لا يغلبن جهل الناس بك علمك بنفسك

[MohammeD el_SadaT]

المشاركة الأصلية كتبت بواسطة drowns in a sea grief

السلام عليكم اولا
وعليكم السلام ورحمه الله وبركاته
ثانيا عندك حق والله يا عم محمد
و بجد موضوع جامد موووووووووووووووووووووووووت

عارف دة نظام جحا لما كان ماشى هو وابنوا اكيد الكل عارف الحكاية دى مهمها الواحد هيعمل مش هيعجب الناس

سيبك انت من الناس و خليك فى نفسك خليك فى الى انت بتعملوا مدام شايف انوا صح و مبتعملش حاجة لا عيب ولا حرام يبقا

ميهمكش

و ميرسى اوى يا محمد على الموضوع بجد تحففففففففففففففففففففففففففففففففففففففففففففة

يلا سلاموز بالمواضيع الجامدة اوووووووووووووووووووووووووووووووووووووووووى

حلوه حكايه جحا دى بجد يا منه بجد بتجسد اللى أنا عاوز أقوله
تسلم إيدك على الرد الجميل

[MohammeD el_SadaT]

المشاركة الأصلية كتبت بواسطة صوت الحق

شكرا على الموضوع والحل بسيط وهو رضى الله فى كل اعمالك ترضى عنك الناس

بجد يا أستاذ عصام تشريفك لموضوعى شرف عظيم ليا
و
فعلاً رد حضرتك
خير مثال على قول " خير الكلام ما قل ودل "

[Cray_Bird91]

موضوع جميل اوى

لى عودة ان شاء الله..

[the black rose]

المشاركة الأصلية كتبت بواسطة MohammeD.el_SadaT

بسم الله الرحمن الرحيم

السلام عليكم ورحمه الله وبركاته

عارف إنى من زمان مش كتبت ولا نزلت مواضيع فى المنتدى بصراحه مكنش ليا نفس عشان كنت إتخنقت من اللى بيحصل فى المنتدى

بس دلوقتى أنا معاكم وهكتب من جديد وهكتب وأكتب لحد ما تزهقو منى

رضا كل الناس

****************

طبعا كلنا بنفكر إزاى نرضى كل الناس ويبقى كل الناس بتحبنا ولما تيجى سيرتنا قدامهم قولو فى حقنا كلام كويس وحلو وممكن عشان نوصل للمرتبه دى

عند كل الناس نستخدم طرق كتير جداااااااااااا

ممكن الصدق الحب الشجاعه

وممكن الطريقه التانيه الرياء النفاق الخدعه

طب بصو عشان شكلى كده هطول عليكم تعالو ندخل فى الموضوع على طول

فى مقوله أنا كنت قرأتها زمان قالت

" يارب لقد فعلت ما ظننته صائبا لكن أخى الإنسان أدان أفعالى طول الوقت حاولت بأفعالى إرضاء البشر لكن ضاعت أنفسهم فضاعت نفسى ورائهم فى النهايه "

بعد ما قرأت المقوله دى سألت نفسى شوية أسأله

• لحد إمته هتفضل مهتم جداً كده برأى الناس فيك

؟؟؟؟!!!!؟؟؟؟
هو مش اهتمام براى الناس لانى عايزة حبهم بس الواحد يحب يعرف ايه الاجبايات و السلبيات فى شخصيته
و لو فى حاجة غلط فينا نصلحها لان مفيش انسان مبيغلطش و انا بحب مقولة بتقول
( ان وقعت فى الخطأ فانت انسان و ان اصريت عليه فانت شيطان )

• عاوز توصل عند الناس لأى درجه من الحب

؟؟؟؟!!!!؟؟؟؟
مش لدرجة معينة المهم الاول نوصل لحب ربنا ده اكيد الاهم
و قال الرسول صلى الله عليه وسلم " من اسخط الله فى رضا الناس سخط الله عليه و اسخط عليه من ارضاه فى سخطه ، و من ارضى الله فى سخط الناس رضى الله عنه ، و ارضى عنه من اسخطه فى رضاه ، حتى يزينه و يزين قوله و عمله فى عينيه "

