استفسار هام بالنسبة للمعلم المساعد

[10القعقاع]

المشاركة الأصلية كتبت بواسطة ابوعمارر

مش عارف اعمل ابه انا العقد بتاع السعوديه معايا الان
فاضل بس اكشف الفيروس واستنا التاشيرة

ومش راضلى اكمل عشان التعيين

افيدونى جزاكم الله خيرا

مش الواحد لما يتعيين هيبقى (معلم بأقدميه سنتين) طب خلاص ليه 6 شهوور

6 شهور دى كانت عشان الاختبار

واحنا بقالنا سنتين شغاليين

نصيحة مني لك ، أستمر في مصر ولا تسافر للسعودية حتى يتم التثبيت ثم بعد ذلك لن تحتاج لأن تسافر للخارج ، لأنّ الأكاديمية المهنية للمعلمين بعد قانون الكادر أصبح هناك زيادة ترفع من مستوى الدخل ، وربُّنا الرحمنُ المُستعَانُ على ما تصفون.

[تامر سرواح]

وانا ادعم هذا الرأى

[emooo_22]

وانا مع هذا الراى الا تسافر
مش عشان الراتب وانما انتا استحلت بهدلة كتيرة فى العقد
اتثبت الاول فى بلدك وربنا يسهل
ثم ان الدول العربية عايزة شهادة خبرة

[ابوعمارر]

مش الواحد لما يتعيين هيبقى (معلم بأقدميه سنتين) طب خلاص ليه 6 شهوور

6 شهور دى كانت عشان الاختبار

واحنا بقالنا سنتين شغاليين

[بأحب الفراعنة]

يا استاذ الوزير بيدرس قرار بمنع الاجازات لكل من يعين سوى اجازات الاعتيادى والمرضى والحج وكده
اما الاجازات المفتوحة فسوف تمنع
الوزير بيقول سبب عدم تعيين الناس رغم العجز ان فيه مدرسيين كتير لكن مسافرين علشان كده احنا هنحاول نصلح من حال المعلم جوه بلده

[داليا مصطفى ابراهيم]

انا سمعت برضوا ان بعد 6شهور
والفتره اللى قبل التعين مش محسوبه
والله اعلم

[امجد7007]

نفسى اسيب التعيين واهاااااااااااااجر ومرجعش تانى بس ده حلم صعب اوى يتحقق

[جارةالوادى]

ههههههههههههههههههه استطلاع لذيذ جدا يااخى واستباقى للاحداث مش لما نتعين الاول اصل التعيين بتاعنا ده جملى اول ممكن ميستويش دلوقتى تطلع حاجة فى دماغهم يقولو لنا اعملوها اصبر يااخى ومتقطعش برزقك وبعدين السفر للخليج اساسا مش بقى مجزى خالص مرتبات تعبانة وعيشة غالية حتى المياه بتشتريها السفر عايز كوادر معينة عشان يعمل معاها فلوس وعايز خبرات كبيرة جدا فى تخصصات معينة زى الطب والهندسة والعلوم لانهم فعلا دلوقتى اتعلمو وبقى عندهم تخصصات كتير جدا انا مش بحبطك ولاحاجة بس متسيبش شغلك غير لما تثبت نفسك عشان لاقدر لو مقدرتش تكمل يبقى ماخسرتش اوى

[تامر سرواح]

مشكووووووووووووووور

[عصام الطواب]

ياعم سافر احسن بلا تعيين بلا...............
ياريت انا استطيع السفر واترك البلد

[hossam_azazi]

هتمشى وتسيبنا لمين
استنى واعصر على نفسك طن لمون علشان لما ترجع يبقى فى حاجة ليك ولعيالك وربنا يقدملنا الخير وخصوصا ان الناس بترجع من السفر فى سن حرج لا ينفع معه عمل فى شركة او اى شىء ويرجع يصرف الفلوس اللى جابها ومبتكفيش دا كمان غير عياله وغربته عليهم

[محمدالسوهاجى]

(إن فاتك الميرى اتمرمت فى ترابه) مثل قديم لكن والله صدق،،
كثير اتسرع وترك العقد علشان الاجر الضعيف ولكن لاتتصور الندم الذى يعيشه،، ومن رأى التثبيت جاى جاى لأن الدرجات الماليه الشاغرة تزداد يوم بعد يوم
(( إن الله مع الصابرين))

[محمدالسوهاجى]

بلاش تهور ،،،، خليك فى وظيفتك احسن ،،،، انت احسن من غيرك كتييير ،،،، المدرس ملهوش غير الطباشيرة (يعنى التدريس)