هل صحيح ان من تعدى سنة ال 45 سنة غير مطالب بالحصول على شهادة ال icdl

[ابو عثمان]

شكرا لتواصلكم معنا

[teacher_2]

ناس عمرها اكبر من 45 سنه
وجالهم جوابات تدريب
اعرفهم و فى ادارات مختلفة

[السيدحمدى]

فى الشرقيه نفس الأشاعه
والله أعلم

[sobhy333]

المشاركة الأصلية كتبت بواسطة rrdd

قرار الوزير يشترط فيه الحصول على الشهادة للترقيه وهذا موجود على موقع الوزارة (الاكادميه)

ياسيدى انا اقصد فى مداخلتى ان قانون الكادر ليس فيهicdl يعنى حضرتك لو دخلت الامتحانات القادمة ونجحت مفيش مايمنع فى قانون الكادر حصولك على الترتيب معلم/معلم اول/معلم اول أ / خبير /كبير / والفلوس كمان

[SHAHDOFLOVE2005]

انامدرسة فى محافظة الاسكندرية فى ادارة برج العرب التعليمية
طبعا عندنا اخر ناس نعرف الاخبار
بنت عمتى فى ادارة وسط قالتلى جاتلهم نشرة فعلا بتلغى الicdl للمدرسين فوق سن ال45 والله اعلم

[مستر / طاهر أبو خزيم]

كل هذه اشاعات وعند جهينه الخبر اليقين

[medoha3]

أنا سمعت كلام مؤكد وهو : كل من تعدى سن ال 45 سنه ليس مطبق عليه دوره icdl هذا والله أعلم .

[sobhy333]

المشاركة الأصلية كتبت بواسطة shahdoflove2005

انامدرسة فى محافظة الاسكندرية فى ادارة برج العرب التعليمية
طبعا عندنا اخر ناس نعرف الاخبار
بنت عمتى فى ادارة وسط قالتلى جاتلهم نشرة فعلا بتلغى الicdl للمدرسين فوق سن ال45 والله اعلم

هلا بحضرتك يا أخت شهد فى أول مشاركة ، وكلنا بنكمل بعض وان شاء الله مع موقع الثانوية تلاقى آخر وأحدث الأخبار ، ولو عند حضرتك النشرة او تطلبيها من بنت عمتك وترفعيها يكون خبر جديد لجميع الاعضاء

[فيض خاطري]

المهم هو ان المعلم لابد ان يكون على علم ومعرفة بالتكنولوجيا الحديثة سواء كان بعد الاربعين ام قبل الاربعين وهل بعد ان يصل المعلم الى ترقية مدير او وكيل لايعرف اى شئ عن الكمبيوتر ياسادة المفروض ان الوكيل او المدير يكون على معرفة تامة بالكمبيوتر لان العمل الادارى كله الان يتم عن طريق الكمبيوتر

[mahmoud20002010]

لا هذا كلام غير صحيح

[انجل اسماعيل]

ازاى فوق ال45 ما لهمش icdl وهم فى الفترة القادمة القيادات و الرؤساء
هل يعقل ان يكون الاصغر سنا اعلم منة فى الكمبيوتر
خصوصا عندما اصبح شئ اساسى فى التحضير و الاطلاع على كل جديدو استخدامة فى عروض الدروس و الطرق الحديثة فى التدريس
ازاى حيقيم الاصغر سنا و هو لا يعرف شئ عنه

[CAMELA]

بتتكلموا وخوفكم يوحى بأن ال icdl دى بعبع
يا جماعة الموضوع اتفه مما تتصوروا
مجرد اسئلة وبتعرف الاجابة عليها وبتدخل الامتحان
تخيلوا
معاكم اسئلة الامتحان كلها والاجابة عليها وداخلين الاختبار
ما تضحكوش الناس علينا
قبل ما تحكموا على الشىء حاولوا فيه الاول
وبعدين عيب لما تلامذتنا يشوفوا الكلام ده ويقولوا الاساتذه مش عارفين ياخدوا حاجه تافهه
انا معايا فى المدرسه زملاء ما كانوش يفقهوا شىء عن الكمبيوتر وكانوا برضوا موضوع الICDL ده مستبعدينه من حياتهم بيقولوا مستحيل
وبعد اجتياز اول مديول بنسبه تفوق ال 90 % شافوا ان الموضوع عبيط وبقوا يضحكوا على كلامهم
معذرة والله ما اقصد غير التشجيع وفعلا انا صادقة فى كل كلمة اقولها
وكمان لما تجتازوا اول مديول هاتكونوا بتنافسوا بعض على نسب النجاح بعد كده
لكن عليكم بالخطوة الاولى
ونصيحة ما تستنوش شرح المديولات
مجرد اسئلة واجابات بسسسسسسسسسسسسسس
وللعلم برضوه هاتستفيدوا كتييييير فى التعامل مع الجهاز
اتمنى التوفيق للجميع

[sobhy333]

رجاء المشاركات الجادة وبلاش بلبلة لو فيه خبر قائم على نشرات او اى فاكسات او قرارات يرفعها صاحب الخبر ، فنحن هنا لا نروج لشائعات ولا ينبغى لنا ذلك.

[tarek mahmod]

يا جماعة انا فى محافظة الاسكندرية والكلام الصحيح هو ان من تعدى 45 ياخذ اى سى دى ال على حسابة وليست منحة

[a18mr]

يا سيدى المحترم شهادةicdl حضرتك مطالب بها حتي ولو كان سن سعادتك ستين سنة إلا يوم ما تضيعش وقت وتوكل على الله والعملية سهله جدا وتقبل تحياتى