• ممكن تعمل إيه عشان ترضيهم

؟؟؟؟!!!!؟؟؟؟
عمرك ما هتدقر ترضى الناس كلها و لو عملت المستحيل برده مش هتنال رضا الجميع

• ولو حب الناس ليك وإحترامهم ليك شىء تانى هتفضل إيه

؟؟؟؟!!!!؟؟؟؟
اكيد افضل الاحترام

• ووسط كل ده يا ترى إيه الطريقه المثاليه اللى هتتعامل بيها مع الناس

؟؟؟؟!!!!؟؟؟؟
اعامل ربنا معاملش الناس اتقى ربنا فى المعاملة

• طب تفتكر الناس ممكن تحبك على إيه وليه

؟؟؟؟!!!!؟؟؟؟
انت رديت و كمان بتحب الناس لتدينهم و احتراهم و حاجات كتير مش هقدر اقولهم كلهم

هجاوب أنا السؤال الآخير ده بدالك وأقولك ليه

إنك جدع وخدوم

رقيق وحساس ومشاعرك كويسه

إبن نكته وقعدتك حلوه

شيك كويس وستايل عالى وبن ناس

........................... وهكذا عده عندك بقه إنت

تعالى بقه بص لنظره الناس ليك / ليكى

لو إنتى بت
جدعه وخدومه وبنت بلد هتلاقى الناس بتقول عليكى دى بت مسترجله ( دكر ) يعنى من الآخر

ولو بقيتى رقيقه وحساسه هتلاقى الناس تقول دى بت مايعه ( ........ ) غير بقه إنك هتبقى فريسه لكل شاب

هيقول دى هتصدق الكلام الحلو المترتب ده فى ثانيه وهتقع

أما إنت بقه يا حلو

لو بقيت جده وخدوم هيقولو عليك ( هفأ ) وبيتنصب عليك ولو كنت راجل وشديد هيقولو عليك معقد وجاى من العصر الحجرى

ولو كنت بن نكته وقعدتك حلوه هيقولو عليك ( أرجوز قعده ) واحد أهبل بنتسلى بيه

يعنى كده لازم تبقى إنت كل دول فى بعض عشان تعرف ترضى كل الناس ودى طبعاً معادله صعبه جدااااً

ولو فرضنا إنك حققت المعادله دى ودا شىء مستحيل ختلاقى الناس بعد فتره بتقول

دا واد ( حلنجى وبيلعب بالبيضه والحجر وملوش أمان وممكن يبعنا فى أى وقت و .......... حاجات كتير كده ) يعنى من الآخر

هيطلعو فيك كل العب والقطط الفطسانه

******************
و احنا ايه اللى يخلينا نبص لرضا الناس علينا اصلا

بعد كل ده هسأل سؤال واحد

• هو مين قال إننا مطاليبن إن كل الناس تحبنا

؟؟؟؟!!!!؟؟؟؟
طبعا محدش قال كدة و مستحيل انها تحصل اصلا

بعد ما سألت نفسك السسؤال ده تعالى أديك مثل كويس أوووووى

وبعده لو لسه عند إعتراض قولى

• فيه فى الدنيا دى كام ديانه
  

؟؟؟؟!!!!؟؟؟؟

( إسلاميه ــــ مسيحيه ــــ يهوديه )

دا طبعا غير الحاجات اللى هى مش ديانات

( هندوسيه ــ ملحدين ـــ عبده بقر ــ ............ إلخ )

يعنى معنى كده إننا لو عملنا إستفتاء بين البشر على حب ربنا سبحانه وتعالى مش هياخد 100%

وطبعاً ده بمشيئه الله سبحانه وتعالى الذى لو شاء لأمن به من فى الأرض جميعا لكن دى حكمه ربنا فى خلقه

طب إذا كان ربنا سبحانه وتعالى كده يبقى إنت يا بنى آدم يا ضعيف يا مفعوص إنت عاوز الناس كلها تحب يا جدع إنكسف على دمك وخلى عندك شويه من الأحمر

************************************

وخلى بالك إن فيه حاجه كمان مهمه جدااا إن حكم الناس على بعضهم من معاير مختلقه يعنى كده

