد اللى مضيع حياتنا فى انتخابات مجلس الشعب والشورى لأتبعت وتحمست لهذا الرجل الذى يعتبر إبن بلدنا --- ولكننا كم نحن محتاجون للتعقل لوجه الله فى هذه الأيام وقد يكون هو الأصلح -- بس نفكر كتيرقبل مانقرر- فالقرار بجد خطير فى مستقبل (غاليه)عمرها أكتر من 7000سنه وأولادها أكتر من 80مليون عاشق لترابها-----
وبالتوفيق للجميع وشكرا

[أبو إسراء A]

بصراحة أستاذ رضا البرادعى لا يصلح لأنه سوف ينفذ كل ما تطلبه أمريكا
وقبل أن تبدأ اية إنتخابات هو وقع على أجندة ساويرس وختم عليا بختم البيت الأسود
وإنتظروا الفتن التى لا أول لها ولا اخر.
اللهم إجعل ولايتنا فى ذمة من خافك وإتقاك

[بندق__2007]

انا عايز اسأل سؤال :

هل بالضرورة اللى بيرشح البرادعى يسب مبارك

و هل بالضرورة اللى بيساند مبارك يهاجم البرادعى

يا جماعة الموضوع مش كدة

دى لا ديمقراطية و لا ملوخية حتى

الديمقراطية انى اعدد اسباب و صفات فى وجود نظام محترم ينظم الانتخابات

و احدد شخص شايف فيه الامل فى التغيير

و ابقى مستعد لمساندة رئيس الاغلبية فى حال فوزه فى انتخابات حرة بجد

هى دى البتاع اللى بنقول عليها ديموقراطية

[modym2020]

المشاركة الأصلية كتبت بواسطة بندق__2007

انا عايز اسأل سؤال :

هل بالضرورة اللى بيرشح البرادعى يسب مبارك

و هل بالضرورة اللى بيساند مبارك يهاجم البرادعى

شكرا لمرورك
هذا رايى لذلك اتعجب من تعليقات اجدها فى بعض الواقع تصف كل من يعارض البرادعى بانه عميل او تابع للحزب او .....ولذلك حرصت على التذكير باحترام الاراء وعدم التجريح
وطبعا أى مصرى ممن لا ينتمى للاحزاب يحرص على اختيار وترشيح من يراه مناسبا ومخلص مصر

اذن حتى الآن لم أجد بين المرشحين من يستحق (( من وجهة نظرى ))
هل سيظهر جديد ؟؟
ام ترشيح مبارك او جمال يغلق المجال ؟؟

[lover rose]

لا البرادعى ولا مبارك
الاتنين لو عندى صوت مش هيبقى صوتى لحد فيهم
محدش فيهم ينفع للحكم تانى
عهد مبارك اللى زاد عن نصف قرن مفهوش اى تجديد وانجازات ايه اللى بنتكلم عنها بقالنا سنين
احوال البلد فى النازل دايما
وبالنسبه للبرادعى مش مننا علشان مجربش حياه الفقرا
ولو هقول انى مش مرحبه بالبرادعى مره
يبقى لااااااااااااا لمبارك ولجمال مبارك الف مره

[lover rose]

راى بندق جميل اوى وانا مع الراى ده

[شريف ابوالنصر]

انا عن نفسى شايف ان محمد حسنى مبارك احق واحد بالرئاسه مش جمال وانجازات حسنى كتير
كفايه انك عايش فى سلام بقالك 28 سنه
وان المدن كلها بتجدد
وكمان ان مصر بقى فيها مدن سياحيه واماكن كتير للترفيه
وكمان تقدر تقول رايك بكل جراة والدليل القنوات الفضائيه عمرو اديب منى الشاذلى وغيرهم مع انى مش بحترم عمرو اديب
وانجازات تانيه كتير انا عن نفسى امنى الفوز لمبارك

[أ/رضا عطيه]

الإختلاف فى الرأى قد يكون عين الصواب لكن ياريت نتعلم أن نحترم أراء الأخرين ولانحولها ‘إلى تعصب أعمى -- فالعيب كل العيب أن يكون المثقف (إمعه) يتبع من يجب أن يتبعه وكفى----------------------- وبالتوفيق للجميع وشكرا

[بندق__2007]

مش عارف الحقيقة هو ايه مفهوم الثقافة عند الاخ اللى رد فى السابق

و لكن بالتأكيد صوابعك مش زى بعضها

هتلاقى واحد يقول نعم مبارك

و ده من حقه

زى ما من حقك تقول نعم للبرادعى

و زى ما حد تالت من حقه يقول للاتنبن لا و يقول لواحد تالت نعم

يا جماعة دى وجهات نظر

هو احنا منعرفش نختلف فى الرأى أبدا ؟؟؟؟؟؟

[omw3]

أهلا وسهلا بالنفاق والطبول عاشت مصر حرة مستقلة