مهزلة الكمبيوتر التعليمي

[omarwasfy]

فى مشكلة فى النظام التعليمى كله لان التلاميذ بيذاكروا الحاسب عشان ينجحوا فى الامتحان مش عشان يستفيدوا من الماده
عموما انا طالب وشفت كتير ناس كده

[أستاذ الكمبيوتر]

قبل أن ابدأ أريد أن أعلمكم بأنني متفق معكم تماماً في أن المادة مهمشة شكل كبير
وهذا لا يرضينا على الاطلاق
ولكن اذا نظرنا الى منهج v.b سنجده منهجا أكبر من سن الطلاب في الصف الثالث ع وكذلك صياغته واسلوب شرح الكتاب والتطبيقات كل ذلك زاد البلة طين كما يقولون
ولكن صدقني اللي حصل ده كويس ( وجهة نظر )
لانه كما ذكرت لابد أن تعاد صياغة المنهج بشكل جديد ليس في 3 ع فقط بل على مستوى كل المراحل والصفوف
وصدقني لو ما حصلش غش في الامتحانات فلن تتعدى نسبة النجاح في هذه المادة 20 % على مستوى الجمهورية
فهذه فرصة جيدة بالنسبة الينا كمعلمين لنثبت لأنفسنا أن المشكلة في المنهج والامكانات وليست فينا نحن
فهيا اخواني المعلمين شمروا عن همتكم وارونا ما عندكم فها هي حجتنا قد بطلت بعض الشيء

[زياد_عاطف]

انا عن نفسى كمدرس كمبيوتر بأشبه نفسى زى المهرج إللى مطلوب منه يقول نكت جديدة أمام الجماهير " الطلبة " لكن للأسف المهرج ما فيش فى جرابه غير نكته أو إثنين بيعيد و يزيد فيهم ==
أنا مش عارف == هل المفروض كنا شرحنا حسب المنهج ده بطريقة السلو موشان ==
مات فيش حاجة تتشرح == هل اللى حدد الملغى و الاثرائى قعد قدام الكتاب 5 دقايق عشان يعرف نتيجة الكارثة اللى عملها==
فيه طالبه دخلت المعمل فى الفسحة هى و زميلتها == بعد ما حزفنا == و قالتلى هو ايه اللى باقى فى المنهج == و كانت فى اول السنة زعلانة ان الكمبيوتر ب 10 درجات حاجة ببلاش كده==
أعتقد دلوقتى المفروض نستكتر 5 درجات على الكمبيوتر==
و ممكن ده تهيأه لينا و للطلبة يبقى الكمبيوتر كده مادة مهمشة ==
على فكرنا المادة بتتحارب من باقى المدرسين فى المواد الأساسية - مش عارف ليه == طيب المغرضين راحوا فى ستين !!! == لأنهم كانوا مغرضين و لهم أهداف و ما كانوش عارفين يعنى ايه مصلحة بلد و شعب ==
== عايزين نغيير العقول ايضا و لو العقول دى ما عندهاش استعداد فمع ستين الف سلامة ==

[ahmed_aboelkher]

انا مدرس حاسب الى والله ياحماعه الظروف غير سامحه بجد للشغل فالحمد لله ان الجزء الكبير ده اتلغى ، وده راى الخاص ، وانا عارف ان كلامى مش هايعجب ناس كتيره انهم خايفين على الماده بالفعل بس والله ، احنا بنشتغل فى قلق والله ومبقاش للواحد نفس يشتغل بجد فى زمن الاضرابات وشكرا للاعضاء الكرام

[نهى البلك]

والله فى حاجات كتير قوووووى فى المنهج احنا مش فهمنها اصلا ومحدش فهمها ولا حتى الموجهين بتعونا ليه منهج تلاته اعدادى صعب كدخ بجد حرام

[الوليد11]

الله المستعان ياللا تعالوا نغير كل الموجهين لان دول فى الاساس لو فهموا هتوضح المسأله لان موجهين دمياط كلهم غير متخصصين ياللا السلامه على المادة

[tamav]

المشاركة الأصلية كتبت بواسطة أستاذ الكمبيوتر

قبل أن ابدأ أريد أن أعلمكم بأنني متفق معكم تماماً في أن المادة مهمشة شكل كبير
وهذا لا يرضينا على الاطلاق
ولكن اذا نظرنا الى منهج v.b سنجده منهجا أكبر من سن الطلاب في الصف الثالث ع وكذلك صياغته واسلوب شرح الكتاب والتطبيقات كل ذلك زاد البلة طين كما يقولون
ولكن صدقني اللي حصل ده كويس ( وجهة نظر )
لانه كما ذكرت لابد أن تعاد صياغة المنهج بشكل جديد ليس في 3 ع فقط بل على مستوى كل المراحل والصفوف
وصدقني لو ما حصلش غش في الامتحانات فلن تتعدى نسبة النجاح في هذه المادة 20 % على مستوى الجمهورية
فهذه فرصة جيدة بالنسبة الينا كمعلمين لنثبت لأنفسنا أن المشكلة في المنهج والامكانات وليست فينا نحن
فهيا اخواني المعلمين شمروا عن همتكم وارونا ما عندكم فها هي حجتنا قد بطلت بعض الشيء

اسمحوا لى اعرقكم بنفسى / انطون اميل مدرس حاسب الى بمحافظة الفيوم
اولا : انا اسف المنهج مش صعب ولا حاجه المشكله ان اغلبنا من مدرسيين الكمبيوتر خريجى معاهد حاسب والاغلبيه فى درستهم محولش يتعلم حاجه
ثانيا : انا واحد فى مدرسه اعدادية ثانويه رياضيه ( من الاخر الطلاب فيها بيدرسوا منهج عادى ومضاف إليه مادة التربيه الرياضيه كتخصص ) وطبعا اهتمام الطلاب ضعيف لكن صدقونى انا شرحت الكتاب كله ماعد ا Listbox واللى انا واثق منه ان الطلاب الاوئل او الطلاب المهتميه بالمذكرة وان كان النسبه قليله 5 من 30 فى كل فصل فهمييييييييييييييييييييييييييييييييييييييييييييييي ييييين وهم دول اللى بيذكروا اصلا فى المدرسة

واحب اضيف انى كنت محتاج لفتره اضافيه للتدريبات العمليه واللى اتمنى ان يبقى فى فالمسقبل تدريبات عمليه فى فترة الاجازه وانا عن نفسى قررت اعمل كده بانى بدات اجمع المتميزين من طلاب المدرسه وعندى بعض الطلاب من خارج المدرسه وهحاول اشوف ليهم مكان ادربهم عملى على منهج 3ع والاروع منهج 1ث

يجماعة ارجوكم الماده دى هى اهم ماده ممكن تغير اقتصاد مصر
بيل جيتس ابتدا وهو طالب فى 2 ث فى بدروم تحت السلم وحاليا اغنى رجل فى العالم