يا حلو هتضطر تستخدم الإسلوب التانى عشان ترضيهم إسلوب الرياء والنفاق والكذب والخديعه والحاجات

دى يعنى شوف إنت كان غرضك إيه وفجأه بأى إيه إتحولت 180 درجه للأسوأ والطريق إلى المعصيه

يا جماعه ما أسهله

************************************
اكيد انا معاك فى النقطة دى

لكن تعالى بقه كده بص فى الناحيه التانيه فى ناحيه الناس المحترمه اللى مش بيهمها غير الحب الأخ لأخوه هتلاقى

الطريق مفتوح وبيقلك تعالى

وهتلاقى هناك ناس هتقربك لطاعه الله سبحانه وتعالى

يعنى حاول تتقرب من ربنا وتقضى فروضك هتلاقى الناس بتقع فى غرامك وبيتقربو منك من غير حتى ما ترتب لكده

وطبعاً الناس دول المحترمين بس وإحنا ميهمناش غير الناس المحترمين وبس

• وبعدين يا جدع يكفيك حب ربنا سبحانه وتعالى ورضاه عنك و ايه

؟؟؟؟!!!!؟؟؟؟
والله انا قلت كدة قبل ما اشوف كلامك ده

****************************

يا جماعه

" لا يغلبن جهل الناس بك علمك بنفسك "

ودى يا جماعه جمله من ساعه ما قرأتها وهى مأثره فيا جامد أوووووووووووووى

" شيل الدين من الدنيا هتتحول فى ثوانى لغابه بس إزاى الناس هتقرب لو شيفنها كئابه عارف ليه دائما بيجلنا أمل ويروح كالعاده

عشان فاكرين الطريق الصح مفهوش سعاده"(دى اغنية )

وبكده يا جماعه يكون كلامى خلص ويهمنى جداااااااااااااااااااااااااااً أسمع رأيكم

السلام على من إتبع الهدى وخشى الرحمن وقال سلامً

طبعا انا رأيى قولته فوق
بس عندى ملحوظة ليك / انت بتكتب بكل الالوان مش عارفة ارد بايه

انا كاتبة باللون الاسود اللى تحته خط

[MoHaMeD ELsHeRbEnY]

اولا : الف مبروك رجوع مواضيعك الجامدة يامحمد


ثانيا خلاصة الموضوع دة كلة فى كلمتين مختصرين :


ان مش لازم الناس كلها تحبنى المهم محبة الله سبحانة وتعالى

ومن احبة الله احبة الناس

وبجد مضوعك رائع جدا يامحمد

لك منى اجمل وارق تحية على الموضوع الجامد دة

تقبل مرورى

[biob]

الشهاده لله الموضوع 100%
وعندك حق فى كل كلمه
يا جماعه احسن حاجه بدل مانرضى الناس نرضى ربنا
ومن خلال ده والله الناس هترضى علينا
لان ربنا لما بيحب العبد بيخلى سيدنا جبريل يحبه ولما يحبه سيدناجبريل تحبه الملايكه ولما تحبه الملايكه يحبه الناس اللى على الارض

[Cray_Bird91]

والله الكلام ده حقيقى

بدل ما الواحد يذل كرامته ويهين نفسه عشان بيحب واحد والواحد ده ميستاهلش اى حاجة يرضى ربنا الاول ويذل نفسه قدام ربنا سبحانه وتعالى

ففى حديث عن الرسول صلى الله عليه وسلم"انك لن تدع شيئا اتقاء الله عز وجل الا اعطاك الله خير منه"

[ من أرضى الله بسخط الناس ، كفاه الله الناس ، ومن أسخط الله برضى الناس ، وكله الله إلى الناس ] . ( صحيح )

وحديث تانى عن الرسول صلى الله عليه وسلم"من التمس رضى الله بسخط الناس رضي الله عنه وأرضى عنه الناس، ومن التمس رضى الناس بسخط الله سخط الله عليه وأسخط عليه الناس) أخرجه الترمذي في السنن.

