دعوة لإسقاط دفتر التحضير ( دفتر تحضير المدرس )

[marwasamy]

المشاركة الأصلية كتبت بواسطة كابتن محمد فوزى

اخوانى الطلب القادم بعد اسقاط دفتر التحضير هو العمل يومين فى الاسبوع فقط والراتب كامل والطلب الذى يلية ان نأخذ مرتبات لا تقل عن 2500 جنية او حتى دولار .
متيجى احسن نقعد ف البيت ونطالب بعدم الزام التعليم فلا فائده منه والمرتب لازم يوصل البيت كامل طبعا .
اخوانى لا وقت للاسقاط الان الوقت للبناء.
معلم بدون دفتر التحضير مثل الطالب بدون ادوات ؛ ممكن ان نتكلم فى طريقة التحضير او الدفتر وما يحتوية او غيرة ولكن اسقاط دفتر التحضير والله عيييييييييييييييب
مصر مش ناقصه مطالبات غير عقلانيه!!!!!!!!!!!!!!!!!!!!!!!!!

اهو تهريج كل شوية مطالب لما انشاء الله هيولعوا فى البلد ناقص يقولوا يسقط الطباشير وعاوزين اقلام سبوربة بلاش تهريج

[elmassry2006]

والله يا كابتن انت اجدع راي انا قريته وده اللى انا كنت هقوله بس للاسف انت سبقتني ايه اللى الناس عماله تخترعه ده كل شوية واحد ييجي بفكرة شكل وعايز يعمل مظاهره مليونية عشان ينفذ طلباته

[جارةالوادى]

انا شايفة ان فيه حالة من الفضا (الفراغ يعنى)بدأت تعم المنتدى ده اكيد مابعد الصدمة لان مكنش حد متوقع ان يبقى فيه تعيينات والكلام ده دلوقتى وبدأنا ندور بقى على حاجة تشغلنا الشوية اللى قاعدينهم على المنتدى
الناس اللى بتطالب بالغاء دفتر التحضير للاسف يعنى كلامهم تربويا غير صحيح لان حتى استاذ الجامعة اللى حضراتهم بيقولو انه مش مقيد بدفتر تحضير بيبقى داخل المحاضرة وعامل ورقة فيها الخطوط الرئيسية للموضوع اللى هيتكلم فيه او بيقرا من الكتاب ويبدأيشرح او يعلق او يناقش فالتحضير بطريقته اللى اتعلمناها فى التربوى من الموجهين او حتى اساتذتنا فى الجامعة يهدف لترتيب افكار الموضوع وترتيب عناصره من الفكرة البسيطة للمركبة لتصل للطالب بشكل منظم ومنطقى وليست بشكل عشوائى مع اعطاء زمن محدد لشرح كل عنصر مثلا على حدة والتطبيق عليه وتقبل التعليقات والاسئلة وهكذا يعنى عملية تنظيم للمحتوى بيستفيد منها كل من الاستاذ سواء فى امكانية طرح افكار جديدة او تذكر اشياء مر عليها فترة من الزمن والطالب فى هضم معلومات ممنطقة منظمة بشكل سلس

[جارةالوادى]

انا خايفة بعد كدة ننادى بالغاء الطلبة والمدارس ونقولهم وصلولنا مرتباتنا فى البيت دليفرى

[teacher_2]

مدير الإدارة كان عندنا بسبب مشكلة البلطجى
قلتله احنا مش هنعدل النتيجة ولا نرفعها قالى اى نتيجة للمدرسة هنقبلها
امال بيقرفونا لازم الرفع ليه؟ طالما المستوى تعبان لازم يترفع المستوى الفعلى ويمنع الغش نهائى فى المدارس

[zeyad22]

كلنا نريد اسقاط دفتر التحضير (دفتر الروتين)

[zeyad22]

والله يا جارة الوادى فايقة و رايقة

[10القعقاع]

المشاركة الأصلية كتبت بواسطة كابتن محمد فوزى

اخوانى الطلب القادم بعد اسقاط دفتر التحضير هو العمل يومين فى الاسبوع فقط والراتب كامل والطلب الذى يلية ان نأخذ مرتبات لا تقل عن 2500 جنية او حتى دولار .
متيجى احسن نقعد ف البيت ونطالب بعدم الزام التعليم فلا فائده منه والمرتب لازم يوصل البيت كامل طبعا .
اخوانى لا وقت للاسقاط الان الوقت للبناء.
معلم بدون دفتر التحضير مثل الطالب بدون ادوات ؛ ممكن ان نتكلم فى طريقة التحضير او الدفتر وما يحتوية او غيرة ولكن اسقاط دفتر التحضير والله عيييييييييييييييب
مصر مش ناقصه مطالبات غير عقلانيه!!!!!!!!!!!!!!!!!!!!!!!!!

