منحة رأس السنة الهجرية ..............

[البرهان الرياضى]

شهر كامل للمتعاقدين
ونصف شهر للمثبتين
*************

[teacher120]

يا استاذ برهان دا هزار ولا كلام جد ( شهر للمتعاقدين ونص شهر للمثبتين)

[elswedy]

طبعا هزار
هو المتعاقدين على رسهم ريشة ولا ايه
ولو كده كنا خدنا كل حقوقنا

[ام ياسين وآمر]

المشاركة الأصلية كتبت بواسطة elswedy

طبعا هزار
هو المتعاقدين على رسهم ريشة ولا ايه
ولو كده كنا خدنا كل حقوقنا

طبعا جد المتعاقدين ولاد سبعه والمتثبتن ولاد تسعه

[طاهر القصاص]

انا سمعت نفس الكلام ده في المعهد عندنا انا شغال في الأزهر في الاسماعيلية ومشكوووووووووووووووور أخي الكريم
وياااااااااااااااااااااااااااااااااااااارب يكووووووووووووووووووووووووون أكيييييييييييييييييييييييييييييييييييد

[أ/محمد على أبوزيد]

اللهم اجعله خير

[ابو ناديه]

ياريت ياجماعة لما نكتب خبر يكون فعلاً متأكدين منه فعلاً أنا طبعاً شاكر للعضوة الفاضلة الخبر وهى بالتأكيد تقصد تفرحنا بس فى الحقيقة المفروض منقولش على أى خبر يتعلق بالفلوس لعدة أسباب :
1- أحنا اتعودنا من زمان منصدقش أى حاجة إلا لما توصل لإيدينا فعلاً وأ،تم عارفين ليه .
2- لما تيجى لنا أى فلوس بتقوم الدنيا وتقعد ونشر الخبر بيساهم فى كده .
3- مؤسسات كتير بتجيلها فلوس فى كل المناسبات ولا نعرف عنها شىء إلا بالصدفه دا إذا عرفنا اصلاً و مش عايز أدى أمثلة وكلكم عارفين اللى بياخدو آلاف الجنيهات بحجة إنهم مؤسسات منتجة وياريت يعرف اللى بيقولا الكلام ده إن كل اللى بيشتغلوا فى هذه المؤسسات طالعين من تحت ايدينا أحنا .
4- استعينو على قضاء حوائجكم بالكتمان صدق رسول الله صلى الله عليه و سلم.

[Mr MohammedHassan]

اللهم اجعله خير

[كابتن محمد فوزى]

يا رب يكون الكلام صح . والله المستعان

[محمد كامل فوده]

وان غدا لناظره قريب
نتمني ان يكون الخبر صحيحا

[aboali77]

نرجو من السادة صاحبى الأخبار التأكد حتى لانكونسخرية امام العاملين بالتربية والتعليم نحترم مشاركتنا بجدية لاننا اهل لكل احترام

[امان33]

ليه يا اخوانا اى حاجه ممكن فى عهد شيخنا اطيب

[فراشة الصعيد]

بصوا يا جماعة انا رجعت للإدارى عندنا
النهاردة وسألته عن مصدر الخبر
وقالى ان الخبر وصله من مدرس فى القاهرة
دايما بيجيبله اخبار من المشيخة

[Observer]

مشكور يا طيب حتى من غير فلوس

[مستر / طاهر أبو خزيم]

والله يا جماعه من غير منح ولا فلوس ولا مكافآت الدكتور الطيب نفسه اكبر واحسن مكافأة منحنا الله بها بعد طول زمان فالشيخ الطيب هو احسن وافضل من الفلوس والمنح كلها هو كفايه علينا من غير اى حاجه وربنا يبارك لنا فى عمره وصحته بجد هذا الرجل يستحق ان ندعو له جميعا من كل قلوبنا وبكل اخلاص ويكفى ان الشارع المصرى بأكمله يتحدث عن هذا الرجل بكل خير فلقد اعاد الأزهر الى سالف عصره واعاد له مكانته وهيبته واحترامه بين الشعوب وربنا يعينه على ما فيه الخير لجميع المسلمين