كيفية التقديم وشروط التحويل فى تنسيق الثانوية

[الأستاذة أم شاهندة]

بص يا عمدة
البنت المحترمة تقدر تكون محترمة لو هى فين
بس برضوا ضرورى المتابعة
مش غلط
افرض إنك اعترضت على المدرسة واخترت انت أو الوالدين مدرسة تانية
واتضح بعد دخولها أن الطالبات أو أحد أفراد أسرة المدرسة
هناك ما يشوبهم هل ستحول لها من المدرسة ؟
وناوى تعمل معاها إيه فى الجامعة ؟
حتختار جامعة برضه ؟
ما دامت التربية صح وهناك متابعة
إستودعها الله وهو الحافظ إن شاء الله
ربنا يحفظكم جميعاً

[منتوو]

السلام عليكم ورحمة الله وبركاته



أدخلت البيانات كاملة في موقع التنسيق عشان أجيب الرقم السري

جالي خطأ في بيانات الدرجات ..

مش فاهم إيه المُشكلة ؟


أنا معفي يعني اللغة التانية عندي مش محسوبة فمجموعي من 360 درجة ، مش من 410

ممكن تبقى هنا المشكلة ؟

لأن كل البيانات التانية متأكّد منها ومفيهاش أغلاط !

ولو غلط ، اني اكتب مجموعي من 360

مش المجموع الاعتباري بيتحسب من

مجموعي * 410 / 360 ؟؟

ولا أنا غلطان ؟؟


أرجوكم الردّ سريعاً ..

[الأستاذة أم شاهندة]

أكتب البيانات كما حصلت عليها من موقع نتائج الوزارة

[منتوو]

المشاركة الأصلية كتبت بواسطة الأستاذة أم شاهندة

أكتب البيانات كما حصلت عليها من موقع نتائج الوزارة

عملت كده ،

وجابلي خطأ في بيانات الدرجات



هل المشكلة ديه عند كُلّ الي ماعندهمش لغة تانية ولا أنا بس ؟؟؟



...

[الأستاذة أم شاهندة]

اتصل على خط التليفون المذكور لك بالموقع وإسالهم ايه الحل بالنسبة لك
وبالتوفيق إن شاء الله

[منتوو]

المشاركة الأصلية كتبت بواسطة الأستاذة أم شاهندة

اتصل على خط التليفون المذكور لك بالموقع وإسالهم ايه الحل بالنسبة لك
وبالتوفيق إن شاء الله

اتصلت قالولي استنى 48 ساعة !!



ده كلام ؟!!!!

يعني التّنسيق كله خمس أيام لو استنيت يومين ومع النهردة


يبقى باقي يومين بس أكتب فيهم ولا أعدّل ولا ايه بالزّبط ؟


ايه ضغطة الأعصاب ديه !!!؟؟؟


مش المفروض يبقى عندهم حلّ سريع عشان وقت التنسيق !!!!

[الأميـرمحمد]

المشاركة الأصلية كتبت بواسطة منتوو

اتصلت قالولي استنى 48 ساعة !!

ده كلام ؟!!!!

يعني التّنسيق كله خمس أيام لو استنيت يومين ومع النهردة

يبقى باقي يومين بس أكتب فيهم ولا أعدّل ولا ايه بالزّبط ؟

ايه ضغطة الأعصاب ديه !!!؟؟؟

مش المفروض يبقى عندهم حلّ سريع عشان وقت التنسيق !!!!

ماتقلقش يومين للتسجيل حلو اوي
انت بتسجل في نص ساعة و بعدين تطبع الرغبات
و تقعد تراجع تاني و تاني
ولو في اي تعديل بتعمله في 10 دقائق و تطبع الرغبات الاخيرة
وربنا معاك و تجيلك الكلية اللي عاوزهاااا

[الدكتور سنايبر]

هل كتبت المجموع الكلي الموجود في استمارة النجاح التي تسلمتها ؟

ولماذا لم تجرب كتابة المجموع الاعتباري ؟

الطالب المعفى من اللغة الثانية، يحسب له مجموع اعتباري =
المجموع الكلى × 410 / 360