جزاك الله كل خير صدقت ،
الوقت الآن وقت بناء
وبدل ما نُسْقِط دفتر التحضير ،
نظبط التحضير كعناصر رئيسية ثم إلى أفرُع ثم الشرح
تابع لإجتهاد وضمير كل مُعلـِّم
مع ربه سُبحانهُ وتعالى

المشاركة الأصلية كتبت بواسطة جارةالوادى

انا شايفة ان فيه حالة من الفضا (الفراغ يعنى)بدأت تعم المنتدى ده اكيد مابعد الصدمة لان مكنش حد متوقع ان يبقى فيه تعيينات والكلام ده دلوقتى وبدأنا ندور بقى على حاجة تشغلنا الشوية اللى قاعدينهم على المنتدى
الناس اللى بتطالب بالغاء دفتر التحضير للاسف يعنى كلامهم تربويا غير صحيح لان حتى استاذ الجامعة اللى حضراتهم بيقولو انه مش مقيد بدفتر تحضير بيبقى داخل المحاضرة وعامل ورقة فيها الخطوط الرئيسية للموضوع اللى هيتكلم فيه او بيقرا من الكتاب ويبدأيشرح او يعلق او يناقش فالتحضير بطريقته اللى اتعلمناها فى التربوى من الموجهين او حتى اساتذتنا فى الجامعة يهدف لترتيب افكار الموضوع وترتيب عناصره من الفكرة البسيطة للمركبة لتصل للطالب بشكل منظم ومنطقى وليست بشكل عشوائى مع اعطاء زمن محدد لشرح كل عنصر مثلا على حدة والتطبيق عليه وتقبل التعليقات والاسئلة وهكذا يعنى عملية تنظيم للمحتوى بيستفيد منها كل من الاستاذ سواء فى امكانية طرح افكار جديدة او تذكر اشياء مر عليها فترة من الزمن والطالب فى هضم معلومات ممنطقة منظمة بشكل سلس

جزاكِ اللهُ خيراً ،
نحن نقول تجديد نظام دفتر التحضر ولا لإسقاط دفتر التحضير

نسأل الله تعالى بكل أسمائه الحُسْنى وبكل صفاته العُلى أن يحفظ مصر من كل سوء وأنْ يَجعلها أمناً أماناً سخاءً رخاءً وسائر بلاد المُسلمين
اللُهُمَّ آميييييييييين يا حيُّ يا قيُّوم

[العروبة2]

مستر سعيد طاهر (صاحب الموضوع)
بالطبع شكراً على رأيك من حقك تعبر عنه بأي شكل من الأشكال
وللعلم أنا صوت غير مؤيد ودفتر التحضير هام وضروري
وذلك للاعتبارات الشخصية الآتية :-
* بعض المدرسين إذا لم يحضروا لن يهتم بشكل أو بآخر بما سوف يفعلونه في الحصة.
* بعض المدرسين غير المهتمين سوف يفرحون لعدم وجوده لانعدام الرقابة عليهم. (هترد وتقول الرقيب ربنا ) أرد: (وأقول اللي خلهم يكتبوا أي حاجة في التحضير ، هيعتبروا إن في رقيب عليهم )
* يؤدي وجود دفتر التحضير لدى البعض لتنويع أساليب التفاعل من العملية التعليمية خلال السنوات " بمعنى أن السنة دي تناسب معايا طريقة التحضير الفلانية ، أما السنة الماضية فقد تناسب معها طريقة التحضير كذا ...... مما يؤدي إلى تغيير أسلوب التواصل والشرح مع التلاميذ لصالح العملية التعليمية وكمان يعني .... عشان "الضمير" و طبعاً " الرقيب ربنا" .
* أرجو النظر فيما طرحت .
وأخيراً :: رأي خطأ يحتمل الصواب ... ورأي غيري صواب يحتمل الخطأ .

