لا نريد احمد جمال الدين موسي وزير للتعليم

[om rawaa]

كل الكلام الي انتوا قولتوه كويس بس احنا في شمال سيناء الوضع الامني خطييييييييييييييير بدرجة تخوف النهاردة امبارح كان في خناقة في الشارع الناس بترمي بعضها بقنابل مسيلة للدموع وصوت الرصاص في كل حتة واحنا شغالين على الخط يعني في القرى وما فيش امن ولا شرطة نزلت البلد وقرروا الدراسة يوم الاحد تفتكروا في وضع زي ده مين قادر يطلع بنته ولا مراته ولا امه ولا حتى ابنه يروح للاماكن البعيدة علشان يشتغل اظن عاوزين رسالة عاجلة لوزير التربية والتعليم كان لازم تفكر الف مرة قبل ما تقر انه في دراسة انه كمان في اماكن الامن فيها معدوم بمعنى الكلمة واحنا عن نفسنا مش رايحين اي مكان ولا هانشتغل

[أحمد جودة3]

وزير محترم جداااااااااااااااااااا
واتمنى انه يستمر
يكفي انه خد قرار جريء جدا بتثبيت المعلمين المتعاقدين ومعلمي الحصة
عاوزين نحب بلدنا وننسي نفسنا شوية ...........ارحمونا بقي

[تامر محمود مراد]

اعطوا الرجل الفرصه الكاملة

[طاهر الشاعر]

ارفض جمال الدين اللي مهتم بديوان الوزارة ومهمل المعلمين

[همسات القلوب]

انا شايفه ان الموضوع يتلغي احسن انتو لو جابو نجمه من السما مش هتعجب ارحمونا بقي وخلي البلد تهدي شويه مش كل حاجه عاوزينها تتحق ف غمضة عين

[امل اليكس]

المشاركة الأصلية كتبت بواسطة أحمد جودة3

وزير محترم جداااااااااااااااااااا
واتمنى انه يستمر
يكفي انه خد قرار جريء جدا بتثبيت المعلمين المتعاقدين ومعلمي الحصة
عاوزين نحب بلدنا وننسي نفسنا شوية ...........ارحمونا بقي

المشاركة الأصلية كتبت بواسطة تامر محمود مراد

اعطوا الرجل الفرصه الكاملة

المشاركة الأصلية كتبت بواسطة همسات القلوب

انا شايفه ان الموضوع يتلغي احسن انتو لو جابو نجمه من السما مش هتعجب ارحمونا بقي وخلي البلد تهدي شويه مش كل حاجه عاوزينها تتحق ف غمضة عين

يا جماعة لو سمحتم حد غيري

يرد علي الناس دي يظهر انهم من بره مصر ولا ايه


وبالذات علي الاخ بتاع ارحمونا بقي ده

[علاء خليفه]

ايه يا جماعه اهدوا شويه عيزين البلد تمشي شويه للأمام
احنا عيزين اقتراحات بنائه في حدود الواقع انا شايف انكم كده بتظلموا الراجل ابعتواليه كل مقترحاتكم في تحسين التعليم مش طلبتنا بس

[teacher120]

لا لاحمد جمال الدين
احنا بنقول لازم يكون من وسطنا ويكون تربوى لانها ببساطه وزاره التربيه والتعليم مش وزاره بترول ولا هندسه ولا طب

يبقى لازم يكون متخصص فى التربيه وفقط
مش لازم يكون معاه ماجستير او معاه دكتور المهم يكون شخص من المدرسين وله برنامج جاد لحل مشاكل التربيه والتعليم ولارتقاء بالطالب والمدرس معا

[امل اليكس]

المشاركة الأصلية كتبت بواسطة teacher120

لا لاحمد جمال الدين
احنا بنقول لازم يكون من وسطنا ويكون تربوى لانها ببساطه وزاره التربيه والتعليم مش وزاره بترول ولا هندسه ولا طب

يبقى لازم يكون متخصص فى التربيه وفقط
مش لازم يكون معاه ماجستير او معاه دكتور المهم يكون شخص من المدرسين وله برنامج جاد لحل مشاكل التربيه والتعليم ولارتقاء بالطالب والمدرس معا

الله ينور عليك ويكرمك علي قول الحق


الغريب ان الموضوع اتنشر فعلا علي الصفحات

وبالذات صفحة القوات المسلحة وصفحة شرف


بس المنتدي هنا مضايق اني قولت تربوي

[Mark 2011]