وهكذا لاخر الاحاديث

يعنى بصراحة الواحد ميضيعش حياته على حب الناس حتى لو كان فى الحرام ويحب ربنا سبحانه وتعالى من قلبه

شكرا يا محمد على طرحك للموضوع الجميل

[M.Sherif]

( إن الرجل لينشر له من الثناء ما يملأ ما بين السماء والارض وما يساوي عند الله جناح بعوضة) !!!!!!!

[mena1990]

اولا:مبروك للمنتدى روجوعك
ثانيا:الموضوع جميل جدا ولانه
مشكله بتقبلنى انى اساسا بطبعى شقيه ربنا خلقنى
كده اعمل ايه؟؟؟؟؟؟؟؟؟؟؟؟؟؟؟
يقولولى مينفعش البنت لازم تكون صامته
وهاديه وتكون سر كده البنت تبقى جميله
اضحك على نفسى واعمل نفسى هاديه
يقولوا نفس الناس اللى قالولى ابقى هاديه
ايه النكد والعقد دى يا بنتى خليكى فريش
طلعوا عينى بس الحمد لله وصلت للحل
ان لو الكلام من فضه يبقى السكوت من ذهب
معلش طولت عليك يا استاذ محمد
اصل حضرتك قلبت عليا المواجع

[ضياء الدين سعيد]

أولاً شكراً على الموضوع يا سادات
وكلامك كله صح
لأن الواحد فينا لو بص للناس بيقولوا إيه وبعملوا إيه
مش هيتقدم

لكن إرضاء الناس ليس له إلا النفاق
لان ليس كل الناس على حق
وفى من كدا كتير
ممكن ندوس على بعض علشان نوصل لهدف معين
ولكن لما نرجع نبص فى النهاية
هنلاقى نفسنا خسرنا كتير قوى
خسرنا الدين
وكمان خسرنا الدنيا والصداقه و........... إلخ
علشان كدا
يبقى كل واحد فينا ملتزم بنفسه وذاته وشخصيته
لا ينافق من أجل أى شخص

وهيرجع وهيشوف بعدين
هو صح ولا غلط
هيلاقى حب الصادقين بعيداً عن المنافقين


شكرا للموضوع
تقبل مرورى
( d_e.s.t )

[o_a_m]

موضوع جميل جدا

[احمد رضا]

هههههههههه
نفاق فعلا اتصدق
عندك حق
مفروض الواحد يبقي عارف نفسه كويس وعارف هوا بيعمل ايه ؟
شكرا ع الموضوع

[العازف]

هو فى حد فاضى يكلم على حد الناس ماشيه تكلم نفسه والله من العذاب والقرف والعيشه الى عيشنها
الناس كلها بتحب الريس بيحبووووووووووووو اوى اوى اوى ربنا يخلى لين الريس قولو امين

[MohammeD el_SadaT]

المشاركة الأصلية كتبت بواسطة cray_bird91

موضوع جميل اوى

الأجمل هو مرورك الجميل

لى عودة ان شاء الله..

المشاركة الأصلية كتبت بواسطة cray_bird91

والله الكلام ده حقيقى

بدل ما الواحد يذل كرامته ويهين نفسه عشان بيحب واحد والواحد ده ميستاهلش اى حاجة يرضى ربنا الاول ويذل نفسه قدام ربنا سبحانه وتعالى

ففى حديث عن الرسول صلى الله عليه وسلم"انك لن تدع شيئا اتقاء الله عز وجل الا اعطاك الله خير منه"

[ من أرضى الله بسخط الناس ، كفاه الله الناس ، ومن أسخط الله برضى الناس ، وكله الله إلى الناس ] . ( صحيح )

وحديث تانى عن الرسول صلى الله عليه وسلم"من التمس رضى الله بسخط الناس رضي الله عنه وأرضى عنه الناس، ومن التمس رضى الناس بسخط الله سخط الله عليه وأسخط عليه الناس) أخرجه الترمذي في السنن.

وهكذا لاخر الاحاديث

يعنى بصراحة الواحد ميضيعش حياته على حب الناس حتى لو كان فى الحرام ويحب ربنا سبحانه وتعالى من قلبه

شكرا يا محمد على طرحك للموضوع الجميل

الشكر لله وحده وبجد رأيك وردك عين العقل وده اللى أنا عاوز أوصله فعلاً