[أيمن الشابوري]

فكرة مبتكرة

[همسات القلوب]

فعلا كل مشاكلنا اتحلت باقي دفتر التحضير

[Mark 2011]

بدل ما نطالب باسقاط دفتر التحضير ياريت نطالب باسقاط السبورة و الطباشير
و ندعو لاستحدام التكنولوجيا الحديثة

[moselhy86]

المشاركة الأصلية كتبت بواسطة drmtn

الشعب يريد إسقاط دفتر التحضير

باعتبارى أعمل مدرساً بوزارة التربية والتعليم منذ ما يقرب من خمسة عشر عاماً ، هناك سؤال يحيرنى ويكاد أن يطير منه عقلى ، ألا وهو ما هى أهمية وجود ما يسمى ( دفتر التحضير )، هذا الدفتر العقيم والذى يقوم فيه السيد المدرس بنقل بعض العناصر من الكتاب المدرسى ويكتب تحت كل عنصر سطر أو سطرين من نفس الكتاب المدرسى ثم يقوم بإملاء هذه الكلمات على الطلاب بالفصل مما يضيع على الطالب والمدرس أكثر من نصف الحصة ، وبإعتبارى مدرساً منذ أكثر من 15 عاماً أقسم لكم بأنه لا توجد لهذا الكائن المسمى بـ ( دفتر التحضير ) أى فوائد إن لم تكن له من السلبيات ما يطغى على صالح العملية التعليمية ، وهناك من يقول بأن دفتر التحضير يقوم فيه المدرس بإثبات التاريخ والحصة مما يثبت أنه قد قام بالتواجد والشرح ، وأقول بأن هناك دفتر آخر يسمى دفتر السلوك والمواظبة ( دفتر الدرجات ) وفيه يتم إثبات التاريخ والحصة وكذلك الغياب ، وأرى أن هذا فيه ما يكفى لإثبات التواجد .

ثم إن هناك شئ آخر، ما الفرق بين مدرس التربية والتعليم والمدرس الجامعى ( فكلاهما من أب وأم مصريان ، وكلاهما يقومان بالعملية التعليمية ) إن لم يكن مدرس الإبتدائى والإعدادى والثانوى يبذل من الجهد أكثر بكثير من المدرس الجامعى ) فإننا بالرغم من ذلك نجد أن المدرس الجامعى يدخل للمحاضرة ويبدأ فى الشرح والتحليل دون الارتباط بدفتر تحضير أو درجات أو غيره ، وأنا لا أطلب أن نكون بكل هذا الرقى نظراً لطبيعة المرحلة العمرية والفكرية للطلاب الذين نقوم بالتدريس لهم واختلافهم عن المرحلة العمرية للطالب الجامعى ،كل ما نطلبه هو القضاء على ما يسمى ( دفتر التحضير ) .

وإلا فما فائدة الكتاب المدرسىوالذى يتم الصرف عليه مبالغ طائلة لإخراجه فى شكل جميل ومتطور ، ثم نقوم نحن بالقضاء عليه عن طريق ما يسمى بدفتر التحضير والذى يقوم المدرس بنقل بعض السطور منه فى دفتر التحضير ثم يقوم بإملائها على الطالب فى الفصل دون فتح الكتاب المدرسى من أساسه ( والذى يقول غير هذا فهو كاذب ) أو هو صادق وهو الوحيد الذى يفعل ذلك .

لذا
فهذه دعوة لإسقاط دفتر التحضر
المدرسون يريدون إسقاط دفتر التحضير
وإحياء دور الكتاب المدرسى ، حيث يقوم المدرس بالبدء مباشرة ومن أول دقيقة فى الحصة بفتح الكتاب المدرسى والقراءة منه على الطالب وشرح ما ينبغى شرحه ووضع الخطوط تحت النقاط الهامة ، وأقسم أن هذا الأمر ستجدون فيه من الفوائد العظام

للتواصل : 0146252407 said_taher2000*yahoo.com
وعلى موقع التواصل الإجتماعى facebook :

دعوة لاسقاط دفتر التحضير

ربنا يشفيك ويصلح حالك

[سمسم طه]

انا شايفة انه ليه مزاياه طبعا كفاية ترتيب الافكار وبيدينا فرصة للابداع للى يستغل التحضير بطريقة تربوية صحيحة مش ينقل مش كشكول السنة الماضية لكن التقيد بيه وقياس شغل المرس على اساس تنظيمه دا من اهم عيوبه الزائر بيجى عينه لعى لدفتر مش المستور ولا الشغل بس دا مش يمنع انه ليه فوايده ياجماعة انا مش معاكم

[سمسم طه]

الافضل تناقش فى ازاى هتطور اسلوبك ف التعليم والتدريس وازاى هتطور من نفسك وانت بتدرس للطلبة مش نفكر نلغى الدفتر
تعيين واتعينا فاضل ايه ؟
اللى اتعين يقدر يقول هيعمل ايه بقى بعد التعيين ؟
ناوى على ايه؟
بيفكر ف ايه؟
دا الافضل والاولى اننا نناقشه؟