على أي حال انتظر حتى يخف الضغط قليلاً مع أني أرى أنه ليس المشكلة

أو انتظر كما أخبروك في مكتب التنسيق الرئيسي

وإن شاء الله تحل المشكلة

[عـــادل]

بوص لما تواجه مشكله وتتصل بيهم ويقولك يومين يبقى معندوش اجابة وعاوز يريح دماغة منك متصبرش يومين اتصل بيهم كل شوية لحد مايحله المشكله او روح مكتب التنسيق يبقى لحقت نفس من الاول بدل متكون مشكله كبيرة وتضيع يومين فى الانتظار على قلة فايدة

[rony33]

انا بردو معفية من اللغة التانية وحصلت معاية نفس المشكلة واتصلت وقالولي قعدي جربي ولو منفعش روحي معامل الكومبيوتر اللي في الجامعة.

[**منوش**]

انا كمان نفس المشكلة ومش لاقية لها حل وجربت كل الطرق دي
عموما انا هحاول اروح للبتاع اللي جنبنا
حرام والله

[نقاء الروح]

بالنسبة للمشكلة ديه ..
انا واجهتني كمان لاني معفية ..

والحل انك تروح لاقرب جامعة فمحافظتك
و هناك معامل الكمبيوتر هيطلعوا الرقم السري لك ..

انا طلعته النهاردة الحمدلله ..

http://www.tansik.egypt.gov.eg/appli...sitiesLabs.htm

وده بيان بمواقع التنسيق فكل محافظة ..
و بالتوفيق ..

[عـــادل]

السلام عليكم

هو سوال اكيد هيظهر بعد ظهور التنسيق وهو هل يمكن اختيار كليه لم اختارها ضمن مجموعة 48 رغبة اذا كان مجموعى يدخلها ولا الامر محصور بما تم تحديده فقط

شكرا

[الأستاذة أم شاهندة]

أعتقد والعلم عند الله
الموضوع وقتها بيتحول لتحويل بين كليات
وإذا وافقت الكلية التى ترغب بالتحويل لها على قبول طلاب جدد أعتقد ممكن وقتها تحول
بالتوفيق

[ابن بلد]

تتجه المؤشرات الأولية لتنسيق القبول بالجامعات والمعاهد المصرية من واقع نتائج الثانوية العامة إلى إنخفاض الحد الأدنى للقبول بكليات القمة.
وتشير التوقعات الاولية إلى أن يتراوح الحد الأدنى لكلية الطب بين 94% و95%، والصيدلة 93.5%، بينما سيتراوح طب الأسنان 93.3%، ويصل الحد الأدنى للعلاج الطبيعي والطب البيطري إلى 91% و92%.
ووفقًا للمؤشرات الاولية، من المتوقع أن يقل الحد الأدني لكليات الهندسة والحاسبات عن 90% ليصل في كلية الهندسة إلى 89%، والحاسبات والمعلومات 88%، حسبما ذكرت بعض الصحف المحلية الأربعاء.
يذكر أن مكتب تنسيق القبول بالجامعات والمعاهد العليا فتح تسجيل الرغبات لطلاب الدور الأول والأخير الناجحين فى امتحانات الثانوية العامة، والبالغ عددهم ?53 ?ألفًا و?973 طالبًا وطالبة، بدءًا من الأربعاء 14 يوليو ويستمر حتى الأحد 18 يوليو، ويأتي ذلك تيسيرًا على الطلاب.
وتستقبل معامل الحاسبات بالجامعات الطلاب الحاصلين بحد أدنى 205، ?درجات من التاسعة صباحا وحتى الخامسة مساء، فيما استعانت المعامل بالهيئة المعاونة لأعضاء هيئة التدريس لمساعدة الطلاب في تدوين رغباتهم.
وصرح الدكتور هاني هلال وزير التعليم العالي أن موقع التنسيق مفتوح أمام الطلاب طوال الـ 24 ساعة، لتسجيل وتعديل رغباتهم حتى السابعة من مساء الأحد 21 يوليو، مشيرا إلى أنه بعد اغلاق الموقع سيبدأ الحاسب الآلي بجامعة القاهرة في توزيع الطلاب على الكليات والمعاهد.