موقف المعلم المساعد اللى دخل الكادر 1ابريل

[امة الله محمود]

السلام عليكم ورحمة الله وبركاته
طيب ممكن اسأل سؤال بس ياريت حد يجاوبني عليه
انا اشتغلت تحت مسمي الاجر من 2006 لحد ماجالي التعاقد 2009 وامتحنت كادر وارجو من الله لي وللجميع التوفيق فيه,طيب ان حصلت المعجزة ونجحت في الكادر هل هتعامل بالتعاقد وهستني كمان سنة تانية عشان اتعين علي قانون الثلاث سنوات,ولا هينظروا بعين الرأفة حتي لو سنة من الثلاث الماضية تحت مسمي الاجر,مع العلم أني قدمت للادراة مايثبت هذا الكلام,ولو حد حالتي مشابهة لحالته ياريت يفيدني وشكرررررررررا جزيلا
واخر وليس اخيرا اللهم اصلح لنا احوالنا وثبت قلبنا علي الايمان امين يارب العالمين

[ابو الفاروق]

يا جماعة الخير

ال 3 سنوات دول احنا فى التربية والتعليم ملناش دعوة بيهم على الاطلاق

قانون الكادر يقول تعاقد لمدة سنتين تحت مسمى معلم مساعد يحق ليك فيها التقدم لاختبارات الاكاديمية بعد السنة الاولى طالما مستوفى لشروط الاختبار وعند النجاح فمن حققك الترقى لوظيفة معلم وهى المسمى الوظيفى الثانى فى الوظائف التعليمية فى القانون المصرى
كل من هو تعاقد وتحت مسمى معلم مساعد فهو مثبت على معلم مساعد لحين استيفاء الشروط وعند الاستيفاء تتم الترقية لمعلم والتعيين علي الدرجة الثالثة التخصصية بوظيفة معلم فى جدول الوظائف فى قانون الكادر


اما الثلاث سنوات يتثبت فهى كانت محاولة الوزارة لاستيعاب غضب المعلمين فمن عمل 3 سنوات بالاجر او المكافأة او العقد العادى فسوف يتم تثبيتة على وظيفة معلم مساعد متعاقد لمدة سنتين على الاقل لحين استيفاء الشروط وبعد الاستيفاء يتم التعيين اى انة لا جديد لان هذه الخطوة كانت ستتم فى اى وقت عين فية من امتحنوا الكادر فى 2009 وكانت ستتم مرة اخرى بعد من سيعينوا بعد امتحانات 1/4 ولكن المفيد فى هذا الامر انها سوف تمنع التلاعب الذى كان يحدث اثناء ابرام العقود

ولكن حددت العقد بمن امضى 3 سنوات عمل بالاجر ياريت دة كان بيحصل من زمان كان زمان ناس كتير اوى اتعينت وخدت حقها فى تعبها طول السنين بدل ما دلوقتى فى ناس اتعينت وهى خريجة 2007 وناس تانية مازالت بالعقد او بالاجر وهى خريجة 2000 و 1999

[aleman]

من حق المحافظ بعد عام من تعاقد المعلم المساعد واجتيازه امتحان الكادر والicdl والدبلوم التربوى فى خلال عام
ان يعينه فورا

[YASSER_HASSAN]

انهاردة جي في الادارة منشور بيوضح انه من امضي ثلاث سنوات سوف يثبت علي وظيفة معلم مساعد بالتعاقد لمدة ثلاث سنوات ومن حقه ان يدخل امتحان الكادر بعد سنة واحدة ازا حصل علي مؤهل تربوي وال icdl

[Mr.ramy00]

المشاركة الأصلية كتبت بواسطة yasser_hassan

انهاردة جي في الادارة منشور بيوضح انه من امضي ثلاث سنوات سوف يثبت علي وظيفة معلم مساعد بالتعاقد لمدة ثلاث سنوات ومن حقه ان يدخل امتحان الكادر بعد سنة واحدة ازا حصل علي مؤهل تربوي وال icdl

كلامك جميل بس فيه حاجة مهمة احنا معلمين مساعدين من2008ودخلنا الكادر 4.1 ومر علينا اكثر من ثلاث سنوات سواء بالاجر او عقد مميز يبقى موقفنا ايه