انا من رايى افضل من يصلح وزيرا للتربية و التعليم احد من مارسوا هذه المهنة في اي مرحلة من مراحل التعليم سواء ابتدائى او اعدادي او ثانوى و ان يكون مشهودا له بالكفاءة و حاصلا علي دورات تدربية في مجال التربية فهذا يكون افضل من الاستاذ الجامعى لان الاستاذ الجامعى لم يمارس مهنة التدريس لمراحل التعليم قبل الجامعى و بالتالي لا يعرف متطتلبات هذه المرحلة

[Azhar Aly]

ارفض بشدة جمال الدين كوزير للتعليم

[teacher_2]

موازنة 2011-2012 ازاى
هو باقى له شهرين ويمشى
واللى بعده هيغير الكلام طبعا
يا عم الوزير ياريت تتكلم فى شغل مداه شهريين
متعشموناش عشان نقول ده كان ناوى يعمل ويسوى
ارفع المكافأة الجاية دى مش اللى بعدها
خلينا نفتكر لك اى حاجه كويسه
الثورة لها ناس استفادت والمعلمين محدش استفاد منهم
هما مش فاهمين قوة المعلم فى الدولة ولا ايه؟؟
لو حصل اضراب مع امتحانات الثانوية مثلا
الدنيا هتقف
نرجو من القائمين باعمال الوزارة استيعاب الدرس

يفتحو مخهم شوية
ما يعزلوش انفسهم فى عالم تانى
الوزراء المؤقتين بتنافسون فى رفع مرتبات التاعين لهم
الا التعليم
بيروقو على بتوع ديوان الوزارة فقط
والمعلم يخبط دماغه فى الحيط

[امل اليكس]

ان شاء الله طلبنا يتنفذا اذا اصرينا عليه


لازم نفضل نبعت الجملة علي صفحة رئيس الوزاراء

وصفحة القوات المسلحة


ووسائل اخري

ارجوا الا نبخل علي مستقبلنا برسالة الي هذه الجهات


جملة واحدة


مش عايزين احمد جمال الدين

نريد وزير التعليم المصري مدرس حاصل علي دكتوراه او ماجيستير في التربية


الفيس بوك


الصفحة الرسمية للقوات المسلحة علي الفيس بوك


الصفحة الرسمية لحكومة شرف

الصفحة الرسمية لوزارة التربية والتعليم


وهذه وسائل ضافها لنا الاخ نور


يميل الدكتور رئيس الوزراء
pm*cabinet.gov.eg

شكاوي المواطنين المصريين
http://www.egypt.gov.eg/services/Loa...ction=citizens

[soha_teacher]

مش عاوزينة فعلا خزلنا قدام باقى الوزارات
بعد ما كنا مميزين بالكادر بقينا اقل فئة حتى الكادر بردة مكنش لية لازمة اوى وبعد ما الصحة رفعت المرتبات بقينا اقل فئة

[hnd_free]

انا بصراحة عاوز وزير تعليم يهتم بالتعليم الابتدائى وعاوز الوزير ده يكون من المدرسين وما يكونش حاصل على الدكتوراة ولا اشتغل فى الجامعة نهائيا لان الدكتور اللى اشتغل فى الجامعة وانا بقول الكلام ده ومتأكد منه ما يعرفش مشاكل المدرس داخل المدرسة ولا داخل الفصل والدليل انهم عمالين يرسلوا لينا طرق مختلفة فى تعليم القراءة والكتابة على سبيل المثال واقسم بالله ان طريقة (وزن )القديمة احسن منها ميت مرة . انا عاوز وزير مدرس مش دكتور عشان يعرف المشاكل الحقيقية اللى بيتعرض ليها المدرس . انا عاوز وزير التعليم الحالى يقولى فى اى دولة يتم تطبيق نظام التقويم الشامل اللى اثبت عدم فاعليته واللى حول المدرس لكاتب محكمة كل همه يملأ الاوراق ويستفها حتى ينال رضا لجان الجودة اللى سرقت فلوسنا واللى هى اول حاجة مهينه للمدرس حيث انها تفترض فيه قلة الضمير وتنزل للمتابعة الصورية الهزلية . ف5ى النهاية الوزير ده مع كل احترامى ليه ماعندوش جديد يقدمه بل انه لسة ماشى ع القديم وبيطبقه . ولا اتفق معه فة شىء ولا اى طريقة تحدث عنها لتطوير التعليم وكل زملائى متفقين حول هذا الكلام من خلال ما اسمعه منهم وربنا يساعدنا من اجل الاجيال القادمة .