إلى كل المعلمين الدخول للأهمية

[drfayoum2010]

المشاركة الأصلية كتبت بواسطة مصطفى محمد ص

لو ما كانش حد اثبت خالص ما كناش زعلنا لكن يثبتوا ناس ما تستحقش ويسيبوا ناس متعينة علي الباب الاول اجور موسمية منذ 2004 ويعينوا 2008 اذن القساد ما زال موجود لو انت اللي ضاع حقك ما كنتش حتقول كده

بما أن حضرتك قلت كده يبقى عارف حد خريج 2004 ومعملش عقد معلم مساعد ، طيب ممكن تقولنا ايه الأسباب الحقيقية لعدم تعيينه معلم مساعد منذ ذلك التاريخ؟؟؟؟؟؟؟

[soma elsaied]

كفاية انا زهت

[أشـرف فتحى]

والله عنك حق يا أخى الكريم .

وربنا يبارك فيك .

ويكثر من أمثاللك .

[hoduko]

انا باخد تربوي السنه دي ينفع اقدم افاده عشان ادخل الاكادميه

[عاشقه الجنه 29]

ربنا يبارك فيك يادكتر وبجد لازم امثال حضرتك يكلم الناس ويطمنهم بس بجد الناس تعبت من عدم المصداقيه اللى كانت بتعانى منه كل السنين اللى فاتت بس بجد لازم الكل يفهم ان كده بجد البلد هضيع مننا وبادينا زى مافى شباب طهرها فى بجد اللى هيدمرها بجد لازم حد محترم الناس تثق فيه يطلع ويوضح الموقف اكتر من كدة ونبعد بقى عن الاسلوب القديم المبتزل فى التعامل معى الشباب

[marwasamy]

انتم اتعينتوا الحمد لله وبعد كدة مش عاوزين اعتصامات دة عيبنا كل واحد يقول يالا نفسى

[احمد الكوامي]

ان شاء الله خير

[أحـمد قرنى]

بجد الواحد بدأ يشعر بالخوف على ما هو قادم
ايه شغل المافيا ده

[مصطفى محمد ص]

اقول لحضرتك الاسباب اللي خلت محافظة دمياط ما تغيرش العقدللمعلمين المؤقتين ولكن قبل ذلك اصحح لك معلومة احنا معينين من 2004 وليس خريجي 2004 والسباب هي الواسطة والمحسوبية وعلي فكرة اللي اتعينوا 2008 ما كانوش علي راس العمل اثناء تحرير العقود المعلم المساعد بما يخالف قانون الكادر الذي ينص علي انه يتم التعاقد مع الذين يباشون التدريس اثناء صدور القانون وتم حرماننا من دخول امتحان الكادر بحجة ان عقدنا قديم

[drfayoum2010]

المشاركة الأصلية كتبت بواسطة marwasamy

انتم اتعينتوا الحمد لله وبعد كدة مش عاوزين اعتصامات دة عيبنا كل واحد يقول يالا نفسى

يا أستاذه مروه ، أولا أنا مش مدرس وقد قلت هذا الكلام قبل ذلك ، ولكن زوجتى معلم مساعد وأنا متابع جيد لكل ما يحدث في التربية والتعليم ، ومشاركاتي كلها تدل على صدقي مع نفسي أولا ثم مع الأعضاء المحترمين جدا ، أحب أعرف حضرتك إنه غير صحيح بالمرة إن كل واحد بيقول يلا نفسي ، عندما أعلنت الوزارة عن أسماء المستحقين للتعيين كان اسم زوجتى والحمد لله موجود ضمن هذه الأسماء ، ونتيجة لأن هناك عدد كبير لم ترد أسمائهم ممن يستحقون التعيين ومستوفيين للشروط فقد قررت زوجتى الاعتصام معهم تضامنا مع زملائها حتى يستردوا حقهم ويتم التعيين للجميع مرة واحده ، وعلى الرغم من إنشغالي بأمور عملي إلا أنني قررت أن أشارك معها وصدقيني كنت أذهب أنا وزوجتي ومعايا أولادي الاثنين (يعني هاسيبهم لمين في البيت )، ولكن فوجئت بأمور خرجت عن إطار المطالبة بالحق وأخذت مسارا مختلف تماما عما بدأت عليه ( تحدثت عنها قبل ذلك في مواضيع أخرى) ، وبعد مشاركتنا لمدة ثلاث أيام متصلة قررنا عدم المشاركة مرة أخرى
وجاء بعد ذلك قرار الوزير المحترم جدا ، إذا فلا داعي للاعتصام ، ونعطي فرصة للمسؤلين لتحقيق مطالبنا

[soher.t.m]

المشاركة الأصلية كتبت بواسطة marwasamy

انتم اتعينتوا الحمد لله وبعد كدة مش عاوزين اعتصامات دة عيبنا كل واحد يقول يالا نفسى

على فكرة انا لسة والله ما تعينتش بس انا شايفة ان كل قرارت الوزير الجديدة كويسة جدا نصبر بقى لما نشوف ايه الى هايحصل.....وبعدين لو ماحصلش حاجة وقت المظاهرات والاعتصامات مش هايكون خلص .....لكن بالشكل دا البلد هاتخرب.....وعمر الامان ما هايرجع.....الصبر يا جماعة شوية....الكل بيشكر فى الوزير دا...وهو فعلا اهو قال قرارت كويسة.....ممكن مع الضعط دا يمشى.....وفى الحالة دى هاتصبروا غصب عنكم لما يلاقوا وزير جديد......يا رايت نصبر شوية لما نشوف ايه الى هايحصل بجملة السنين الكتير الى صبرنها......

[بسبوسه مصريه]

لازم نفترض حسن النية ونلتزم الصبر والخير جاى جاى انشاء الله

[pink life]

الصبر يا جماعه وان شاء الله بلدنا هتبقى احلى
بالزمه مش كل واحد راح مدرسته وحاسس بتغير نفسى الى الاحسن وحماس للعمل اكثر من الاول

[leprince2010]

انا من زمان وانا بقول كدة بس الناس عاوزة توقع البلد والنظام المحظور والحزب الواطى عاوز يخلى البلد فوضى

[محمد سعيد عبد العزيز]

منذ عام 2002 مررت بكل المراحل في العمل بالحصة " 120 قرش " ثم بالحصة " 2 جنية " ثم عقد من الإدارة غير معترف به في المديرية بـ ( 120جنية ) ليس لي راتب في الأجازات الرسمية ثم جاء الفرج في 2009 بعقد مميز ( 340 جنية ) و الأن يقال التنعيين لمن تعاقد منذ ثلاث سنوات هل يعقل هذا ؟