التمسك بالنصاب القانوني للمعلم

[teacher_2]

المشاركة الأصلية كتبت بواسطة mark 2011

البعض يقول انه لا يجوز اعطاء الحصص الاحتياطى و الاشراف لكل من الاخصائى و المدرس الاول و الوكيل ما مدي صحة هذا الكلام و ما موقف المدرس المنتدب من الاحتياطى و الاشراف

الحصص الإحتياطى مفروض انها بتتوزع فى الجدول
ح ح ح ح
ولما يكون الفصل غائب مدرس عربى يبقى يدخل مكانه عربى
الغائب رياضيات يدخل رياضيات
ان توفر ذلك
الأهم فالمهم

[mashaer_112]

انا معايا 24 حصة بس طبعا التخصص 21 و3 العاب ورسم ودي اكثر حاجة مضيقاني لان المديرة عندي متحيزة بتدي حد 24 حصة تخصصه وحد تاني حصص اقل وتخصصه برده ومن ده كتير

[امل اليكس]

عايزين العمل بالتخصص وعدد الحصص ينزل للمعلم المساعد والمعلم الي 18 حصة وكده المدرسة تحسب العجز ولازم تطلب مدرسين انشطة مين يتخيل ان مدرستي لافيها مدرس رسم ولا العاب ولا موسيقي ولا افتصاد طب ليه عيالنا يتحرموا من كل ده

[محمد حسين الشربينى]

نصابي 24 حصة بخلاف الاحتياطي
يعنى تقريبا مش بطلع من الفصل

[أحمد عبدالله عبدالنبى]

انا نصابى 21حصه غير حصه او اتنين احتياطى بس ده بمزاجى زبين بعضنا يعنى

[عمر العدوى]

نصابى 24 بعد ما عملت مشكلة مع الموجة لانو كان عايزهم 27 وحلها انو جاب مدرسة بالحصة ودا افضل ليها عشان يتعمل لها عقد ربنا يقوى الجميع

[حاتم عبد السلام]

عندنا فى المدرسة المدرس الاساسى بيرفض يمضى على الحصص الاحطياطى
رغم اننا كل منا معه نصابه واكتر شوية

[ثورة 25 يناير]

المشاركة الأصلية كتبت بواسطة امل اليكس

يبقي لازم نتمسك بنصابنا الحقيقي عشان نجبر الوزارة بالتعاقد مع مدرسين جدد وده لصالح الجميع

بصى يا أمل مع احترامى لك وأنك معك حق فى كل اللى بتقوليه لان دا حقنا بس أنا كان أهم حاجة عندى التعيين ودا الحمد لله تم للجميع . ومفيش عندى أى مشكلة أنى اشتال 30 حصة عما يجيبوا مدرسين لأن أهم حاجة عندى دلوقتى البلد تهدى كل حاجة عادت نار . بجد حرام مصر عادت بتضيع مننا ولازم نحافظ عليها شوية لما الأمور تتيسر سوف نطلب بذلك لكن دلوقتى مفيش أى مشكلة نتعب شوية أحنا يعنى بنتعب فى إيه أحنا بنعلم وبناخد ثواب كبير من الله على ذلك ودا أهم حاجة .