الى كل طالب وطالبة بالثانوية العامة

[همس]

بجد بشكركم كلكم على المشاركة في الموضوع


بس انا كنت عاوزة اقول ان احساس وحش ان الواحد مش يلاقي نتيجة تعبه ............. وبيصعب عليه نظرات اب وام كانوا بيحلموا بنتيجة تفرحهم....... وبيصعب عليه دمعة ممكن يشوفها وهي بتنزل من عين امه عشان خاطره........ يله الحمد لله على كل حااااااااااال

[د.حاملة المسك]

ان شاء الله خير ما تقلقيش
اهم حاجة بس تكونى عملتى اللى عليكى
وادعى كتير وان شاء الله تجيبى المجموع اللى انتى عايزاه
انتى عارفة انا فى سنة تانية جبت مجموع اقل من اللى كنت عايزاه
لكن الحمد لله فى تالتة مجموعى اترفع كتير والحمد لله دخلت الكلية اللى كان نفسى فيها
حاولى بس ماتشغليش بالك وقضى الاجازة عادى لحد لما تيجى النتيجة بقى
وربنا يوفقك ان شاء الله ويوفقكم اجمعين

[أحمد2025]

شكرا على الموضوع
أنا بس خايف من درجه الفرنساوى وربنا يستر

[Mohamed_AmeesH]

اولا اشكرك على الموضوع اللى زى العسل ده

هو احساسى انا عادى لانى الحمد لله ربنا كان معايا فى كل كلمه كتبتها وان شاء الله وبأذن الله هنجيب مجموع نضيف

سلامى

[MohammeD el_SadaT]

<div align="center">ربنا معاكم انا ربنى غسلنى منها ودلوقتى بقيت فى الكامحه
</div><div align="center"> </div>

[dodo34342000]

انا مش خايفة بس حسه ان شاء الله ان ربنا هيعوضنا خير و ان شاء الله الحق طب اسنان

السنة اللي فاتت ما كنتش متوقعة درجه الاحياء خالص كنت حسه اني منيلة فيها و في الاخر نقصت نص درجه و السنه اللي فاتت برده خرجت من امتحان الانجلش و انا حسه اني مقفلاه و طلعت في الاخر ناقصة درجه و نص

[gamal saber]

الحمد لله انا مكنتش بحس باى قلق لانى كنت ببقى عارف هجيب كام
وبعدين لسة لما تدخلو الكلية هتشوفو الهجس على اصولة
يلا ربنا يصبركم

[همس]

بشكر كل واحد قال رايه ويا رب يوفق الجميع........... بس الظاهر انا الوحيدة الي معيشة نفسي في نكد

[Ahmad Basha]

انا برضة شايل هم النتيجة و خايف منها, بس حاعمل اية تانى؟ انا خلصط الامتحانات و ماقدرش اغير اي حاجة فيها فاحمل همها لية؟ انا في رايي ان احنا ننسى الامتحانات و نكمل حياتنا لان الحياة لا تقف علي نتيجة الامتحانات و حتي لو شخص جاب درجات زبالة حياتة مش حتقف و حيكمل و ينساها خالص

<div align="center">انا الحمد لله تقريبا ضامن النجاح بنسبة 90%
و10% الباقين دول بتوع مادة مدخلتهاش يعنى همتحنها تخلفات فى اخر شهر 7 :D </div>

[*pretty*]

ليه بس بتفكرينا يا بنتى

الواحد مش عارف والله ده انا مرعوبه من النتيجة

لانى لما باطلع من المتحان باحط لنفسي درجة متوقعة اجيبها <_<

السنة اللى فاتت جبت اللى اتوقعته الحمد لله

السنادى بقي <_< <_<

مش عاوزة اجيب اللى اتوقعته :D

هاتبقي صدممممةةةةةة

ربنا يستر بقي

انا اصلا لسا ماخلصتش امتحانات

خير ان شاء الله

اكيد ربنا هايختارلنا اللى فيه خير لينا

وعسي ان تكرهوا شيئا و هو خير لكم

[همس]

برضه بشكركم كلكم والظاهر برضه مش في حد معيش نفسه في نكد غيري

عملتي ايه صحيح في الكيمياء يا مي كانت عسولة مش كده ؟

[COoL HEaRT]

ربنا معاكم كلكم يا جماعه انتم السابقون ونحن الاحقون
ده بجد اللى اقدر اقوله لأنى مش هقدر احس بيكم بس ده مش يمنع انى مرعوبه اساسامن دخول
الثانويه .

[همس]

يا رب ارزقني يا رب بالمجموع الي نفسي فيه انا وكل طالب وطالبة ....... ارجوك يا رب

[mohamed_oweis]

السلام عليكم ورحمة الله وبركاته
أنا عن نفسي عندي برود عجيب كدة من قبل الأمتحانات و أثناء الامتحانات و بعدها !
مش عارف حاسس أني بامتحن اعدادي و لا أولى ثانوي
عالعموم هدوء الأعصاب مطلوب جدا أثناء الأمتحانات .. و اللي اعرفه أن القلق مش هيزود النتيجه و الارتياح مش هينقصها

<div class='quotetop'>إقتباس(nada1990 @ Jul 1 2007, 02:09 PM) [snapback]337961[/snapback]</div>

والله الثانوية دى حظوظ وممكن الواحد يذاكر طول السنة وتيجى النتيجة زى الزفت

[/b]

صعب شوية الكلام دة
لو كانت حظوظ مكنش حد عذّب نفسه فيها و مكنش هيبقى كل الأهتمام دة
في الآخر اللي بيتعب بيلاقي .... و اللي مبيتعبش راخر ممكن يجيب نسبة كويسة بالغش مثلا بس ربنا مش هيباركله فيها
ولكل مجتهد نصيب