عودة الشباب إلى التحرير بعد نتيجة الاستفتاء على التعديلات الدستورية

[هانى الشرقاوى]

أرفض هذه الدعوات ..

[Mr Hamada Hashish]

احنا كنا مع الثورة من اول يوم بس اللى هيحصل دا يبقي تهريج منهم احنا قلنا كلمتنا نسيب البلد تمشي بقى

[مستر/ عصام الجاويش]

ربنا يشفيهم
هو الفاشل دايما بيعمل كده

[king 99]

المشاركة الأصلية كتبت بواسطة مستر/ عصام الجاويش

ربنا يشفيهم
هو الفاشل دايما بيعمل كده

لا ادرى لماذاتكره هؤلاء الشباب استاذ عصام ؟؟ لا اتمنى ان يكون السبب هو اعتقاد بأنكم كنتم فى معركة للتعديلات وفزتم بها لأنها لم تكن معركة ولا حربا حتى تنتهى بفائز ومهزوم

ولكن اتمنى ان اعرف من وجهة نظركم لماذا هم فاشلون ؟ وكيف فشلوا ؟ واذا كانوا فشلوا فيما نجحتم وكيف ؟؟؟

بالنسبة للخبر فلم اسمعه او اقرأه الا هنا على عكس اليوم السابع اللى اعلن فيها انه لم يذهب احد للميدان وان الأحزاب بدأت تستعد للأنتخابات

[احمد م حجازي]

يجب أن نتعلم الرأي و الرأي الاخر و كيف يحترم كل منا رأي الاخر
و لا يحجر كل منا على رأي الاخر

يبقى مش الحزب الحاكم بدكتارويته و تسلط الرأي الذى أدي الى الفساد
و نرجع الى الشباب الغير واعي الذي يستبد برأيه

فالنقم بمحاورتهم و لا نتركهم هاكذا هناك ايدى خبيثة تعبس بالبلد

افيقوا لبيا الان تتعرض لاحتلال كما أحتلت العراق و احتلت أفغانستان و اليوم الدور ايضا على اليمن و البحرين و سوريا

هذا هو الشرق الاوسط الجديد اتلذى كان يخطط له القوي العظمى

أن يتم تقسيم الشرق الاوسط مرة أخري بين الدول الاستعمارية القديمة

كان رأي نعم لهذة الاسباب
اكتبها مرة اخري
أن شاء الله نعم للتعديلات الدستوزرية نعم لدستور جديد بعد الانخابات الرئاسية نعم للحراك السياسي في الشارع المصري لا يوجد خوف من اجراء انتخابات برلمانية ثم شورى و محليات ثم انتخابات رئاسية و عمل دستور جديد و اجراء استفتاء اخر على الدستور الجديد و اجراء انتخابات اخري برلمانية كثرة اخراء الانتخابات و الاستفتاءات ظاهرة صحية لانها تحدث حراك سياسي و تؤدي الى زيادة الوعي قومي لدي الشعب و أيضا تؤدي لتفريغ ىعناصر سياسية جديدة و اوجه جديدة و الكل يعمل من اجل مصر

و لا هناك من يدعوا الى الخوف من الاخوان المسلمين لا نها دائما تعمل فى النور و بعد اسقاط و حل أمن الدولة هم اكثر حصرا و على مصلحة الامة و دائما يعملون من أجل مصر لا من أجل مصالح شخصية و لا يريدون الوصول الى كرسي الرئاسة
و لا خوف من بقايا الحزب الوطني لانه ليس لهم أصلا وجود على ارض الواقع حتى فى ظل النظام الفاسد السابق فما بالنا الان

[modym2020]

اذا حدث ذلك بالفعل فانهم يشوهون ما قاموا به من قبل

يجب ان يحترموا الشعار .....الشعب يريد

وقد عبر الشعب عن رأيه وليس المعارضة او التحرير او .......

