احسن مقال كتبته الصيف ده (كوميدي)

[rymond]

هعمل نفسي
ــــــــــــــــــــــــــ
هعمل نفسي مصدق ان حنان ترك في مسلسل ساره كانت بتحب احمد رزق
مع ان مش عارف هي بتحبه من انهي زاويه ده ؟؟
:
هعمل نفسي مصدق ان عضلات عمرو دياب دي طبيعيه ومش نفخ ومش بحقن
مع ان مش عارف مكنش قادر يجري في استاد القاهره ليه ؟؟!!
بس اكيد كان لسه جاي من التمرين ومفرهد


هعمل نفسي مصدق ان (ممدوح هاااي بقولك انت )هيرجعلك عضلات جسمك ولياقتك وهيرجعلك رشاقه جسمك وجماله في اسبوعين
مع ان مش عارف هو ليه بكرش ؟؟؟


هعمل نفسي مصدق ان فودافون شبكه المحمول الاول في العالم ..وموبينيل شبكه المحمول الاولي في مصر
وده علي اساس ان مصر مش جزء من العالم


هعمل نفسي مصدق ان هند صبري حولت اتصالات بعد ما كانت بتيجي في الاعلان وتقولك انا فودافون


هعمل نفسي مصدق حمله شيبسي (مصر هتختار طعمها ) وطلع في الاخر مصر طعمها جمبري
مع ان مصر كلها بعتت انا عايز شيبسي بطعم البانجو


هعمل نفسي مصدق ان هند صبري مش لاقيه حد يتجوزها وعايزه تتجوز
تقريبا ماجربتش تنزل مصر وده لان ربنا حماها من الشباب اللي هيريل وراها



هعمل نفسي مصدق ان الريس حضر فرح هاني رمزي
و هنا بقي نو كومنت عشان فيه رقابه بجد


هعمل نفسي مصدق ان الابيض قادم
هو بصراحه العميد وعد ..اول ما يطلعله شعر... الابيض هيجي علي طول



هعمل نفسي مصدق ان كريم عبد العزيز راح اسرائيل جاب مني ذكي وولادها ورجع

الاختلاف بينه وبين شريف منير كان علي وسيله المواصلات ..مكنوش عارفين يرجعها بالتوك توك ولا بالقطار



هعمل نفسي مصدق ان تامر حسني رجع من لبنان لمصر في الفتره اللي كانوا بينقلوا اخوه من البيت للمستشفي

بس ممكن المستشفي بعيده شويه عن البيت ...او عربيه الاسعاف اتأخرت



هعمل نفسي مصدق ان عمرو ذكي ..البلدوزر

تقريبا اللي سموه كده ماشافوش اميل هسكي بتاع انجلترا ...ولا شافوا محمد شعبان بتاع انبي وهو بيعلم عليه بعد ماتش انبي والزمالك

كان نازل خبر بيقول : ان محمد شعبان اصاب عمرو ذكي بجروح في رقبته
امال لو كان مسك حسين ياسر ..كان موته ؟؟!!



هعمل نفسي مصدق ان احمد حلمي ممكن يشتغل بودي جارد

عملا بمبدأ واحد صاحبي (يابني الخناقات مش بالجسم دي بالقلب والا مكنش تامر حسني طحن احمد زاهر في الفيلم )
واكيد طبعا احمد حلمي قلبه كبير ..ده بيحب مني ذكي


اعمل نفسك بقي المقال عاجبك ..واخبطني كومنت
ــــــــــــــــــــــــــــــــــــــــــــــ