[mostafa 333]

خير الرد على السفيه السكوت اولا دول لا شباب الثورة و لا خلافه دوول شوية غوغائيين الانتخابات نزيهه نزيهه عاوزين ايه تانى بلا قلة ادب

[MOHSEN1960]

العيال دى خدت اكبر من حجمها
كفايا بقى

[mohsen ghareeb]

هؤلاء الشباب يدعون أنهم يريدون الديموقراطية وهم أبعد الناس عن فهمهم لمعناها فهم لايحترمون إرادة الشعب ويفرضون أنفسهم أوصياء عليه لذلك يجب التصدى لهم بكل قوة لنبدأ فى بناء مصرنا الحبيبة

[ananoo]

ياريت محدش يربط بينهم وبين شباب الثورة
اكيد شباب الثورة متبريين منهم
لو الجيش طردهم من التحرير بالقوة محدش هيلومه
دول اعداء الديموقراطية عاوزينها تبقى فوضى

كان الله في عون الجيش

[lamona13]

والله كدا مش هينفع كفاية كدا أنتوا كدا هتبوظوا ألى عملته
لزمن الكل يرضى بتيجة الأستفتاء ولا أعتقد أن هؤلاء الشباب ليسوا من شباب ثورة 25 يناير
المفورض كفاية كدا الأقتصاد المصرى فى متدهور والبرصة مغلقة وعاوزين نفوق للتهديدات الخارجية
أسرائيل مش ساكتة عمال تلعب فى دول حوض النيل

[ashrf_madi]

هو ديمن الصاقط يدور على اى حجه
مرة يقول الحزب الوطنى
مرة تنية يقول الاخوان
طول عمر السقط يدور على مبرر لسقوطه
امال فين الديمقراطية
هم عيزين حد يربيهم
دول اعداء الديموقراطية عاوزينها تبقى فوضى

[AMAR ELLYALY]

والله انا رأى المتواضع انى الاعلام يتجاهلهم بقى
لأنهم بالاعلام شدين خيلهم قوى ومش هيسكتوا حتى لو المجلس الاعلى عمل اية ودل اصلا عاملين معلش فى التشبية زى الطفل كل لما تلبيلة مطلب لازم يطلب حاجة تانى انما بقى لو تجاهلناه مش هيقول حاجة تانى

وبصراحة الموضوع زاد عن حدة فاتقلب ضدة

[ممدوح مصطفى الانصارى]

أجزم بانه لا علاقة لهؤلاء الشباب
بشباب الثورة .

[الـشـيـمـ ء ـا]

مش دى اخلاق الشباب اللى كانو فى التحرير ابداااا

بس لو هما عملو كدة فعلا انا بأيديهم
لان كدة ثورتهم مش اسقطت الدستور بسبب الاخوان والتيارات الاسلاميه ولان نفس الناس اللى قالت بعد خطاب الرئيس المخلوع كفايه كدة والناس اللى فى التحرير دى قاعده تعمل ايه غير انهم ياكلو كنتاكى ما الريس غيرلهم الحكومة هما نفسهم الناس اللى بيقولو برضو نعم للترقيع تحت شعار استقلال البلد .. وجماعات الاخوان والتيارات المزعومة انها اسلاميه بتسيطر على عقول الناس الطيبين وتقنعهم بنعم (رغم ان الدستور المرقع دا له نفس صلاحيات الرئيس القديم غير انهم حجموا فتره رئاسته و مفيش فى نصوص لمحاكمته ومحاكمة حكومته عند الخطأ) . .. اهى الناس دى هى اللى بتبوظ اللى عمله الشباب فى التحرير ولوثت ثورتهم .. مينفعش كده لانه ممكن يحصل بنفس الصورة فى انتخابات الرئاسه والانتخابات البرلمانيه .. الحكومة (بمساعدة الجيش) غيرت من نفسها لكن الناس مش قادرين يغيرو من نفسهم للاسف